Vaovao

    • lundi, 27 mai 2019 16:17

    Fifidianana depiote: Misy tanora sambany hifidy, nahazo kara-pifidianana fa tsy ao anaty lisitra

    Maro ny fanamarihana heno tao amin'ny radiom-pirenena (RNM) ny tapakandro maraina iny, ny fisan'ireo olona nahazo kara-pifidianana nefa tsy hita ao anaty lisi-pifidianana ny anarany. Misy amin'ireo no tanora vao feno taona ary vao sambany no hifidy, misy indray efa nifidy tamin'ny fifidianana filoham-pirenena fihodinana voalohany sy faharoa tamin'ny taon-dasa nefa nanjavona tao anaty lisitra indray ny anarany amin'izao fifidianana depiote izao. Mety misoratra amin'ny biraom-pifidianana hafa ny anarana hoy ny fanazavan'ny solontenan'ny CENI amin'ireo toerana samihafa isehoan'ny olana. Rehefa tena tsy ao anaty lisi-pifidianana anefa dia tsy afaka mandatsa-bato na dia manana kara-pifidianana aza.  
    Lire la suite ...
    • dimanche, 26 mai 2019 00:04
    • Sary nomena

    BEBOARIMISA Ralava: Faradoboka Manakara tsy mbola nisy ohatr'izao

    Maresaka ny faradoboka niaraka tamin'i Zanaky Manakara, BEBOARIMISA Ralava, kandida ho solombavambahoaka avy amin'ny antoko Banjino ny Repoblika - BR, mitondra ny laharana faha 2 amin'ny bileta tokana. Faly ny rehetra ary nanome toky ny hanandratra ity zanaky Manakara BEBOARIMISA Ralava hitondra ny tenin'izy ireo. (Jereo Sary Tohiny)  
    Lire la suite ...
    • samedi, 25 mai 2019 23:53
    • Sary nomena

    Mananjary: Faradoboka niaraka tamin'i Anthelme Ramparany

    Vahoaka maro no nampiseho ny fahatokisana an'i Anthelme Ramparany, kandida laharana faha-7 amin’ny bileta tokana ato amin’ny Distrikan’i Mananjary. Carnaval, namakivaky ny tanàna no namaranany ny fampielezan-kevitra tato anatin'ny Distrikan'ny Mananjary.Samy nanana ny fanehoany ny fitokisana an'ity kandida zanak'ambanivolo ity avokoa ireo mpanohana azy.  (Jereo Sary Tohiny)  
    Lire la suite ...
    • samedi, 25 mai 2019 23:25
    • Sary nomena

    Irmah Naharimamy: Faradoboka carnaval

    Nasehon'i Toamasina ny fahatokisana an'i Irmah Naharimamy, Kandida ho solombavambahoaka, natolotry ny antoko politika Isika rehetra miaraka amin'i Andry Rajoelina, laharana faha 8, eto Toamasina I. Izay toerana rehetra notsidihina nandritra ny fampielezan-kevitra dia hipoka avokoa, ary miandrandra fandrosoana miaraka amin'i Irmah Naharimamy avokoa. Tsy ho nofinofy intsony ireo vina hiarahana amin'ny Filoha Andry Rajoelina, satria dia ho solombavambahoaka hanampy azy amin'ny fanantanterahina ireo vina sy velirano efa natomboka. Hita sahady ireo fotodrafitrasa efa natomboka, misy aza no eo ampamitana, toy ny lalambe mikodana, ny EPP manara-penitra, ny kianja lehibe, sy ireo maro mbola atao. (Jereo Sary Tohiny)
    Lire la suite ...
    • samedi, 25 mai 2019 13:21
    • Tahirin-tsary fanehoana Gasypatriote

    Fifidianana depiote: Ny 15 jona no vinavinan’ny CENI hamoahana ny voka-pifidianana vonjimaika

    Raha ny vinavina napetraky ny CENI dia ny 15 jona ho avy izao no hamoahana ny ny voka-pifidianana vonjimaika. Araka ny voalazan’ny andininy faha 192 ao amin’ny lalam-pifidianana dia zon’ny kandida sy ny mpanohana azy ny mangataka hanao fampitahana ny fitanana an-tsoratra ny voka-pifidianana. Araka ny fanazavan’ny filoha lefitry ny CENI, Rakotonarivo Thierry dia “manao fangatahana an-tsoratra ny kandida na ny solontenany nahazo fahefana izay hanao ny fampitahana. Izay fangatahana izay dia ampiarahana amin’ny fitanana an-tsoratra izay tiany hanaovana fampitahana ary aterina eny anivon’ny CENI. 24 ora aorian’izay kosa dia mamaly ny CENI na ho atao ny fampitahana na tsia”.
    Lire la suite ...
    • samedi, 25 mai 2019 12:53
    • Tahirin-tsary fanehoana CENI

    Fifidianana solombavambahoaka: Tarehimarika vitsivitsy tsara ho fantatra

    Naharay filatsahan-kofidiana miisa 855 ny OVEC (Organes de Vérification et d’Enregistrement de Candidature), taorian’ny fikatonan’ny fametrahana ny filatsahan-kofidiana ny 12 martsa 2019. Filatsahan-kofidiana miisa 810 dia neken’ny CENI hifaninana hahazo ireo toerana 151 ao Tsimbazaza. Nisy tamin’ireo kandida lohalisitra no nindaosin’ny fahafatesana, misy ny voatana am-ponja vonjimaika tsy afa-nanatanteraka fampielezan-kevitra. Kandida tsy miankina ny 59.87% tamin’ireo filatsahan-kofidiana neken’ny CENI. 14% ny taha-pandraisan’anjaran’ny vehivavy amin’ity fifidianana solombavambahoaka indray mitoraka ity.
    Lire la suite ...
    • samedi, 25 mai 2019 12:29
    • Sary nomena

    Fifidianana solombavambahoaka: Nisy nanao fampielezan-kevitra tany amin’ny Toby miaramila, Fiangonana ary Sekoly

    Nanomboka ny 6 mey ary hifarana tanteraka anio 25 mey 2019 misasakalina ny fampielezan-kevitra amin’ny fifidianana solombavambahoaka rehefa naharitra 21 andro. Manamarika ny Ivotoerana SAFIDY fa nahitana tsy fahatomombanana maro ny fampielezan-kevitra, araka ny fanaraha-maso nataony ny 06 hatramin’ny 19 mey 2019, teo anivon’ny Distrika miisa 48 anivon’ny faritra 16 eto Madagasikara, izay ananan’izy ireo mpanaramaso mihoatra ny 5 000 isa. Voalaza ao amin’ny tatitra fa dia nahitana takelaka voatokana ametahana ny afisin’ireo kandida, araka ny voalazan’ny lalàna ny 94,74 %-n’ny Kaominina.
    Lire la suite ...
    • mercredi, 22 mai 2019 10:05
    • Sary nomena

    Anosy: Atrikasa ho an’ny fananan-tany eto amin’ny faritr’i Afrika

    Mampiantrano atrikasa ho an’ny fananan-tany eto amin’ny faritr’i Afrika i Madagasikara. Nanokatra izany tamin’ny fomba ofisialy tetsy amin’ny Carlton Anosy, ny Praiminisitra, Lehiben’ny governemanta Ntsay Christian, ny talata 21 mey 2019. Sehatra stratejika iray ahafahan’ireo mpisehatra eo amin’ny lafin'ny fananan-tany, amina firenena afrikana miisa 14, mifanakalo sy mifampizara traikefa ity atrikasa ity, ary nahafahana nandinika ny hoavin’ny tontolon’ny fananan-tany sy ireo hetsika tokony hiaraha-manatontosa momba izany. Manaporofo ny fiaraha-miasan’ny governemanta sy ny fiarahamonim-pirenena, izay mikatsaka ny hiarovana ny zo amin’ny fananan-tany. Nametraka politika mifehy ny fananan-tany izay mifototra amin’ny vinam-pampandrosoana i Madagasikara tamin’ny taona 2015, koa fotoana izao, hoy ny Praiminisitra, hanaovana jery todika mikasika ny fampiharana io politika io.
    Lire la suite ...
    • mardi, 21 mai 2019 15:11
    • Sary nindramina Net

    Taona 2100: Hisy fiakarana 2m ny haavon’ny ranomasina

    Raha mitohy izao fihafanan’ny tany izao, misonga +5°C, dia tombanana fa hisy fiakarany hatrany amin’ny 2,38m ny haavon’ny ranomasina, araka ny fandinihan’ny manampahaizana momba ny fiovaovan’ny toetrandro. Nosy kely maro manerana izao tontolo izao no hanjavona hatelin’ny ranomasina, ary olona aman-tapitrisany no voatery hifindra monina aterak’izany.    
    Lire la suite ...
    • mardi, 21 mai 2019 15:03
    • Sary Net

    Pologne: Vehivavy, 29 taona, niteraka kambana enina

    Tao Cracovie renivohitra ity vehivavy ity no teraka omaly alatsinainy 20 mey 2019. Kambana dimy no nandrasany sy niomanany taorian’ireo fitiliana samihafa nanarahana ny vohoka nentiny, kambana enina no tonga. Voatery nodidiana izy namoahana ireo zaza ireo. Vavy ny efatra, lahy ny roa. 890g ka hatramin’ny 1.300g ny lanjan’ireo zaza teo ampahaterahana. Salama avokoa na ny reniny na ireo zaza kambana, hoy ny mpitondra tenin’ny hopitaly. Sambany no nisy teraka kambana enina toy izao tao Pologne raha ny filazan’ny filoha Andrzej Duda. Efa niteraka iray ilay vehivavy, talohan’ireto kambana enina ireto. (Jereo Sary Tohiny)  
    Lire la suite ...
Page 4 sur 134