Economie

    • lundi, 08 juin 2020 19:58
    • Sary: Antenimierandoholona

    Fambolena: Nisy fikorontanana ny famatsiana ny tsena sy fahasarotan’ny famoahana vokatra

    Nihaona tamin’ireo Loholon’i Madagasikara tetsy amin’ny Lapan’Anosikely androany alatsinainy 08 jona 2020 maraina ny Minisitry ny fambolena, ny fiompiana sy ny jono Ranarivelo Lucien Fanomezantsoa, ka tamin’izany no nambarany fa nisedra olana be mihitsy ny mpamboly eny ambanivohitra mandritra ity fihiboana tamin’ny ampahany iny, noho ny valanaretina Covid-19. Misy ny fikorontanana eo amin’ny famatsiana ny tsena sy ny fahasarotan’ny famoahana vokatra, hoy izy ka hita soritra ny fihenan’ny vola miditra tamin’izy ireo.
    Lire la suite ...
    • dimanche, 07 juin 2020 20:12

    Sandambola: Tsy nitsaha-nitotongana ny « Ariary » niohatra amin’ny « Euro » tamin’ity herinandro ity

    4 248,85 Ariary no takalon’ny 1 Euro, ary io no fitontonganana be indrindra niseho tato anatin’ny iray volana izao.  
    Lire la suite ...
    • samedi, 06 juin 2020 15:05
    • Tahirin-tsary

    Vakinankaratra: Mpiasa 3 000 isa amina orinasa afakaba ho very asa ato ho ato

    Mpiasa manodidina ny 3 000 isa no fantatra fa hiato amin’ny asany manomboka ny 15 Jona ho avy izao. Orinasa afakaba isany lehibe eto Antsirabe renivohitr’i Vakinankaratra ity hampiato ny mpiasa ao aminy ity, vokatry ny fihibohana noho ny valan’aretina Covid-19. Fantatra mantsy fa tsy afaka manondra sy mandray famandriahana asa avy any ivelay intsony ny orinasa ka tsy maintsy hiato, ka olona manodidina ny 700 eo ho eo sisa no hampihodina sy hanao izay asa kely mbola tsy vita, kaomandy efa nialohan’ny fihibohana. Raha ny fanazavana avy tamin’ireo mpiasa ihany dia io 15 Jona io no miato avokoa ny mpiasa rehetra aloha ka mialohan’ny fankalazana ny fetim-pirenena ny 22 jona no miverina avokoa, ary mivoaka ny lisitry ny mpiasa 700 sisa ho tazonina, ary ireo miato kosa dia homena fanomezana toy ny fanao isaky ny fetim-pirenena.
    Lire la suite ...
    • vendredi, 05 juin 2020 15:25
    • Sary EDBM

    Vokatry ny Covid-19: 10 600 ireo mpiasa voaroaka tamin’ny asany tamina orinasa tsy miankina 216

    Nanao fanadihadiana mikasika ireo voka-dratsy nateraky ny fisian’ny valan’aretina Covid-19 tamina orinasa tsy miankina miisa 216 ny EDBM (Economic Development Board of Madagascar) ka fantatra tamin’izany, araka ny famelabelaran-kevitra narahina adihevitra, nentin’i Ravalomanda Andry Tiana, Tale jeneralin’ny EDBM tao amin’ny Antenimierandoholona, ny alakamisy 04 jona 2020, fa betsaka no nampiato vonjimaika ny orinasany, ao koa ireo tena nanakatona tanteraka. Amin’izao fotoana izao dia nambarany fa nidina hatrany amin’ny 91% ny «Chiffres d’affaires» an’ireo orinasa ireo, mahatratra 27% ny tahan’ny fandroahana mpiasa. Efa miisa 10 600 ireo mpiasa voaroaka tamin’ny asany amin’izao fotoana izao, raha 60% amin’ny sehatry ny lamba, tamin'ireo orinasa tsy miankina 216 nanaovana fanadihadiana. Nolazaina fa ny sehatra anabakabaka, ny fizahantany, ny ara-toeram-pisakafoana (restauration), ny fitaterana ary ny sehatry ny ara-indostria no tena tra-pahasahiranana amin’izao fotoana izao. (Jereo Sary Tohiny)  
    Lire la suite ...
    • dimanche, 31 mai 2020 15:17
    • Sary fampiaingoana

    Lavanila: 350 taonina tavela tsy afaka naondrana

    Hikatona ny 31 may 2020 ny fanondranana lavanila ho an’ity taona ity. Tombanana eo amin’ny 350 taonina eo ny lavanila masaka nihitsoka tsy mahatratra io fe-potoana io ka tavela, izay fatiantoka ho an’ny mpanangom-bokatra ary vola vahiny tokony hiditra amin’i Madagasikara nefa votsotra.    
    Lire la suite ...
    • samedi, 30 mai 2020 12:46
    • Sary nindramina fampiaingoana

    Eoraopa: Hizotra ho any amin'ny Fiarakodia elektrika

    Raha 6% amin'izao ny tahan'ny fiara mandeha amin'ny herinaratra, na batterie, dia hivoatra aingana be ho lasa 50% any Eoraopa afaka 5 taona. Manararoatra mametraka ny drafitra fanovana avokoa ireo orinasa lehibe mpanamboatra fiarakodia amin'izao krizy maneran-tany ateraky ny Covid-19 izao. Hiova arak'izany ny asa sy ny fomba fiasa, satria dia ny akora sy ny fanamboarana batterie izany no iainga, fa hihena avokoa ny resaka solika, na dia mbola tsy lefy aza izy.    
    Lire la suite ...
    • samedi, 30 mai 2020 12:16
    • Sary nindramina fanehoana

    Toe-karena: Androaka mpiasa 15 000 i Renault

    Manoloana ny krizy maneran-tany ateraky Covid-19 sy fanohizana ny programa fanarenana ny orinasa mpanamboatra fiarakodia Renault, dia androaka mpiasa 15 000 maneran-tany izy, ka ny 4 600 amin'izany dia ao Frantsa. Ny tanjona dia ny hitsitsiana hatrany amin'ny 2 miliara Euro any. Tombanana hihena 3.3 tapitrisa ny isan'ny fiara vokarina ao anatin'ny taona raha 4 tapitrisa izy teo aloha.  
    Lire la suite ...
    • jeudi, 28 mai 2020 20:51
    • Sary nindramina

    Anjiabe - Nosy Komba: Tsy mbola vaky ny tsen-davanila

    Tsy mbola hita ny marimaritra iraisana eo amin’ny tantsaha sy ny mpanangom-bokatra amin’ny vidin’ny lavanila maitso. Telo andro androany izao no nisokafan’ny taom-piotazana lavanila aty Anjiabe - Nosy Komba, tsy mbola vaky ny tsena. 240 000 Ar hoy ny mpamboly, 50 000 Ar ny an’ireo mpanangom-bokatra ny 1kg vanila maitso. (Jereo Sary Tohiny)
    Lire la suite ...
    • mercredi, 27 mai 2020 15:11
    • Sary nomena

    Ambalahonko- Ambanja: Rava tsy nisokatra ny tsenan’ny lavanila

    Tsy raikitra fisokafan’ny tsenan’ny lavanila taty Ambalavelona sy Ambalahonko, Distrika Ambanja omaly Talata 26 may 2020. Nitaky 200 000 Ariary ny mpamboly, ny mpividy anefa tsy resy lahatra ka tsy nanoratra ny vidy ividianan’izy ireo ny kilaon’ny lavanila, ka tsy nisy marimaritra niraisina. Rava tsy nisokatra ny tsena. (Jereo Sary Tohiny)
    Lire la suite ...
    • lundi, 25 mai 2020 21:27
    • Sary nindramina

    Ambanja: Mifamolaka ny tantsaha sy ireo mpanangom-bokatra lavanila

    Tantsaha manao 300 000 Ariary ny kilao, ny mpividy mamaritra 20 000 Ariary. Mifamolaka ny tantsaha sy ireo mpanangom-bokatra tamin’ity andron’ny 25 may 2020 ity, nisokafan’ny tsenan’ny lavanila ato amin’ny faritra Sambirano Distrika Ambanja. Tao Andimaka Ankifigny Kaominina Ambohimena no ambohim-pihaonana androany, saingy nirava maina indray toy ny mpiseho saika isan-taona. Lavanila maitso na manta moa no vidiana amin'ny tantsaha, ka 5kg amin'izany manta izany no andrahoana sy karakaraina hanome 1kg lavanila azo ampiasaina sy ahondrana any ivelany.  
    Lire la suite ...
Page 11 sur 74