Vaovao

    • dimanche, 06 octobre 2019 10:43
    • Sary ZP

    Fanafihana mitam-basy: 10 lahy nandroba ny volan’ny « Pharmacie Ivato »

    Notafihin’ny jiolahy mitam-basy ny « Pharmacie Ivato », Distrika Ambohidratrimo ny harivan’ny sabotsy 5 oktobra 2019, tokony ho tamin’ny 6ora sy 25min. Folo lahy misaron-tava, nitondra basy poleta roa no nanao ny fanafihana. Nanapoaka basy in-droa ireo jiolahy nampitahorany ny manodidina. Tao anatin’izany no nandroban’izy ireo ny vola rehetra maty nandritra ny tapakandro tao amin’ity fivarotam-panafody ity, izay tsy mbola fantatra mazava ny tontaliny. Rifatra nitsoaka ireo jiolahy taorian’izay. Tonga avy hatrany ny Zandary fito lahy avy eo Talatamaty, dimy minitra taorian’ny fampandrenesana azon’izy ireo. Nanao savahao avy hatrany izy ireo ; tonga nanampy azy ireo ny Zandary 12 avy amin’ny Kaompania Ambohidratrimo.
    Lire la suite ...
    • samedi, 05 octobre 2019 11:50

    Taom-pianarana 2019-2020: Hizara telovolana telo, hanomboka 28 oktobra 2019 ary hifarana ny 1 jolay 2020

    Voarafitra ny taom-pianarana 2019-2020 sy ireo datin’ny fanadinana ara-panjakana, sahanin’ny Ministeran’ny Fanabeazam-pirenena, ny Fampianarana ara-Teknika sy arak'Asa. Hizara telovolana telo ny taom-pianarana: - Hiditra an-tsekoly ny mpianatra manomboka 28 oktobra ka hatramin’ny 20 desambra, haharetan’ny telovolana voalohany. 21 desambra 2019 ka hatramin’ny 5 janoary 2020 ny fialantsasatry ny Noely. - Hiditra ny 6 janoary ka hatramin’ny 8 aprily 2020 ny telovolana faharoa, izay ho elanelanin’ny « Andron’ny sekoly » ny 26, 27 ary 28 febroary 2020. - Ny 20 aprily ka hatramin’ny 30 jona 2020 ny telovolana fahatelo, izay ho elanelanin’ny Fetim-pirenena, fankalazana ny faha-60 taona niverenan’ny fahaleovantena, ny 26 jona 2020. Hanomboka ny 1 jolay 2020 ny fialantsasatra lehibe. Hotanterahina manerana ny tanin’ny Repoblikan’i Madagasikara ny 7 jolay 2020 ny fanadinana CEPE. Ny 20 ka hatramin’ny 24 jolay 2020 ny BEPC.  
    Lire la suite ...
    • jeudi, 03 octobre 2019 17:31

    Fivoriana iraisam-pirenena: Hisesy ny fandraisana anjaran’i Madagasikara

    Tapaka nandritra ny filankevitry ny minisitra omaly fa handray anjara amin'ny fihaonana an-tampony voalohany « Russie-Afrique » hatao any Sotchi Rosia i Madagasikara ny 23 sy 24 oktobra 2019. Handray anjara amin'ny fikaonan-doha faha-enina handinihana ny fampiasana ny tahirimbola manerantany entina hiadiana amin'ny VIH SIDA, ny raboka ary ny tazomoka, hatao any Lyon Frantsa ihany koa ny 09 sy 10 oktobra 2019. Ary amin’ny fivorian'ny vondron'asan'ny Firenena Mikambana (ONU) andiany faha-34 handinihana ny fanajana ny zon'olombelona maneran-tany, sy hankatoavana ny tatitra nasionaly faha-3 eo anatrehan'ny Filankevitry ny zon'olombelona, hatao ny 11 sy 14 novambra 2019 any amin'ny Ofisin'ny Firenena Mikambana any Genève, Suisse.  
    Lire la suite ...
    • mercredi, 02 octobre 2019 19:04
    • Sary Gasypatriote Sambava

    Sambava: Nampiantrano ny fankazalana nasionaly ny Andro manerantany ho an'ny zokiolona

    "Zokiolona Mpitahiry soatoavina, taratry ny fahendrena'', io no lohahevitra nentina nankalazana ity Andro manerantany ho an'ny zokiolona ity, hoy ny Minisitry ny mponina sy ny fiahiana ara-tsosialy, Naharimamy Lucien Irmah, izay tonga teto andrenivohi-paritra SAVA ny 01 oktobra 2019. Notsiahiviny fa efa any amin'ny Parlemantera ny volavolan-dalana izay natao hanamorana ny fiainan'ireo zokiolona, dia ny kara-maitso izany.Raha lany izany dia hisitraka izany koa ny Banomo na zokiolona aty SAVA, hoy Atoa Finomana Erneste Filohan'ny Fikambanana Banomo. Nitodika manokana tamin'ireo mpandraharaha eto an-toerana ireo zokiolona mba hanamboarana ny lalana eto antampon-tanana izay tena mampijaly, fa ratsy loatra.
    Lire la suite ...
    • mercredi, 02 octobre 2019 09:37
    • Sary: JIRAMA

    Andohanimandroseza - Antananarivo: Trano lehibe iray tra-tehaka nangalatra herinaratra

    Trano lehibe iray, ahitana rihana roa, ao amin’ny Fokontany Andohanimandroseza no tra-tehaky ny Jirama noho ny fangalarana herinaratra. Ny taona 2017 no notapahana ny herinaratra tao amin’ity trano lehibe ity noho ny tsy fandoavany ny faktioran’ny Jirama. Mbola nihodina hatrany ilay kaontera hatramin’ny 30 septambra 2019 nandritra ny fitsirihana nataon’ny iraky ny Jirama. Mpiasan’ny orinasa Jirama ihany no nambaran’ny tompontrano fa namerina ny herinaratra tao aminy rehefa avy nitaky vola enina hetsy Ariary taminy. Nesorina avy hatrany ilay kaontera ary nandefasan’ny Jirama fiantsoana ilay tompontrano sy ilay mpiasan’ny Jirama voatonontonona tamin’izao halatra izao.
    Lire la suite ...
    • mardi, 01 octobre 2019 19:27

    Bakalôrea 2019 – Moramanga: Mpiadina telo no maty

    Nanamaloka ny fanadinana bakalôrea 2019 ity teto Moramanga ny fahafatesan’ny mpiadina miisa telo tamin’ireo tokony hiatrika fanadinana nanomboka omaly. Tovovavy iray nindaosin’ny fahafatesana tamin’ny fotoana niatrehany adina ara-panatanjahantena (EPS). Ny kandida faharoa narary. Nentina notsaboina tany Antananarivo saingy tsy tana ny ainy. Ny fahatelo maty noho ny lozam-pifamoivoizana tao Ambohitranjavidy tamin’ny lalam-pirenena faha-44 ny alahady 29 septambra firavan'ny Fiangonana atoandro, andro mialoha ny fanombohan’ny fanadinana bakalôrea.Avy any ambanivohitry ny Kaominina Mandialaza ity kandida ity. Noheverin'ny fianakaviana ho sangany, izay sambany vao hisy hanala bakalôrea, dia nifarimbonan'izy rehetra ny fanohanana azy.
    Lire la suite ...
    • mardi, 01 octobre 2019 16:20
    • Sary nindramina

    Parc Ankarafantsika: 1 308 ha ny ny velaran-tany may, ka ala ny 252 ha

    1 308 hektara ny ny velaran-tany may tao amin’ny valanjavaboahary Ankarafantsika nanomboka ny 23 septambra 2019, araka ny tombana nataon’ny MNP (Madagascar National Park), ka ala ny 252 hektara tamin’io. Efa voafehy ny afo.  
    Lire la suite ...
    • lundi, 30 septembre 2019 14:07
    • Sary Gasypatriote Morondava

    Ady amin’ny doro tanety: Hanolotra fiaramanidina ny ONG Fanamby

    Nampahafatarin’ny minisitry ny tontolo iainana sy ny fampandrosoana maharitra, Alexandre Georget tamin’ny diany teto Morondava fa vonona hiady amin’ny afo, izay fahavalon’ny ala, ny ONG Fanamby, ka hanolotra fiaramanidina famonoana afo ho an’ny fitondram-panjakana. Ankoatra izay dia miaramila sy zandary any amin’ny 100 lahy no miara-miasa amin’ny ONG Fanamby aty amin’ny faritra Menabe Antimena manao ny « opération » izay efa nanomboka tamin’ny alarobia lasa teo.    
    Lire la suite ...
    • lundi, 30 septembre 2019 10:57
    • Sary nomena

    RN5A Ambilobe – Vohémar: Vao nirotsaka ny orana, taxi-brousse iray nivadika

    Fiarabe mpitatitra olona avy any Ambilobe hiazo an’i Vohémar no nivadika tampoka rehefa avy niakatra ilay fiakarana malama eo amin'ilay toerana antsoina hoe Antsahapano, amin’ny lalam-pirenena faha-5A ny tolakandron’ny sabotsy 28 septambra 2019 tokony ho tamin’ny 2ora. Niparitaka tamin’ny facebook ny rakin-tsary maneho ny loza. Efa niala avokoa ny ankamaroan'ny mpandeha, saingy nisy vitsivitsy toy ny vehivavy nitaiza sy ankizy tao fa malama ny lalana, noho ny rotsak’orana, dia ireny tsy nivoaka ny fiara. Tsy nisy ny aina nafoy fa voadona noho ny fitsimbadihan'ilay fiara sy fahatairana no nisy. Nisy zaza menavava tokony ho enim-bolana anisan’ireo navoaka tao fa tena tsy naninona. (Jereo Sary Tohiny)  
    Lire la suite ...
    • dimanche, 29 septembre 2019 19:42
    • Sary Gasypatriote Sambava

    Faritra SAVA: Fametrahana samboadin'ireo solombavam-bahoaka

    Tao Antalaha no nanatanterahana ny lanonana fametrahana ny samboadin'ireo solombavam-bahoaka voafidy tato amin'ny Faritra SAVA omaly, sabotsy 28 septambra 2019, nahitana an-Rabenary Jean (Andapa), Mamangy Norbert sy Ramilison Ange Richard (Sambava), Nasira Julien (Antalaha) ary Edizara (Vohémar). Ady amin'ny kolikoly no vaindohan-draharaha hoy ny solombavam-bahoaka voafidy tao Antalaha. "Ny depiote aty SAVA dia vonona hanampy ny filoham-pirenena hiady amin'ny kolikoly, omaly ihany izaho tao Ambatofisaka Antalaha dia efa nahazo sary polisy nandray vola tamin'ny mpitondra moto nandritra ny fisavana nataony. 89% ny olona tonga tao aminay dia voaporofo fa ny kolikoly no fototry ny olana mianjady amin'izy ireo. Mino aho fa raha voafoanantsika io kolikoly io dia handroso ny Faritra SAVA'', hoy izy.
    Lire la suite ...
Page 3 sur 151