Vaovao

    • samedi, 22 juin 2019 12:39
    • Sary nomena

    Ntsay Christian: Maneho hatrany ny fahavononany hiady amin’ny kolikoly ny Governemanta

    Nisolo tena ny Filohan’ny Repoblika ny Praiminisitra, Lehiben’ny governemanta, Ntsay Christian nandritra ny lanonam-panokanana ny trano foibe vaovaon’ny Bianco eny Ambohibao, omaly, fotodrafitrasa izay vokatry ny fiaraha-miasa eo amin’ny fitondrana malagasy sy japoney. Laharam-pahamehan’ny governemanta ny ady atao amin’ny kolikoly, hoy i Ntsay Christian, ary maneho hatrany ny fahavonony amin’izany, araky ny voarakitra ao anatin’ny Politika Ankapoben’ny Fanjakana « tena ampiharina ny tsy fandeferana amin’ny kolikoly fa tsy tonontononina fahatany ». Ny fametrahana fanovàna eto amin’ny firenena dia mitaky ny finiavan’ny rehetra manomboka amin’ny mpitondra izany, hoy hatrany izy, ka ijerena ny tombotsoa iombonana. Noraisiny ho ohatra amin’izany ny fanovàna ny firafitry ny governemanta, dia ny fanakambanana ireo Ministera sy sampan-draharaha mifanakaiky andraikitra. Teo ihany koa ny fanovàna nisy teo amin’ny vidin-tsolika.
    Lire la suite ...
    • vendredi, 21 juin 2019 22:40
    • Sary Gasypatriote Antsirabe

    Antanety-Mandaniresaka: Nahitana fatin-jazakely vao teraka

    Androany maraina no nahitan'ny olona azy teny amin'ny fokontany Antanety-Mandaniresaka Antsirabe. Raha ny fanazavan'ny mpitsabo teo anivon'ny BMH dia ahiana ho zaza niniana ho nariana ity zaza ity satria efa tena hary tanteraka saingy mety noho ny fasahiranana no nanarian'ny reniny azy. Nananosarotra teo ampiterahana ihany ity zaza ity satria nahitana fahamanganana ny tanany havia, izay nambaran'ireo nahita izany fa mety nosintonina avy tany ambohoka ilay zazakely. Nambaran'ny mpitsabo fa mety nariana ity zaza ity ary noheveriny fa mety rehefa hitan'ny olona dia hisy haka izany saingy tsy izay no nitranga ka matin'ny hatsiaka ilay zazakely.    
    Lire la suite ...
    • vendredi, 21 juin 2019 18:22
    • Sary nindramina

    Brevet frantsay: Zazalahy teratany koreana, maty nandritra ny fanadinana

    Ny andro faharoa sady farany amin'ny fanadinana, ny talata 18 jona lasa teo, no niseho ny loza teny Ambatobe-Antananarivo. Nitolefika tampoka teo an-tokontany ilay zazalahy, 13 taona eo, talohan'ny fidirana maraina. Nifamonjen’izay nahita teo. Nisy ireo ray aman-dreny nanatitra mpianatra hanala fanadinana, fa tsy mahafantatra ny toerana satria tsy sekoly fianaran-janany fa ivon-toeram-panadinana fotsiny ihany, ka niodikodina nitady ny infirmerie. Nantsoina ny tao amin'ny infirmerie, izay anisan'ny raitra, mbola niandry ireo mpianatra hidina ny tohatra amonjy ny efitra fanadinana anefa izy, ka tsy avy dia tafakatra amonjy ilay zaza efa safotra. Ny ray aman-dreny teo efa niezaka namelona an'ilay zaza ihany.
    Lire la suite ...
    • vendredi, 21 juin 2019 17:00
    • Sary: Polisim-pirenena

    Fetim-pirenena: Polisy miisa 1025 no hahetsika isan’andro eto Antananarivo

    Mivonona ny amin’ny fiarovana ankapobeany sy ny fitandroana ny filaminana mandritra ny fankalazana ny faha-59 taona niverenan’ny fahaleovantenan’i Madagasikara ny Minisiteran’ny Filaminam-bahoaka, araka ny fanambarana nataony ny alakamisy 20 jona. Ankoatra ny asa sy ny iraka ankapobeny fanaon’ny Polisy isan’andro ary ny fandraisana anjara amin’ny matso lehibe ny andron’ny 26 jona dia Polisy miisa 1025 no voalaza fa hahetsika isan’andro eto Antananarivo manomboka ny zoma 21 jona mba hahafahan’ny vahoaka mifety am-pilaminana. Hisy ny fepetra manokana ho raisina ho fandrindrana ny fifamoivoizana sy ny filaminana manodidina ny farihinan’Anosy sy manerana ireo toerana avo eto an-drenivohitra ny harivan’ny 25 jona izay hisian’ny afomanga.    
    Lire la suite ...
    • vendredi, 21 juin 2019 09:28

    Zaza very: Nisy nibata teny Belanitra-Ilafy, hita tany Belinta-Mahajanga

    Avy nirava nianatra, ny harivan’ny alatsinainy 17 jona 2019, ity tovolahy iray 16 taona, mpianatra amin’ny lisea tsy miankina eny Sabotsy Namehana – Antananarivo Avaradrano no nanjavona tampoka. Nanaovan’ny fianakaviana filazana ombay mitady, niparitaka tamin’ny tambazotran-tserasera avy hatrany ny tsy fahitana azy. Araka loharanom-baovao teo anivon’ny mpitandro ny filaminana, dia nialohan'ny hodiany any an-trano dia mbola nandeha hametaka jiro tany am-piangonana teny Belanitra ilay tovolahy ; teny an-dalana izy no nisy roalahy nibata an-keriny azy, ary nampiditra azy tao anaty fiara. Tsy nifarana ny dian’izy ireo raha tsy tany Mahajanga. Araka ny loharanom-baovao hatrany dia voakarakara, nihinan-kanina, tsy dia niharan’ny fampijaliana ilay tovolahy. Tsy fantany kosa ny toerana nitondrana azy.
    Lire la suite ...
    • jeudi, 20 juin 2019 14:31

    Fandriampahalemana - Antananarivo: Mpanendaka mitam-piadiana sivy lahy voasambotry ny Polisy

    Mitam-basy ary manendaka amin'ny faritra Faravohitra, Ankorahotra ary Ankadifotsy iny izy ireo, ka naharaisan’ny Polisy fitarainana misesisesy. Mpanendaka iray miaraka amin'ny antsy be ihany koa no tra-tehaky ny Polisy tetsy Andohatapenaka. Mpanao sinto-mahery miisa roa kosa no nifanena tamin'ny Polisy tetsy Analamahitsy raha vao avy nisintona finday teny an-dalambe, ka rehefa raikitra ny fanenjehana dia voasambotra avokoa. Mbola tratra teny amin’izy ireo ilay finday vao avy nangalariny. Nampidirina am-ponja vonjimaika ao Antanimora ny sasany amin'ireo jiolahy raha lasa any Tsiafahy ny sasany. Ny iray kosa dia nalefa any amin'ny zaza maditra satria tsy ampy taona.  
    Lire la suite ...
    • jeudi, 20 juin 2019 12:59
    • Sary: Fiarovam-pirenena

    « Salon du Bourget 2019 »: Nijery ireo fitaovana mety ilaina ny Minisitry ny Fiarovam-pirenena

    Nitsidika ny hetsika iraisam-pirenena momba ny fiaramanidina sy ny tontolony, fanao any Bourget Paris na « Salon du Bourget 2019 » ny Jeneraly Richard Rakotonirina, Minisitry ny Fiarovam-pirenena ny talata 18 jona 2019. Andiany faha-53 ny hetsika tontosaina ny 17 ka hatramin'ny 23 jona 2019. Nandritry ny fitsidihan’ny Minisitra ity hetsika ity no nanararaotany nijerena ireo fitaovana mety ilaina sy afaka hanampy amin’ny fampandriana fahalemana izay vina napetraky ny Filoham-pirenena ho fampitaovana ny Tafika Malagasy. (Jereo Sary Tohiny)  
    Lire la suite ...
    • mardi, 18 juin 2019 19:44
    • Sary: MATHP

    Itaosy: Mitarazoka ny fanamboaran-dalana

    Naharay fitarainana avy amin’ny mpampiasa ny làlana mizotra mankeny Itaosy iny ny tompon’andraikitra eo anivon’ny Ministeran’ny Fanajariana ny Tany, ny Toeram-ponenana ary ny Asa Vaventy, ka nidina ifotony nijery ny olana mampitarazoka ny fanamboarana eo amin’ny faritra sampanana Andranonahoatra. Nilaza ny avy eo anivon’ity ministera ity fa hentintra ny amin’ny fanaraha-maso ireo tetikasa fanamboaran-dàlana ankehitriny. Miova ny fomba fiasa, Tsy ekena intsony ny kitranoantrano sy ny alasafay. (Jereo Sary Tohiny)  
    Lire la suite ...
    • lundi, 17 juin 2019 21:32
    • Sary Gasypatriote Antsirabe

    Jeneraly Richard Ravalomanana: “Tsy fieren'ny jiolahy ny Zandarimariam-pirenena”

    Tontosa androany Alatsinainy 17 jona 2019 ny famindram-pitantanana teo amin'ny Komandin'ny Vondrompileovan'i Vakinankaratra, ka nandraisan'i Kolonely Randrianarimasy Radosoa ny andraikitra, nandimby ny Kolonely Rasambomanana Yvon Patrick, izay nitantana izany hatramin'ny taona 2017. Niatrika izany ny Jeneraly Richard Ravalomanana, Sekreteram-panjakana miadidy ny Zandarimariam-pirenena ary nitondra hafatra nafonja fa “tsy fieren'ny jiolahy ny Zandary” raha mbola izy no eo. Mahasarotiny azy ny tsy fanarahan-dalana sy ny kolikoly satria izany no nanagadrana Zandary efa ho 38 tamin’ity taona ity fotsiny. Nanamafy izany ny Kolonely Randrianarimasy Radosoa fa “izay tsy hanaraka fitsipika dia afaka mifindra toerana avy hatrany”. (Jereo Sary Tohiny)  
    Lire la suite ...
    • lundi, 17 juin 2019 13:58
    • Sary nindramina

    Namibia: Voatery hatao lavanty ny biby, hiarovana azy tsy ho fatin'ny haintany

    Faritra maro no anjakan’ny haintany any Namibia, hatramin’ny volana aprily no mankaty. Ritra ny rano. Biby maro no ahiana ho faty vokatr’io. Nanapa-kevitra ny governemanta fa hamidy hatao lavanty ny biby, hiarovana azy ireo tsy ho faty, mba tsy hiverina ny nitranga tamin’ny taon-dasa 2018, izay nananika ny 60 000 no maty tsy nahatanty ny fiakaran’ny hafanana tafahoatra. Voakasik’io fanaovana lavanty io ireo bibidia amin’ireo faritra arovana toy ny « buffle », « springbok », « girafe » ary ny elefanta. Tombanana ho iray tapitrisa dolara ny vola hiditra amin’i Namibia amin’io lavanty hatao io, vola izay hatokana hikajiana ireo biby any amin’ireo faritra arovana.  
    Lire la suite ...
Page 10 sur 144