Vaovao

    • vendredi, 03 avril 2020 18:14
    • Sary: Polisim-pirenena

    Andohatapenaka: « Grossiste » zava-pisotro mahamamo iray no nambenan'ny Polisy tsy hivoha intsony

    Mpamongady zava-pisotro iray mahamamo etsy Andohatapenaka – Antananarivo no voatery nambenan'ny Polisy tsy hivoha intsony, androany, satria sady manokatra ny tsena izy no mampitangorona olona maka entana ao aminy ihany koa. Ireo mpamongady sy mpivarotra enta-madinika ilaina amin'ny fiainana andavan'andro ihany no mahazo alalana mivarotra hatramin'ny 12 ora atoandro ao anatin’izao hamehana ara-pahasalamana mihatra eto amin’ny tanin’ny Repoblikan’i Madagasikara izao. Efa nisy ny fampitandremana nataon'ny Polisy ny tompon’ity tranombarotra mpamongady ity saingy mbola nanao ihany izy ka izao nandraisana fepetra izao. (Jereo Sary Tohiny)  
    Lire la suite ...
    • jeudi, 02 avril 2020 17:32
    • Sary nindramina

    Hala-jaza: Very tany Ankiliabo Manja, hita tao Andranovory Toliara i Tovonasy, 11 taona

    Nisy mpangala-jaza varira na zaza bobo, tratra tao Andranovory Toliara ny antoandron’ny alarobia 1 aprily 2020. Noho ny fiaraha-miasan'ny Fokonolona sy ny Zandary, jiolahy 02 no voasambotra. Zazalahy 11 taona antsoina hoe : Tovonasy ity niharan’ny fakana an-keriny ity. Araka ny loharanom-baovao dia efa tamin’ny 27 febroary 2020 ilay zaza no nalaina an-keriny tany Fenoarivo Avaratra Ambiky, Kaominina Ankiliabo, Distrikan’i Manja. Efa vonona teo Andranovory ny fiara 4x4 Huyndai Terracan hitondrana ilay zaza, sy ireo olona nitondra azy, izay samy tra-tehaka avokoa. Manao fanadihadihana lalina ny Zandarimariam-pirenena momba ny antony hangalana an-keriny zaza varira, hamongotra ny tambazotra sy hisambotra izay rehetra tafiditra amin’ity raharaha ity. (Jereo Sary Tohiny)
    Lire la suite ...
    • jeudi, 02 avril 2020 09:46
    • Sary nomena

    Praiminisitra Ntsay Christian: Nijery ifotony ny fampiharana ireo fepetra napetraka ho fiarovana amin’ny fianaky ny Coronavirus

    Nampivory ireo tompon’andraikitra isan-tsokajiny tao Nosy Be sy Mahajanga ny Praiminisitra, Lehiben’ny governementa, Ntsay Christian, niaraka tamin’ny minisitry ny Fiarovam-pirenena, Jeneraly Rakotonirina Richard, nidinika ny fomba ampiharana ireo fepetra izay napetraka ho fiarovana amin’ny fianaky ny valanaretina Coronavirus. Mazava ny hafatry ny Praiminisitra nandritra izao fidinana ifotony izao : “Ny fahaizantsika mifehy tena no fitaovana entintsika miaro tena sy miaro ny hafa amin’ny alalan’ny fanarahana ireo fepetra rehetra izay apetraka”.
    Lire la suite ...
    • mercredi, 01 avril 2020 16:07
    • Sary ZP

    Ambanja: Maty voatifitra teny ampandosirana i Doudoul, atidohan’ny fakana ankeriny ny zanaky ny Ben’ny tanànan’Antananarivo

    Voasambotry ny Zandary tao Ambodivoanio Ambanja ny tolakandron’ny 27 marsa 2020 i Homady Abdoul na i Doudoul, raindahiny amin’ny fakana ankeriny. Voatondro ho atidohan’ny mpanao kidnapping i Doudoul. Tranga fakana ankeriny maromaro no mahavoarohirohy azy. Teo ny nahazo an’i Yanish Ismael tamin’ny 14 mey 2017. Doudoul no atidohan’ny fakana ankeriny an’i Natan Andriantsitohaina, zanaky ny Ben’ny tanànan’Antananarivo Renivohitra tamin’ny 22 desambra 2017. Mbola izy no tao ambadiky ny fakana ankeriny an’i Richi Chandarana nitranga ny 03 jona 2018, Vasram Sabera ny 6 jolay 2018, Molou Sabir ny 13 oktobra 2018 ary i Malik Kaarmaly sy Sofiane Omrani nitranga ny 08 desambra 2018.
    Lire la suite ...
    • mercredi, 01 avril 2020 16:01
    • Sary nomena

    Befotaka Nord: Nasiana barrage sanitaire

    Nasiana barrage sanitaire nanomboka androany alorobia 01 aprily eto ampidirana, avy any atsimo, an-tanànan'i Befotaka-Nord, Distrikan'i Analalava, lalam-pirenena faha 6, izay notarihin'ny Dr Patrice, notronin'ireo mpitandro ny filaminana avy amin'ny Polisy Nasionaly, ny Polisy Kaominaly ary ny Zandarimariam-pirenena. Ka raha misy tranga mampiahiahy aorian'ny fitiliana ny mety fiakaran'ny hafanana dia averina haingana any amin'ny hopitaly any Antsohihy ilay olona ahiahiana. Manao izay vitany ireo dokotera sy ireo mpanampy azy, ary indrindra ireo mpitandro ny filaminana, nefa dia tsy misy fitaovana hiarovany tena izy ireo amin'ity valanaretina coronavirus ity. (Jereo Sary Tohiny)
    Lire la suite ...
    • mardi, 31 mars 2020 19:43
    • Sary: Talentino Hilaire

    Analalava-Sofia: Nitsoaka coronavirus avy any Nosy-Be nandeha sambolay nitady toerana mangingina

    Nisy mpizahatany tonga tao amin’ny fokontany Nosilava Kaominina Analalava ny harivan’ny alatsinainy 30 marsa 2020. Sambolay miisa 3 no nitondra azy ireo, izay nahitana olona 14. Nidina avy hatrany nijery ny zava-misy ny lehiben'ny Distrika, ny lehiben'ny boriboritany Analalava, ny Médecin Inspecteur sy mpiasan'ny fahasalamana, ny mpitandro filaminana niaraka tamin’ny Ben'ny Tanàna, ka tamin’izany no nahalalana fa nitsoaka ny mety ho fisian'ny valanaretina Coronavirus any Nosy-Be izy ireo, ka nijery toerana mba mangingina tsy misy olona. Nisy ny fizahana maripana natao tamin'izy ireo, taorian’izay dia nasaina niverina any Nosy-Be izy ireo. Maniry ny hahazo fitaovana ahafahana manara-maso ny sisintany aty Analalava ireo tompon'andraikitra, mba hisorohana amin’ny fihanaky ny valanaretina coronavirus, ary ny fampitaovana fitiliana ahafahana mamantatra ireo mitondra tsimokaretina. (Jereo Sary Tohiny)  
    Lire la suite ...
    • mardi, 31 mars 2020 12:21
    • Tahirin-tsary nomena

    Coronavirus: Mitebiteby Befotaka Nord

    Herinandro aty aoriana, sasa-miandry ilay valin'ilay fitiliana an'ilay vazaha Delmas Joseph Anthony ny mponina aty Befotaka Nord, indrindra ireo mpitandro ny filaminana sy ireo fianakaviany, izay nolazaina fa tsy maintsy atoka-monina raha voamarina fa mitondra ilay otrikaretina coronavirus ity tera-tany frantsay ity. Hatreto dia tsy misy tatitra momba ny valin'izany fitiliana izany tonga aty an-toerana. Nisahotaka tokoa manko ny mponina taty amin'ny Kaominina ambanivohitra Befotaka-Nord ny sabotsy 21 mars lasa teo nahita vazaha naka sary sy nivezivezy, ka izay tanàna nandehanany dia nandroaka azy avokoa. Niditra antsehatra ny mpitandro filaminana iarovana ny ainy sy ny tsy hitaran'ny korontana taty an-toerana.
    Lire la suite ...
    • mardi, 31 mars 2020 09:10
    • Sary nindramina

    Coronavirus: Hatao fitiliana maika avokoa ireo rehetra nahavita fihibohana 14 andro taorian’ny fahatongavany avy any ivelany

    Tonga eo amin’ny faran’ny fe-potoana nihibohana an-trano ny andiany voalohany tamin’ireo olona tonga teto Madagasikara tamin’ny sidina avy any ivelany nanomboka ny 11 marsa 2020. Hatao fitiliana maika (test rapide) avokoa izy ireo hamantarana ny toe-pahasalamany mialoha ny hiverenany eo anivon’ny fianakaviany avy, araka ny nambaran’ny filoham-pirenena Andry Rajoelina. Homena fanamarinana na « Certificat de fin de mise en quarantaine » ireo izay azo antoka fa tsy misy soritraretina tsy hisian’ny ahiahy amin’ny fiverenan’izy ireo eny anivon’ny fianakaviany. Hatao ankalamanjana ny fitiliana ary efa misy ny fandaharam-potoana hanatanterahana izany nampahafantarin’ny filohan’ny Repoblika ny alatsinainy 30 marsa teo.
    Lire la suite ...
    • mardi, 31 mars 2020 08:11
    • Sary nindramina

    « Vatsy Tsinjo »: Izay mahazo SMS avy amin’ny CUA no tonga ary mahazo

    Mitohy ny fizarana « Vatsy Tsinjo » ao anatin’ny Drafitra sosialy ho fanohanana ireo olona tsy afa-miasa ao amin’ny sokajin’asa marefo vokatry ny fampiharana ny hamehana ara-pahasalamana noho ny valanaretina coronavirus. Anisan’izay ireo mpamily taxi, taxibe ary resevera. Nisy 1 600 indray no nahazo fanampiana ny alatsinainy 30 marsa, ao anatin’ny Drafitra sosialy. Teo anoloan’ny Lapan’ny tanàna no nanaovana ny fizarana. Nanamarika ny Fiadidiana ny tanànan’Antananarivo fa izay nahavoaray SMS avy amin’ny CUA ihany no tokony ho tonga eny an-toerana. Tsy misy SMS manan-kery ahazoana ny « Vatsy Tsinjo » afa-tsy ny avy amin’ny CUA ihany. (Jereo Sary Tohiny)
    Lire la suite ...
    • lundi, 30 mars 2020 16:17
    • Sary: Polisim-pirenena

    67ha: Tompona "Bar" iray no nosamborin'ny Polisy noho ny tsy fanarahan-dalana

    Nanokatra ny toeram-pivarotany, sady manentana ny mpisotro toaka tao aminy, hanohitra ny asan'ny mpitandro filaminana, nosamborin'ny Polisy ny tompon’ilay trano fisotroan-toaka iray tetsy 67ha ary nakatona ilay toeram-pivarotana. Noravan'ny Polisy ihany koa ireo tanora milalao eraky ny araben ' Ankazomanga izay manao baolina sy milalao roller ka nogiazana avokoa ny kilalaon'izy ireo tsy hahafahany manao izany intsony, hisorohana ny fihanaky ny valanaretina coronavirus.    
    Lire la suite ...
Page 1 sur 178