Vaovao

    • dimanche, 30 juin 2019 14:44
    • Sary nomena

    Amboasary Atsimo: Miteraka resabe ny fomba fiasan'ny kalôny

    Notondroina ho malaso ireto roalahy amin'ny sary ireto, mpianatra kilasy "terminale" amina sekoly tsy miankina iray eto Amboasary ny iray matory misaron-damba amin'ny sary, "gardien" ny trano nisy azy ny faharoa mipetraka. Nosamborin'ny kalôny, izay sivily, ary misy malaso niova fo no ampisahanana ny fandriampahalemana eto Amboasary. Niharan'ny vono izy roalahy ireto, tsy nandalo Fitsarana na fanadihadiana hamantarana na meloka na tsia, izy roalahy rahateo milaza fa tsy nanao ratsy. Nisy fahoriana tao Tsilanja, Fokontany Tanambao eto Amboasary Atsimo telo andro lasa zay. Vao avy nahavaky safira 24 tapitrisa Ariary io olona maty io, ka io vola io no anaovana havoria. Notafihin'ny andian'olona fito na valo teo io tokatrano misy fahoriana io ny zoma lasa teo, ary nandrahona sy nitaky "aboahy ny vola".
    Lire la suite ...
    • dimanche, 30 juin 2019 13:30
    • Sary Gasypatriote Morondava

    Ampasy Morondava: Nahazo rano mpifindra monina

    Natolotra ireo mponina maherin'ny 120 avy any Antsakamirohaky sy Ambalorao nifindra fonenana ao Antanavao Ampasy, Kaominina ambonivohitra Morondava ny paompy japiny iray avy amin'ny Rotary Club Baobab Morondava. Nampanantena ireto farany fa hanamboatra paompy faharoa ho an'ireo mponina ireo, ary hanamboatra kopia fahaterahana ho an'ireo ankizy madinika. Hojerena manokana ihany koa ny fomba hampianarana ireo ankizy kely izay tokony hianatra amin'ny "préscolaire" satria telo kilometatra avy eo vao tonga eny amin'ny EPP Ampasy, ka sarotra ho an'ireo ray aman-dreny ny handefa ny zanany. Nanome voninahitra izany taty an-toerana ny Governoran'ny Rotary District 9220, ramatoa Shelly Oukabay. Feno dimy taona izao ny Rotary Morondava, tafiditra amin'izany ity hetsika ara-tsosialy ity narahina fandraisana mpikambana vaovao. (Jereo Sary Tohiny)  
    Lire la suite ...
    • jeudi, 27 juin 2019 09:32
    • Sary nindramina

    Loza teo Mahamasina: Naneho fiaraha-miory sy nankahery ireo niharam-boina ny Filoha Andry Rajoelina

    « Tohina ny fo satria misy mpiray tanindrazana namoy ny ainy vokatry ny fifanosehana teo amin'ny kianjan'i Mahamasina. Miondrika ampanajana manoloana ireo vatana mangatsiaka ary mankahery ireo maratra sy niharamboina. Maro be ireo olona tsy tafiditra nandritra ny matso fa tsy omby intsony ny kianja ary nibosesika niditra tamin'ny firavan'ny matso hijery ny fampisehoana ka ny fifanosehana dia niteraka fianjeran' ireo tanora sy zaza ka niteraka ny loza. Malahelo ny tenako ary ontsa ny fon'ny vadiko, isika anefa tsy maintsy mitraka. Mankahery sy mitondra ambavaka ireo fianakaviana ary mampionona hatrany ireo nidonampahoriana », hoy ny fanambarana nataon’ny filoham-pirenena Andry Rajoelina tao amin’ny pejy fesibokiny.
    Lire la suite ...
    • mercredi, 26 juin 2019 18:23
    • Sary nomena

    Antohomadinika: Noraisim-potsiny ireo mpanendaka

    Ravan'ny ny Polisin'Antaniavo Antohomadinika PPA4-Antananarivo, omaly maraina, ireo andian-jatovo mpanendaka teo amin'ny "Arrêt bus" Mahitsy eo Antohomadinika. Nanararaotra ny fahamaroan'ny olona izy ireo satria maro ireo olona nandeha Taxi-brousse avy any Mahitsy, Distrika Ambohidratrimo, niakatra hiantsena hiatrehana ny fetim-pirenena. Nendahan'ireo ny mpandeha, ka lasan'izy ireo ny sakaosy nisy vola sy akanjo ary kojakoja. Niantso vonjy ilay tompony. Nifanenjehan'ny Polisy, izay miasa tsy manao fanamiana fa mitsikilo ny tranga toy izao, ireo mpanendaka. Tratra ambodiomby ny telo, ary ny telo hafa efa tafatsoaka lavitra saingy tratra ihany. Hiakatra Fampanoavana izy ireo rahampitso 27 jona 2019. (Jereo Sary Tohiny)  
    Lire la suite ...
    • mardi, 25 juin 2019 20:29
    • Sary nomena

    Filaminana sy ny fandriampahalemanana: Nisy Atrikasa handraisana fanapahan-kevitra momba ireo laharam-pahamehana

    Nampiantso atrikasa handraisana fanapahan-kevitra momba ireo laharam-pahamehana amin’ny andiany faharoa amin’ny fampiasana ny famatsiam-bola avy amin’ny Firenena Mikambana, ho fanamafisana ny filaminana sy ny fandriampahalemanana eto Madagasikara, teny Mahazoarivo ny 24 Jona 2019, ny Komity mpitantana izany, izay notarihin’ny Praiminisitra, Lehiben’ny Governemanta, Ntsay Christian sy Ramatoa Violette Kakyomya, solontena maharitry ny Firenena Mikambana eto Madagasikara. Mpikambana maromaro eo amin’ny governemanta no nanatrika izany atrikasa izany ; tao ihany koa ny solontena avy amin’ny andrim-panjakana toy ny “Comité pour la Sauvegarde de l’Intégrité”, ny Bianco, ny SAMIFIN, ny fiarahamonim-pirenena, ary ny mpiara-miombon’antoka ara-teknika sy ara-bola amin’i Madagasikara.
    Lire la suite ...
    • lundi, 24 juin 2019 20:48

    Fandriam-pahalemana: Miandrandra fampitaovana ireo Polisy miasa any amin'ny faritra mena

    Fiaramanidina, helikoptera, fiara tsy laitram-bala, fiara tsy mataho-dalana ; nahazo fampitaovana maro hanamorana ny asany ny Foloalindahy amin'izao fankalazana ny fetim-pirenena sady fetin'ny Foloalindahy Malagasy izao. Nahazo fiara 4x4 miisa 26 ihany koa ny Polisim-pirenena. Miandrandra fampitaovana ireo miasa amin'ireo Faritra mena amin'ny asan-jiolahy. Manantena ihany koa ny Vahoaka fa hipaka amin'ny fiainam-bahoaka hampandry fahalemana ny tany ny fahazoan'ny mpitandro ny filaminana fitaovana maro, nanaovana laharam-pahamehana tamin'ny fandaniam-bola ireo.  
    Lire la suite ...
    • samedi, 22 juin 2019 16:02
    • Sary nomena

    “Bataillon de Sécurité de la Primature”: Kolonely Bemamy Bemanjary no komandy vaovao

    Tontosa ny 21 jona 2019 teny amin’ny Lapan’i Mahazoarivo, ny lanonana ara-miaramila famindram-pibaikoana teo amin’ny kaomandin’ny “Bataillon de Sécurité de la Primature”, ka ny Jeneraly Mahaziakely Roger, izay lasa Talen’ny Fiarovana ao amin’ny Primatiora, no nanolotra ny fahefana, ary ny Kolonely Bemamy Bemanjary no Kaomandy vaovao. Niatrika izany ny Praiminisitra, Lehiben’ny governemanta, Ntsay Christian, sy ireo tompon'andraikitra ambony samihafa sivily sy miaramila. Nanolotra fisaorana manokana ho azy mirahalahy izay mpiara-miasa aminy akaiky ny Praiministra, noho izy ireo nametraka avo hatrany ny fitiavan-tanindrazana, tamin’ny alalan’ny fanajana ny asa sy ny andraikitra nosahanin’izy ireo. Ny BSP, no ivondronan’ny Miaramila, Zandary, ary Polisy, misahana ny fiarovana ny Praiminisitra sy ny ankohonany, ary ny eo anivon’ny governemanta, sy ireo filoha-na andrim-panjakan samihafa. Nametraka hafatra ho azy ireo ny lehiben’ny governemanta mba ho mendrika amin’ny fitondran-tena mandrakariva, na amin’ny fotoam-piasàna izany, na ivelan’ny asa.
    Lire la suite ...
    • samedi, 22 juin 2019 12:39
    • Sary nomena

    Ntsay Christian: Maneho hatrany ny fahavononany hiady amin’ny kolikoly ny Governemanta

    Nisolo tena ny Filohan’ny Repoblika ny Praiminisitra, Lehiben’ny governemanta, Ntsay Christian nandritra ny lanonam-panokanana ny trano foibe vaovaon’ny Bianco eny Ambohibao, omaly, fotodrafitrasa izay vokatry ny fiaraha-miasa eo amin’ny fitondrana malagasy sy japoney. Laharam-pahamehan’ny governemanta ny ady atao amin’ny kolikoly, hoy i Ntsay Christian, ary maneho hatrany ny fahavonony amin’izany, araky ny voarakitra ao anatin’ny Politika Ankapoben’ny Fanjakana « tena ampiharina ny tsy fandeferana amin’ny kolikoly fa tsy tonontononina fahatany ». Ny fametrahana fanovàna eto amin’ny firenena dia mitaky ny finiavan’ny rehetra manomboka amin’ny mpitondra izany, hoy hatrany izy, ka ijerena ny tombotsoa iombonana. Noraisiny ho ohatra amin’izany ny fanovàna ny firafitry ny governemanta, dia ny fanakambanana ireo Ministera sy sampan-draharaha mifanakaiky andraikitra. Teo ihany koa ny fanovàna nisy teo amin’ny vidin-tsolika.
    Lire la suite ...
    • vendredi, 21 juin 2019 22:40
    • Sary Gasypatriote Antsirabe

    Antanety-Mandaniresaka: Nahitana fatin-jazakely vao teraka

    Androany maraina no nahitan'ny olona azy teny amin'ny fokontany Antanety-Mandaniresaka Antsirabe. Raha ny fanazavan'ny mpitsabo teo anivon'ny BMH dia ahiana ho zaza niniana ho nariana ity zaza ity satria efa tena hary tanteraka saingy mety noho ny fasahiranana no nanarian'ny reniny azy. Nananosarotra teo ampiterahana ihany ity zaza ity satria nahitana fahamanganana ny tanany havia, izay nambaran'ireo nahita izany fa mety nosintonina avy tany ambohoka ilay zazakely. Nambaran'ny mpitsabo fa mety nariana ity zaza ity ary noheveriny fa mety rehefa hitan'ny olona dia hisy haka izany saingy tsy izay no nitranga ka matin'ny hatsiaka ilay zazakely.    
    Lire la suite ...
    • vendredi, 21 juin 2019 18:22
    • Sary nindramina

    Brevet frantsay: Zazalahy teratany koreana, maty nandritra ny fanadinana

    Ny andro faharoa sady farany amin'ny fanadinana, ny talata 18 jona lasa teo, no niseho ny loza teny Ambatobe-Antananarivo. Nitolefika tampoka teo an-tokontany ilay zazalahy, 13 taona eo, talohan'ny fidirana maraina. Nifamonjen’izay nahita teo. Nisy ireo ray aman-dreny nanatitra mpianatra hanala fanadinana, fa tsy mahafantatra ny toerana satria tsy sekoly fianaran-janany fa ivon-toeram-panadinana fotsiny ihany, ka niodikodina nitady ny infirmerie. Nantsoina ny tao amin'ny infirmerie, izay anisan'ny raitra, mbola niandry ireo mpianatra hidina ny tohatra amonjy ny efitra fanadinana anefa izy, ka tsy avy dia tafakatra amonjy ilay zaza efa safotra. Ny ray aman-dreny teo efa niezaka namelona an'ilay zaza ihany.
    Lire la suite ...
Page 9 sur 143