Tselatra

    • samedi, 25 janvier 2020 18:40
    • Sary nindramina

    Voina noho ny andro ratsy: « Vonjeo Ambatoboeny Tompoko », hoy Rakoto Jean Valérien, Ben’ny tanàna

    Distrika isan’ny nitondra takaitra vokatry ny fandalovan’ny andro ratsy farany teo Ambatoboeny. Potika ny fambolena toy ny vary, katsaka,voanjo. Maro ny biby fiompy lasan'ny rano. Tapaka ny tetezana eo anelanelan'i Soaniaviana sy Ankijabe. Simba ny lalam-pirenena faha-33 bis. « Vonjeo Ambatoboeny Tompoko », hoy Rakoto Jean Valérien, Ben’ny tanànan’Ambatoboeny. Miantso ny Filoha sy ny Governemanta ity farany « ho tonga sy hitondra vahaolana, fa indrindra ny sakafo sy ny fanafody ». (Jereo Sary Tohiny)
    Lire la suite ...
    • samedi, 25 janvier 2020 17:51

    Andranovao Ambohimangakely: Nisy nangalatra ny taribian-jiron’ny Jirama mirefy 4 km

    Lasibatry ny mpangalatra ny taribian-jiron'ny Jirama mirefy 4 km teny Andranovao Ambohimangakely, Distrika Antananarivo Avaradrano, ka niteraka fahatapahan'ny herinaratra nanomboka ny Alakamisy lasa teo. Mbola niampy 120 m indray izany halatra izany androany maraina raha mbola an-dalam-pikarakarana ny fanoloana io taribian-jiro io ny Jirama.  
    Lire la suite ...
    • samedi, 25 janvier 2020 10:38
    • Sary nomena

    Takaitra navelan’ny andro ratsy: 26 no namoy ny ainy, 15 tsy hita popoka, 92 583 ireo traboina

    Raha ny antontan'isa vonjimaika navoakan’ny BNGRC omaly hariva, vokatr'ilay andro ratsy nitondra rotsak'orana betsaka, ka namela takaitra tamin’ny faritra maro teto Madagasikara, dia mahatratra 92 583 ireo traboina ,26 no maty , 15 tsy hita popoka. 12 311 ireo olona voatery nafindra teorana, 10 659 ireo trano dibo-drano , 7 ny trano nahitana fahasimbana ,146 ireo trano rava.  (Jereo Sary Tohiny)
    Lire la suite ...
    • samedi, 25 janvier 2020 10:09
    • Sary nindramina

    Valan’aretina « Coronavirus »: Tonga any Eorôpa, telo no voa any Frantsa

    Misy trangana valan’aretina sinoa « Coronavirus » telo any Frantsa, ka ny roa ao Paris ary ny iray any Bordeaux. Nanamafy izany, omaly, Rtoa Agnès Buzyn, minisitry ny fahasalamana frantsay. Tafakatra 41 ny olona namoy ny ainy tany Chine hatramin’ny nisehoan’ity valan’aretina ity tamin’ny volana desamba 2019. Sinoa 40 tapitrisa amin’ny Kaominina miisa 13 ao amin’ny Faritry Wuhan no raràn’ny fanjakana Sinoa tsy hivoaka ao amin’ny toerana misy azy, mba tsy hihanahan’io Valan’aretina io. Tao amin’io Faritra Wuhan io no nahitana voalohany io valan’aretina « Coronavirus » tamin’ny volana desambra iny.  
    Lire la suite ...
    • vendredi, 24 janvier 2020 20:44

    Ambondrona-Antananarivo: Tranon'ny Vaditany tra-tehaky ny Jirama nisintona herinaratra tsy mandalo kaontera

    Tranon'ny Vaditany (Huissier de justice) iray eny Ambondrona no tra-tehaka nisintona herinaratra tsy mandalo kaontera nandritra ny fitsirihana nataon’ny Jirama. Notapahana avy hatrany ny jiro tao amin'ilay trano ary ampanantsoina eny amin'ny Jirama ny tompon-trano ny Talata ho avy izao hanonitra ny saran'ny herinaratra nangalariny.  
    Lire la suite ...
    • vendredi, 24 janvier 2020 19:22
    • Sary nomena

    Mahazoarivo: Nanao « fanambarana voinam-pirenena » ny Praiminisitra, miantso ny rehetra mba hifanome tanana

    Manoloana ny voina izay nihatra tamin’ny faritra maromaro, izay nateraky ny rotsak’orana be loatra dia nampiantso fivoriana tsy ara-potoana ny filankevi-pirenena mikasika ny fitantanana ny loza sy ny tandindon-doza, amin’ny maha-filoha mpitantana io rafitra io azy ny Praiminisitra, Lehiben’ny Governemanta Ntsay Christian, androany, teny amin’ny Lapan’i Mahazoarivo. Fivoriana izay nandinihana sy namakafakana ireo fahavoazana misy, ka ahafahana mamaritra paikady entina mitondra vahaolana sy fanampiana avy hatrany ho an’ireo traboina, ary hanarenana farany izay haingana ny fahasimbana misy, indrindra amin’ireo Faritra fito izay tena nitondra takaitra. Raha ny tarehimarika voaray nandritra ny fivoriana dia fantatra fa manodidina ny 80 000 ny isan’ireo tra-boina, 21 no namoy ny ainy ary 20 no tsy hita popoka, tarehimarika izay mety hisy fiovana. Misy eo ankilan’izany ny fahatapahan’ny lalana maromaro, toy ny RN4, RN6, RN7, RN1 BIS, RN3A, RN34.
    Lire la suite ...
    • vendredi, 24 janvier 2020 14:31

    Andekaleka: Nihena ho 35MW ny herinaratra vokariny raha tokony ho 92 MW

    Tsetsin’ny fasika sy fako nentin’ny rano nandritra ny andro ratsy teo ny fivarinan’ny rano avy amin’ny toho-drano mankao amin’ny tobim-pamokarana herinaratry ny JIRAMA ao Andekaleka. Niteraka fihenan’ny rano tonga ao amin’ny tobim-pamokarana izany, ary misy fiantraikany betsaka amin’ny famokarana herinaratra. 35MW sisa izany ankehitriny raha tokony ho 92 MW. Misy ny asa fanadiovana ny toho-drano hatry ny omaly ary nitohy tamin’ity androany 24 janoary ity.  
    Lire la suite ...
    • jeudi, 23 janvier 2020 22:14

    Takaitran’ny andro ratsy: 13 namoy ny ainy, 19 tsy hita popoka, 47 286 ireo traboina

    Namela takaitra tamin’ny faritra miisa fito teto Madagasikara ny andro ratsy, nitondra rotsak’orana sy tafio-drivotra izay niteraka fiakaran’ny rano ary koa fahasimbana fotodrafitr’asa maro. Voakasik’izany ny Faritra Analamanga, Alaotra Mangoro, Betsiboka, Boeny, DIANA, Melaky ary Sofia. Raha ny tatitra vonjimaika nataon’ny BNGRC ny tolakandro teo, mirakitra ny fahavoazana tamin’ireo Faritra ireo dia 19 ireo tsy hita popoka, 13 namoy ny ainy, 47 286 ireo traboina. Trano miisa 7 786 dibo-drano, 22 nahitana fahasimbana ary 45 ny trano rava. Nivoaka an-dranomasina teo amin'ny manodidina an'Ambila Lemaintso ny ivon'ilay faritra andro ratsy tamin'ny telo ora sy sasany tolakandro teo. Na izany aza dia mbola hanome rotsak’orana amin'ny faritra Alaotra sy Atsinanana ny andian-drahona miaraka aminy.  
    Lire la suite ...
    • jeudi, 23 janvier 2020 15:52
    • Sary Gasipatriote Ambatondrazaka

    Tondra-drano: Mitoka-monina tanteraka Ambatondrazaka

    Dibodrano Alaotra. Mitoka-monina tanteraka Ambatondrazaka, taorian’ny nifaohan’ny rano ny tetezana teo Ankazotsaravola, mialoha ny hidirana ny renivohitry ny Faritra Alaotra. Samy efa fefiky ny rano ny tanàna ao Ambohijanahary sy Tanambe. Miakatra ihany koa ny rano ao Manakambola, Ambohidava, Manainga Zipo sy eny amin'ny Kafe Feramanga ary toerana maro. Betsaka ireo trano nirodana any amin'ny Kaominina Imerimandroso ka miantso vonjy amin'ny mpitondra fanjakana ny depiote Fidèle Razara Pierre. Nambarany fa mitondra ny feom-bahoaka ny tenany ka manaitra ny mpitondra amin'izao zava-manjo an'Alaotra izao.
    Lire la suite ...
    • jeudi, 23 janvier 2020 13:29
    • Loharanom-baovao: Commissariat Ambohijatovo

    Mpamaky trano: Voasambotra ilay jiolahy mpandrava ao amin’ny Boriboritany faha-2

    Voasambotry ny Polisy avy ao amin’ny Kaomisaria Boriborintany faharoa Antananarivo Renivohitra ny iray amin’ireo jiolahy mpamaky trano tao Ambolokandrina, Ambohipo, Andohanimandroseza iny. Tonga hatrany amin'ny faritra ivelan'ny Boriboritany faha-2 ity jiolahy ity manao ny asa ratsiny. Tratra niaraka taminy ny entana halatra, izay efa naverina amin’ny tompony. Efa natolotra ny Fitsarana ilay jiolahy taorian’ny famotorana, ary naiditra am-ponja vonjimaika ny alarobia 22 janoary 2020. (Loharanom-baovao: Commissariat Ambohijatovo) (Jereo Sary Tohiny)
    Lire la suite ...
Page 10 sur 514