Tselatra

    • mercredi, 22 mai 2019 14:13
    • Sary nomena

    Andry Rajoelina: Ao Sambava no matory, rahampitso Antsiranana

    Raha tokony nihazo an'Andapa ny filoha avy teto Antalaha, noho ny aratsin'ny toetr'andro, dia nofohanana ny diany any Andapa, fa lasa any Vohémar izy izao. Avy eo dia mandeha Sambava, ary matory ao andrenivohitry lavanila.Rahampitso maraina kosa izy, raha tsy miova ny programa dia hihazo an'Antsiranana. Nitsahatra kely aloha ny orana hatreto ny eto Antalaha. (Jereo Sary Tohiny)
    Lire la suite ...
    • mercredi, 22 mai 2019 14:12
    • Sary nomena

    Andry Rajoelina: Lasa any Vohemar

    Vita ny fitsidihana nataon'i Filoha Andry Rajoelina teto Antalaha, nefa ratsy dia ratsy ny andro, ka niova lasa any Vohemar indray izy fa tsy nihazo an'i Andapa sy Sambava araka ny lamina napetraka aloha.  
    Lire la suite ...
    • mercredi, 22 mai 2019 12:52
    • Sary nomena

    Antalaha: Tonga eto amin'ny seranam-piaramanidina Antsirabato ny filoha anaty orana mikija

    Ratsy dia ratsy ny andro aty amin'ny faritry SAVA, tao anatin'ny orana mikija no nigadona eto Antalaha ny angidimby nitondra ny filoha Andry Rajoelina. Avy any Maroantsetra izy talohan'izao, ary manomboka ny kabary izay ataony any amin'ny renivohitry Antalaha. Hitohy any Andapa ny sidina rehefa miala avy eto.  (Jereo Sary Tohiny)  
    Lire la suite ...
    • mercredi, 22 mai 2019 11:05

    Maintirano: Ho avy aty an-toerana rahampitso alakamisy ny Filoha Andry Rajoelina

    Rahampitso alakamisy no ho tonga hitsidika an'i Maintirano sy Ambatomainty ny filoha Andry Rajoelina, raha ny fanomanana aty an-toerana. Hoan'i Maintirano dia efa mandeha ny filazana fa tsy maintsy tonga mitsena ny filoha ireo mpiasam-panjakana, ary ny mpianatra amin'ny fanjakana sy ny tsy miankina, kilasy faha 4 sy faha 3 dia tsy maintsy tonga ihany koa, fa saingy tsy mahazo mitondra blouse.  
    Lire la suite ...
    • mercredi, 22 mai 2019 09:54

    Tafika Malagasy: Higadona anio ilay fiaramanidina CASA235

    Hatao anio tolakandro ny fandraisana ilay fiaramanidina CASA235 ho an'ny Tafika Malagasy. Efa amperinasa ihany koa ireo helikoptera roa ho an'ny Tafika Malagasy.  
    Lire la suite ...
    • mercredi, 22 mai 2019 08:49

    Lavanila - Faritra Anôsy: Anjakan’ny gaboraraka

    Raha mbola amin’ny 20 jona 2019 vao misokatra ny taom-piotazana dia misy olona nomena fahazoan-dalana manokana “autorisation spéciale” ka afaka mividy lavanila any Ivolobe, Kaominina Mahatalaky, Faritra Anôsy. Fanta-poko, fanta-pirenena ny fisiany sady arovan’ny mpitandro filaminana. Matahotra ny mpamboly, etsy ankilany mirongatra izay tsy izy ny halatra lavanila sy ny tsy fandriampahalemana. Ny zava-misy anefa dia tsy mbola matoy ny lavanila fa terena alaina satria matahotra dahalo.  
    Lire la suite ...
    • mercredi, 22 mai 2019 08:14
    • Sary Gasypatriote Ambatondrazaka

    Ambatondrazaka

    Ny Filoha Andry Rajoelina tonga taty an-toerana.  
    Lire la suite ...
    • mardi, 21 mai 2019 22:59

    Bekopaka: Tonga ireo miaramila mpampandry tany

    45 lahy ry zareo no tonga eto Bekopaka, vavahadin’ny Tsingin’i Bemaraha, distrika Antsalova io hariva io, hampandry tany. Mety mbo hiampy ny isan’izy ireo. Somary nirongatra tato ho ato ny tsy fandriampahalemana tamin’ity faritra ity, ary isany lasibatra tamin’izany ireo mpizahatany vahiny. Efa nisy ny fepetra noraisina taorian’ny fanafihana fiara nitondra mpizahatany niseho ny herinandro lasa teo iny, ka misy mpitandro ny filaminana manaraka ny fiara mitondra any Belo Tsiribihina mandeha aty Bekopaka ary toy izany koa ny miverina.  
    Lire la suite ...
    • mardi, 21 mai 2019 22:55

    Andry Rajoelina: Ho avy eto Sambava rahampitso tolakandro

    Taorian’ny diany tao amin’ny Faritra Atsinanana sy Alaotra Mangoro, androany, dia hitsidika ny Faritra Analanjirofo sy SAVA iny ny filoha Andry Rajoelina rahampitso. Fitsidihana izay miteraka tsikera sy resaka be indrindra amin’izao andro farany amin’ny fampielezan-kevitra amin’ny fifidianana solombavambahoaka izao. Ho avy eto Sambava izy rahampitso alarobia tolakandro. Henjan-droa ny tady eo amin’ireo samy mpanao politika eto an-toerana. Mazava hoy ny ankamaroany fa antony politika ny ahatongavan’i Andry Rajoelina eto Sambava na eo aza ny resaka “vary mora”, ka tsy hitsena na hanotrona ny fahatongavany ireo kandida depiote miisa valo amin’ny sivy mirotsaka hofidiana eto Sambava ary tsy handefa ny olony ihany koa, raha ny filazan’izy ireo. Ny kandida natolotry ny “Isika rehetra miaraka amin’i Andry Rajoelina” no hitsena sy hanotrona azy eny ampahatongavana miaraka amin’ireo solontenam-panjakana eto an-toerana.  
    Lire la suite ...
    • mardi, 21 mai 2019 22:45

    Vono olona: Miaramila iray voarohirohy natolotra ny Zandarimaria

    Natolotry ny lehibeny ny Zandarimaria Sambava androany atoandro ny miaramila iray izay voarohirohy ho nandray anjara tamin'ny fanafihana mitam-piadiana, ka nahafaty lehilahy iray mpikirakira lavanila ny alin’ny 28 Aprily 2019. Aorian’ny famotorana azy dia hatolotra ny Fampanoavana ao amin’ny Fitsarana ambaratonga voalohany any Antalaha izy amin'ny Alakamisy 23 mey 2019 izao.  
    Lire la suite ...
Page 4 sur 425