Gadra nitsoaka ny fonjan’i Farafangana : Voasambotra i Marolahy, dimy volana taty aoriana

  • samedi, 16 janvier 2021 19:21

Voasambotry ny Zandary avy ao amin’ny « Poste Fixe » Anosivelo, Distrikan’i Farafangana, nandritra ny fisafoana nataon’izy ireo, ny harivan’ny alarobia 13 janoary 2021, i Marolahy. Iray tamin’ireo voafonja niisa 88 nitsoaka nandritra ny fahavakisan’ny fonjan’i Farafangana ny alahady 23 aogositra 2020 ity farany.

Halatra vola 670 000 Ar narahina herisetra no nidiran’i Marolahy ny fonjan’i Farafangana ny 29 desambra 2018. Notsaraina izy ny 03 jolay 2019 ary voaheloka higadra an-tranomaizina dimy taona sazy mihatra.

Natolotra ny fampanoavana ny Fitsarana ambaratonga voalohany Farafangana i Marolahy, ny 15 janoary 2021, ary naverina am-ponja.

Mbola misy 16 ireo voafonja karohina amin’izao. Nampanantena valisoa 2 tapitrisa Ariary isaky ny gadra voasambotra moa ny fanjakana, ho an’izay olona manome loharanom-baovao ahazoana misambotra ireo voafonja nitsoaka ireo.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.