Politique

    • vendredi, 11 décembre 2020 20:19
    • Zakaria

    Fifidianana Loholona : Nanamaloka azy ny fizaram-bola, fampitahorana sy fandrahonana ny mpifidy vaventy

    Nizotra tamim-pilaminana ny fifidianana Loholona, na dia teo aza ireo tsy fahatomombanana vitsivitsy, araka ny tatitra nataon’ny fiarahamonim-pirenena SAFIDY, manara-maso ny fifidianana. 88% ny taha-pahavitrihana amin’ny fifidianana hatramin’ny 12 ora. Ampahitsiahivina fa miisa 12 465 ny Mpifidy vaventy eran'ny 119 Distrika, mizara isam-paritany ho : 2 428 eto Antananarivo ; 3 144 ho an’i Fianarantsoa ; 2 140 ho an’i Toliara ; 1 854 ho an’i Toamasina ; 1 785 ho an’i Mahajanga ary 1 114 ho an’i Antsiranana. Nahitana fitaterana iombonana nitondra ny mpifidy vaventy teny amin’ny 17% n’ny Distrika nanaovan’ny SAFIDY fanaraha-maso. Nahita fizaram-bola na/sy zavatra hafa ho an’ireo mpifidy ireo mpanara-maso, ary koa naheno sy nahita fampitahorana sy fandrahonana natao ireo mpifidy.  
    Lire la suite ...
    • vendredi, 11 décembre 2020 09:38
    • Zakaria

    Fifidianana loholona : Andro fandatsaham-bato anio

    Tanterahina anio zoma 11 desambra 2020 manerana ny tanin'ny Repoblikan'i Madagasikara ny fifidianana Loholon'i Madagasikara. Nisy ny fanavaozana nataon'izao fitondrana izao mikasika ny firafitry ny Antenimierandoholona, ka 18 no ho isan'ny mpikambana handrafitra ity andrimpanjakana faharoa eto amin'ny firenena ity. Fidiana anio ny 12 amin'ireo (2/3), 2 isam-paritany ary tendren'ny filohan'ny Repoblika kosa ny 6 ambiny (1/3). Mpifidy vaventy, dia ireo Ben’ny tanàna sy mpanolontsain’ny tanàna no voatondron’ny lalàna fa hifidy amin’ity. Miisa 12 465 izy ireo no voasoratra anarana. Na izany aza, misy Kaominina 24 tsy anaty lisitry ny mpifidy.Miisa 2 428 ireo mpifidy vaventy ato amin’ny Faritany Antananarivo izay ahitana kandida (lisitra) 3 mifaninana.
    Lire la suite ...
    • jeudi, 10 décembre 2020 12:07
    • Njaka
    • Sary Njaka

    Antenimieram-pirenena : Lany ny lalàna mifehy ny rafim-pampianaran’ireo mpampianatra mpikaroka

    Nolaniana teo anivon’ny Antenimieram-pirenena ny alarobia 09 desambra ireo Tolo-dalana nasiam-panitsiana, sy nasiam-panovana, araka ny didim-panjakana laharana 2003-008 tamin’ny 05 Septambra 2003 sy 95-023 tamin’ny 06 Septambra 1995 mifehy ny rafim-pampianaran’ireo mpampianatra mpikaroka sy mpikaroka mpampianatra. (Jereo Sary Tohiny)
    Lire la suite ...
    • jeudi, 10 décembre 2020 11:56
    • Zakaria
    • Sary nomena

    Antenimierandoholona : Nandray tolo-dalàna mikasika ny « Nosy Malagasy »

    Tonga nanolotra tolo-dalàna mikasika ny « Nosy Malagasy » tao amin’ny Antenimierandoholona ireo delegasiona miady amin’ny famerenana ny Nosy Malagasy ny alarobia 09 desambra 2020. Delegasiona notarihin’Atoa Joseph Yoland, mpikambana ao amin’io vaomiera io. Nandritra io fotoana io dia nangataka ny mba handrosoana ny fandinihana izany tolo-dalàna izany, amin’ity fivoriana ara-potoana faharoa ity izy ireo, satria mahakasika mivantana ny tombontsoan’ny firenena.
    Lire la suite ...
    • mercredi, 09 décembre 2020 21:01
    • Zakaria
    • Sary : Antenimierandoholona

    Lalàna mifehy ny tetibolam-panjakana : Ny zoma 11 desambra ny fandaniana azy eo anivon’ny Antenimierandoholona

    Nolanina androany alarobia 09 desambra 2020 nandritra ny fivoriana azon’ny besinimaro natrehana, ny volavola-pandaharam-potoanan’ny Antenimierandoholona manomboka androany 9 desambra 2020 ka hatramin’ny zoma 18 desambra 2020, fotoana izay hoheverina hamaranana ity fivoriana ara-potoana faharoa ity . Volavolan-pandaharam-potoana no nolaniana fa eo amin’ny fanatanterahana izany dia tapaky ny besinimaro fa ny volavolan-dalàna laharana faha 016/2020 tamin’ny 30 oktobra 2020 mikasika ny lalàna mifehy ny fitantanam-bola-panjakana aloha no hodinihina sy holaniana fa ny ankoatra izay dia miandry ny fanapahan-kevitra avy any amin’ny Praiminisitra sy ny Minisitry ny toekarena sy ny vola mahakasika ny famahana ny olan’ny Antenimierandoholona.
    Lire la suite ...
    • mardi, 08 décembre 2020 21:31
    • Zakaria

    Fifidianana Loholona : Nanjakan’ny tsy fanarahan-dalàna ny fampielezan-kevitra

    Hotanterahina afaka telo andro ny fifidianana Loholona eto Madagasikara handraisan’ireo mpifidy vaventy anjara. Hifarana ny 9 desambra misasak’alina ny fampielezan-kevitra. Nisy androany ny tatitra mialoha izany latsabato izany nataon’ny KMF/CNOE, nanaovany fanamarihana maromaro ny zava-nitranga nandritra ny fampielezan-kevitra nanomboka ny 19 novambra 2020 lasa teo. Teo amin’ny fitondram-panjakana dia tsy voahaja ny andininy faha 61 amin’ny lalàna fehizoro 2018-008 mifehy ny fifidianana amin’ny ankapobeany sy ny fitsapan-kevi-bahoaka izay mandrara ny fitokanan-javatra rehetra amin’ny fomba ofisialy, (And 61 and 1 amin’ny lalàna 2018-008 Voarara ny fitokanan-javatra rehetra amin’ny fotoanan’ny fampielezan-kevitra). Nahitana fitokanana zava-bita maromaro izay nataon’ny fitondram-panjakana nandritra iny fotoana fanaovana fampielezan-kevitra iny.
    Lire la suite ...
    • mardi, 08 décembre 2020 19:57
    • Zakaria
    • Sary nomena

    « Digitalisation » : Nankatoavin’ny solombavambahoaka ny findramam-bola ho fanatanterahana azy

    Nolanian’ny Solombavambahoaka teny Tsimbazaza androany Talata 08 desambra 2020 ny Volavolan-dalàna laharana faha 019/2020, findramam-bola mitentina 140 tapitrisa dolara entina manatanteraka ny « digitalisation » na ny fampidirana ny olom-pirenena tsirairay anaty « base de données » mikasika ny sata sivily voarakitry ny fandaharanasa PRODIGY (Projet du Gouvernement Digital et de Gestion de l’Identité Malagasy). Izany dia ho ampiasaina amin’ny fikirakirana ny kopia, kara-panondro, fisotroan-dronono, fifidianana, sns. (Jereo Sary Tohiny)
    Lire la suite ...
    • mardi, 08 décembre 2020 19:53
    • Zakaria

    Antananarivo Renivohitra – Mahajanga : Fitsidihana sy fifanakalozana traikefa

    Noraisin’ny Ben’ny Tanànan’Antananarivo Renivohitra Naina Andriantsitohaina sy ireo mpiara-miasa aminy tao amin’ny Lapan’ny Tanàna Analakely, androany Talata 8 Desambra 2020, ireo Delegasionina avy ao amin’ny Kaominina Ambonivohitr’i Mahajanga, izay notarihan’ny lefitra voalohan’ny Ben’ny Tanàna ao an-toerana. Ny anton’izao fitsidihana izao dia ny mba hahafahan’ny Kaominina roa tonta mifanakalo traikefa mba ho fanatsaràna ny fomba fiasa ahafahany manatsara ny tanàna. Efatra andro no faharetan’izao fitsidihana izao, ary mizara efatra lehibe ny lohahevitra izay hodinihina sy hifanakalozana dia ny : fitantanam-bola, tsena, fitantanana mpiasa ary ny « Etat civil ». Niroso tamin’ny fihaonana amin’ireo sampan-draharaha isan-tsokajiny ireo delegasionina ireo taorian’izay, arahina atrikasa sy fitsidihana ireo toerana eto an-dRenivohitra toy ny tsena Anosibe, ny Akany Iarivo Mivoy, Vondrona Polisy Monisipaly sy Mpamonjy Voina.  
    Lire la suite ...
    • mardi, 08 décembre 2020 19:52
    • Zakaria

    Antenimieram-pirenena : Nahemotra ny fandinihana ny lalàna « Jao Jean »

    Nahemotra amin’ny fotoana manaraka ny fandinihana ny tolo-dalàna mahakasika ny fisotron-drononon’ireo Parlemantera izay natolotry ny Solombavambahoaka Rémi dit Jao Jean voafidy tao Antsohihy.  
    Lire la suite ...
    • lundi, 07 décembre 2020 12:54
    • Zakaria
    • Sary nindramina

    Angovo : Madagasikara no firenena fahatelo manerantany mampiasa arina avy amin'ny hazo betsaka indrindra

    97% ny tokatrano malagasy dia mampiasa angovo avy amin’ny hazo (kitay, saribao). 18 tapitrisa m3 isan-taona eo ny hazo jifain’izany isan-taona. Ny 9 tapitrisa m3 amin’io ihany anefa no azo avy amin’ny fitrandrahana ara-dalàna. Madagasikara no firenena fahatelo manerantany mampiasa arina avy amin'ny hazo betsaka indrindra. Raha mbola nanana velaran’ala 9 tapitrisa hekitara i Madagasikara ny taona 2015, nihena ho 8 tapitrisa hekitara izany ny taona 2018.
    Lire la suite ...
Page 8 sur 150