EMMO-NAT : Hanambara fepetra mikasika ny fihanaky ny Covid-19

  • mercredi, 07 avril 2021 09:38
  • Balita
  • Tahirin-tsary nindramina

Hanambara ireo fepetra mifanandrify aminy mikasika ny fihanaky ny valanaretina Covid-19 ry zareo ao amin’ny fitandroana ny filaminana anio alarobia 7 aprily.

Ao amin’ny Salle d’honneur ao amin’ny Toby Ratsimandrava Andrefan'Ambohijanahary, Antananarivo, no hanaovana izany amin’ny 11 ora antoandro.

Hifandrimbonan’ny Tafika Malagasy sy ny Zandarimariam-pirenena ary ny Polisim-pirenena ny raharaha.
Izy telo tonta ireo mitambatra no mandrafitra ny antsoina hoe EMMO-NAT.

Ny lehiben’ny fibaikoana ny Zandarimariam-pirenena dia ny Jeneraly Andrianjanaka Njatoarisoa no mpitarika ny EMMO-NAT, araka ny lalàna manankery.

Balita Raharisoa

 

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.