Tselatra

    • mardi, 23 août 2016 19:03
    • Sary Sobika

    Ministeran'ny fitaterana: 0 accident no tanjona

    Nanao fanambarana ny ministeran’ny fitaterana sy ny famantarana ny toetr’andro omaly maraina. Milaza izy ireo fa mitohy ny ezaka amin’ny fanatrarana ilay tanjona 0 accident. Aiza ho aiza anefa izany amin’izao fotoana izay ao anatin’ny fotoampialan-tsasatra tanteraka, izay ahitana fiakarana eo amin’ny tahan’ny fifamoivoizana, ary mitombo araka izany ihany koa ny tahan’ny loza mety hitranga. Ny tanjona izay ho tratrarina anefa dia ilay hoe "Vacances sans accident".  
    Lire la suite ...
    • mardi, 23 août 2016 19:00
    • Sary Sobika

    AFRICA ENDEAVOR

    Miara-miasa amin’ny Tafika Malagasy ny US Africa Command (AFRICOM) ary mampiatrano solontena avy amin’ny firenena Afrikana 40 sy fikambanana isam-paritra ary iraisam-pirenena maro amin‘ny fihaonamben’ny Mpitarika Africa Endeavor 2016 izay atao eto Antananarivo ny 22 hatramin’ny 26 Aogositra izao.  
    Lire la suite ...
    • mardi, 23 août 2016 16:08

    Analakely : Nisy omby nampisahotaka

    Nisy omby tsy nifatotra nifanenjehan’ny andian-tanora teny afovoan’Analakely io tolakandro io. Nidina avy any Andohan’Analakely any ilay omby, tena masiaka raha ny fahitana azy, nirifatra niazo an’i Soarano. Nisahotaka ny olona, nisy naratra vokatry ny fikoropahana. Omby nitsoaka avy any Ankadindratombo-Boriborintany faharoa any izy io ary tsy voatana, raha ny filazan’ny sasany.  
    Lire la suite ...
    • samedi, 20 août 2016 20:34
    • Sary Sobika Ambatondrazaka

    Ampasikely : Feno ny fahefanan'i Dr Jean Louis Robinson

    Voapetraka amim-pomba ofisialy amin'ny maha Ben'ny tanàna Ampasikely azy i Dr Jean Louis Robinson. Ampasikely ho Kaominina fitaratra manerana ny nosy no tanjony. Nambarany fa efa betsaka ireo mpiara-miombon'antoka vahiny hiara-hiasa amin'ny fiadidiana ny Kaominina Ampasikely. Ny lehiben’ny Distrika Amparafaravola Raherinjanahary Andriampariamparany no nametraka ny samboady maha Ben'ny tanànan’ny Kaominina Ampasikely an'i Dr Jean Louis Robinson. Tonga nanome voninahitra izany ny mpikambana ao amin'ny ARMADA ny jeneraly Camille Vital. Masoandro maty no nampalahelo tamin'io fametrahana ny Ben'ny tanàna vaovao taty Ampasikely io.  
    Lire la suite ...
    • vendredi, 19 août 2016 15:18
    • Sary nindramina fampihaingoana

    Anjagnoveratra-Sambava : Mpisoloky votsotra teo ampelan-tanan’ny zandary

    Kepoka ny Fokonolona manoloana ny zava-mitranga. Olon-dratsy efa nifampitadiavana noho ny fisolokiana ataony no voasambotry ny sefo Fokontany tamin’ny alatsinainy teo, ary naterin’ny “Quartier mobile” teo anivon’ny zandary ao amin’ny « Poste Avancé » ao Anjagnoveratra. Gaga ny Fokonolona fa tafatsoaka i Mafy Dôzy, fa izay no anarany, ary tsy hita popoka hatramin’izao.
    Lire la suite ...
    • vendredi, 19 août 2016 11:06
    • Photo Net

    Fandriana : Anio ny fanokafana ôfisialy ny “Volambetohaka 2016”

    Andro faharoa amin’ny hetsika ara-kolontsaina sy artistika Volambetohaka ity zoma 19 aogositra ity. Anio no hatao ny lanonam-panokafana ofisialy ny hetsika. Ankalazaina isaky ny roa taona ny Volambetohaka, ka andiany faha-13 ity ampiantranoan’ny tanànan’i Fandriana ity. 60 isaky ny Distrika ny delegasiona ofisialy, dia ny avy ao Ambositra, Manandriana, Ambatofinandrahana ary Fandriana.
    Lire la suite ...
    • vendredi, 19 août 2016 10:55
    • Sary Sobika Farafangana

    Farafangana : Mijojo ny orana, fotaka eran’ny tanàna

    Ratsy ny toetr’andro ao Farafangana. Manoran-dava tsy misy ivoahana ny trano. Feno fotaka ny tanàna, fa indrindra ao an-tsena izay sady tery no be fotaka, ny mpivarotra anefa milafika amin’ny tany. Olana ny tsy fisian’ny fivarinan-drano. Nandritra ny fampielezan-kevitra dia nampanantena ny kandidan’ny HVM, Razafindramanana Bernadette fa hataony toy ny tsena any an-dafy ity tsenan’i Farafarangana ity raha izy no voafidy ho Ben’ny tanàna, saingy hatreto aloha mbola tsy misy fofompofona tetikasa mikasika izany.
    Lire la suite ...
    • vendredi, 19 août 2016 10:46
    • Sary nomena

    Analakely: Manomboka manala ireo mpivarotra ny miaramila

    Manoloana ny antso nataon'ny Antso ho Fanavotam-Pirenena (AFP) dia rakotra miaramila mitambasy tanteraka ny kianjan'ny 13 mai. Manomboka manala ireo mpivarotra rehetra amoron-dalana izy ireo amin'izao.  
    Lire la suite ...
    • jeudi, 18 août 2016 22:06
    • Sary Sobika Sambava

    Sambava : Mizara roa ny tanàna

    Tapaka tanteraka nanomboka io tolok'andro io, tokony ho tamin'ny 3 ora, ny lalana mampitohy ny Fokontany Antanifotsy II sy ny Fokontany Ambatofitatra eto an-drenivohitra Sambava vokatry ny fahatapahan’ny tetezana. Isan’ny fampanantenana nataon’i Toto François (Leader Fanilo) ny hanamboatra io tetezana io raha izy no voafidy Benin'ny Tanànan’i Sambava, ka mampatsiahy azy ny vahoaka amin'izao fa tena tapaka tanteraka ilay tetezana, izay saika nampivarina an-kady kamiao iray nandalo teo amboniny.    
    Lire la suite ...
    • jeudi, 18 août 2016 08:18

    Toliara : Mpiambina tanàna maty irery tao an-tranony

    Raim-pianakaviana iray sahabo ho 35 taona no hita faty tao an-tranony ny alatsinainy teo, tany Toliara. Nahagaga ny mpiray monina fa tsy mba nivoaboaka sady tsy nampaneno “radio carte” toy ny fanaony ity lehilahy mpiambin-tanàna ity nanomboka ny alahady teo, ka nahatonga ny manodidina hitsirika izay zava-nitranga. Rehefa nosokafana ny varavarana dia vata mangatsika tsy nisy aina sisa tazana tao an-trano. Nandritra ny fizahana natao, raha ny vaovao voaray, dia tsikaritra fa nisy fonosana poizim-boalavo iray nivaha mbola tsy lany teo akaikin'ny tanan’ity rangahy. Marihina moa fa nisara-bady rangahy ka heverina fa namono tena vokatry ny fahadisoam-panantenana.
    Lire la suite ...
Page 278 sur 353