Tselatra

    • jeudi, 06 février 2020 11:21
    • Sary nomena

    Mpanendaka: Misy lavatanana mpiaro i « Tsalo » ?

    « Pavillon Analakely », toerana afovoan-tanana sady be olona sy mpivarotra ary mpitandro ny filaminana mifanaretsaka. Toerana anjakan’ny mpanao sintomahery sy mpanendaka ihany koa, na atoandro be nanahary izao aza. Mpanendaka eny i « Tsalo ». Vao omaly no nisy mpianaka lasibatra nanaovany azy. Mihalangalana mitazam-potsiny ireo mpivarotra eny amin’ny « Pavillon Analakely » na mahita maso ny asa ratsy ataon-dry Tsalo sy ny namany, noho ny tahotra valifaty, ary malaza ho misy lavatanana « mpiaro » i Tsalo, satria na voasambotra aza dia tafavoaka hatrany. Nisy olona tsara sitrapo nanampy ireo mpianaka voaendaka omaly tolakandro, ka nisambotra an’i Tsalo. Maniry ireo lasibatra mba hampiharana tokoa ny sazy amin’ny jiolahy, rehefa hanadio ihany mba hiverenan’ny fitokisan’ny Vahoaka tokoa ny mpitandro ny filaminana sy ny Fitsarana. (Jereo Sary Tohiny)
    Lire la suite ...
    • mercredi, 05 février 2020 22:06

    Tsaratanana: 1000 Ar kapoakan’ny vary

    Miaka-bidy ireo entana ilain’ny mponina andavanandro ao amin’ny Distrikan’i Tsaratanana, folo andro taorian’ny andro ratsy niteraka tondradrano tamin’iny faritra iny. Manararaotra ny mpivarotra. 1 000 Ariary ny vary iray kapoaka eo an-drenivohitry ny Distrika, tafakatra 1 100 Ariary izany any ambanivohitra, toy ny ao Bekapaika.  
    Lire la suite ...
    • mercredi, 05 février 2020 21:55
    • Sary nindramina

    Ambilobe: Misy valanaretina ny kisoa

    Kisoa miisa folo saika halefa ao Antananarivo no nahitana valanaretina pesta kisoa, araka ny tati-baovao tamin’ny fahitalavi-panjakana (TVM) androany hariva. Nisy ny fepetra vonjimaika noraisina manoloana izany ka voarara tsy hivoaka an’Ambilobe ny kisoa, tsy hiparitahan’io valanaretina io. (Jereo Sary Tohiny)
    Lire la suite ...
    • mercredi, 05 février 2020 21:48

    Ankadikely Ilafy: Hatao miaraka ny fametrahana samboadin’ireo Ben'ny Tanàna miisa 15 voafidy tao Avarandrano

    Hotanterahina miaraka rahampitso alakamisy 6 febroary 2020 eo amin’ny kianja filalaovam-baolina Ankadikely Ilafy ny lanonana fametrahana ny samboadin'ireo Ben'ny Tanàna miisa 15 voafidy ao anatin'ny Distrika Avarandrano.  
    Lire la suite ...
    • mercredi, 05 février 2020 14:40
    • Sary nomena

    Antohomadinika: Voasambotra i Rasta mpanendaka, tarik’i Mainty

    Voasambotry ny Polisy ny PPA4 Antaniavo-Antananarivo i Rasta rehefa nifanenjehana ny alin'ny 02 febroary 2020 tokony ho tamin’ny 11 alina teo amin'ny elakelan-trano anoloan'ny fiangonana Jesosy Mamonjy Antohomadinika. Nanendaka olona teo amin’ny « Arrêt Bus » Mahitsy teo Antohomadinika i Rasta tamin’io, ary telo lahy ry zareo. Voasambotra i Rasta rehefa nifanenjehana fa tafaporitsaka ireo namany. Iray tarika amin’i Mainty i Rasta. Voasambotra tamin’ny herinandro lasa iny i Mainty, zandary taloha ary mpanendaka raindahiny sady matanjaka, efa any am-ponja moa izy amin'izao fotoana izao. Manararaotra ny faharatsian'ny lalana eo Antohomadinika ireo jiolahy mpanendaka. Atolotra ny fampanoavana anio alarobia i Rasta.  
    Lire la suite ...
    • mercredi, 05 février 2020 14:37
    • Sary ZP

    Maroantsetra: Hita ny faty telo tamin’ireo mpandeha tamin’ilay lakam-by rendrika

    Hita omaly ny telo tamin’ireo mpandeha efatra, tsy hita popoka, nentin’ny lakam-by misy motera rendrika teo anelanelan’ny vinanin’Ankandimbazaha sy Antserananiseta, ny harivan’ny alahady 2 febroary 2020, raha nitondra olona enina avy any Ambatofotsy, Kaominina Ambinanitelo hiazo an’i Maroantsetra. Vehivavy roa, mpianaka, sy lehilahy iray no hita tao Antserananiseta sy Ankiakabe, saingy efa tsy nisy aina intsony ary efa mihasimba. Efa nalain’ny fianakaviany avy ireo razana rehefa vita fitsirihana sy fanamarinana ara-panjakana, ary nentina ao Ambatofotsy Kaominina Ambinanitelo hanaovana fombafomba ara-drazana mialoha ny handevenana azy ireo. Mbola mitohy kosa ny fikarohana ny lehilahy iray isan’ireo tsy hita popoka taorian’ny faharendrehan’ity lakam-by ity. (Jereo sary Tohiny)  
    Lire la suite ...
    • mercredi, 05 février 2020 10:33
    • Sary nindramina

    Mahajanga: Nodimandry ny Senatera teo aloha Mohamed Abdou

    Nindaosin’ny fahafatesana androany tamin’ny 4 ora maraina, teto Mahajanga, ny Senatera teo aloha Mohamed Abdou, fantatry ny maro tamin’ny solon’anarana hoe: « Mengy ». Hatao anio tolakandro eny Antanimasaja ny fandevenana aorian’ny fitondrana ny razana ao amin’ny Mosquée du Vendredi.  
    Lire la suite ...
    • mercredi, 05 février 2020 10:04

    Anosimahavelona Antananarivo faha-4: Nahazo tany hanorenana tanàna vaovao ny Sinoa

    Roso amin’ny fanorenana toeram-ponenana manamorona ny fefilohan’i Ikopa, eny Anosimahavelona Boriborintany faha-4, Antananarivo Renivohitra ny orinasa sinoa Run Dong International Development SARL. Manana « Certificat juridique » sy efa nahazo taratasy fanomezan-dalana avy amin’ny APIPA ny orinasa, araka ny taratasy nataon’ny mpitantana ny 31 janoary 2020, ary nandalo tao amin’ny Fokontany ny 3 febroary 2020. Roso amin’ny fanatanterahana ny tetikasa eo amin’ny taninay izahay, raha ny voarakitra amin’ilay taratasy. Misy fananganana fotodrafitrasa fanasan-damba, toeram-pivoahana sy fidiovana ataon'ny orinasa, ankoatra ny fanomezana asa hisitrahan’ny mponina manodidina, hoy hatrany ny taratasy.  
    Lire la suite ...
    • mercredi, 05 février 2020 09:09

    Kaominina Antananarivo Renivohitra: Hanana ny onjam-peony manokana

    Efa nanana radio ny Kaominina Antananarivo Renivohitra (CUA) tamin’ny andron’ny tetezamita, ka Ny Hasina Andriamanjato no lehiben’ny delegasiona manokana. Niato izany rehefa nentin’ny tompony ny fitaovana. Hiverina indray ny radio an’ny CUA. Efa andalam-panatanterahana ny hanokafana azy ara-panjakana.  
    Lire la suite ...
    • mardi, 04 février 2020 20:35
    • Sary ZP

    Halatra "buses": Olona miisa 9 voasambotry ny Zandary

    Tra-tehaky ny Zandary Ireo olona nanimba sy nangalatra fantson-drano lehibe "buses" tamin'ireo tetezana amin'ny lalam-pirenena ao anatin'ny Faritra Sofia, rehefa nokarohina nandritra ny dimy andro. Olona miisa sivy, fito lahy, roa vavy, no tratra fa nanimba, nandroba ary nangalatra ireo "buses" miisa roa tao Antsahabe sy iray tao Anjiamangirana, samy ao amin'ny Distrika Antsohihy. Hita avokoa ireo "buses" miisa telo, ka ny iray dia efa nosimbaina navadika ho fitaovana hafa toy ny antsy, angadin'omby...    
    Lire la suite ...
Page 6 sur 514