Tselatra

    • vendredi, 31 janvier 2020 09:50
    • Sary nomena

    Fampianarana ambony: Hotanterahina eny Fiadanana anio ny famindram-pahefana

    Professeur Assoumacou Elia Béatrice no handray ny fitantanana ny Ministeran’ny Fampianarana ambony, ny Fikarohana ara-tsiansa sy ny Fanavaozana, izy no handimby toerana an’ny Pr Blanche Nirina Richard. Hotanterahina anio zoma misandratr’andro eny Fiadanana ny famindram-pahefana eo amin’ny roa tonta. Tsy vaovao ao amin’ity ministera ity i Professeur Assoumacou Elia Béatrice satria efa mpikambana tao amin’ny kabinetran’ny minisitra Rabesa Zafera Antoine sy Razafindehibe Etienne Hilaire izy. Tsy mora anefa ny asa miandry azy, amin’ny fandaminana ny olan’ny SECES.
    Lire la suite ...
    • jeudi, 30 janvier 2020 15:20

    Governemanta vaovao: Vitaina ato anatin’ny 48ora ny famindram-pahefana

    Nanome toromarika ny filohan’ny Repoblika Andry Rajoelina, fa dia vitaina anio alakamisy sy rahampitso zoma ny fifamindrampahefana  eo amin’ireo minisitra teo aloha sy ireo vao niditra, ary mila mandray andraikitra avy hatrany ireo minisitra rehetra mandrafitra ny governemanta tarihin’ny Praiminisitra Christian Ntsay.  
    Lire la suite ...
    • jeudi, 30 janvier 2020 14:51

    Air Madagascar: Hampiato vonjimaika ny sidiny miazo an’i Guangzhou

    Hiato vonjimaika manomboka ny 1 febroary ka hatramin’ny 1 martsa 2020 ny sidin’ny Air Madagascar  miazo an’i Guangzhou. Noraisina ny fepetra manoloana ny fisian’ny valan’aretina « coronavirus » mamono olona maro any Chine. Nanome toromarika hentitra ny governemanta ny filohan’ny Repoblika nandritra ny filankevitry ny minisitra voalohany omaly, fa mila apetraka sy hamafisina ny fanaraha-maso ny sisin-tany manoloana ny fihanaky ny valan’aretina avy any Chine ary hamafisina izany manerana ireo seranana rehetra na seranan-tsambo na seranam-piaramanidina.  
    Lire la suite ...
    • lundi, 27 janvier 2020 20:18

    Toamasina Suburbaine: Vita ny famindram-pitantanana ny Kaominina

    Tontosa androany maraina ny famindram-pitantanana teo amin'ny Ben'ny tanàna vaovao, Barisaonina Charles sy ny teo aloha, Razafindramosa Nicaise tao amin’ny Kaominina Toamasina suburbaine.  
    Lire la suite ...
    • lundi, 27 janvier 2020 10:28

    Mahajanga: Niverina tsikelikely an-tsekoly ny mpianatra

    Miverina manomboka androany alatsinainy 27 janoary ny fampianarana amin’ny ankamaroan’ny sekoly eto Mahajanga, raha niato vonjimaika nandritra ny andro ratsy namely ny Faritra Boeny, ka naha traboina mponina maro. Misy ihany ny toromarika fa izay sekoly mbola misy traboina dia tsy mianatra. Mbola hamendrahana fanafody ihany koa ny sekoly vao azo idirana.  
    Lire la suite ...
    • dimanche, 26 janvier 2020 21:58

    Takaitran’ny andro ratsy: 32 namoy ny ainy, 10 tsy hita popoka, 116 675 ireo traboina

    Mihombo ny fahavoazana nateraky ny andro ratsy nitondra oram-be niteraka tondradrano tamin’ny faritra maro. Raha ny tatitra vonjimaika navoakan’ny BNGRC io hariva io dia 32 ireo namoy ny ainy, 10 tsy hita popoka ary 116 675 ireo traboina. Nahitana faty iray tao Marovoay androany alahady tolakandro rehefa nihena ny rano. Miisa 14 103 ireo trano dobo rano ary 1517 ny trano nirodana.  
    Lire la suite ...
    • dimanche, 26 janvier 2020 12:07

    Faritra Matsiatra Ambony: Naato ny «Téléthon » tolo-tànana ho an'ireo Faritra niharam-boina

    Nanapa-kevitra ny Governoran’ny Faritra Matsiatra Ambony fa haato vonjimaika ny fanatanterahana ny Voin-kava mahatratra, izay notanterahina teo amin'ny Faritra sy tany amin'ny toerana hafa, ho fanomezana tolo-tànana ho an'ireo Faritra niharam-boina noho ny andro ratsy, noho ny fandraràna nataon’ny Minisiteran'ny atitany sy ny fitsinjaram-pahefana ny tsy hanaovana  «Téléthon ». Tao anatin’ny roa andro nanombohan’ny Faritra Matsiatra Ambony dia nahatratra 568 200 Ariary ny vola voaangona ary dia hatolotra amin'ny anaran'ny vahoakan'i Mahatsiatra Ambony ho an'ireo Faritra niharam-boina ho mariky ny firaisam-po amin'izy ireo.  
    Lire la suite ...
    • samedi, 25 janvier 2020 20:40

    Takaitran’ny andro ratsy: 31 namoy ny ainy, 9 tsy hita popoka, 106 846 ireo traboina

    Mavesatra ny fahavoazana nateraky ny andro ratsy nitondra rotsak’orana niteraka tondradrano sy nahasimbana fotodrafitrasa maro nanomboka tamin’ny 19 janoary teo. Raha ny tatitra vonjimaika nataon’ny BNGRC ny fiafaran’ny tolakandro teo dia tafakatra 31 ny isan’ny olona namoy ny ainy, ka tao amin’ny Distrikan’i Mitsinjo ny 14 amin’ireo ary tao amin’ny Distrikan’i Maevatanana ny 9. Miisa 9 hatreto ny olona tsy hita popoka ary 106 846 ireo traboina. Efitranon-tsekoly miisa 67 no potika tanteraka, 28 hafa nisy fahasimbana. Miisa 18 ireo sekoly nampiantranoana ireo traboina. Manodidina ny 6 600 ireo ankizy tsy afa-mianatra.  
    Lire la suite ...
    • samedi, 25 janvier 2020 19:58
    • Sary nindramina

    Lany ny tahirin-tsolika: Tanan-dehibe maro no voatery mampihatra fanapahan-jiro mifandimby

    Tanàna maromaro no misedra olana amin'ny famokarana herinaratra vokatry ny andro ratsy izay mampananosarotra ny fivezivezen'ny kamiao mpamatsy solika noho ny lalana ratsy na tapaka mihitsy. Ritra ny tahirin-tsolika ao amin’ny foibe famokarana herinaratra any Morafenobe Faritra Melaky, ka tapaka tanteraka ny herinaratra noho ny fiara mitondra solika mikatso anaty lalan-dratsy. Mety ho ny fiandohan’ny herinandro iny vao ho tonga any an-toerana ny solika. Tanàna maro toa an’i Soalala, Besalampy, Andilamena, Ambatondrazaka, Ambatomainty, Tsaratanana, Bealanana, Analalava, Mampikony ary Mandritsara no voatery mampihatra fanapahan-jiro mifandimby vokatry ny fahatapahan'ny lalam-pirenena ka miteraka fahataran'ny famatsiana solika.  
    Lire la suite ...
    • samedi, 25 janvier 2020 18:46
    • Sary: BNGRC

    Fanampiana ny traboina: Nitondra ny anjara birikiny ny Ministeran'ny Mponina

    Nitondra fanampiana ho an’ireo faritra miisa fito, izay lasibatry ny rano be vokatry ny andro ratsy iny, ny Ministeran’ny mponina sy ny fiahiana ara-tsosialy, amin’ny maha mpiahy ny mponina azy voalohany. Nanatitra vary 4 taonina, miampy akanjo 2 fatorana, ho an’ireo traboina teny amin’ny biraon’ny BNGRC Antanimora, ny ministera, androany sabotsy 25 janoary. Tonga teny an-toerana nanolotra izany ny Minisitry ny mponina sy ny fiahiana ara-tsosialy Naharimamy Lucien Irmah, nanao ohatra hitarika an’ireo malala-tanana. (Jereo Sary Tohiny)  
    Lire la suite ...
Page 9 sur 514