Vaovao

    • jeudi, 23 août 2018 11:28
    • Sary Gasypatriote Sambava

    Sambava: Manjaka ny ady tany

    Endrika iray nisehoan'izany ny teto Menagisy-Sambava. Ny alarobia 22 aogositra vao tamin’ny 5ora sy 30 maraina dia efa niatrana ireo mpitandro filaminana mba hisoroka izay mety hiseho, nandritra ny fandrodana ireo trano izay tafiditra amin’ny tany manan-tompo. Nanoritra mazava tsara ilay tompon’ilay tany, izay teratany Sinoa fa tany manan-tompo ary efa mifefy ara-dalana io, nefa ataon’ireo olom-bitsy fitadiavam-bola ka ampidiran’izy ireo olona hanorina trano. Efa nomena fe-potoana herinandro ireo olona ireo, hoy ilay Sinoa mba samy hanala ny azy fa “tsy nisy taitra ka tsy maintsy niafara tamin izao izahay”. Nangataka kosa ny mpitandro filaminana mba tsy ho potehina ny fitaovana mba hahafahana mamadika azy ho ampiasaina amin’ny lakozian’ny miaramila.    
    Lire la suite ...
    • samedi, 18 août 2018 10:16
    • Sary Gasypatriote Antsirabe

    Antsirabe: Mpianatra ho polisy niisa 1 102 naseho ambany faneva

    Nahavita fiofanana ara-miaramila nandritra ny 45 andro tao amin'ny Sekolim-pirenen'ny Polisy Antsirabe na ny ENIAP izy ireo. Natao ny zoma 17 aogositra 2018 ny lanonana miaramila nanehoana azy ireo teo ambany faneva, mandrafitra ny andiany "FENITRA". Hanaraka fiofanana sy hianatra amin'izay izy ireo manomboka izao, taorian'iny sedra ara-miaramila iny. Nambaran'ny Kaomisera Talily Damy, Talen'ny sekoly, fa nisy hatrany ny fanavaozana ny taranja hampianarana azy ireo, mba ho Polisy hanana ny maha izy azy izy ireo, araka ny fanatsarana ny fenitry ny fandriampahalemana, ka nampitomboina ny isan'izy ireo. Na izany aza dia ho hentitra ny fampanarahan-dalàna ireto mpianatra ireto, na dia nitombo aza ny isan'izy ireo.
    Lire la suite ...
    • samedi, 18 août 2018 09:53
    • Sary Gasypatriote Sambava

    Sambava: Misy mikasa hifofo ny ain’i depiote Mamangy Norbert dit Jack?

    500 metatra miala ny trano fonenany no indro nahitana kitapo nisy basy vita gasy calibre 12 miisa telo, miaraka amin’ny bala. Olona sendra handeha anaty ala tamin’ny 6ora sy sasany maraina no nahita izany, ary niantso vonjy tamin’ny namany teny amin’ny lalana rehefa nanokatra ny kitapo ka nahita ireto fitaovam-piadiana ireto.
    Lire la suite ...
    • samedi, 18 août 2018 09:52

    Atsimo Atsinanana: Ravan’ny Polisy ireo andian-jiolahy mitam-piadiana nandravarava

    Nody ventiny ny ezaka nataon’ireo Polisy miasa ao amin’ny Brigade Régionale de sécurité Publique Atsimo Atsinanana satria dia tratra avokoa ireo andian-jiolahy mitam-piadiana izay mandravarava amin’ny halatra omby sy vaky trano miaro vono olona. Tsy latsaky ny folo ny olona efa matin’ireto fikambanan-jiolahy ireto. Tompon’antoka tamin’ny famonoana mpiasan’ny Madagascar National Parks iray tao Manombo telo taona lasa izy ireo. Mbola isan’ireo mpangalatra taolam-paty ihany koa ary izy ireo ihany koa no nangalatra ny lakolosin-dry mopera ao Maropagnahy Kaominina Manambotra Atsimo Distrikan’i Farafangana.
    Lire la suite ...
    • jeudi, 16 août 2018 11:11
    • Sary Gasypatriote Toamasina

    Toamasina: Ivon’ny fankalazana ny jobily faha-50 taonan’ny FJKM

    Mampiantrano ny ivon’ny fankalazana ny jobily faha-50 taonan’ny Fiangonana Jesoa Kristy eto Madagasikara (FJKM) sy ny faha-200 taona nidiran’ny Filazantsara, sy ny nahatongavan’i David Jones sy Thomas Bevan teto Antetezampasika, manamorona ny lakandranon’ny Pangalana, ny tanànan’i Toamasina.
    Lire la suite ...
    • mercredi, 15 août 2018 21:55
    • Sary Gasypatriote Sambava

    Sambava: CEPE tao anatin'ny fanahiana

    Ny teto Sambava renivohitra no azo lazaina nandeha tsy nisy tomika ny fanadinana CEPE omaly, izay nahitana mpiadina 2.946 voasoratra anarana, saingy nisy 320 no tsy niatrika ny fanadinana. Tsy nandray anjara ireo mpampianatra avy amin’ny Sempama Nosy ka niteraka fikorontanana tamin'ny foibem-panadinana maro. Ny tao amin’ny foibem-panadinana Bemanevika izao dia tamin’ny sivy ora vao afaka nanomboka. Tsy ampy isa indray anefa ny laza adina ka voatery nitadiavana vahaolana, nandeha nitady toerana nanaovana photocopie.
    Lire la suite ...
    • mercredi, 15 août 2018 21:40
    • Sary Gasypatriote Sambava

    Sambava: CEPE tao anatin'ny fanahiana

    Ny teto Sambava renivohitra no azo lazaina nandeha tsy nisy tomika ny fanadinana CEPE omaly, izay nahitana mpiadina 2.946 voasoratra anarana, saingy nisy 320 no tsy niatrika ny fanadinana. Tsy nandray anjara ireo mpampianatra avy amin’ny Sempama Nosy ka niteraka fikorontanana tamin'ny foibem-panadinana maro. Ny tao amin’ny foibem-panadinana Bemanevika izao dia tamin’ny sivy ora vao afaka nanomboka. Tsy ampy isa indray anefa ny laza adina ka voatery nitadiavana vahaolana, nandeha nitady toerana nanaovana photocopie.
    Lire la suite ...
    • lundi, 13 août 2018 14:17
    • Sary Gasypatriote Mahajanga

    Mahajanga: Polisy naratra voatsindrona antsy teo amin’ny kibony

    Nisy rangahy iray nanindrona antsy ary saika namono nahafaty polisy iray nanao ny asany ny alakamisy 09 aogsitra 2018 teo. Tao an-tokontanin'ny polisy teny amin'ny Boriboritany Fahatelo – Mahajanga mihitsy no nanaovany ny habibiany tamin'ity polisy ity. Nahazo antso avy amina olon-tsotra ny mpitandro ny filaminana fa misy mpanao vola sandoka eny amin'ny manodidina an'i Tsararano. Nidina avy hatrany teny an-toerana ny polisy ary mbola tratra teny tokoa ny roalahy niaraka tamin'ny fitaovana nanaovana vola sandoka.
    Lire la suite ...
    • dimanche, 12 août 2018 22:06
    • Sary Gasypatriote Sambava

    Fanafihana mitam-piadiana: Raim-pianakaviana iray rotiky ny bala ny vavany iray manontolo

    Omaly hariva raha iny mbola teo am-pisakafoanana hariva iny indrindra ny fianakaviana iray teto Ampohafana, Kaominina Marojala no niditra ny dahalo efa-dahy nitondra basy lava iray sy poleta. Aiza ny lavanila, ary raha nikasa ny hanohitra ilay raim-pianakaviana dia tifitra no nasetrin’ireo dahalo azy, izay niantefa teny amin’ny vavany. Taorian’izay dia nofatoran’ireo dahalo ny zanany roa, 17 taona sy 15 taona.
    Lire la suite ...
    • dimanche, 12 août 2018 20:20
    • Sary Gasypatriote Toamasina

    Tranga hafa kely: Nisoloky 16.500.000 Ar izy mba hamerenany an-dramatoa vadiny nisintaka

    Nisintaka ramatoa vokatry ny ady lava ao an-tokantrano izay matetika noho ny ara-bola. Tamin’ny volana jolay 2018 no tapaka ny tady tamin’izy roa. Nanorina fiainana vaovao tao Toamasina ramatoa. Nijanona tao Sandrakatsy Mananara Avaratra rangahy. Manina sa latsa-panenenana rangahy, 41 taona, ka tapa-kevitra ny hamerina an-dramatoa vadiny. Nanatona mpandraharaha lavanila izy, nandresy lahatra an’io milaza fa mahita lavanila tsara any ambanivolo Sandrakatsy. Ifandrombahana moa ny fividianana lavanila, ka tsy nisalasala ilay mpandraharaha, nentim-pahatokisana ary nanome azy vola 16.500.000 Ar hividianana lavanila.
    Lire la suite ...
Page 3 sur 113