Arivonimamo: May ny ampahan’ny trano fitaizana zaza kamboty an’ny Zandarimariam-pirenena

  • jeudi, 06 décembre 2018 12:15
  • Britto

Ny alin’ny alarobia hifoha ity alakamisy 6 desambra ity no nitranga ny loza. Trano iray fatorian’ny tovovavy no may. Nisy 15 vavy izy ireo no tao anatiny tamin’ny fotoana nisehoan’ny loza.

Nanavotr’aina nivoaka ny trano izy ireo, tavela ary may tao ny entana, akanjo ary fitaovam-pianarana. Tsy nisy naratra, na may.

Tsy mbola fantatra ny niandohan’ny afo.

Miisa 57 ireo kamboty, zanaka Zandary maty amperinasa, tezaina ao amin’ny Orphélinat Arivonimamo, ka vehivavy ny 20 amin’izy ireo ary tovolahy ny 37.

Taorian’ny fahamaizana dia efa tonga tety an-toerana ireo tomponandraikitra ambony samihafa eo anivon’ny Zandarimariam-pirenena, nitondra fanampiana vonjy ranovaky sy nanao tombana ny fahavoazana.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.