Vaovao

    • mercredi, 08 janvier 2020 11:39
    • Sary nindramina

    Mahajanga – Antananarivo: Tafakatra 40 000 Ariary ny sarandalana

    Tsy ampy ny fiara mpitatitra olona miainga eto Mahajanga miazo an’Antananarivo. Fiara midina avy any Antananarivo no andrasana dia iny no ifandrombahan’ny mpandeha noho ny hamehana, hany ka io no voalaza fa anisany antony mampiakatra ny sarandalana ho 40 000 Ariary raha toa ka 30 000 Ariary izany andavanandro. Mijery vahaolana izahay, hoy i Rahaingo Toky, tompon'andraikitry ny ATT, antokon-draharaha misahana ny fitaterana an-tanety, eto Mahajanga, mitady ireo mpandraharaha izay manana fiara afaka mitatitra olona, na ireo manao zotra rezionaly hanampy amin’ny fitaterana ireo mpandeha. (Jereo Sary Tohiny)
    Lire la suite ...
    • mardi, 07 janvier 2020 19:22
    • Sary nomena

    Maibahoaka Ivato: Kamiao sady lany "visite technique" no tapaka hisatra, nanitsaka olona

    Kamiao iray nitondra akondro nipoitra avy any Talatamaty miazo ny lalana ho any Ivato no nivoaka tampoka ny lalana rehefa naka sisiny ka nifatratra tamin’ny tambohon’ny tranon’ny loholona teo aloha Sylvain Rabetsaroana, eo Maibahoaka Ivato androany atoandro. Araka ny angom-baovao dia niala moto nivilivily fandeha teo anoloany ilay kamiao no nampifatratra azy tany amin’ny tamboho. Ny hafa indray milaza fa vokatry ny fandehanana mafy no niteraka ny loza. Nanatona ny Zandary teny Talatamaty avy hatrany ny mpamilin’ilay kamiao taorian’ny loza. Vehivavy iray avy nitsena mpianatra nirava no voahitsak’ilay kamiao, ka maty tsy tra-drano. Nieren-doza kosa ilay zaza niaraka taminy.
    Lire la suite ...
    • lundi, 06 janvier 2020 13:20
    • Sary nindramina

    Iran: Antapitrisany ireo vahoaka nanome voninahitra ny Jeneraly Qassem Soleimani novonoin'ny Amerikanina

    Tamin'ny zoma 03 janoary teo no novonoin'ny Amerikanina tamin'ny alalan'ny drone, teo amin'ny seranam-piaramanidin'ny Bagdad tany Irak ny Jeneraly Qassem Soleimani sy Abou Mehdi al-Mouhandis, lehiben'ny Hachd al-Chaabi, anisan'ny fiarovana iranianina. Naneho avy hatrany ny fanoherana izao tranga izao ireo Iranianina antapitrisany, ary dia mitaky ny valifaty handarofana ny Amerikanina. Donald Trump, filoha amerikanina, dia manamafy fa ity Jeneraly ity no mpitarika ireo mpampihorohoro sy nanao ny fanafihana ny masoivoho amerikanina tany an-toerana. Nanapa-kevitra ny Iranianina, fa dia hanohy ny fikarohana sy fanamboarana baomba atomika, raha nanaiky ny hanajanona izany izy teo aloha, izay fifanarahana nialan'ny Amerikanina ihany koa.
    Lire la suite ...
    • lundi, 06 janvier 2020 12:20
    • Sary Gasypatriote Sambava

    Sambava: Sarona ireo entana lany daty nokasaina hamidy amin'ny mpanjifa

    Tranga mampalahelo no misy amin'ny mpivarotra maromaro izay mbola minia mivarotra entana efa fantany fa lany daty, izay misy fiantraikany amin'ny fahasalaman'ny mpanjifa. « Manerana ny Faritra SAVA dia samy nahatratrarana avy », hoy ny Talem-paritry ny varotra sy ny fanjifana, Be Christophe teo ampamotehana ireo entana lany daty ny zoma 03 janoary 2020 teo iny, sady nampianatra ny olona izay tsy manana fahazarana amin’ny fijerana ny daty misoratra amin’ireo entana hovidiny mba ho mahina hatrany manomboka izao. « Nahoana no miverimberina foana ireo tranombarotra izay hatratrarana zavatra tahaka ity ka mbola mamerina hatrany izay raisinay ho fanampoizina anay », hoy ny fanontanian'ny mpanjifa. (Jereo Sary Tohiny)
    Lire la suite ...
    • dimanche, 05 janvier 2020 19:18
    • Sary nindramina

    Mahajanga: Roso amin’ny fanadiovana taorian’ny rano be

    Nidina nijery ny zava-misy vokatry ny rano be nateraky ny ora-nikija nandritra ny efatra andro teto Mahajanga, ny delegasiona notarihin’ny Praiminisitra, Lehiben’ny governemanta, Ntsay Christian ny sabotsy 04 janoary. Nitsidika sy nampahery ireo traboina avy amin’ny Fokontany telo, izay mitoby ao amin’ny EPP Fiofio, Tsararano, ary Ambalavola, ary nitondra ny fanampiana ny delegasiona.
    Lire la suite ...
    • dimanche, 05 janvier 2020 16:34

    Dg Jirama Vonjy Andriamanga : Ho vita androany sy rahampitso ny fanarenana pylônes

    Hatramin'ny alina no efa am-perinasa manolo ilay "pylône" lehibe 138.000V nianjera eny Behintsy ny JIRAMA izay vinavinaina ho vita anio hariva. Marihina fa noho ny orana izay nitohy alina dia nananosarotra ny fampitaovana ka niteraka fahatarana teo amin'ny fanatanterahana ny asa fanarenana. Ho vita anio folakandro ihany koa ny fanarenana ireo "pylônes" roa mitondra herinaratra 63.000V eny Alasora. Andrin-jiro 15 tamin'ireo 40 nianjera no efa voaarina alina ihany ary mbola mitohy hatramin'ny rahampitso ny fanarenana izany. Telo kosa sisa ny andrin-jiro mitondra herinaratra MT no tsy voaarina ka eny Ankadinandriana ny roa amin'zany ary eny Mantasoa ny iray.
    Lire la suite ...
    • samedi, 04 janvier 2020 10:16
    • Sary nindramina

    Mahajanga: Mijojo ny orana, mitombo isa ireo traboina noho ny rano miakatra

    Tanàna maromaro amin’ny toerana iva eto an-drenivohitry ny faritra Boeny no misedra fahasahiranana vokatry ny fiakaran’ny rano nateraky ny orana nijojo efa andro vitsivitsy izao. Miditra an-trano ny rano, tonga hatreny ambany helika amin’ny toerana sasany. Miara-misalahy ireo herivelona eto an-toerana manavotra ireo traboina hiala amin’ny toerany, ka mametraka azy ireo amin’ny toerana voatokana toy ny ao amin’ny EPP Fiofio. Nandray anjara tamin’izany ny Zandary sy ny Miaramila. Nanampy izay vitany ihany koa ny Filoha lefitry ny Antenimieram-pirenena, ny Solombavam-bahoaka Rahantanirina Lalao fantatry ny maro hoe Nina.
    Lire la suite ...
    • jeudi, 02 janvier 2020 22:14
    • Sary ZP

    Zandary namono olona teny Ivato: Hampidirina ho mpiasa eo anivon'ny Zandarimaria ilay vehivavy vady navelan'ny maty

    Tonga teny amin’ny HJRA Ampefiloha, tamin’ny fotoana hakan’ny fianakaviany ny nofomangatsiakan’ilay lehilahy maty tsy tra-drano notifirin’ny zandary iray teny Ivato ny marainan’ny taombavao 1 janoary 2020, ny fianakaviamben'ny Zandarimaria notarihin'ny Sekreteram-panjakana miadidy ny Zandarimaria, ny jeneraly Richard Ravalomanana sy ny Jeneraly Komandin'ny Zandarimaria, ny jeneraly Andrianjanaka Njatoarisoa, nitondra ny teny fampiononana ho an'ny fianakavian'ilay maty. Nilaza ny Minisitra fa efa nandraisana fepetra hentitra araka ny lalàna ilay zandary nahavanon-doza. Hisy ihany koa ny fiahian'ny Zandarimaria ilay vehivavy mananontena, vady navelan'ny maty ka mety hampidirina azy ho mpiasa sivily eo anivon'ny Zandarimaria. (Jereo Sary Tohiny)  
    Lire la suite ...
    • mardi, 31 décembre 2019 18:54
    • Sary nindramina

    Fifamoivoizana: Haverina ny "Police de la Route" sahanin’ny Polisim-pirenena

    Nanome alalana ny hamerenana indray ny "Police de la Route" ho an`ireo polisy nasionaly ny Praiminisitra lehiben’ny governemanta, Ntsay Christian, nandritra ny fivoriana natao omaly tao amin’ny Commissariat Central Tsaralalana, niaraha-nikatsaka vahaolana amin’ny fitohanan’ny fifamoivoizana sy ny fandriampahalemana. Nanao fanambarana ny Polisim-pirenena fa « haverina tsy ho ela ny "Police de la Route" manerana ny Nosy.
    Lire la suite ...
    • dimanche, 29 décembre 2019 19:02
    • Sary Zandarimaria

    Vola sandoka: Vao nivoaka ny fonja dia voasambotra indray ilay Ramatoa

    Ramatoa iray sahabo ho 50 taona no nosamborin’ny Zandary raha nikasa handrotsaka vola sandoka amin'ny kaontiny amin'ny "cash point" iray tao Isoanala, Distrikan’i Betroka omaly sabotsy 28 desambra 2019. Lelavola roa alina Ariary sandoka miisa 6 amin'ireo 15 saika narotsany no tany aminy. Vao nivoaka ny fonja tsy ela noho ny raharaha fisandohana ity ramatoa ity, dia izao mamerin-keloka izao indray. Mandray an-tanana ny famotorana azy ny Zandary ao amin’ny Tobi-paritry ny Zandarimariam-pirenena Isoanala.  
    Lire la suite ...
Page 8 sur 168