Solombavambahoaka miisa 72 no nandany tsy nasiam-panovana ny tolo-dalàna laharana faha 03/2019 mikasika ny famokarana sy fivarotana ny toaka gasy, natolotry ny Solombavambahoaka voafidy tao Ikongo, sady Filoha lefitry ny Antenimieram-pirenena misahana ny Faritany Fianarantsoa, Razafitsiandraofa Jean Brunel, ny talata 16 jona 2020 folakandro teny amin’ny CCI Ivato.

Ho fampanarahan-dalàna sy fampanaraham-penitra ireo fepetra famokarana sy famarotana ny toaka gasy, no antony ary heverina fa hanana anjara toerana eo amin’ny lafiny ara-toekarena sy ho fanandratana ny « Vita malagasy », hoy ireo nandany ity tolo-dalàna ity.

Raha tsy misy fiovana dia ny 23 jona izao no handalo ny fivoriana itambarabe eo anivon’ny Antenimierandoholona ity tolo-dalàna ity.

(Jereo Sary Tohiny)