Tselatra

    • samedi, 23 janvier 2021 10:37
    • Tahirin-tsary ZP

    Ankoriky Kaominina Ramena : Hita faty ilay ramatoa nofaohin’ny rano niaraka tamin’ny 4x4

    Hita harivan’ny 22 janoary 2021 tao Ankoriky Kaominina Ramena Antsiranana II ny vatana mangatsiakan’ilay vehivavy, iray tamin’ireo olona roa tao anatin’ilay fiara 4×4 lasan’ny rano tao Antomboka Namakia ny marainan’ny 19 janoary 2021 lasa teo raha avy any Antsiranana hiazo an’Andranovondronana nandritra ny andro ratsy. Vehivavy handeha hitady drakatra no nahita ny faty. Efa nalain’ny fianakaviany ny faty taorian’ny fanamarinana sy ny fizahana nataon’ny dokotera teo anatrehan’ny mpitandro ny filaminana. Ny marainan’ny 21 janoary 2021 hita faty tao amin’ny seranan’ny orinasa iray mpamokatra sira ao Antsahampano, Antsiranana II ny tovolahy iray, 27 taona, namily ilay fiara 4x4 tamin’ny fotoana nitrangan’ny loza. (Jereo Sary Tohiny)  
    Lire la suite ...
    • vendredi, 22 janvier 2021 21:11

    Analamanga : Sekoly miisa 15 no hisitraka rano fisotro madio avy amin’ny Japoney

    Sekoly miisa 15, mpianatra 1686 ary mpampianatra miisa 78 eto amin’ny Faritra Analamanga no hisitraka toerana famatsiana rano fisotro madio avy amin’ny Masoivoho Japoney. Hahazo tombontsoa amin’izany tetikasa izany ny EPP avy ao amin’ny Cisco Antananarivo Avaradrano, Atsimondrano, Manjakandriana ary Anjozorobe. Tanjon’ity tetikasa ity ny hanamora ny fanomezana lanja ny fahadiovana amin’ny alalan’ny fanasana tanana amin’ny savony sy ny rano, ary ny fahafahana misitraka rano fisotro madio. Tontosa androany teny amin’ny Masoivoho Japoney eny Ivandry ny fanaovan-tsonia ny taratasy fifanaraham-panomezana izany teo amin’ny Masoivoho Japoney miasa sy monina eto Madagasikara sy ny lehiben’ny fikambanana Miarintsoa izay hanatanteraka ny asa. Nanotrona izany ny Minisitry Fanabeazam-pirenena Dr Sahondrarimalala Marie Michelle, ny Sekretera jeneralin’ny Minisiteran’ny Rano, ny Fanadiovana ary ny Fidiovana ary ny Talen’ny kabinetran’ny Faritra Analamanga. (Loharanom-baovao : MEN)  
    Lire la suite ...
    • vendredi, 22 janvier 2021 20:52
    • Sary : MTTMM

    Fitaterana : Fiara mpitatitra olona miisa 38 naiditra « fourrière » fa tsy nanaja fepetra ara-pahasalamana

    Taxibrousses sy taxibe suburbains miisa 38 no nogiazana ambalapamonjana mandritra ny 10 andro, nanomboka ny sabotsy 16 janoary 2021 no makaty, noho ny tsy fanajana ireo fepetra samihafa, entina hisorohana ny valanaretina Covid-19. Tohin’ny fivoriana izay niarahana tamin’ireo koperativa sy mpitatitra izao hetsika fanaraha-maso izao, izay mbola mitohy hatrany.    
    Lire la suite ...
    • vendredi, 22 janvier 2021 14:25
    • Sary nindramina

    RN6 : Misy mitora-bato ireo fiara mandalo, maro no vaky fitaratra

    Fiara manao asa fitaterana amin’ny lalam-pirenena faha6, mampitohy an'Ambondromamy sy Antsiranana iny, no niharan’ny tora-bato ny alin’ny 21 janoary hifoha ity 22 janoary 2021 ity, teo anelanelan'ny tanàna Betomendry sy Ambodibonara. Tsy nisy aina nafoy na koa entana voarava, saingy vaky fitaratra ireo fiara. (Jereo Sary Tohiny)
    Lire la suite ...
    • jeudi, 21 janvier 2021 20:51
    • Sary ZP

    Antsahampano-Antsiranana II : Lehilahy iray hita faty roa andro taorian’ny nipaohan’ny rano azy niaraka tamin’ny fiara

    Lehilahy iray, 27 taona, no hita faty androany maraina tao amin’ny seranan’ny orinasa iray mpamokatra sira ao Antsahampano, Antsiranana II. Iray tamin’ireo olona roa tao anaty fiara 4x4, nopaohin’ny ranontrambo ny marain’ny talata 19 janoary 2021 teo izy io, teo amin’ny renirano Antomboka Namakia, raha avy any Antsiranana hiazo an’Andranovondronana nandritra ny fandalovan'ny andro ratsy Eloise. Efa nalain’ny fianakaviany ny faty taorian’ny fanamarinana sy ny fizahana nataon’ny dokotera teo anatrehan’ny Zandary.Efa hita ary nakarina avy ao anaty rano ihany koa ny fiara nitondra azy ireo. Mbola misy ramatoa iray tao anatin’io fiara io, karohina amin’izao fotoana izao. Mifarimbona amin’izany ny andary, Miaramila ary ny Fokonolona. (Jereo Sary Tohiny)
    Lire la suite ...
    • jeudi, 21 janvier 2021 18:54
    • Sary ZP

    Toliara : Tonga manoloana ny Lapan' ny fitsarana ireo vahoaka avy ao Betsinjaka

    Androany 21 janoary tokony tamin'ny 09ora sy sasany maraina dia tonga manoloana ny Lapan'ny fitsarana teto Toliara ireo vahoaka avy ao Betsinjaka, Distrika Toliara II. Olona eo amin'ny 200 eo no nitondra sorabaventy mitaky ny amoahana ny filohan'ny Filan-kevitra monisipaly ao amin'ny Kaominy Betsinjaka, izay nigadra rehefa notorian'ny Ben'ny Tanàna ho nivarotra ny tanin'ny Kaominina taman'olon-kafa. Nidina teny an-toerana avy hatrany ny zandary nifampiresaka tamin'ireo vahoaka nivory, ary noferana mafy tsy hibahana ny arabe. Nanaiky ireo ary nipetraka eny amin'ny sisin-dalana. Nilamina teo amin'ny tribonaly. (Jereo Sary Tohiny)
    Lire la suite ...
    • jeudi, 21 janvier 2021 17:00
    • Sary nomena

    Eloise : Tafaverina ny jiro Ambatoboeny

    Maty tanteraka ny jiro teto Ambatoboeny omaly satria nilavoan'ny hazo ny fil ny jirama vokatry ny fandalovan'ny rivotra sy orambe nentin'i Eloise ny alarobia 20 janoary . Tsy nitazam-potsiny anefa ny miaramila avy ao amin'ny ZRPS DELTA Ambatoboeny, tarihin'ny Colonel Christian Jean Randrianantenaina, fa avy hatrany dia nanapaka an'ireo hazo nanindry ny fil ny Jirama mba ahafahan'ny Jirama mamerina ny jiro. Maromaro ireo trano simba, mbola mandrahona ny andro fa efa tsy misy rivotra sy orana firy intsony.Efa niverina kosa ankehitriny ny jiro eto Ambatoboeny. (Jereo Sary Tohiny)
    Lire la suite ...
    • jeudi, 21 janvier 2021 08:37

    Jirama : Nanome 48ora ny fitondrana ampidinana ny vidin'ny jiro sy rano

    Tapaka tamin'ny filankevitry ny minisitra omaly alarobia 20 janoary 2021 fa tsy tokony mbola ampiharin'ny Jirama ilay fikajiana vaovao izay mampiakatra ny vidin'ny jiro sy rano, nefa ny vidim-piainana miakatra, ary vao avy nisedra ny olan'ny valanaretina Covid-19 ny Malagasy. Manamafy ny fitondrana fa mahazo fanampiana na subvention anarivo tapitrisa ariary ny Jirama ka ilaina ny fampidinan'ny orinasa Jirama ny saran'ny jiro sy rano izay mahakasika ny fiainam-bahoaka. Manome 48ora ny Jirama ny fitondrana handaminana ireo faktiora izay tsy takatry ny mpanjifa intsony ny fandoavana azy. Manamafy ity filankevitry ny minisitra ity fa mila maka ny hevitry ny ministera mpiahy sy ny governemanta manontolo ny Jirama alohan'ny ampiakatra ny vidin'ny jiro sy rano.  
    Lire la suite ...
    • mercredi, 20 janvier 2021 18:01

    Miary Lamatihy - Sakaraha : Nitrangana halatra osy miaro fakana an-keriny

    Ny alin'ny 16 janoary 2021 no nitrangan’ny halatra osy miaro fakana an-keriny tao Antsapana Kaominina Miary Lamatihy, Distrika Sakaraha. Osy miisa 42 no nangalarina dahalo, ary olona 3 nataon’izy ireo takalonaina. Niditra ny ala zombitse ireo dahalo ireo.Nifarimbona ny Zandary sy ny Fokonolona nanao fanarahan-dia. Nisy ny fifandonana. Vokany, tafaverina avokoa ny osy rehetra, toy izany koa ireo olona 3 voatazon'ireo dahalo. Azo sambo-belona ny dahalo iray, karohina ireo namany.  
    Lire la suite ...
    • mercredi, 20 janvier 2021 10:50

    Mahitsy – Ambohidratrimo : Nitrangana fanafihana mitam-piadiana

    Andian-jiolahy mitondra basy sy sabatra no mandroba ny tsena izay mbola nisokatra tao Mahitsy, Distrika Ambohidratrimo tokony ho tamin’ny 7ora hariva ny talata 19 janoary. Fivarotana maro no voatafika ary nitsoaka ireo jiolahy taorian’izay. Mandray an-tanana ny raharaha ny Zandary.  
    Lire la suite ...
Page 7 sur 621