Vaovao

    • mardi, 21 janvier 2020 15:52
    • Sary Gasypatriote Morondava

    Morondava: Camaron 30kg sy makamba 50kg tratra saika hamidy

    Saron’ny mpiasa mpanara-maso ny jono eto Morondava, teny amin’ny toby fiantsonan’ny fiarakodia eo Morondava Centre, androany atoandro teo ny camaron 30kg sy makamba 50kg efa tsy misy lohany raha nokasaina ho entina ao Antananarivo. Araka ny fanazavan-dRandrenjarivelo Tsiriniaina, lehiben’ny sampandraharaham-paritry ny jono eto Menabe dia mbola anatin’ny fotoana tsy azo anjonoana, fitaterana ary fivarotana ireo hazandranomasina ireo izao fa voarara, ka nogiazana avy hatrany. Hatolotra ny Sekolin’ny Marenina eto Morondava (SEMAMO) sy ny « Varavarana Tsara Endrika » mpitaiza sembana ireo entana nogiazana ireo, araka ny fanazavany hatrany. (Jereo Sary Tohiny)
    Lire la suite ...
    • lundi, 20 janvier 2020 21:24
    • Sary nomena

    Tafika Malagasy: Havaozina sy hasiana fanitsiana ny rafitra

    Tonga nanokatra ny atrikasa izay ataon'ireo tompon'andraikitra ambony eo anivon’ny Tafika Malagasy, teny amin’ny CCI Ivato ny Praiminisitra, Lehiben’ny governemanta, Ntsay Christian androany. Dinikasa entina manatanteraka ny rindran-damina amin'ny fanavaozana ny rafitry ny Tafika, izay natrehin'ireo mpikambana eo anivon'ny governemanta voakasika amin'ny sehatry ny fandriampahalemana.
    Lire la suite ...
    • lundi, 20 janvier 2020 10:04
    • Sary nindramina

    Taom-pambolenkazo: Natomboka taty Sakaraha ny an’ny Faritra Atsimo Andrefana

    Zana-kazo 55 000 fototra no novolena amin'ny velaran-tany 100 hekitara taty Sakaraha ny alahady 19 janoary, fanokafana amin'ny fomba ofisialy ny taom-pambolenkazo 2020. Nandray anjara mavitrika tamin'izany ny teo anivon'ny Ministeran'ny Tanora sy Fanatanjahan-tena, izay tarihin'Atoa Minisitra Tinoka Roberto, sady Minisitra « coach » ny Faritra Atsimo Andrefana. Nifarimbona tamin’izany ny mponin’i Sakaraha sy ireo olo-manankaja rehetra amin'ny faritany Toliara sy ireo sampandraraha misy ao amin'ny Faritra Atsimo Andrefana. 2000 hekitara ny toerana azo volena hazo ao amin’ity lemaky Sakaraha ity, ary mbola hitohy ny asa sy ny ezaka fambolena. Hazo 60 tapitrisa fototra no tanjona hovolena amin’ity taona ity, manerana an’i Madagasikara hanamarika ihany koa ny tsingerin-taona faha-60 niverenan’ny fahaleovantenam-pirenena. (Jereo Sary Tohiny)
    Lire la suite ...
    • samedi, 18 janvier 2020 18:11
    • Sary: Polisim-pirenena

    Fanadiovana: Nitohy teny Anosibe ny fanesorana ireo mpivarotra amoron-dalana, niteraka sakoroka anefa izany ny hariva

    Vao maraina omaly zoma 17 janoary dia efa nidina teny Anosibe, Boriborintany fahaefatra Antananarivo Renivohitra, ny mpitandro ny filaminana, nanala ireo mpivarotra amoron-dalana, ireo sarety mipetraka amin'ny sisin-dalana, ary fanakisahana ireo fiara mihantsona amin'ny sisin-dalana. Nitohy ihany koa ny fanabeazana ny mpandeha an-tongotra handeha amin'ny sisindalana sy hiampita amin'ny faritra voatokana ho azy izy ireo. Ny harivan'io ihany anefa dia nisy an-dihan'olona tsy fantatra nanakan-dalana, ka voatery natsahatra vonjimaika ny fifamoivoizana teny an-toerana, ary nandray ny andraikiny avy hatrany ireo mpitandro ny filaminana. Mitohy hatrany ny fanadiovana ny tanàna hoy ireo tompon'andraikitra, ary entanina ny rehetra hanaja ny fahadiovana, hanaja ny fiampitana arabe amin'ny toerana voatondro amin'izany. (Jereo Sary Tohiny)  
    Lire la suite ...
    • vendredi, 17 janvier 2020 14:32
    • Sary nindramina

    Adin’ny mpivady: Maty voatsatok’antsy ramatoa, naratra vaky loha rangahy

    Fifamaliana ara-bola no nitarika ny adin’ireto mpivady tao Ambodifiakarana, Fokontany Vohimary II, Kaominina Manato, Distrikan’i Farafangana. Raha ny filazan’ilay rangahy dia nifampikasi-tanana izy mivady ka voasambotr’ilay ramatoa vadiny ny (testicules) vihin’ilay rangahy ary nofikiriny tsy namelany. Nandritra izay no nahavoaray antsy ilay rangahy ary notsindrominy teo amin'ny vavafony ilay ramatoa. Nitsirara tamin'ny tany avy hatrany ramatoa ary nitolefika ihany koa rangahy noho ilay vihy voapotsitra. Mbola nodarohin’ny havan-dramatoa ity farany ka vao maika naratra vaky loha. Samy nentina namonjy hopitaly be Farafangana izy roa hotsaboina. Tsy tana ny ain’ilay ramatoa noho ny ratra nahazo azy. Notazomin’ny Zandary atao famotorana ilay rangahy vadiny. (Jereo Sary Tohiny)
    Lire la suite ...
    • vendredi, 17 janvier 2020 14:22

    Antsahabe – Bongatsara: Trano roa notafihin’ny jiolahy mitam-piadiana, nafatotr’izy ireo ny tompon-trano

    Miharatsy ny fandriampahalemana ao amin'ny Kaominina Bongatsara, Distrika Antananarivo Atsimondrano. Tokantrano miisa roa tao Avarabohitra Fokontany Antsahabe no notafihin’ny andian-jiolahy mitam-piadiana ny alin’ny alakamisy hifoha ity zoma 17 janoary ity. Norobain’ireo olon-dratsy ny entana sy ny vola tao amin’ireo tokantrano ireo, ary nafatotr’izy ireo ny tompon-trano ka tsy afaka nanao na inona na inona. Niezaka nanaraka ny Fokonolona fa efa nadio ny rano nitan’ireo olon-dratsy.  
    Lire la suite ...
    • vendredi, 17 janvier 2020 11:48
    • Sary: ZP

    Miandrivazo: Krevety tsy nisy taratasy 400kg nogiazana

    Tra-tehaka tao Analamaizina Kaominina Andranomainty nandritra ny fitsirihana nataon’ny BPR Miandrivazo amin’ny lalam-pirenena ny andron'ny 16 janoary 2020 ny fiara iray nitondra krevety milanja 400kg sy trondro 30kg nokasaina ho entina any Antananarivo, na dia tsy nisy taratasy aza. Mbola voararan'ny lalàna anefa mitondra krevety satria tsy mbola misokatra ny fotoam-panjonoana. Nogiazana avy hatrany ireo hazandrano ary nanokafana famotorana niaraka tamin'ny sampandraharahan’ny Jono aty Miandrivazo. Taorian'izany dia nozaraina ho fanampiana an'ireo voafonja sy ireo Tobim-pahasalamana ao an-toerana ireo entana rehefa hita fa azo hohanina. (Jereo Sary Tohiny)  
    Lire la suite ...
    • jeudi, 16 janvier 2020 21:11
    • Sary nindramina

    Rosia: Nametram-pialana ny Praiministra Dmitri Medvedev sy ny governemantany

    Taorian'ny fanambaran'i Vladimir Poutine, filoha rosianina, ny alarobia 15 janoary, ny fikasany hanavao ny Lalampanorenana rosianina, dia nametraka fialana ny Praiminisitra miaraka amin'ny governemantany. Nisaotra ny praiminisitra ny filoha rosianina, ary voatendry avy hatrany ny ho solony, Mikhaïl Michoustine, lehiben'ny mpanangona hetra any Rosia. Neken'ny Parlemanta rosianina ny fanendrena azy. Nambaran'i Vladimir Poutine, fa mila omena lanja kokoa ny Parlemanta, ohatra amin'ny fanendrena ny Praiminisitra, mila ampifandanjana ihany koa hoy izy ny fahefana mpanao lalàna, mpanatanteraka ary ny fitsarana, na dia hijanona manana lanja kokoa aza ny fitondran'ny filoham-pirenena. Efa 20 taona moa no nitondra an'i Rosia ny filoha Vladimir Poutine, ka mitady ny fomba hipetrahana amin'ny manaraka izy raha ny fijerin'ireo mpandinika politika. (Jereo Sary Tohina)
    Lire la suite ...
    • jeudi, 16 janvier 2020 16:06
    • Sary nomena

    Fanafihan-dahalo: Omby 550 voaroba an-dalana teny Beravina, 7 lahy voatifitra tany Amboasary Sud

    Mirongatra ny asan-dahalo. Omby miisa 550 avy any Belitsaka Maintirano hihazo an'i Tsiroanomandidy hamidy nosakanan’ny dahalo maro be mirongo basy mahery vaika tao Beravina-Morafenobe androany maraina. Tsy nisy ny maty sy naratra ny tompon'omby saingy lasan’ny dahalo avokoa ny omby ka miantso vonjy amin’ny fitondram-panjakana izy ireo hanavotana ireto omby ireto, sy hisamborana ireo dahalo. Nitrangana fanafihan-dahalo ihany koa tany Ebelo Amboasary Sud ary nisy fifandonana teo amin’ny tompon’omby sy mpanaradia andaniny, ary ny dahalo ankilany. Naratra voatifitra ny enina tamin’ireo mpanaradia sy ny tompon’omby ; voa mafy ny iray niantefan’ny bala teo ambanin’ny fony. Tsaboina ao amin’ny hopitaliben’Ambovombe Androy ireo maratra amin’izao. Maty tao anaty fifanjevoana ny dahalo iray ary azo sambo-belona ny iray. Naka zaza iray natao takalon’aina ireo dahalo, sady mitaky vola 3 tapitrisa Ariary, ka anaovan’ireo maratra antso avo amin’ny mpitondra hamonjy azy ireo fa tsy milamina ny tany.  
    Lire la suite ...
    • mercredi, 15 janvier 2020 15:00
    • Sary Jirama

    Fenoarivo Atsinanana: Hanampiana ny famokaran-drano

    Hakarina ho 2 184m3 isan’andro ny famokaran-drano ho an’i Fenoarivo Atsinanana, raha toa ka 507m3 isan’andro izany amin’izao fotoana izao. Misy ny tetikasa fanamboarana tohodrano avy amin’ny reniranon’Itendro hanampiana ny famokaran-drano ho an’i Fenoarivo Atsinanana, izay fiaraha-miasan’ny JIRAMA sy ny fikambanana GRET. Efa nanomboka tamin’ny 12 desambra 2019 ny asa, ka tokony ho vita ny 30 aprily 2020 raha ny tetiandro.    
    Lire la suite ...
Page 6 sur 168