Vaovao

    • mardi, 23 avril 2019 14:35
    • Sary Gasypatriote Antsirabe

    Antsirabe: Loto sy fofona maimbo rainkona no navelan’ny fety

    Nitobaka ny fako nanodidina ny Gara sy ireo toerana nanaovana hetsika nankalazana ny Paka teto Antsirabe, ary tena tsy azo hiainana ny fofona aterak'izany. Ny olana anefa dia tsy misy ireo mpiasa manala ny fako satria mbola manohy ny fitokonany ireo mpiasan'ny Kaominina. Namoahan'ny Prefektiora didy ny famoahana ireo fitaovana fanadiovana ao amin'ny « Voirie » androany maraina, saingy tsy mbola tanteraka izany na efa tonga teo aza ny Emmo-Reg ny atoandro teo.
    Lire la suite ...
    • samedi, 20 avril 2019 14:36
    • Sary nomena

    CCI Ivato: Nivoaka ny andiana mpitsara "Andrarangy"

    Notanterahina ny zoma 19 aprily teny amin'ny CCI Ivato ny lanonana namoahana sy nanolorana mari-pahaizana ny andiany "Andrarangy", izay nanaraka ny lalam-piofanana ho mpitsara misahana ny ady ifanaovana amin'ny olon-tsotra, ny ady ifanaovana amin'ny fanjakana ary ny fitantanam-bola, teo anivon'ny Sekolim-pirenena manofana ho mpitsara sy mpiraki-draharaha, na ENMG. Nanotrona ny lanonana ny Praiminisitra, Lehiben'ny Governemanta, Ntsay Christian.
    Lire la suite ...
    • vendredi, 19 avril 2019 22:40
    • Sary Gasypatriote Toamasina

    Toamasina: Jiolahy mpamaky banky noraisim-potsiny teo ampanokoana sikidy

    Tratra teto Toamasina ireo 05 lahy isany namaky ny banky BGFI teto an-toerana ny volana febroary andro alahady. Nikasa ny hamaky banky hafa izy ireo tamin'ity faran'ny herinandron'ny Paska ity no izao tra-tehaka izao. Saika natao ny alarobia teo izany fanafihana izany saingy nilaza ilay mpanao sikidin'izy ireo fa ny faran'ny herinandro no mety hanaovana izany hoy ny "masina" kinanjo izao tratra izao. Avy any Mahanoro ilay mpisikidy izay tratra ihany koa, satria teo am-panaovina sikidy mihitsy izy ireo no noraisim-potsiny ny alakamisy atoandro teo, tao Tanambao V. Fehezam-bola 100 Ariary sy 200 Ariary sisa ambin'ny vola nangalarin'ireo jiolahy tao amin'ny BGFI Toamasina. (Jereo Sary Tohiny)  
    Lire la suite ...
    • vendredi, 19 avril 2019 22:38
    • Sary Gasypatriote Toamasina

    Toamasina: Raim-pianakaviana maty notifirin'ny jiolahy

    Raim-pianakaviana iray, 42 taona, manan-janaka vavy 03, maty voatifitry ny jiolahy tao amin'ny Cité Nouvelle Ville ny alakamisy alina tokony tamin'ny 09 ora sy sasany. Nihanika tamboho ireo andian-jiolahy am-polony nanafika tokantrano. Nitondra basy PA sy antsy be ary antsy fohy izy ireo, nisy ny nisaron-tava, tao ny tsy nanao. Lasa avokoa ny vola sy ny volamena ary ny peratra mariazy.
    Lire la suite ...
    • vendredi, 19 avril 2019 19:02
    • Sary Gasypatriote Antsirabe

    Antsirabe: Niofana ireo mpandraharaha madinika sy salantsalany

    Notontosaina teto Antsirabe nandritra ny telo andro, ny 16 aprily ka hatramin’ny 18 aprily 2019, ny fanofanana ireo mpandraharaha madinika sy salantsalany eto Vakinankaratra ka nandraisan’ireo orinasa maromaro teto Antsirabe. Tanjona dia ny ahafahan’ireo mpandraharaha sy orinasa ireo mandrafitra vina na “business plan” ho an’ny 5 ka hatramin’ny 10 taona eo ho eo, ka ahafahany mampivoatra ny orinasany sy hananany fijery vaovao ho an’ny famokarany.
    Lire la suite ...
    • jeudi, 18 avril 2019 12:05
    • Sary Gasypatriote Sambava

    Sambava: Teraka ny savorovoro noho fanesorana sy fanendrena sefo Fokontany

    Voatery nanao fifidianana tsy ara-potoana ireo mponina tao amin'ny Fokontany Antsahorana rehefa nitaraina fa tsy sitrak'izy ireo intsony ny mbola hitondran’ny lehibeny Fokontany, ka nangataka fanavaozana izany. Nahazo isam-bato betsaka indridra tamin'ny 13 rartsa 2019 Atoa Robaina Jean Louis, ary nahazo fankatoavana ny 01 aprily avy tamin'ny District, izay nosiniavin'i Prefen’i Sambava Bemananjara Boniface, ary nanomboka nandray asa ny 04 aprily 2019 rehefa natolotra tamin'ny fomba ofisialy teo anatrehan’ny vahoaka.
    Lire la suite ...
    • jeudi, 18 avril 2019 11:53

    Faritra SAVA: Mirongatra ny fanolanan-jaza

    Tovolahy kely iray izay voamarina fa avy nijery horonantsary mamoafady no nanafina zazavavy kely manodidina telo taona nanomboka tamin'ny 6ora 30 hariva ny talata teo tao amin'ny Fokontany Antognopahitra, Kaominina Bemanevika, ka afaka adiny roa vao hita ny zaza nahitana ratra. Niditra hopitaly ilay zaza niharan’ny herisetra ary ahiana ho niharan’ny fanolanana fa mbola mandalo fitsaboana nampiakarina aty Sambava fa tsy voatazona tany ambanivohitra. Mirongatra ny fanolanan-jaza taty SAVA tao anatin'ny volana roa izay. Teo ilay mpamianatra amin'ny sekoly tsy miankina nanolana zazavavy mpianany vao 12 taona, ilay ankizivavy 9 taona naolan’ny anadahin-dreniny tao amin'ny Kaominina Bemanevika, teo ihany koa ilay tovolahy manana kilema nanolana zaza efa-taona tao amin'ny Fokontany Antsirabe, Kaominina ambonivohitra Sambava. Fa dia inona loatra no mahatonga izao fanolanana mirongatra aty SAVA izao ?  
    Lire la suite ...
    • mercredi, 17 avril 2019 10:28
    • Sary nomena

    Vono olona: Nidoboka ao Ambalatavoahangy i Tsilavina sy Tantely

    Nampidirina am-ponja vonjimaika ao Ambalatavoahangy - Toamasina ny alatsinainy 15 aprily tolakandro teo ireo tovolahy roa nikotrika ny vono olona sy ny namono nahafaty tamin'ny fomba feno habibiana ny vady aman-janaky ny mpampiasa azy tao Analakininina Hopitaly Be ny 18 mars 2019. Kalo Honorette, 29 taona, ary nitondra vohoka, sy ny zanany lahikely, Kevin 04 taona no niharan’ny famonoana tamin’ny fomba feno habibiana. i Tantely no nikotrika ny famonoana, i Tsilavina kosa no nanatanteraka rehefa nentin-katezerana tamin’ny nandroahan’ny raim-pianakaviana mpampiasa azy. Nosamborin’ny Polisin’i Vatomandry tany ambanivohitry ny Distrika Antanambao Manampontsy i Tsilavina. Natao tsy ankiteniteny ny fanaterana azy roalahy teny amin’ny Fitsarana noho ny hatezeran'ny olona sasany te-hanao fitsaram-bahoaka azy roa lahy ireo.    
    Lire la suite ...
    • mercredi, 17 avril 2019 10:23

    Diplaoma hosoka: Olona roa naiditra ao amin’ny fonjan’i Marofoto - Mahajanga

    Olona roa no fantatra fa naiditra am-ponja vonjimaika ao amin’ny fonjan’i Marofoto ao Mahajanga ny 10 aprily 2019 lasa teo, noho ny raharaha fanaovana sy fampiasana diplaoma hosoka, ka tompon’andraikitra iray avy ao amin’ny sampandraharahan’ny jono ao Boeny sy tompon’andraikitra iray avy ao amin’ny Oniversiten’i Mahajanga no voakasik’izany. Ny fanadihadiana izay nataon’ny Birao mahaleo tena miady amin’ny kolikoly na BIANCO avy ao Mahajanga no nahafantarana ny fisian’io diplaoma sandoka io mba hamenoana ireo antonta-taratasy ilaina hanaovana "reclassement" eo amin’ny asam-panjakana. Rehefa nojerena akaiky ity raharaha ity dia ilay tompon’andraikitra avy ao amin’ny sampandraharahan’ny jono no nanao fangatahana "reclassement" eny amin’ny Ministera voakasik’izany mba ahafahany miakatra amin’ny sokajy ambonimbony kokoa na "catégorie". Mazava ho azy fa mitaky diplaoma ambony noho ny teo amin’ny sokajy teo aloha izany ankoatr’ireo fepetra hafa takiana.
    Lire la suite ...
    • mercredi, 17 avril 2019 10:14

    Toamasina : Vary simba 458 taonina tra-tehaka saika hamidy

    Avy any SAVA nalefa teto Toamasina ny 430 taonina. Nisy nampandre ny fisian'izany ny ministeran'ny varotra sy ny indostria ary ny fampiroboroboana ny sehatra tsy miankina, ka sarona teto Toamasina ireo vary ireo. Nisy 28 taonina hafa ihany koa tra-tehaka talohan'io tamina toerana hafa teto Toamasina ihany. Nisy lafarinina efa tsy fihinana milanja 52 taonina ihany koa sarona nandritra ny fisavana nataon'ny tompon'andraikitry ny ministera taorian'ny loharanom-baovao azon'izy ireo. Efa nahazoana "certificat de non consommabilité", manamarina fa tsy azo hanina ireo entana ireo.  
    Lire la suite ...
Page 1 sur 125