Vaovao

    • lundi, 15 mai 2017 22:18
    • Sary Sobika Mahajanga

    Mahajanga : Mirongatra ny fivarotana sy fifohana rongony

    Mila ho isan-kerinandro, misy hatrany ireo olona voasambotra sy voarohirohy amina aferana zava-mahadomelina indrindra fa ny rongony eto Mahajanga. Ny maraina teo indray, dia ramatoa iray no nahatratrarana rongony 18 fatorana sy ravina paraky gasy maina telo gony tao an-tranony. Efa mpamongady mihitsy ity ramatoa ity ary avy amina loharanom-baovao tamin'ny olon-tsotra no nahalalana fa manao izao asa ratsy izao ny tenany. Natao ny bemidina tamin'ny fisavana ny tranony teny Tsararano ambony ka izao tratra izao. Raha ny fanadihadiana natao azy, avy any Ambanja ireto zava- mahadomelina ireto. Tazonina eny amin'ny Brigade des Stupéfiants eny Mangarivotra ity ramatoa ity, miandry ny fanolorana azy eny amin'ny Fitsarana.  
    Lire la suite ...
    • dimanche, 14 mai 2017 18:28
    • Sary Sobika Sambava

    Fifamoivoizana : Manararaotra manao taingim-be ny mpitatitra eto Sambava

    Tena ahitana izany ny lalam-pirenena RN5A Sambava –Vohémar, tsy mifidy io na taxi Bajaj, na taxi ville, indrindra ny taxi brousse, hany ka mitera-doza indraindray. Miditra ny fotoam-piotazana lavanila ny aty an-toerana amin'izao, ka mifanaretsaka ny mpividy sy mpijirika.  
    Lire la suite ...
    • dimanche, 14 mai 2017 13:41
    • Sary Sobika Sambava

    Vohémar : Nidina an-dalambe ny mpianatry ny Lycée Mixte

    Tsy fankasitrahana ny fitakian’ny FRAM vola 18.000 Ariary isaky ny mpianatra, handoavana karaman’ny mpampianatra no antony nidinan'ireto mpianatra an-dalambe ny alakamisy 11 mey teo. Nanampy trotraka ny filazana miendrika fampitahorana ireo mpianatra hanala fanadinana Bakalôrea fa izay tsy mandoa io vola io dia tsy homena “convocation” hiatrehana fanadinam-panjakana. Nilanja sorabaventy niazo ny biraon’ny Distrika sy ny Kaominina ireo mpianatra. Niato hatramin’ny fampianarana. Voatery niditra an-tsehatra ny mpitandro filaminana nisorohana ny mety ho fihoaram-pefy.
    Lire la suite ...
    • dimanche, 14 mai 2017 12:51
    • Sary nomena

    Sambava : Novonoiny ny vadiny dia naleviny eo an-tokontany

    Lehilahy iray 35 taona no nahavita namono ka nahafaty ny andefomandriny, izay ankizivavy tsy ampy taona. Ny loza dia naleviny teo an-tokontany ihany ny razana. Teo Soavinandriana, izay Fokontany eto Sambava tampon-tanàna no nitrangan’izany ny 11 mey 2017. Naheno fifamaliana teo amin’izy roa ihany ny mpifanolo-bodirindrina ny alina, saingy efa matetika ny tranga toy izany ka nihevitra azy tsy ho zava-doza no tao. Vao mangirandratsy anefa raha handeha hamonjy asa ny olona teo an-tanàna dia taitra raha nahita ilay lehilahy mihady lavaka tsy lavitra ny tranony.
    Lire la suite ...
    • dimanche, 14 mai 2017 11:56
    • Sary Njaka

    Forum de la santé, hiarahana tamin'ireo Morisianina

    Nisy ny fizarana ny fahaiza-manao momba ny resaka fahasalamana nataon’ireto Morisianina ireto tao amin’ny hôtel Colbert ny talata maraina 09 mey. Teo amin’ny 80 eo ireo malagasy no nandray anjara tamin'izany. Noho ny tsy fahampian’ny Clinique eto Madagasikara dia hisy ny famolavolana fananganana Clinique avo lenta izay ahazoan'ireo marary mila fitsaboana any ivelany.  
    Lire la suite ...
    • mardi, 09 mai 2017 16:46
    • Sary Sobika Fianarantsoa

    Vohibato - Matsiatra Ambony : Dahalo 17 no lavo tao anatin'ny telo volana

    Ny fito tamin'ireo no maty niharan'ny hatezeram-bahoaka. Saika avy ao amin'ny Distrikan'Isandra daholo ny tontalibeny raha ny fampahafantarana azo avy any an-toerana. Taorian'ireny hetsika faobe sy fomba ara-drazana nifanaovan'ny mponina ao amin'ny distrika momba ny asan-dahalo ireny dia miroso amin'ny fampivondronana ny ren'ny Fokonolona ny depiote voafidy tany Vohibato, kolonely Andrianatoavina Jean Martin. Fanarenana ny lalana misy fahasimbana tao anatin'ny folo taona mahery no anetsehany ireo vatan-dehilahy isaky ny fokontany. Ka indray mandeha isaky ny herinandro no anatontosana izany.
    Lire la suite ...
    • mardi, 09 mai 2017 15:18

    Manaratsandry- Marovoay: Mpandraharaha nividy omby, voaroba 7 tapitriasa Ariary

    Mpandraharaha iray mpividy omby no lasibatr’ireo jiolahy miisa dimy ny zoma hifoha ny sabotsy 06 mey teo. Lasan’ireo olon-dratsy tamin’izany ny lelavola mitentina 7 tapitriasa Ariary, vola saika hividianana omby. Avy ao Marovoay hihazo an’i Manaratsandry io mpandraharaha io no voatafika teny andalana. Tsy nisy ny aina nahafoy na naratra fa ny vola izay notadiavan’izy ireo ihany no lasa. Efa eny ampelatanan’ny Zandary ao Marovoay sy Manaratsandry ny raharaha amin’izao fotoana izao, ary mandeha ny fikarohana azy dimy lahy nandrava io mpandraharaha io.  
    Lire la suite ...
    • lundi, 08 mai 2017 15:48

    Manandriana - Amoron’i Mania : Miaramila iray maty novonoin’ny dahalo

    Miaramila DAS (Détachement Autonome de Sécurité) iray no matin'ny dahalo tao Anjomanandihizana, Distrikan’i Manandriana, Faritra Amoron’i Mania, ny marainan’ny zoma 5 mey tokony ho tamin’ny 10 ora. Dahalo zato lahy no niandry tao, miandry izay Tafika na Zandary sahy haka ny razana ao fa tsy nisy sahy, hany ka simba ampitoerana teo ny razana. Nisy fanafihan-dahalo tao amin’ny Fokontany Ibory, tapabolana lasa izay, ka nahafaty dahalo iray ireo miaramilan’ny DAS ; karazana valifaty ity tamin’ny zoma ity izany, satria voalaza fa be dia be ireo dahalo no tonga tao sady kalach vaovao be mbola mifono sachet daholo no nentin’izy ireo nanafika.  
    Lire la suite ...
    • samedi, 06 mai 2017 19:48
    • Sary Sobika Mahajanga

    Grand Pavois - Mahajanga : Mangina tanteraka

    Taorian'ny loza nitranga taty amin'ny morontsiraky ny Grand Pavois, manjary mangina tanteraka aty an-toerana. Tsy misy mpitsangatsangana tonga mihitsy fa ireo mponina manodidina sy ireo mpivarotra ihany no mifamezivezy eny an-toerana. Mivelatra fotsiny ary babangoana ireo trano heva sy elo natao fipetrapetrahana sy fialokalofan'ny mpitsangatsangana. Nampihena sy nampatahotra ireo mpitsangatsangana ny loza niseho herinandro lasa izay ka mahatonga izao fahanginana tanteraka izao raha ny nambaran'ireo mpivarotra. Hatramin' izao tokoa mantsy tsy mbola hita ilay tovolahy natelin'ny ranomasina, izay raha tsiahivina dia mpianatra nanao dia fibeazana taty Mahajanga ireto mpianatra avy any antsirabe no tra-doza. Mitaraina ireo mpivarotra sy mpampiasa vola madinika ety amin' ny Grands Pavois satria tsy misy mpanjifa ny entana amidin'izy ireo ary tafiditra fatiantoka mihitsy aza.  
    Lire la suite ...
    • vendredi, 05 mai 2017 10:20

    Malakialina-Mampikony : Horaisin’ny Zandary an-tanana ny fandevenana ilay tovolahy maty notifirin’ny miaramilany ny alarobia 03 mey teo

    Horaisin’ny Zandary an-tanana manontolo ny lany amin’ny fandevenana ilay tovolahy maty notifirin’ny Zandary iray avy ao amin’ny “Poste Avancé” Malakialina ny alarobia teo. Izy ireo koa ny hiantoka ny fampodiana ny taolambalo any Farafangana, fiavian’ilay tovolahy rehefa maina ny razana. Niara-nisotrosotro izy ireo ny alarobia. Voalaza fa nandrahona ilay Zandary tamin’ny fibara (antsy farango lava) fitondrany ilay tovolahy tokony ho 20 taona, izay tsy dia tomombana ara-tsaina loatra, ka io fihetsik’ity farany io, no niarovan’itsy voalohany tena nakany ny basiny sy nitifirany azy. Maty tsy tra-drano ilay tovolahy.
    Lire la suite ...
Page 4 sur 68
B1 - Polyclinique
B2 - Toa