Tselatra

    • samedi, 28 mars 2020 15:00
    • Sary nindramina

    Maroc: Nanolotra ny karamany iray volana ireo depiote sy minisitra hanohanana ny ady amin’ny coronavirus

    Nanokatra Tahiry manokana hiadiana amin’ny coronavirus ny Mpanjakan’i Maroc, Mohammed VI. Nanolotra ny karamany iray volana ireo depiote sy minisitra ho anjara biriky hanohanana ny ady amin’ny coronavirus ao amin’ity firenena ity. Miisa 346 no mitondra ny tsimokaretina coronavirus any Maroc raha ny antotanisa navokanan’ny Vondrona Afrikana tamin’ity andron’ny sabotsy 28 marsa 2020, 23 namoy ainy ary 11 no sitrana tamin’ity valanaretina ity tany an-toerana.  
    Lire la suite ...
    • samedi, 28 mars 2020 14:49
    • Sary nindramina

    Coronavirus: Misy tranga roa vaovao, lehilahy avokoa

    Lehilahy teratany Malagasy, 43 taona, mipetraka eto Antananarivo ny iray amin’ireo olona roa vaovao mitondra ilay tsimokaretina coronavirus. Azony avy amin’ny fifampikasohana ny azy. Teratany Italianina, 66 taona, tonga teto Madagasikara tamin’ny sidin’ny Ethiopian Airlines ny 17 marsa 2020, ny faharoa. Miisa 28, hatramin’ity Sabotsy 28 mars 2020 mitatao vovonana ity, ireo voamarina fa mitondra ny tsimokaretina coronavirus eto Madagasikara, araka ny tatitra nataon’ny Pr Vololotiana Hanta, mpitondrateny ny Foibem-pibaikoana momba ny coronavirus. Tsy ahitana soritr’aretina ny 20 amin’ireo, misy soritr’aretina toy ny gripa ny 5, ary mampiseho soritr’aretina sempotra ny 3. Tsy misy kosa ny aina nafoy, hoy hatrany Pr Vololotiana Hanta, izy farany izay manamafy ny tokony hanajan’ny olompirenena ny fihibohana an-trano, satria ity tranga ity dia manaporofo indray fa ny fifampikasohana dia efa ampy ifindran’ity valanaretina ity. (Jereo Sary Tohiny)
    Lire la suite ...
    • samedi, 28 mars 2020 14:37
    • Sary nindramina

    Andry Rajoelina: « Salama tsara aho » taorian'ny fitiliana coronavirus nosedrainy

    « Ramalina aza hono mifehy hazo tokana koa nanao ny fitiliana ny tenako. Salama tsara aho, misaotra an'Andriamanitra, ary vonona hatrany hiasa ho an'ny Tanindrazana eo anilan'ny vahoaka Malagasy ». Izay no fanambarana nataon’ny filohan’ny Repoblika Andry Rajoelina, androany tao amin’ny kaontiny Instagram. (Jereo Sary Tohiny)
    Lire la suite ...
    • samedi, 28 mars 2020 13:54
    • Sary nindramina

    Emma Theofilus: Minisitra amperinasa tanora indrindra manerantany, 23 taona

    Mpikambana ao amin’ny governemanta any Namibia i Emma Theofilus. Ny 23 marsa 2020, anatin’ny vanim-potoana mampirongatra ny valanaretina coronavirus manerantany, no nanendrena azy ho minisitra lefitra misahana ny teknôlôjia, ny fampahalalam-baovao ary ny serasera. Manam-pahaizana momba ny lalàna izy, nianatra tao Namibia sy tany Afrika Atsimo.  
    Lire la suite ...
    • vendredi, 27 mars 2020 21:56
    • Sary nindramina

    Coronavirus: Nampitombo 15 andro fihibohana i Frantsa

    Araka ny toro-mariky ny filoha frantsay Emmanuel Macron, dia nanao fanambarana ny praiminisitra Edouard Philippe androany zoma 27 mars fa ampitomboana 15 andro indray ny fihibohan'ny rehetra an-trano ka tsy hifarana izany raha tsy ny 15 aprily. Nambarany fa mety mbola hiitatra io raha mbola tsy voafehy ny aretina. 1696 hatreto no namoy ny ainy, ary 13 904 no any amin'ny hopitaly manaraka fitsaboana, 5 ny mpitsabo maty, ary zandary 1. 299 ireo maty tao anatin'ny 24ora farany. Raha ny ambaran'ireo dokotera mpahay ny areti-mifindra, dia 40 andro (quarantaine) no ilaina mihiboka tanteraka vao mahomby ny ady, nefa ao anatin'izay dia manao fitiliana, fitiliana, fitiliana marobe. Miakatra 20 000 isan'andro amin'io herinandro io ny fitiliana atao any Frantsa.  
    Lire la suite ...
    • vendredi, 27 mars 2020 19:49
    • Sary nindramina

    Coronavirus: Niampy tranga roa vaovao ny eto Madagasikara

    26 hatramin’ny hariva teo ireo olona mitondra ny tsimokaretina coronavirus eto Madagasikara. Tranga vaovao ny 2 amin’ireo, tao anatin’ny fitiliana 11 vita.  
    Lire la suite ...
    • vendredi, 27 mars 2020 18:01
    • Sary nindramina

    Coronavirus: Mitondra ilay tsimokaretina koa ny praiminisitra anglisy Boris Johnson

    Voaporofo tamin’ny fitiliana natao azy fa mitondra ny tsimokaretina coronavirus i Boris Johnson, praiminisitra anglisy. Izy tenany no nanambara ny vaovao tao amin’ny kaontiny Twitter. Misy soritr’aretina izy ary efa nitoka-ponenana, na izany aza nambarany fa manohy ny asa maha praiminisitra azy, ary mampiasa teknôlôjia toy ny vidéoconférence izy amin’izany. (Jereo Sary Tohiny)  
    Lire la suite ...
    • vendredi, 27 mars 2020 17:58
    • Sary Gasypatriote sy nindramina

    Tetsy sy teroa

    Tetsy sy teroa (Jereo Tohiny) (Sary Gasypatriote sy nindramina)  
    Lire la suite ...
    • vendredi, 27 mars 2020 15:12
    • Sary nindramina

    Cornavirus: Nisy tranga iray vaovao niseho teto an-toerana, voa vokatry ny fifampikasohana

    Tamin’ny tatitry ny fivoaran’ny fihanaky ny coronavirus nataon’ny Pr Vololontiana Hanta, mpitondratenin’ny Foibem-pibaikoana momba ny coronavirus io atoandro io, no nilazany fa nisy tranga coronavirus iray vaovao voamarina tamin’ireo fitiliana niisa 223 vita teo anelanelan’ny alakamisy 26 marsa 2020 tamin’ny 8 ora maraina ka hatramin’ny androany mitatao vovonana teo. Nanipika ity sojaben’ny fakioltean’ny fitsaboana eny amin’ny oniversiten’Antananarivo ity, fa tsy isan’ireo olona nandeha fiaramanidina tonga avy any ivelany ity tranga vaovao ity, fa olona teto an-toerana ary viriosy azony vokatry ny fifampikasohana no nahavoa azy.
    Lire la suite ...
    • jeudi, 26 mars 2020 21:28

    Coronavirus: Tsy maintsy miantoka fiara fitaterana ny mpampiasa

    Namoaka toro-marika tsy maintsy tanterahan'ny orinasa tsy miankina, izay manohy mampiasa ireo mpiasa ao aminy, ny minisitry ny asa: 1- Tsy maintsy miantoka fiara fitaterana ireo mpiasa ny orinasa, ka takiana ny hisian'ny kojakojam-panafody ao anaty fiara, indrindra fa ny fanafody fanasana tanana (gels désinfectants alcoolisés)2- Tsy maintsy hajain'ny mpampiasa ary ampiariny ao ampiasana ny elanelana 1m isaky ny mpiasa, eny hatrany anaty fiara fitaterana.3- Tsy maintsy iantohan'ny mpampiasa takom-bava manara-penitra sy eken'ny sampandraharahan'ny fahasalamana ireo mpiasa tsirairay, ary hajaina ny fanoloana izany matetika ara-potoana.
    Lire la suite ...
Page 7 sur 539