Tselatra

    • mardi, 11 septembre 2018 19:29

    Sambava: Lehilahy iray maty tampoka teo ampampiadiana akoho

    Nifamotoana ny tia adin’akoho teto Sambava ny alahady teo. Ho ampidirina anaty banja ny akohon’Abdalah antsoina hoe : “Peta-tsanga patte blanche”. 20.000Ar ny loka. Ao, hoy izy, izaho mihitsy no hiditra mpitsara ary hitazona ny famataran’andro. Vao hanomboka anefa ny lalao dia teo izy no nitambosotra ka nifandrobahana nentina teny amin’ny SALFA Loterana Ampandrozonana, saingy teny an-dalana dia tapitra ny ainy.Dia nanjombona ny tontolon’ny fampiadiana akoho teto Sambava. Naterina eny an-trano fonenany Fokontany Soavinandriana Sambava ny razana. Mpamily ny asan’i Abdalah fahavelony.  
    Lire la suite ...
    • jeudi, 06 septembre 2018 12:34
    • Sary Gasypatriote Sambava

    Sambava: Fiara 4x4 tsy nisy mpamily nivarina an-kady

    Akory ny hatairan’ireo mpivarotra teny amin’ny tsena Antaimby androany tamin’ny fito ora sy sasany maraina, raha nahita ity fiara 4X4 ity avy nanatona azy ireo, kanjo tsy nisy mpamily ny tao anatiny fa nikisaka mora ihany ary tsy nisy nahatazona azy ka nivarina an-davaka teny amin’ny sisin-dalana niafarany. Raha ny angom-peo teny an-toerana dia sendra nivoaka nividy zavatra ny mpamily dia tsy nampiasa “frein à main” izy ka izay no mety ho antony nahatonga ny loza. Tsy nisy naratra fa samy nitsoaka nanavotra ny ainy ny mpivarotra teny amin’ny sisin-dalana. Tapaka tao anatin’ny 30min ny fifamoivoizina noho ity tranga ity. (Jereo Sary Tohiny)  
    Lire la suite ...
    • jeudi, 06 septembre 2018 12:10

    Ntsay Christian: “Tsy maintsy hotanterahina ny fifidianana”

    Nandritra ny famoriany ireo tomponandraikitry ny fandriampahalemana sy filaminana no nanamafisan’ny praiminisitra lehiben’ny governemanta omaly teny Mahazoarivo fa tsy maintsy hotanterahina ny fifidianana. Noresahina ihany koa ny filaminana mandritra ny fotoam-pifidianana.  
    Lire la suite ...
    • jeudi, 06 septembre 2018 09:22

    Fianarantsoa: Tovolahy roa nisandoka nandritra ny fanadinana BEPC

    4 hetsy Ariary ny nanaraman'ny tovolahy iray nisoratra anarana tamin'ny fanadinana BEPC ny namany izay tonga niatrika izany amin'ny toerany ny alatsinainy lasa teo. Niakatra Fampanoavana omaly alarobia ihany ny raharaha teto Fianarantsoa. Nampidirina am-ponja vonjy maika izy roa lahy tamin'ny vesatra fampiasana hosoka sy fisandohana. Ny 13 septambra ho avy izao no hiatrika fitsarana izy roa lahy.
    Lire la suite ...
    • mercredi, 05 septembre 2018 14:13

    BEPC- Amboangibe: Teo am-pandriana ilay tovovavy no nanohy ny fanadinana

    Vao misasaka ny laza adina matematika omaly maraina dia nisy ankizivavy iray narary tampoka ka nifandrobahana nobataina nentina nivoaka ny efitrano fanadinana, ka nafindra tao amin’ny tranon’ny Surveillant izay mba akaiky ny foibem-panadinana. Sady miaritra marary ilay tovovavy no nitomany mafy nangataka fa hanao izay faraheriny hanohy ny laza adina na efa adiny iray taty aoriana nanombohana aza. Nidinika haingana ireo tompon’andraikitra ka nanaiky fa hohaterina eny aminy ambony fandriana ny laza adina mba hahafahany nanohy fa nomena mpanara-maso roa izy nandritra izany. Tranga tao amin’ny centre Amboangibe-Sambava  
    Lire la suite ...
    • mardi, 04 septembre 2018 12:43
    • Sary nomena

    BEPC 2018: Taranja frantsay sy matematika anio

    Andro faharoa amin’ny fanadinana BEPC eto Madagasikara ity talata 04 septambra 2018 ity. Ny taranja frantsay sy matematika no atrehin’ny mpiadina anio. (Jereo Sary Tohiny)  
    Lire la suite ...
    • mardi, 04 septembre 2018 08:46
    • Sary Gasypatriote Ambatondrazaka

    Ambatondrazaka: Tanàna voalohany hananganana biraon’ny CENI

    Trano mirefy 15mx12m izay ahitana efitra enina no haorina. Santatry ny mbola ho tanterahana any amin’ny faritra hafa io hoy i Hery Rakotomanana, filohan’ny CENI. Ny sabotsy 1 septambra teo no notontosaina ny hady fototry ny trano. Haharitra 90 andro ny asa. Ny Kaominina ambonivohitra Ambatondrazaka no nanolotra ny tany. 200 tapitrisa Ariary ny vola ho lany amin’ny fananganana azy. Nanambara ny filohan’ny CENI fa tokony ho filamatra amin’ny fomba fiasa ireo tomponandraikitra aty Ambatondrazaka satria sarotra hoy izy ny niady ny mba hananganana io trano voalohany io. (Jereo Sary Tohiny)  
    Lire la suite ...
    • lundi, 03 septembre 2018 22:33

    Vokatry ny krizy toe-tsaina: Zaza menavava telo mianadahy no nisy nanary

    Zazalahy kely vao teraka mbola miaraka amin’ny tadim-poitra no nisy nanary teo amoron-dalana tao Ambohipeno, Kaominina Amparafaravola ny faran’ny herinandro teo. Nahohoka ilay zaza sady nototofana fasika. Nisy feon-jaza mitomany ao anatiny henon’ny olona saingy somary vahotra ny manodidina ny hivoaka noho ny tsy fandriam-pahalemana. Maro no nihevitra fa fandrika ataon’ny jiolahy io ka dia samy namitsaka tany an-tranony avy ny rehetra. Renim-pianakaviana iray sendra nandalo ny ampitso maraina no nahatsikaritra io zaza io ka nitondra azy avy hatrany tany amin’ny tobim-pahasalamana.
    Lire la suite ...
    • lundi, 03 septembre 2018 22:31
    • Sary Gasypatriote Tolagnaro

    Jean Ravelonarivo: Nitsapa ny halalin’ny rano teto Tolagnaro

    Tonga nifanakalo hevitra sy nampahafantatra ny vina sy asa laharampahamehana hotanterahiny ny jeneraly Jean Ravelonarivo, kandida amin’ny fifidianana filoham-pirenena ho avy. Teo amin'ny kianja fanaovam-baolina Ampasamasay ny fihaonana. Nampanantena ny Jean Ravelonarivo fa haverina amin'ny laonina ny fandriampahalemana, hamafisina ny ady amin'ny kolikoly ... mba tsy ho anisan'ny firenena gisitra sy mahantra intsony i Madagasikara. Hiazo an’Androy indray ny kandida sy ny mpiara-dia aminy taorian’i Tolagnaro.    
    Lire la suite ...
    • lundi, 03 septembre 2018 15:53
    • Sary Gasypatriote Antsirabe

    BEPC Antsirabe: Nizotra am-pilaminana

    Tsy araka ny niheverana azy sy ny fitaitainan’ny Ray aman-dreny, fa mizotra amim-pilaminana ny fanadinam-panjakana BEPC raha ny teto Antsirabe. Tsy nisy ny olana, ary na nitombo aza ny isan’ny mpiadina dia nanodidina ny 6% teo ny tsy tonga. Misy mpiadina voasoratra anarana miisa 23.471 manerana an’i Vakinankaratra, mitsinjara amin’ireo foibem-panandinana miisa 77 anatin’ny fari-pididiam-pampianarana na Cisco miisa 7. 9 taona no zandriny indrindra amin’ireo kandida izay mpianatry ny Sainte Thérèse Mahazoarivo, raha toa ka 51 taona no zokiny indrindra. Ho an’ny foibem-panadinana Lycée André Resampa manokana, izay nisy toeram-panadinana 3, dia ny tao amin’ny St Joseph sy ny Immaculée ary ny tao amin’ny Lisea dia 4.445 no mpiadina, ka ny 656 no tsy tonga tamin’ireo. (Jereo Sary Tohiny)  
    Lire la suite ...
Page 9 sur 326