Kianjan'i Mahamasina: Hamboarina hahazaka olona maherin'ny 50 000

  • dimanche, 14 juillet 2019 17:08
  • Tahirin-tsary Gasypatriote

Nandritra ny fandraisana makotrokotroka ny Barea, taorian'ny dingana nampitolagaga vitany nandritra ny fiadiana ny Amboaran'i Afrika, amin'ny baolina kitra, andiany faha-32, no nanambaran'ny filohan'ny Repoblika Andry Rajoelina fa hamboarina hahazaka olona 50 000 ka hatramin'ny 60 000 ny Kianja Monisipaly Mahamasina, ary ho kianja lehibe indrindra aty amin'ny Ranomasimbe indianina.

Hanafatra bozaka (gazon) avy any Angletera isika, hoy ny filoha, hasolo ny efa misy amin'izao ao. Tsy mbola nambara kosa ny fe-potoana heverina hamitana ny asa.

Nifandroritan'ny federasiona Malagasy ny baolina kitra sy ny federasiona Malagasy ny rugby io kianja io, raha nisy ny tetikasan'itsy voalohany hanova azy ho sentetika, rehefa nahazo famatsiam-bola avy amin'ny federasiona iraisam-pirenena amin'ny baolina kitra (FIFA).

Sanganehana teo ny Kaominina Antananarivo Renivohitra, izay tompony sy mitantana ary mikojakoja ny fotodrafitrasa tamin'izay. Ny Kianja Rabemananjara ao Mahajanga no nisitraka ny fanatsarana, ka nanaovana azy ho sentetika sy nanorenana fotodrafitrasa fanampiny.

 

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.