Vaovao

    • mardi, 03 mars 2020 22:20
    • Sary nindramina

    Coronavirus: Tsy misy tranga ahiahiana eto Madagasikara

    Nanomboka ny 25 janoary lasa teo, olona miisa 34 no noraisina an-tanana tao amin’ny hopitaly CHU Anosiala Ambohidratrimo. Ny 4 tamin’izy ireo no noahiahiana ho voan’ny « coronavirus » ka nanaovana ny fizahana sy ny fitiliana ara-pahasalamana rehetra. Hita tamin’izany fa tsy nisy na iray tamin’izy ireo aza nitondra ilay valan'aretina. Hatreto, olona miisa 28 no efa nivoaka ny hopitaly rehefa natao tamin’ny toerana voatokana nandritra ny 14 andro, ary 9 kosa amin'izao fotoana izao no mbola arahi-maso eny an-toerana.
    Lire la suite ...
    • dimanche, 01 mars 2020 18:44
    • Sary Gasypatriote Sambava

    Sambava: 157 ireo fiara nampidirina ''fourrière'', henjan-droa ny tady ...

    Gaboraraka ny fifamoivoizina, indrindra eo amin'ny fitateram-bahoaka ato amin'ny Faritra SAVA. Tsy faly amin'ny fandaminana ireo mpitatitra ka nanao fitokonam-be, tsy niasa ireo zotra rejionaly mampitohy an’i Sambava sy Antalaha ny faran’ny herinandro teo. Fitakiana maro no nasetrin'izy ireo izay nisy ny saro-bahana satria hatramin'ny fanesorana ireo mpiasa manontolo ao anaty koperativa, ny fitakina ny mangaraharaha ny amin'ireo vola maro takiana amin'izy ireo: manifold, « droit de stationnement », "Laissez-passer » ... Nipoiran’ny fihetsiketsehana ny nigiazan’ny Polisy fiara roa izay nanao ''racolage'' ka niafara tamin'ny fampidirna « violon » ireo mpamily roa nandritra ny 48 ora. Nisy avy hatrany ny fananganana ny ''Commission Mixte de Contrôle de sécurité routière'' izay ahitana ireo mpisehatra amin'ny fitaterana, ny Zandary, Polisy, foiben-ketra, ny Kaominina, ATT, koperativa izay manana tanjona hanadio tanteraka ny gaboraraka amin'ity fitaterana ato amin'ny Faritra SAVA ity.
    Lire la suite ...
    • vendredi, 28 février 2020 23:08
    • Sary Gasypatriote Antsirabe

    Andranomanelatra – Antsirabe: Tovolahy mpiandry omby maty natelin’ny dobo nilomanosany

    Ny omby nihahaka teny an-tanimbolin’olona no nanaitra ny tompon’omby raha tafaverina teo an-tanànan’i Bemololo, Kaominina Andranomanelatra, Distrika Antsirabe II, lalam-pirenena faha 7, androany zoma 28 febroary tolakandro, avy namangy marary teny Antsirabe. Nantsointsoina ny anarany fa tsy nisy namaly. Natao ny fikarohana dia hita teo amoron’ny dobo iray, izay tanimbary nolavahana no nanamboarana azy, ny fitafiana sy ny kapa nanaovan’ilay tovolahy, niaraka tamin’ny japy na karavasy fiambenana omby. Nino ireo mpampiasa azy sy ny Fokonolona fa nilomano tao ilay tovolahy ary mety rendrika ao. Natao avy hatrany ny fikarohana saingy maizina ihany ny andro nefa tsy mbola hita ilay zazalahy. Natsahatra ny fikarohana rehefa maizina ny andro ary hotohizana rahampitso vao maraina. (Jereo Sary Tohiny)
    Lire la suite ...
    • vendredi, 28 février 2020 22:40
    • Sary nindramina

    Hetra tsy naloa: Nogiazan’ny fanjakana ny fananan’ny A&C Hôtel Ivato

    Tonga teny A&C Hôtel Ivato androany zoma 28 febroary ny vadintany, nombana mpitandro ny filaminana, hampihatra didim-pitsarana ny hanagejana ny fananan’ny A&C Hôtel noho ny hetra tsy naloan’ity orinasa ity. Mitentina 59 lavitrisa Ariary io hetra tsy voaloa amin’ny fanjakana io nandritra ny 5 taona, miampy sazy mitentina 20 lavitrisa Ariary. Hatao lavanty avy hatrany amin’ny 4 martsa ireo entana nogiazana ireo, aorian’ny fanaovana tombana azy ireo.
    Lire la suite ...
    • vendredi, 28 février 2020 10:06
    • Sary nindramina

    RN27: Tapaka ny tetezana mampifandray an’i Ivohibe - Voindrozo – Farafangana

    Nitolefika tampoka ny tolakandron’ny alakamisy 27 febroary 2020 ny tetezana lehibe iray amin’ny lalam-pirenena faha-27 mampifandray an’i Ivohibe - Voindrozo – Farafangana. Tsy orana avy, tsy rivodoza na horohorontany niseho. Heverina ho ny fahanteran’ny fotodrafitrasa no nitarika ny fahasimbana, manampy trotraka ny tsy fanajan’ireo fiara mpitatitra entana ny vesatra tokony ho zakan'ny tetezana. Tsy nisy aina nafoy. Sarotra ny manisy fivilian-dalana eto nefa tena iankinan’ny famatsiana ireo entana ilain’ny mponina amin’ny fiainana andavanandro ity lalana ity, toy izany koa ireo olona mila famonjena maika noho ny antony ara-pahasalamana. (Jereo Sary Tohiny)
    Lire la suite ...
    • jeudi, 27 février 2020 20:41
    • Sary nindramina

    Coronavirus: Nakatona ny sekoly any Japon, depiote frantsay iray niangaviana tsy hivoaka ny tranony

    Coronavirus, io no mameno ny vaovao manerantany. Voakasika avokoa na ny sehatra sosialy, na toekarena, na politika, eny hatrany amin’ny tontolon’ny fanatanjahantena sy ny finoana. Manoloana ny fihombon’ny coronavirus dia nanapa-kevitra ny governemanta japoney androany alakamisy 27 febroary 2020 fa mikatona vonjimaika avokoa aloha ny sekoly, hisorohana ny fiparitahan’ity valanaretina ity, araka ny nambaran’ny praiminisitra Shinzo Abe. Any Italia indray, dia mpilalao baolina kitra matihanina iray, 22 taona, milalao ao amin’ny klioban’ny US Pianese (Serie C) no voamarina fa voan’ny Coronavirus.
    Lire la suite ...
    • jeudi, 27 février 2020 12:50

    Fampianarana: Nitondra fanazavana mahakasika ny tambin-karama ny Minisitra

    Nitondra fanazavana momba ny tambin-karama takian'ireo mpampianatra sy mpandraharaha momba ny fampianarana ny eo anivon'ny Ministeran'ny fanabeazam-pirenena sy ny fampianarana ara-tekinika sy arak'asa, fa eo ampitadiavana vahaolana ny ministera. Ekena hoy izy fa nisy fifanarahana natao teny amin'ny lapam-panjakana Mahazoarivo ny volana jolay 2018, ary tsy vao izao no nitady ny fomba ampiharana io fifanarahana io ny fitondrana, nefa noho ny fikatsahana ny fampitoviana lenta eo amin'ny mpiasa rehetra, dia nisy fanitsiana natao momba io didim-panjakana nivoaka io. Eo ampamaranana ny dingana rehetra ny Ministera sy ny Governemanta, hoy hatrany ny fanambarana, ary manamafy ny fikatsahana ny vahaolana ampiharana ny fanatanterahana ny fifanarahana.  
    Lire la suite ...
    • mercredi, 26 février 2020 19:20

    Arizaka Rabekoto Raoul: Namoahan’ny Bianco « Avis de recherche »

    Karohina i Arizaka Rabekoto Raoul, filohan’ny Federasiona malagasy ny baolina kitra. Manamafy izany ny taratasy filazana fikarohana laharana faha-001-20/BIANCO/DG/DTA navoakan’ny Birao mahaleotena miady amin’ny kolikoly androany alarobia 26 febroary 2020. Nandefasan’ny Bianco fiantsoana voalohany ity Tale jeneralin’ny Cnaps teo aloha ity tamin’ny 20 febroary 2020 hatao famotorana mikasika vola amina lavitrisa tao amin’ny Cnaps izay tsy mazava ny nivoahany, fa tsy nipoitra izy, raha toa ka tonga niatrika famotorana ireo olona voarohirohy miaraka aminy. Nandefa fiantsoana fanindroany ny Bianco no mivoaka an-gazety ny vaovao fa niala teto Madagasikara i Arizaka Rabekoto Raoul, ary izay no voalaza fa namoahan’ny Bianco ny « Avis de recherche » hikarohana azy hanaovana famotorana azy ka hamaliany eo anoloan’ny fitsarana ireo fiampangana azy. Araka ny fantatra dia ny Bianco no nangataka tamin’ny ministeran’ny Ati-tany ny hamoahana fepetra tsy fahafahana mivoaka an’i Madagasikara araka ny taratasy laharana faha-019/MID/SG/DGAT/DIE/SCM tamin’ny 3 febroary 2020, mihatra amin’i Arizaka Rabekoto Raoul.  
    Lire la suite ...
    • mercredi, 26 février 2020 11:29

    Fandrobana ny Ivon-ketra Antsirabe: Olona miisa fito tazomina am-ponja, mpiambina ny telo sy vadin'ny mpiambina iray, mpiasa ny telo

    Olona miisa fito no natolotra ny Fitsarana ambaratonga voalohany Antsirabe omaly, voarohirohy tamin’ny fahavakisan’ny Ivon-ketra-A Antsirabe, ka nahaverezana vola manodidina ny 50 tapitrisa Ariary ny alin’ny 14 febroary hifoha 15 febroary 2020. Mpiambina ny roalahy tamin’ireo voarohirohy, mpiambina efa niasa tao teo aloha ny fahatelo, ary vadin’ny iray tamin’ireo mpiambina ny vehivavy iray voasambotra sy notanana am-ponja vonjimaika aloha hatreto. Misy mpiasa, mpikirakira vola miisa telo ihany koa voarohirohy miaraka amin’izy ireo, ary samy notazomina am-ponja vonjimaika avokoa, miandry ny fotoam-pitsarana azy ireo.  
    Lire la suite ...
    • mardi, 25 février 2020 21:02
    • Sary Gasypatriote Sambava

    Sambava: Mpamily Bajaj nifanindrona antsy

    Mpamily Taxi Bajaj iray no voatsatoka antsy nataon’ny namany samy mpamily ny zoma lasa teo iny teto Bel Souvenir. Nidina tety hifotony ny avy amin’ny Polisim-pirenena nijery sy nanao fanadihadiana momba ity tranga ity. Ny manodidina teo no nahita ireo nifanenjika fa tsy fantatra ny antony fa ny teny hoe : aloavy ny volako ...no heno tao anaty fifamalina nisy tamin'izy ireo. Nentin’ny Polisy teo amin'ny biraon’ny kaomisaria ny Taxi Bajaj iray, izay efa tsy nahitana batery intsony nandritra ny fitsirihana natao. Nilaza ilay mpamily nahavanon-doza fa : ''tsy tongatonga ho azy izao fa noho fivadiham-pitokisana nisy teo aminay roa satria nanao bizina izahay ka nivarotra ''Big Boss 90 degré'' tamin'ny 300 000Ar ny iray ka 100 000 Ar isaky ny fitaovana lafo kanjo hatramin'izao dia tsy azo ny vola ka izao no niafarany ». Eo ampelan-tanan’ny Polisy ny raharaha, manohy ny fanadihadiana. (Jereo sary Tohiny)
    Lire la suite ...
Page 9 sur 179