Tselatra

    • jeudi, 26 mars 2020 18:29

    Antenimierandoholona: Nandray ny karamany volana Janoary sy Febroary 2020 ny ampahan’ny mpiasa

    Notanterahina androany 26 mars 2020 maraina ny fandoavana ny karama volana Janoary sy Febroary ho an’ny ampahan’ny mpiasa izay mbola tsy nisitraka izany teo anivon’ny Antenimierandoholona.  
    Lire la suite ...
    • jeudi, 26 mars 2020 12:58
    • Tahirin-tsary nindramina

    Gare Routière Maki Andohatapenaka: Nafindra eny ny fakana fahazoan-dalana manokana hivezivezy ho an'ireo fiara

    Namoaka fampilazana ny Centre de Commandement Opérationnel COVID 19 - Ivato fa nafindra eny amin'ny Gare Routière Maki Andohatapenaka – Antananarivo ny fangatahana fahazoan-dalana manokana hivezivezy ho an'ireo fiara tsy maintsy miasa mandritra ny « couvre- feu » na ho an'ireo fiara madinika mila mivoaka an'Antananarivo. Misokatra amin'ny 8ora maraina ka hatramin'ny 12 ora atoandro isan'andro ny birao eny an-toerana.    
    Lire la suite ...
    • jeudi, 26 mars 2020 12:47
    • Sary nindramina

    Julien Lepers: Voan’ny coronavirus, milaza fa mbola reradreraka

    Ny 24 marsa 2020 no nanambaran’i Julien Lepers, tamin’ny tambazotran-tserasera Twitter, fa eo ho eo ihany ny fahasalamany ary reradreraka ny vatany noho ny coronavirus, nahazo azy efa sivy andro taorian’ny fanentanana lanonana nataony. Teratany frantsay, mpanentana fandaharana kolotsaina malaza « Question pour un Champion » amin’ny televiziona i Julien Lepers. Mpiahy ny hetsika « Festival des Baleines » mpiseho isan-taona ao Sainte-Marie Madagasikara ihany ko izy. 70 taona ny lehilahy ankehitriny.  
    Lire la suite ...
    • jeudi, 26 mars 2020 12:45
    • Sary nindramina

    Alma Clara Corsini: 95 taona, voan’ny coronavirus tany Italia fa sitrana soamantsara

    Alma Clara Corsini hatreto no antitra indrindra tamin’ireo voan’ny tsimokaretina coronavirus tany Italia, nefa sitrana soamantsara. Tamin’ny fiandohan’ity volana marsa ity izy no voamarina fa nitondra ilay tsimokaretina coronavirus taorian’ny fitiliana natao azy. 18 marsa, no nivoaka ny vaovao fa sitrana izy taorian’ny fitsaboana natao azy, voakatra izay nahafaly ny ekipa ara-pahasalamana nandray an-tanana azy tany Modène - Emilie-Romagne. (Jereo Sary Tohiny)
    Lire la suite ...
    • mercredi, 25 mars 2020 19:42
    • Sary nindramina

    Ambohimahintsy (RN2)

    No comment    
    Lire la suite ...
    • mercredi, 25 mars 2020 16:47
    • Sary: Andry Rakotondrainibe

    Antananarivo Renivohitra: Mangadihady teny amin’ny Araben’ny Fahaleovantena

    Voahodidina mpitandro ny filaminana ny fidirana ny afovoan’Antananarivo androany alarobia 25 marsa, andro fahatelo fihibohana an-trano ho fisorohana ny fihanahan’ny valanaretina coronavirus. Nangadihady teny Analakely sy ny Araben’ny Fahaleovantena. (Sary: Andry Rakotondrainibe‎) (Jereo Sary Tohiny)
    Lire la suite ...
    • mercredi, 25 mars 2020 15:17
    • Sary nindramina

    Comores: Nifatratra tamin’ny andrinjiro ny fiara nitondra ny filoha Azali Assoumani

    Niharan-doza ny fiara nitondra ny filoham-pirenen’i Comores, Azali Assoumani, manatanteraka fitsidihana ao Anjouan. Nilaozan’ny hisatra teny ampandehanana ilay fiara, ka hany nataon’ny mpamily dia ny nampidofotra azy tamin’ny andrinjiro nampijanonana ilay fiara raitra. Na teo aza ny loza dia nanohy ny fitsidihana tanterahiny ao Anjouan hatrany ny filoha Azali. Misokatra kosa ny fanadihadihana mikasika ity loza nanjo ny fiara nitondra azy ity. Hasomparana ? olana ara-mekanika ? Lesoka amin’ny fikojakojana ? … Santionany amin’ny fanontaniana mipetraka ireo manoloana ity loza ity, fiara raitra rahateo no niharan-doza.  
    Lire la suite ...
    • mercredi, 25 mars 2020 14:38
    • Sary nindramina

    Ankadinondry RN1: Fiarabe mitatitra entana maro nihitsoka tsy navela handeha

    Nitaraina ireo mpitondra kamiao, mitatitra entana, noho ny sakana teo Ankadinondry Sakay amin’ny lalam-pirenena RN1, tsy namelana azy ireo hitatitra vokatry ny tany hiazo an’Antananarivo. Nanazava Ranarivelo Fanomezantsoa Lucien, minisitry ny fambolena sy fiompiana ary jono niainga avy eny amin’ny Foibem-pibaikoana momba ny coronavirus, eny Ivato, ny antoandron’ity alarobia 25 marsa 2020 ity fa afaka mandeha ny fiara mitatitra ireo entana ilain’ny mponina, fa ny olona kosa tsy maintsy manaja ny fepetra noho ny hamehana ara-pahasalamana mihatra eto amin’ny tanin’ny Repoblikan’i Madagasikara, anisany ny fakana hafanan’ny vatana ary ny fanajana ny bokinandraikitra mifehy ny fiara vaventy. (Jereo Sary Tohiny)
    Lire la suite ...
    • mercredi, 25 mars 2020 14:05
    • Sary nindramina

    Coronavirus: Tsy nisy tranga vaovao tao anatin’ny 24 ora

    174 ny fitiliana vita hatry ny omaly 24 marsa 2020 sy ny mitatao vovonana teo. 19 ireo olona voamarina fa mitondra ny tsimokaretina coronavirus hatramin'ny zoma 20 marsa 2020, tsy nahitana soritraretina ny 18 tamin’ireo, iray ihany no narary saingy efa mihatsara ny fahasalamany amin’izao. Tsy nisy fiovana ireo tarehimarika ireo tao anatin’ny 24 ora farany, araka ny fampitam-baovao nataon’ny mpitondratenin’ny Foibe fibaikoana momba ny Coronavirus, Pr Vololontiana Hanta Marie Danielle androany tamin’ny 1ora teo. (Jereo Sary Tohiny)
    Lire la suite ...
    • mercredi, 25 mars 2020 13:08
    • Tahirin-tsary fanehoana

    Coronavirus: Misy sahady ireo olona misoloky ho mpiasan'ny fahasalamana

    Misy sahady ireo olona nitady hisoloky ho mpiasan'ny fahasalamana ary miaraka amin'ny fiara mihitsy izy ireo milaza fa isan'ny ireo dokotera mizaha manokana ny resaka "Coronavirus" mitety –tokantrano, araka ny fampitam-baovao nataon’ny avy eo amin’ny Polisim-pirenena. Ny fiara avy any amin'ny C.C.O (Centre de Commandement Opérationnel) ihany no afaka manao izany izay ahitana mpiasan'ny fahasalamana sy mpitandro ny filaminana ao anatiny, hoy ny Polisim-pirenena. Mampahafantatra ireto farany fa « miantso ary mampandre mialoha ilay olona hozahana fahasalamana ny ekipa CCO-COVID-19 vao tonga eny an-toerana ». Manentana ny Vahoaka ny Polisim-pirenena « mba hiantso ny mpitandro filaminana akaiky azy indrindra raha sendra ny tranga mifanohitra amin'ireo voalaza etsy ambony ireo ». (Jereo Sary Tohiny)  
    Lire la suite ...
Page 8 sur 539