Vaovao

    • samedi, 28 mars 2020 17:13
    • Sary: Seraseran’ny Fiadidiana ny Faritra Vakinankaratra

    Fisorohana ny Covid-19: Nidina nanao fanentanana teny an-tsena ny Governoran’i Vakinankaratra

    Firesahana mivantana tamin’ireo mpivarotra teny an-tsena Sabotsy no nataon’ny Governoran’ny Faritra Vakinankaratra Vyvato Rakotovao, ny Ben’ny tanàna Rasamimanana Honoré ary ireo Mpitandro ny filaminana androany ho fisorohana ny fidiran’ny tsimokaretina Coronavirus. (Sary: Seraseran’ny Fiadidiana ny Faritra Vakinankaratra) (Jereo Sary Tohiny)
    Lire la suite ...
    • samedi, 28 mars 2020 16:45

    Masiakampy-Miandrivazo: Manararaotra ny mpivarotra PPN

    550 Ariary sy 600 Ariary no ivarotan’ny mpaninjara ny iray kapoaka amin’ny vary vahiny « stock tampon » eto Masiakampy, Distrikan’i Miandrivazo amin’izao. 6500 Ariary ka hatramin’ny 8000 Ariary ny litatry ny menaka. 900 Ariary ka hatramin’ny 1300 Ariary ny iray kapoka amin’ny siramamy. Misy ihany ireo mitazona ny vidiny teo aloha saingy any amin’ny fitaovana famarana sy fandanjana indray no amboariny Kapoaka tapaka sy mizana misy fanamboarana, toy izany koa famarana menaka.  
    Lire la suite ...
    • samedi, 28 mars 2020 13:55
    • Sary: Raniah Florenciette

    Mandritsara: Vehivavy hita faty teo amoron-dalana

    Amoron-dalana, tsy lavitra ny seranam-piaramanidin’i Mandritsara no nahitana vehivavy iray efa tsy misy aina intsony, androany marainan’ity sabotsy 28 marsa 2020 ity. Efa eo ampelan-tanan’ny mpitandro ny filaminana ny raharaha, nanokatra fanadihadiana avy hatrany. (Jereo Sary Tohiny)  
    Lire la suite ...
    • vendredi, 27 mars 2020 21:25
    • Sary Gasypatriote Sambava

    Sambava: Niampy iray ny olona maty noho fihinanana atsantsa

    Namoy ny ainy tamin’ny 7ora sy sasany harivan’ity zoma 27 marsa 2020 ity ihany koa i Jao Léonard, raim-pianakaviana, 57 taona, iray tamin’ireo efatra narary ary niditra hopitaly tao amin’ny CHRR Besopaka noho fihinanana atsantsa avy tany Anjiakely Kaominina Farahalana tamin’ny herinandro lasa teo iny. Roa aminy izao no namoy ny ainy, mbola misy zaza roa mianadahy izay tena mbola reraka tsaboina ao amin’ny hopitaly.    
    Lire la suite ...
    • vendredi, 27 mars 2020 10:23
    • Sary nomena

    Toamasina: Ny CHU Morafeno no natokana handraisana ireo mararin’ny COVID-19

    Nanatanteraka iraka avy amin’ny Filohan’ny Repoblika, tany Toamasina, ny Praiminisitra Ntsay Christian ny alakamisy 26 marsa 2020, nijery ny fampiharana ireo fepetra noraisin’ny fitondram-panjakana hifehezana ny tsy hiparitahan’ny valanaretina “coronavirus”, sy ny fihodinan’ny « Centre opérationnel de commandement COVID-19 » natsangana any an-toerana, ary ireo zavatra tsy ampy na ny mety ho olana ateraky ny fiatrehana izao tranga manokana eto amin’ny firenena izao. Namory ireo tompon’andraikitra rehetra tany an-toerana ny tenany, nanome toromarika, ary notronin’ny minisitry ny Fiarovam-pirenena izy nandritra izany. Nanao antso avo tamin’ny vahoakan’i Toamasina ny Praiminisitra mba hanaraka amin’ny antsakany sy andavany ny toromarika omen’ny tompon’andraikitra any an-toerana hanajàna ireo fepetra napetraka, indrindra momba ny fihibohana (confinement) : « mila manao ezaka isika ao anatin’ny 14 andro izay nadraisantsika fanapahan-kevitra », hoy ny Praiminisitra.
    Lire la suite ...
    • jeudi, 26 mars 2020 22:21
    • Sary nindramina

    Coronavirus: Manana toerana afaka andraisana marary 800 i Madagasikara, fanafody hitsaboana marary 2 000

    23 ny tranga voamarina fa mitondra ny valanaretina coronavirus eto Madagasikara hatramin’ity andron’ny 26 marsa 2020 ity, tranga vaovao ny 4 amin’ireo. Nohamafisin’ny filoha Andry Rajoelina io nandritra ny fiakarany tao amin’ny fahitalavi-pirenena io hariva io, namaliany mivantana ny fanontanian’ny olom-pirenena avy amin’ny faritra samihafa, niantefa taminy manoloana ity valanaretina ity. Nandritra izany koa no nilazany fa misy fitaovana fitiliana ahazoana vokatra haingana fanampiny tonga androany ahafahana manafaingana ny fitiliana ireo mpandeha rehetra tamin’ireo sidina rehetra tonga faramparany avy any ivelany, koa raha sanatria misy fiitarany ity valanaretina ity dia efa nanomana toerana ahafahana mandray marary hatrany amin'ny 800, ary manana fanafody hitsaboana marary 2 000 i Madagasikara.
    Lire la suite ...
    • jeudi, 26 mars 2020 22:08
    • Sary nindramina

    Coronavirus: Manana toerana afaka andraisana marary 800 i Madagasikara, fanafody hitsaboana marary 2 000

    23 ny tranga voamarina fa mitondra ny valanaretina coronavirus eto Madagasikara hatramin’ity andron’ny 26 marsa 2020 ity, tranga vaovao ny 4 amin’ireo. Nohamafisin’ny filoha Andry Rajoelina io nandritra ny fiakarany tao amin’ny fahitalavi-pirenena io hariva io, namaliany mivantana ny fanontanian’ny olom-pirenena avy amin’ny faritra samihafa, niantefa taminy manoloana ity valanaretina ity. Nandritra izany koa no nilazany fa misy fitaovana fitiliana ahazoana vokatra haingana fanampiny tonga androany ahafahana manafaingana ny fitiliana ireo mpandeha rehetra tamin’ireo sidina rehetra tonga faramparany avy any ivelany, koa raha sanatria misy fiitarany ity valanaretina ity dia efa nanomana toerana ahafahana mandray marary hatrany amin'ny 800, ary manana fanafody hitsaboana marary 2 000 i Madagasikara.
    Lire la suite ...
    • jeudi, 26 mars 2020 21:19
    • Sary: MICA

    Famatsiana: Miditra an-tsehatra mitatitra vary makeny amin’ireo mpaninjara madinika ny Ministeran’ny Indostria, ny Varotra sy ny Asatanana

    Nirotsaka an-tsehatra Ministeran’ny Indostria, ny Varotra sy ny Asatanana mitatitra vary makeny amin’ireo mpaninjara madinika hanamorana ny fanjifan’ny olona ireo entana ilainy andavanandro. Natomboka teto Antananarivo sy ny manodidina androany ny fitsinjarana ary hitohy. Nanome tanana ny Ministeran’ny Indostria, ny Varotra sy ny Asatanana ny zandarimaria, tamin’ny fiara nitaterana ny vary. (Jereo Sary Tohiny)  
    Lire la suite ...
    • jeudi, 26 mars 2020 14:35
    • Sary nindramina

    Toamasina: Tonga mijery ny fifehezana ny valanaretina ny Praiminisitra, ny mpitariposy mitokona

    Nitarika korontana ny mpitariposy teto Toamasina androany maraina, mikiry ny hanohy ny asa fiharian’izy ireo na isan’ny tanàna ampiharana ny fepetra fihibohana an-trano toa an’Antananarivo aza ny tanànan’i Toamasina, noho ny Hamehana ara-pahasalamana hifehezana ny fiparitahan’ny valanaretina coronavirus. Nisy polisy naratra, voatora-bato hatramin’ny mpanao gazety. Niditra an-tsehatra nanaparitaka ireo mpanao fihetsiketsehana ny mpitandro ny filaminana. Efa voafehy ny toe-draharaha na mbola misy mikasa ny hamaky trano aza ny sasany.
    Lire la suite ...
    • jeudi, 26 mars 2020 08:26
    • Sary nomena

    Coronavirus: Tonga ireo fanomezana avy amin’ilay Sinoa mpanefoefo, Jack Ma, hiadiana amin’ny coronavirus

    Saron-tava fiarovana miisa 100 000 sy fitaovam-pitiliana haingana (test rapide) ny tsimok’aretina coronavirus miisa 20 000 no sitrahan’i Madagasikara ; fanomezana avy amin’ny fikambanan’ilay teratany sinoa Jack Ma entina hanampiana ireo firenena miatrika ny coronavirus. Tonga nitsena izany teny amin'ny BANI Ivato ny Filoham-pirenena Andry Rajoelina sy ny solon-tenan'ny OMS eto Madagasikara. Hanampy ny fitiliana efa misy eo anivon’ny Institut Pasteur de Madagascar ireto fitaovam-pitiliana ny coronavirus ireto.
    Lire la suite ...
Page 2 sur 178