Fanafihana mpanangombokatra: Dahalo iray voasambotra niaraka tamin'ny basy kalaky sy basy vita gasy

  • mercredi, 05 juillet 2017 22:10
  • Sary Sobika Antsirabe

Saron'ny Zandary tao amin’ny Kaominina Ambohimanambola, Distrika Betafo, rehefa avy nanafika mpanangom-bokatra ireo dahalo ny andron’ny 22 jona.

5 lahy ireo nanafika, lasan'izy ireo ny 6.300.000 Ar tany amin'ireo mpanangombokatra sady nanapoaka basy izy ireo.

Taitra tamin’ny poa-basy ny Fokonolona ka nanantona ilay toerana ka nitsoaka ireo dahalo, sady lany bala rahateo izy ireo.

Raikitra ny fifanjevoana ka nahafaty dahalo telo ny Fokonolona sy nahatratrarana ireto basy ireto, tafatsoaka kosa ny roa.

Nitohy ny fahadihadiana ka tratran’ny Zandary ny iray hafa tamin’ireo nitsoaka ary natolotra ny Fampanoavana. Mbola karohina kosa ny jiolahy iray.

 

Commentaires (24)
Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.
 
 
B1 - Polyclinique
B2 - Toa