Vaovao

  • Solombavambahoaka Lylyette René de Roland
    Solombavambahoaka Lylyette René de Roland
    • jeudi, 22 octobre 2015 14:29
    • Photo: Assemblée Nationale

    Niharan-doza ny Solombavambahoaka Lylyette René de Roland

    Niharan-doza ny maraina teo ny fiaran’i ramatoa Solombavambahoakan’i Madagasikara voafidy tany Befandriana avaratra, Lylyette René de Roland. Tapaka hidy kodiaran'ny fiarany rehefa izy handeha hody avy namonjy ny fivoriana ara-potoana teny amin’ny Antenieram-pirenena.
    Lire la suite ...
  • RN4 voamboatra
    RN4 voamboatra
    • jeudi, 22 octobre 2015 14:08
    • Photo: FB

    Lalam-pirenena faha-4 : Afa-pahasahiranana ny mpampiasa lalana

    Notokanana androany alakamisy 22 oktobra ny fahavitan'ny asa fanamboarana ny tetezan'i Betsiboka sy ny fanatsarana ny lalam-pirenena faha-4. Napetraka androany ihany koa ny vato fototra mariky ny fanombohan'ny asa fanamboarana ny tetezan'i Kamoro.
    Lire la suite ...
  • Anosiarivo Ambodifasina
    Anosiarivo Ambodifasina
    • mercredi, 21 octobre 2015 18:43
    • Photo Fournie

    Anosiarivo Ambodifasina : Atao varoboba ny entan’ny tantsaha

    Amidy 50 Ariary ny singana laisoa iray eny amin’ny tsenan’Ivato – Ambohidratrimo rehefa tolaka ny andro. Izay hatrany no iainan’ny tantsaha avy any Anosiarivo Ambodifasina mitondra ny vokany hamidy ao amin’ity tsena ity. Tsy misy mpividy ny entana, mbola andoavana sarandalana indray anefa raha entina miverina, hany ka mampitombo masonkarena, dia ny fanaovana azy varoboba no vahaolana hitan'izy ireo sitrany ahay.
    Lire la suite ...
    • mercredi, 21 octobre 2015 18:42

    Taratasin'ny mpamaky: Fanaovana taratasy Morondava

    Mitaraina ny fianakaviana iray izay monina aty Antananarivo, fa maty tamin’ny taona 2014 ny renin’izy ireo Razafindrafara Genevieve, izay mpiasam-panjakana nanompo ny fanjakana nadritra ny 30 taona mahery, ary tao Morondava no poste-ny farany. Namela zaza iray mbola tsy ampy taona io vehivavy io. Rehefa nokarakarain'ny secours de Decès, sy pension d’orphelinat ho an’ilay zanaka navelany dia mbola tsy misy valiny foana efa ho roa taona latsaka taty aoriana nametrahana ilay dossier. Efa ho iray taona no nikarakarana ny dossier tao amin’ny Cisco Mahabo sy Dren Menabe vao lasa tany amin’ny finance Morondava ilay dossier. Tafapetraka soa aman-tsara tao amin’ny finance Morondava ilay dossier tamin’ny 20 janvier 2015 ary mbola tsy misy valiny foana efa 10 volana aty aoriana. Voatery nidina tany Morondava ny tompon’ilay dossier ny voalohandohan’ny volana oktobra teo ary nilaza ny tao amin’ny finance Morondava fa tsy misy an’izany dossier izany nandalo tao amin’ny finance Morondava. Rehefa nidrikina anefa ny tompon’ilay dossier, dia nanaiky nitady ihany ireo mpiasan’ny finance ao Morondava, ka hita ihany ny boky misy ny reference nandraisandry zareo ilay dossier. Rehefa nojerena ilay cahier de transmission dia 20 febroary 2015 no voasoratra ao, kanefa dia misy porofo mazava tsara fa naterina tao ny 20 janoary 2015 io dossier io. Izany hoe napetraka teo amin’ny reception finance Morondava ilay dossier ary iray volana aty aoriana vao voarain’ny birao mikarakara azy ao amin’ny finance Morondava ihany. Notadiavina amin’izay ireo dossiers ireo kay tsara pirina ao anaty placard ny dossier momba ny pension. Ilay dossier momba ny secours Décès kosa lazain-dry zareo fa efa lasa any Toliara tamin’ny 10 jolay 2015 ka mila jerena ao amin’ny bureau Solde ao Toliara. Nomen’ilay mpiasan’ny finance référence mihitsy ilay tompon’ny dossier ka B.E 115 du 10/07/2015 no anarahana ilay dossier secours Decès any Toliara. Voatery nandeha nankany Toliara indray ny solontenan’ny fianakaviana hanaraka ilay dossier sy hijery azy. Efa ohatrinona izay ny vola lany ?. Nony tonga tao amin’ny birao solde ny solontenan’ny fianakaviana dia milaza ilay tompon’andrakitra ao Toliara fa tsy misy izany dossier izany ao. Natao ny fikarohana ka hany herin’ny solontenan’ny fianakaviana dia niverina nody aty Antananarivo namonjy ny asany. Tsy fantatra eto na ny finance Morondava no tsy nandefa na ny finance ao Toliara no nanary ilay dossier. Ny azo antoka dia tsy manao ny asany ny mpiasan’ny finance Morondava sy Toliara satria telo volana taorian’ny nialan’ny dossier tany Morondava dia mbola tsy tonga any Toliara foana hoy izy ireo ilay dossier. Raha ny torohevitra nomen’ny mpiasan’ny finance ao Toliara dia hoe mametraha dossier vaovao indray any Morondava dia mahazo référence vaovao dia iny no andrasana any Toliara. Izany hoe raha manaraka ny tantara tetsy aloha dia mila 10 volana fanampiny indray izany vao ho vita izay rehetra izay. Marihina fa tena nisafidy ny hanaraka ny lalana ara-dalàna ny fianakaviana rehefa nikarakara io dossier io fa tsy nanisi-bola tamin’ireo mpikarakara, ka asa na izany no antony tena mampalaina ireo mpiasam-panjakana hanao azy ity. Efa ho roa taona latsaka izay no nikarakarana io dossier io fa dia mbola tsy hita foana ny marina aminy. Koa dia miantso ny Minisitry ny Finance, ny Praiminisitra Jean Ravelonarivo, ny Filohan’ny Repoblika ary ny Bianco mba hanara-maso marina ny asam-panjakana fa izao no tena iainan’ny vahoaka rehefa mikarakara taratasim-panjakana. Izao no atao hoe lenteur de service. Ianao Andriamatoa minisitry ny finance, ao amin’ny departemantanao no misy ity raharaha ity ka dia ampahafantarina anao fa tsy miasa ireo olonao any Morondava sy Toliara ka mila fanadiovana. Ianao andriamatoa Praiminisitra Jean Ravelonarivo, izay nilaza ny 28 janoary 2015 fa tsy maintsy 72 ora dia ho vita ny fikarakarana taratasim-panjakana ary 7 andro farafaha elany dia tokony ho vita sonia ny taratasy rehetra mila izany ao amin’ny administration, ampahafantarinay anao fa izao no iainanay vahoaka madinika. Ianao Andriamatoa Filohan’ny Repoblika, izao no iainan’ny vahoaka izay tarihinao, ankoatry ny delestazy sy ny tsy fandriampahalemana. Izao filohan’ny asam-panjakana toy izao ve no nifidianan’ny vahoaka anao?
    Lire la suite ...
    • vendredi, 16 octobre 2015 13:11
    • Photo: Net

    Vaksiny fanefitry ny lefakozatra : Arian’ny mpanao vaksiny fotsiny ny ranom-baksiny

    Mbola lavitra ny ezaka ho an’i Madagasikara amin’ny famongorana ny lefakozatra na polio. Ny atao hoe tsy misy intsony amin'ny fitsaboana dia tsy hoe tsy misy trangana lefakozatra intsony, fa mety misy any ho any saingy tsy atahorana hahatonga valanaretina. Tokony efa tsy misy polio intsony eto Madagasikara, hoy ny mpitsabo sendra ny Sobika, fa ny olana eto Madagasika dia ny politikan’ny fahasalamana. Ny ministeran’ny fahasalamana dia velona na mivelona amin'ny fanampian’ireo mpamatsy vola, hiadiana amin’ny tazomoka, lefakozatra, tiberkilaozy, habokana, Vih/Sida, …
    Lire la suite ...
  • Antsohihy
    Antsohihy
    • vendredi, 16 octobre 2015 09:21
    • Photo: Sobika Antsohihy

    Fantaro zahay bôka Antsohihy

    Antsohihy dia latsaka ampovoany, andalovan'izay hianavaratra, fa eo koa ireo izay hiankandrefa sy antigniana. Maro olo mpihavy vokatr'izay, ary mahay mifanerasera amin'olo jiaby. Aminay aty werawera, koa efa misy raha mandalo, malaky vory ny olo mizaha. TR hozy mabôto reo (Tia Raha). Ndreo bazary aminay aty, somary mbola misavoritaka, fa mandamina azy zahay io.         Efa masaka ny manga aty amin'ny RN6, manga diego na manga tombato, mbola tsy dia mamy loatra satria mbola tsy latsaka ny mahalegny izay tegna antony maha masaka azy sy maha mamy azy, ka na dia izany aza itondraso voandalagna ny havagna sy ny namagna raha mandalo aminay aty nareo ee.Mandeha par pieces vidiny, 300 ar, 200 ar, 100 ar arakaraka ny halebiazany. Ireo koa ny toby fiantsonan'ny taxi brousse na gare routiere na parkage ahaizanay azy eto Antsohihy renivohitry ny faritra Sofia, efa tsy manarapenitra sy efa tsy mifanaraka amin'ny hamaroan'ny fiara sy ny fivoarana satria raha avy ny mahalegny dia anaty fotaka na gôdra tanteraka ny olona sy ny fiara.       Ireto avy saran-dalana, na pasazy hoy fiteninay azy aty, izay miainga avy eto Antsohihy: - Antsohihy - Tana 40 000 ar- Antsohihy - Mahajanga 20 000 ar- Antsohihy - Antsiranana 35 000 ar- Antsohihy - Mampikony 15 000 ar- Antsohihy - Port-Bergé 10 000 ar- Antsohihy - Ambanja 15 000 ar- Antsohihy - Bealanana 15 000 ar- Antsohihy - Befandriana 10 000 ar- Antsohihy - Mandritsara 20 000 ar- Antsohihy - Analalava 15 000 ar fa misy vedette mandeha koa. Izay aloha ny vaovao niany fa afara koa mitrôtro ein.Ny Havanareo aty Antsohihy mihezaka mameno vaovao agnaty Sobika na panier na tanty bazary hoy zahay aty zay.
    Lire la suite ...
    • mercredi, 14 octobre 2015 15:03
    • Photo: Fournie

    Raharaha Androhibe Finoana : Ady tany

    Mitarika olona tsy hanara-dalàna sy manendrikendrika ny mpino loterana ny Solombavambahoaka Naivo Raolidina, Solombavambahoakan’i Madagasikara voafidy ao amin’ny faritra faha dimy hoy ireo mpivavaka ao amin’ny fiangonana Androhibe Finoana , izay naheno ny fanazavana nomen’ity Solombavambahoaka tao amin’ny radio tsy miankina iray momba ny nahazahoan’io fiangonana io ny tanim-panjakana eny Androhibe.
    Lire la suite ...
    • mercredi, 14 octobre 2015 12:11
    • Photo: Net

    Fankalazana ny 14 oktobra

    Tonga aty Antsohihy ny député Jao Jean, izay sady Filoha lefitry ny Antenimieram-pirenena, nitaona ireo vahoakany amin'ilay fikambanana vao naoriny MAKALOMBO dia nizotra niaraka fiara marobe nandeha any Anahidrano, misy ny tranon'i Filoha teo aloha Philibert Tsiranana, hankalaza ny fety 14 oktobra.
    Lire la suite ...
    • mercredi, 14 octobre 2015 10:29
    • Photo: Fournie

    Otrikafo : Manameloka ny nanomezana ny vahiny nyJIRAMA, sy ny Air Madagascar

    Manameloka ny nanomezana ny vahiny ny fitantanana ireo orinasam-panjakana iankinan’ny aim-pirenena sy ny fiandrianany, ny JIRAMA, sy ny Air Madagascar izay vao nanendrena Tale jeneraly Kanadiana indray ny Otrikafo sy ny FLN (Vava-ady ho fanafaham-pirenena).
    Lire la suite ...
    • lundi, 12 octobre 2015 13:02
    • Photo: Net

    Fampivondronana ireo Ben’ny tanàna : Tsy nitana ny teniny ny Fanjakana

    Tapaka nandritra ny filankevitry ny minisitra tamin’ny 23 septambra 2015, araka ny tolo-kevitry ny ministeran’ny Ati-tany sy ny fanapariaham-pahefana fa hotanterahina ny 12 ka hatramin’ny 14 oktobra 2015 ny fampivondronana ireo Ben’ny tanàna voafidy manerana ny Nosy. Miisa 1695 ireo Kaominina eto Madagasikara, ny 19 amin’ireo ihany no tsy mbola manana Ben’ny tanàna voafidy, satria haverina amin’ny 13 novambra 2015 ny fifidianana tany amin’ireo Kaominina ireo.
    Lire la suite ...
Page 104 sur 113