Niakatra Fitsarana ny 14 oktobra, tetsy Anosy, Rahajason Harry Laurent, minisitry ny serasera teo aloha ary fantatry ny maro amin’ny solon’anarana hoe : Rolly Mercia eo amin’ny sehatry ny asa fanaovan-gazety.

Nanao izay ho afany ny mpisolovava tamin’ny fiarovana azy. Hivoaka androany alakamisy 15 oktobra ny didim-pitsara. Naverina eny Antanimora, fonja itazomana azy nanomboka ny 16 jolay izy, miandry izany.

Fitarihana olona hidina an-dalambe tsy nahazoana alalana teny Ambohipo izay nosokajiana ho fanohintohinana ny filaminana anatiny sy ny fiandrianam-pirenena no anisany anenjehana azy, sy lehilahy efatra hafa.

Ny 16 jolay 2020 ity Minisitra teo aloha ity no nosamborina sy naiditra am-ponja.