Vaovao

    • dimanche, 12 mars 2017 16:21
    • Sary Sobika Fianarantsoa

    Fianarantsoa-Ankofafa: Tratra ireo nahavanon-dratsy tao anatin'ny folo andro

    Jiolahy iray no lavon'ny balan'ny mpitandro filaminana teo am-pitsoahana, ny valo kosa tazonina ao amin'ny Commissariat de Police Ankofafa. Miandry ny rariny eo an-tokontany ny mponina manodidina. Tra-tehaka ireo mpamaky trano nahavanon-dratsy tao an-toerana nandritra ny folo andro. Toeram-pivarotana 10 no fantatra fa notafihin'izy ireo ankoatra ny halatra madinika.
    Lire la suite ...
    • samedi, 11 mars 2017 12:44
    • Sary Sobika Farafangana

    Lohatranambo-Farafangana : Polisy kaominaly nametaveta zazavavy vao 12 taona

    Lehilahy iray, polisy kaominaly tratra nametaveta zazavavy vao 12 taona tao Lohatranambo, Kaominina Ambohigogo Distrikan'i Farafangana, ny alin'ny talata 7 marsa teo. Simba tanteraka ilay zaza ary tsy maintsy nozairina. Nosamborin'ny Fokonolona ilay raim-pianakaviana nahavanon-doza ary nofatorana. Natolotra ny Kaominina izy mandra-pahatongan'ny mpitandro filaminana. Tsy mbola nametraka fitoriana ny ray aman-drenin'ilay zaza fa mbola sahirana mitsabo ilay zaza, izay tsy maintsy nalefa amin'ny hopitalibe Farafangana.  
    Lire la suite ...
    • vendredi, 10 mars 2017 19:40
    • Sary nomena

    Sampana Fanantenana FAFI V : Nanampy ireo vehivavy mahantra sy sahirana tao amin’ny Boriboritany fahadimy

    Tao anatin’ny rivodoza Enawo no nankalazan’ny Sampana Fanantenana FAFI V tarihin’dRamatoa Hanitriniala Raholdina vadin’ny Solombavambahoaka Naivo Raholdina voafidy tao amin’ny Boriboritany fahadimy Antananarivo ny 08 marsa Andron’ny vehivavy, ka vehivavy mahantra sy sahirana aman-jatony teny amin’ny boriboritany fahadimy no nisitraka ny fanampiana tamin’izany. Niantomboka tao amin’ny Clinic FIDY Ambatomainty izay toeram-pitsaboana tsy miankina kanefa mitsinjo ny sahirana no nanomboana izany ka ireo vehivavy tera-bao sy avy nodidiana am-polony no notolorany botofotsy sy vola ro-patsa ary solom-boankazo.
    Lire la suite ...
    • jeudi, 09 mars 2017 22:18
    • Sary nindramina fampihaingoana

    Ikalamavony : Niara-tonga ny dahalo sy ny rivodoza Enawo

    Ny olona mitebiteby amin’izay ateraky ny rivodoza Enawo nandalo taty Ikalamavony, ny dahalo ihany koa nanao ny nataony. Omby maherin'ny 20 no noraofin'ny andian-dahalo nirongo basy androany alakamisy 9 marsa maraina, tokony ho tamin’ny 9ora, tao an-tananan'Ambatovaky, Fokontany Tamboretina, 8km mialoha ny hidirana ny Kaominina Mangidy raha ho any amin’ny Distrikan’Ikalamavony avy aty Atsinanana. Tsy nisy azon’ny Fokonolona natao fa dia notazanim-potsiny; antony, enjana ny fitaovam-piadiana entin'ny dahalo.  
    Lire la suite ...
    • jeudi, 09 mars 2017 20:00

    Fianarantsoa: Tsy mianatra ny mpianatra ny zoma 10 marsa

    Nanatanteraka fidinana amin'ireo sekoly misy eto an-toerana ny talem -paritry ny fanabeazam-pirenena ity andron'ny 9 marsa ity. Fanapahan-kevitra telo no nivoaka taorian'izany. Noho ny fiakaran'ny rano sy ny ahiahy momba ireo fotodrafitrasa fianarana dia ny alatsinainy 13 marsa ho avy izao vao miverina an-tsekoly ny mpianatra. Ankoatra'izay dia manome baiko ny tale-tsekoly rehetra ny Dren eto Matsiatra Ambony mba hanao tatitra miaraka amin'ny sary fanehoana ireo fahasimbana misy amin'ny toeram-pianarana tantanany. Tapaka ambonin'izay fa afaka mandray traboina daholo rehefa sekoly angatahana izany. Hatreto dia tsy mbola misy asa fandrindrana sy fandaminana mialoha sy mandritra ny fandalovan'ny rivodoza nataon'ny ratsamangaikan'ny BNGRC aty an-toerana.  
    Lire la suite ...
    • jeudi, 09 mars 2017 14:46
    • Sary nomena

    Mapar Boriboritany faharoa: Nankalaza ny 08 marsa

    Nankalazana ny andro iraisam-pirenena ho an'ny vehivavy ny 08 marsa ny boriborintany faharoa izay notontosaina tetsy amin'ny hefitrano malalaka Soeur FMA Tsiadana. Notsongaina manokana ny vehivavy mpanasa lamba amin'ireo bassin lavoir sy mpanasa amin'ireo borne fontaine ao amin'ny fokontany Ampasanimalo, Tsiadana ary Ambolokandrina. Vehivavy mpanasa lamba miisa 250 ary zokiolona miisa 50 no notolorana fanomezana toy ny koveta,sceaux,fotsim-bary ary lambaoany sy elo. Izany hetsika izany moa dia notarihan'i Solombavambahoaka Lanto Rakotomanga izay nanamafisany fa asa efa fanaon'ny vondrona Mapar miaraka amin'ny Filoha Rajoelina izao atao izao, izay natao hanampiana ireo vahoaka sahirana amin'ny asa fivelomana.      
    Lire la suite ...
    • jeudi, 09 mars 2017 08:41
    • Sary Sobika Fianarantsoa

    Fianarantsoa : Nofoanana ny hetsika rehetra ankalamanjana nokasaina hatao omaly

    Nofoanana ny hetsika rehetra ankalamanjana nokasaina hatao tamin'ity 8 marsa Andron'ny vehivavy ity, noho ny rivodoza Enawo. Araky ny filazàna nampitain'ny talem-paritry ny fanabeazam-pirenena dia tsy mianatra ny mpianatra rehetra eto amin'ny faritra Matsiatra Ambony ny datin'ny 8 sy 9 marsa. Hatramin'ny omaly dia erika no mirotsaka ankisesy fa ny rivo-mahery dia tsy mbola nahazo ny tananan'i Fianarantsoa. Maro ireo mpandraharaha madinikia sy lehibe nanohy ny asa aman-draharaha fanaony isan'andro.Nihatra teto Fianarantsoa nanomboka omaly hariva ny fanairana loko maitso.  
    Lire la suite ...
    • mardi, 07 mars 2017 21:58
    • Sary Sobika

    Fankalazana ny 08 mars: Mampiseho ny fahaizany ireo vehivavy isam-paritra

    Tonga nitondra ny fahaiza-manao ireo vehivavy avy any amin’ny faritra maro eto Madagasikara izay mankalaza ny andron’ny vehivavy, izay natao teny amin’ny Lapan’ny fanatajahan-tena Mahamasina. Ambohim-pihaonana ho firaisankinan’ny vehivavy ity andro ity satria dia tonga avokoa ireo avy amin’ny faritra rehetra izay manangana trano eva telo ny faritra iray. Manodidina ny zato eo ho eo ny trano eva hita eny an-toerana. Tonga nanotrona izany moa ny minisitry ny mponina Onitiana Realy, niaraka tamin'ireo minisitra vehivavy ao anatin'ny governemanta.  
    Lire la suite ...
    • mardi, 07 mars 2017 21:33
    • Sary Sobika Vondrozo

    Vondrozo : Mitarika asa fanamboaran-dalana ny FFKM

    Ho fanohizana ny hetsika fanamboaran-dalana tarihin'ny FFKM sy ny mpitondra eto an-toerana ary ny Solombavambahoaka Randrianasolo Pauline, izay nanentana ny Fokonolona hampiasa ny herin-tsandriny sy firaisankina amin'ny fandrosoan'ny Distrika, dia nanapa-kevitra ny komitin'ny CLD ka nividy fitaovana fanamboaran-dalana toy ny bulldozer sy compacteur mba hanamorana ny fanamboaran-dalana aty Vondrozo tamin'ilay volan'ny CLD ny taona 2016, mitentina 200 tapitrisa Ariary. Natolotra ny komitin'ny lalana androany talata 7 marsa ireto fitaovana ireo. Hatomboka eto an-tampon-tananan'i Vondrozo ny fampiasana azy. Miandry ny fahatongavan'ny teknisianina avy amin'ny ministeran'ny Asa vaventy ny fotoana tena hanombohan'ny asa.  
    Lire la suite ...
    • lundi, 06 mars 2017 22:34
    • Sary Zandary

    Fanafihana mitam-basy : Zandary roa amperinasa tratra

    Olona telolahy no voasambotry ny Zandary avy any amin’ny «Groupement Analanjirofo » tamin’ny 22 febroary 2017 teo, noho ny fanaovana asa ratsy. Jiolahy efa tena ikoizana amin’ny raharaha toa ity ny iray amin’izy ireo ; Zandary roalahy hafa kosa, miasa ao amin’ny “Groupement Analanjirofo” no niara-mitsikombakomba taminy ka nahatratrarana basy “kalachnikov” iray, izay very tamin’ny 20 febroary 2017 rehefa avy nentina namita iraka ny omalin’io. Ny 22 febroary 2017 no hita tao an-tranon’ny iray amin’ireto Zandary ireto ity basy ity. Nisy bala fampiasa amin’ny fitaovam-piadiana mahery vaika maro mbola tra-tehaka tao an-tranon’ity Zandary ity nandritra ny fisavana natao. Nahatratrarana vola sandoka iray alina miisa 11 mitentina 110.000 Ariary sy tapaka vody basy ihany koa tamin’ireto Zandary ireto, nandritra izany fisavana natao tao an-tranony. Tsy nahitana irony milina fanontana vola irony kosa anefa tao aminy.  
    Lire la suite ...
Page 6 sur 63
B1 - Polyclinique
B2 - Toa