Tselatra

    • mercredi, 12 juin 2019 21:47
    • Sary Gasypatriote Sambava

    Sambava: Trano in-droa notrongisin'ny fiara tao anatin'ny telo volana

    Fiara Sprinter iray no nandravarava ka niditra an-trano teo amin'ny tsena Ambodisatrana ny alin'ny talata 11 jona 2019. Nitsoaka ny mpamily taorian'ny loza ary mbola tsy hita hatramin'izao. Tsy mbola fantatra ihany koa firy ny isan'ireo olona tao anaty fiara tamin'ny nitrangan'ny loza fa samy tsy nisy hita avokoa. Ny tena nanaitra ny mponina dia ity toerana izay vao telo volana lasa no nidiran'ny fiara tahaka izao, izay nahafaty tsy tra-drano tovolahy iray, dia izao nidiran-doza izao sahady. (Jereo Sary Tohiny)
    Lire la suite ...
    • mardi, 11 juin 2019 20:46

    Fifidianana Depiote: Ny sabotsy 15 jona no hamoaka vokatra ny CENI

    Tonga teo amin'ny CENI Foibe, ary voakirakira avokoa ny voka-pifidianana avy amin'ireo Distrika miisa 119 eto Madagasikara. Amin'ny sabotsy 15 jona maraina no hanambara ny vokatra feno vonjimaika ny CENI. Mandray fitoriana mikasika zotram-pifidianana ny vaomiera hatramin'io andro io, araka ny fanazavana nataon'ny mpampakateny Razafindraibe Ernest.  
    Lire la suite ...
    • mardi, 11 juin 2019 16:26
    • Sary nomena

    Gara Jean Robert: Nodimandry androany talata 11 jona

    Tokony tamin'ny telo ora maraina teo no nisento farany ity Governoran'Antsiranana teo aloha ity, rehefa nitsabo tena maharitra. Niainga io tolak'andro io teto Antananarivo ny vatana mangatsiakan'i Gara Jean Robert, ka hiazo an'Antsiranana amin'ny fiarakodia. Talé Jénéralin'ny SECREN izy talohan'ny naha Governora azy tamin'ny andron'ny Filoha Didier Ratsiraka. Fantatra ihany koa izy teo amin'ny sehatry ny baskety sy ny baolina kitra. Rehefa tsy re nandritra ny fotoana maharitra, dia tazana kosa izy nanohana ny kandida ho solombavambahoaka ho an'Antsiranana Papa Soulé.  
    Lire la suite ...
    • mardi, 11 juin 2019 13:39
    • Sary nindramina

    Pakistan: Nosamborina noho ny kolikoly ny filoha teo aloha Asif Ali Zardari

    Efa nahazo anarambositra « Monsieur 10% » mihitsy ity prezidan’i Pakistan teo aloha, Asif Ali Zardari ity, noho io raharaha kolikoly sy fanodikodinam-bola io. Nosamborina ny alatsinainy 10 jona 2019, tao Islamabad izy, rehefa nolavin’ny Fitsarana ny fangatahany fahafahana. Nisy sakoroka kely teo amin’ny mpitandro ny filaminana sy ireo mpomba azy nadritra io fisamborana omaly io. Filohan’i Pakistan teo anelanelan’ny taona 2008 sy 2013 i Asif Ali Zardari. Efa praiminisitra ny vadiny, Rtoa Benazir Bhutto. Efa nodimandry moa ity farany. (Jereo Sary Tohiny)  
    Lire la suite ...
    • mardi, 11 juin 2019 13:38

    Morondava: Hiaina delestazy noho ny fahataran'ny famatsiana solika ho an'ny Jirama

    Voatery mampiatra ny "délestage tournant" ny Jirama Morondava amin'izao fotoana izao. Aharitra adin'ny 3 isaky ny toerana voakasik'izany ny fahatapahana. Ny fahataran'ny famatsiana solika ho an'ny tobim-pamokarana herinaratry ny Jirama Morondava no voalaza fa antony.  
    Lire la suite ...
    • lundi, 10 juin 2019 16:16
    • Sary nindramina

    Haïti: Mitaky fialan’ny filoha Jovenel Moïse ny vahoaka

    Voasaringotra amina raharaha kolikoly goavana ny orinasa notantan’i Jovenel Moïse nialoha ny niakarany teo amin’ny fitondrana. Ny « Cour des comptes » any an-toerana no nahita fa nisy fanodikondinam-bola be amina miliara “euros” tao, izay no niteraka ny hatezeram-bahoaka, ka nidinan’izy ireo an-dalambe mitaky ny fialan’ny filoha Jovenel Moïse. Nisy tovolahy iray maty nandritra ny fifandonan’ny mpanao fihetsiketsehana tamin’ny mpitandro filaminana, omaly alahady Pantekôty. (Jereo Sary Tohiny)  
    Lire la suite ...
    • lundi, 10 juin 2019 14:07

    Toamasina: Hatao anaty hotely ny famindram-pitantanana eo amin’ny Talem-paritry ny Serasera sy kolontsaina

    Hotanterahina ao amin’ny Splendide Hotel Ambalamanasy ny Talata 11 jona 2019 ny famindram-pitantanana eo amin'i Vololoniaina Aniella Elisabelle, Talem-paritry ny seraserasa sy ny kolontsaina, vao notendrena nandritra ny filankevitry ny minisitra ny alakamisy 6 jona 2019, sy ny Tale teo aloha, Priscila Avizara, ity farany izay efa naato tamin’ny asany iray volana izay. Mpanao politika maro no nasaina amin’ity famindram-pitantanana ity. Filoham-paritanin'ny antoko Freedom aty Toamasina ity ny Talem-paritry ny Serasera sy kolontsaina vaovao ity.  
    Lire la suite ...
    • dimanche, 09 juin 2019 14:46

    Kitra - CAN 2019: Handeha mivantana amin'ny TVM

    Anio hariva no hanambarana ao amin'ny Televiziona Malagasy (TVM) fa handefa mivantana ireo lalao fiadiana ny Amboaran'i Afrika 2019 hatao any Egypta manomboka amin'ny 21 jona ho avy izao ny TVM.  
    Lire la suite ...
    • samedi, 08 juin 2019 13:56
    • Sary nindramina

    Hugues Ratsiferana: Nivoaka ny fonjan’Antanimora omaly

    Voampanga ho nanodinkodina fananam-panjakana ity mpanolontsaina manokan'ny filoha teo aloha, Hery Rajaonarimampianina sady Tale jeneralin’ny AMDP (Agence Malagasy de Développement Economique et de Promotion d'Entreprises) ity. Famoahana entana tao Ambohitsorohitra tamin’ny faramparan’ny volana janoary 2019 no nanenjehana azy. Nosamborina i Hugues Ratsiferana sy mpiara-miasa akaiky aminy iray ny 1 febroary 2019, ary natao famotorana avy hatrany tao amin’ny Toby Ratsimandrava. 3 febroary 2019, nilatsaka ny didy savaranonando mitazona am-ponja azy. Nalefa teny Antanimora izy, miandry fitsarana. Nivoaka ny didim-pitsarana ny 19 febroary 2019, manasazy an’i Hugues Ratsiferana herintaona an-tranomaizina, sazy mihatra miampy onitra 5 tapitrisa Ariary. Nampakatra ny raharaha tamin’ny Fitsarana ambony izy. (Jereo Sary Tohiny)  
    Lire la suite ...
    • samedi, 08 juin 2019 13:56

    Betioky Atsimo: Aorian’ny Pantekôty vao hisy herinaratra

    Hankalaza ny Pantekôty anaty haizina ny eto Betioky Atsimo, noho ny tsy fisian’ny herinaratra hatramin’ny talata lasa teo. Voalaza fa tsy dia avy amin’ny tsy fisian’ny solika loatra no fototry ny olana fa teknika amin'ny gropy no mahatonga ny fahatapan-jiro eto an-toerana. Mbola nafarana any Antananarivo ny piesy ahafahana manamboatra ilay gropy. Tombanana ho vita ny Alatsinainy 10 jona ho avy izao ny asa fanamboarana ahafahana mamerina ny herinaratra amin’ny laoniny.  
    Lire la suite ...
Page 9 sur 439