Notanterahina androany 17 desambra 2020, tao amin'ny lapam-panjakana Iavoloha, ny fanolorana amin'ny fomba ofisialy ny famatsiam-bola mitentina 100 tapitrisa dolara avy amin’ny Banky Iraisam-pirenena ho an'ny tetikasa MIONJO.

Ny tetikasa MIONJO dia hiompana amin'ny fametrahana fotodrafitrasa maharitra, indrindra ny fahazoan'ny vahoaka misitraka rano fisotro madio, any amin'ny faritra Anosy, Androy ary Atsimo Andrefana.

Ny tanjona dia hahafahan'ireo mponina any Atsimo hanana foto-pivelomana maharitra mba hahaleo tena ary handray anjara amin'ny fampandrosoana maharitra. Laharam-pahamehana amin'ity tetikasa ity moa ireo vehivavy sy ireo tanora.

(Jereo Sary Tohiny)