Tselatra

    • mercredi, 16 janvier 2019 18:01

    CPI: Votsotra i Laurent Gbagbo

    Tsy neken'ny Fitsarana ady heloka iraisam-pirenena ny fitazomana an'i Laurent Gbagbo sy Charles Blé Goudé, fa nangataka kosa ny Fitsarana ny hanomeza-toky ny hiverenana eo anivon'ny fitsarana raha misy ilana azy ireo. Afaka avy hatrany izany ny filohan'ny Côte d'Ivoire teo aloha.  
    Lire la suite ...
    • mercredi, 16 janvier 2019 17:17
    • Sary nindramina RFI

    CPI: Nanao fampakarana ny didy mamoaka an'i Laurent Gbagbo ny fampanoavana

    Omaly dia novotsoran'ny Fitsarana ady heloka iraisam-pirenena ny Filoha teo alohan'ny Côte d'Ivoire, Laurent Gbagbo sy ny minisitry ny tanora teo aloha Charles Blé Goudé, rehefa nigadra efa ho 7 taona tany La Haye. Tsy ampy ireo porofo anenjehana azy ireo hoy ny fitsarana. Avy hatrany anefa dia nanao fampakarana ny Fampanohavana, ka nangataka ny famotsorana vonjy maika, ka tazonina amin'ny toerana arovana, ary tsy omena pasiporo (résidence surveillée). Mandinika momba izany ny tribonaly ary amoaka didy tsy ho ela. Ireo mpomba ny Laurent Gbagbo any Côte d'Ivoire moa dia manaraka akaiky toe-draharaha.Fantatra koa anefa fa misy didim-pitsarana tsy natrehan'i Laurent Gbagbo navoakan'ny Tribonaly Côte d'Ivoire momba azy, ka raha avy dia mody any izy, dia ho raisim-potsiny.    
    Lire la suite ...
    • mercredi, 16 janvier 2019 12:05

    Ambatobe: Sinoa notafihin’ny jiolahy mitam-basy

    Omaly nanodidina ny tamin’ny 5ora hariva no nitrangan’ny fanafihana tsy lavitra ny Pharmacie Ambatobe – Antananarivo faha-5, manodidina ny Lycée Français, lalana miazo ny trano fonenan’ny filoha vaovao Andry Rajoelina. Tao anaty fiara ilay Sinoa no narahina bandy efa-dahy nitaingina moto « scooter ». Nobahanan’izy ireo ilay fiara nitondra ilay Sinoa ary tamin’izay no nitakin’izy ireo ny hanomezana ny kitapo babena tany aminy sady nanambana basy. Nomen’ilay Sinoa ilay kitapo nisy vola be notakian’ireo jiolahy, dia lasa ireto farany, tsy nisy basy nipoaka.  
    Lire la suite ...
    • mardi, 15 janvier 2019 17:17
    • Sary nomena

    Frantsa: Niarahaba ny Filoha vaovao Andry Nirina Rajoelina

    Nandefa taratasy ho an'i Filoha vaovao Andry Nirina Rajoelina ny Filoha Frantsay Emmanuel Macron, nirary soa azy amin'ny andraikitra fanarenana goavana atao eto Madagasikara. Nanamafy ny fiaraha-miasa misy eo amin'ny firenena roa tonta, izay nakamban'ny tantara ary mpifanolo-bodirindrina. Tsy afaka anatrika ny fianianana amin'ny asabotsy 19 janoary kosa ny tenany, fa dia haniraka ny sekreteram-panjakana miadidy ny Europe sy ny raharaham-bahiny hisolo-tena azy amin'izany, ary manasa sahady ny Filoha malagasy ho any Paris anohizana ny dinika sy anomezana aingavao amin'ny fiaraha-miasa.    
    Lire la suite ...
    • mardi, 15 janvier 2019 15:27

    Antenimieram-pirenena: Tapitra amin’ny 5 febroary 2019 misasakalina ny fepotoam-piasan’ireo depiote amperinasa

    Araka ny andininy faha-2 amin’ny hevitry ny Fitsarana avo momba ny Lalampanorenana laharana 01-HCC/AV tamin’ny 16 febroary 2018 dia tapitra amin’ny 5 febroary 2019 misasakalina ny fahefan’ny Antenimieram-pirenena sy ny asa niandraiketan’ireo solombavam-bahoaka voafidy tamin’ny 29 desambra 2013 mandrafitra azy. Hatreto tsy mbola voafaritra ny datim-pifidianana solombavam-bahoaka, tsy mbola misy rahateo fiantsoana mpifidy, izay tsy maintsy atao farafahakeliny 90 andro mialoha ny latsabato.  
    Lire la suite ...
    • mardi, 15 janvier 2019 13:10

    Ilanivato-Boriboritany Faha-4: Tsy afa-bela amin’ny rano ny mponina

    Vao mirotsaka ny orana dia sahirana amin’ny fivezivezena ny mponina ety Ilanivato-Boriboritany Faha-4 Antananarivo renivohitra, satria dia mandifotra ny arabe ny rano, vokatry ny fahatsentsenan’ny tatatra, fanorenena tsy manara-dalàna. (Jereo Sary Tohiny)  
    Lire la suite ...
    • mardi, 15 janvier 2019 13:09

    Kidnapping: Nisy naka an-keriny tao Antsiranana i Habib dit Houssen Zavar

    Efa-dahy mitam-basy no naka an-keriny an’ity karana, Indo-pakistanais, 42 taona ity ny alatsinainy 14 janoary tamin’ny fito ora hariva, teny amin’ny rue Colbert. Nentin’ireo mpaka ankeriny tamin’ny fiara Renault Laguna hatramin’ny zanak’i Houssen Zavar sy ny mpamiliny. Nisy fiara Renault Clio miloko mena nanaraka avy ato aoriana. Fotoana fohy taorian’ny fakana an-keriny dia najanon’ireo teny amin’ny rue François de Mahy ny zanak’i Houssen Zavar sy ilay mpamiliny, nanohy ny lalana niazo an’i Lazaret Avaratra kosa ireo mpaka ankeriny sy ilay karana. Nametraka sakana amin’ireo sakeli-dalana mivoaka ny tanàna ny mpitandro ny filaminana vao nahazo fampandrenesana. Mitohy ny fikarohana.  
    Lire la suite ...
    • lundi, 14 janvier 2019 15:02
    • Sary Gasypatriote Morondava

    Fizahantany: Sambo vaventy iray mitondra mpizahatany 150 isa

    Avy any Tolagnaro ity sambo lehibe na « paquebot » ity, ary nigadona teto Morondava androany tamin’iny enina ora maraina. Hitsidika ny alan’ny Kirindy sy Allée des Baobabs ireto mpizahatany ireto, izay teratany amerikana ny ankamaroany, fa misy Frantsay sy Sinoa. Iray andro ihany no haharetan’ny dian’izy ireo eto Morondava. (Jereo Sary Tohiny)  
    Lire la suite ...
    • lundi, 14 janvier 2019 14:54
    • Sary Gasypatriote Morondava

    Morondava: Mpiasan’ny Radio Fanasina, naratra notafihin’ny jiolahy mitam-piadiana

    Lehilahy iray, mpanentana fandaharana « Ino koa ro tagny » ao amin’ny Radio Fanasina (Don Bosco) eto Morondava no naratra voafira famaky. Nisy jiolahy nanafika tao an-tranony tao Bemanonga alina. Lasa tamin’izany ny firavaka volamena sy ny vola tao an-trano. Anjakan’ny tsy fandriampahalemana ao amin’ity Kaominina Bemanonga ity tato ho ato.  
    Lire la suite ...
    • lundi, 14 janvier 2019 14:53
    • Sary fanehoana Gasypatriote

    Ikopa: Nitsoraka namono tena ilay vehivavy

    Tokony tamin'ny mitatao vovonana teo, nisy vehivavy mody nipetraka teo amoron'ny barazy Ikopa Antananarivo, tsy nanampo ny rehetra fa tampoka teo dia nitsoraka teo andrefan'ny barazy izay misy rano be miodina vokatry ny fisotonan'ny moteran'ny Jirama, mampiakatra ny rano ho ao Andohanimandroseza, rano fisotron'Antananarivo Renivohitra. Tsy nisy sahy niditra ny vatan-dehilahy fa mahery loatra ny rano, sady efa avo be vokatry ny rotsakorana maro be andro vitsy izay, maty ilay vehivavy natopan'ny rano. Raha ny resaka teny an-toerana, dia vokatry ny adim-piainana no mety anton'izao famonoana tena izao.    
    Lire la suite ...
Page 4 sur 369