Tselatra

    • vendredi, 16 septembre 2016 12:18
    • Tahirin-tsary Sobika

    Zandarimariam-pirenena : Handray mpianatra 1.200 ho an’ny andiany faha-73

    Hatao ny 17 sy 18 desambra 2016 eny anivon’ny faritra misy vondro-tobim-pileovan’ny Zandarimariam-pirenena manerana ny nosy ny dingana voalohany amin’ny fifaninanana hidirana ho mpianatra Zandary andiany faha-73 taona 2016-2017. 980 horaisina avy amin’ny mpiadina sivily sy miaramila lehilahy, 120 avy amin’ireo mpiadina vehivavy ary 100 avy amin’ireo mpiadina voamarina fa kamboty sy vady navelan’ireo Zandary maty nandritra ny fanatanterahana ny asa voabaiko ary miaramila nahavita na mbola am-panatanterahana fanompoam-pirenena eto anivon’ ny Zandarimaria.
    Lire la suite ...
    • jeudi, 15 septembre 2016 22:56
    • Sary nomena

    Ambodisaina Toamasina : Tovolahy 12 taona mipetra-drery hita faty nihantona tao an-tranony

    Vonoan’olona sa famonoan-tena ? Tovolahikely vao 12 taona no hita faty nihantona tao an-tranony, ao Tsarahonenana – Ambodisaina, Kaominina Toamasina Suburbaine, Distrika Toamasina II, androany atoandro. Mipetra-drery izy noho ny fianarana, fa avy any ambanivolon’i Toamasina II. Mamatsy azy ara-tsakafo sy ireo fitaovana ilainy amin’ny fianarany ny ray aman-dreniny. Nanokatra fanadihadiana manodidina ity raharaha ity ny mpitandro ny filaminana misahana ny zaza tsy ampy taona sy ny heloka be vava.  
    Lire la suite ...
    • mercredi, 14 septembre 2016 16:12
    • Sary Fb

    Birao vaovao FLM : Voatazona ho mpitahiry vola i Lahiniriko Jean

    Voafidy avokoa ireo mpikambana ao amin’ny Birao foiben’ny Fiangonana Loterana Malagasy. Filoha i Pastora Rakotonirina David, Filoha lefitra Pastora Octave Benil, filohan’ny Sinodam-paritany Atsinanana (Farafangana). Tonia i Pastora Randrianirina Dieudonné, filohan’ny Sinodam-paritany Afovoany sady efa Tonia lefitra FLM tamin’ny birao teo aloha nentin’i Dr Rakoto Endor Modeste. Tonia lefitry ny Teolojiana Toromare Mananato, ary mpitahiry vola i Lahiniriko Jean, izay efa nitana io toerana io tamin’ny birao teo aloha.
    Lire la suite ...
    • mercredi, 14 septembre 2016 15:44
    • Sary nomena

    Mahajanga : Hitohy ny fanangonan-tsonia

    Taorian’ny roa andro teo anoloan’ny Lapan’ny tanàna dia hitohy eny amin’ny tsena Mahabibo ny fanangonan-tsonia ho fanoherana ny lalàna vaovao mifehy ny serasera eto Madagasikara, izay manohintohina ny fahalalahana maneho hevitra, nohon'ny fangatahan’ny vahoaka mbola tsy nahavita ny azy tamin’ny faran’ny herinandro. Haharitra telo andro ity andiany manaraka eny Mahabibo izay karakarain’ny mpanao gazety eto Mahajanga manomboka rahampitso alakamisy 15 septambra 2016.
    Lire la suite ...
    • mercredi, 14 septembre 2016 14:30
    • Sary nomena

    Fampihorohoroana Députée Nina : Nidoboka Antanimora ny zanany 4

    Nampidirin'ny polisy eny Antanimora ny zanaka 4 taizan'i Nina Rahantanirina taorian'ny fampihorohoroana nataon'ny polisy misarotava 10 mirongo fiadiana izay nilaza hisava ny tranon'i Députée Nina omaly talata tamin'ny 3 ora maraina. Zazalahy 20-22 taona eo avy izy ireo. Rehefa avy nolakoiny tao an-trano, ka namaly ireto zaza ireto, dia ampangaina fa nitana antsy be sy mamaly polisy. Mbola nodarohina ihany koa ry zareo tonga tao amin'ny central Tsaralàlana, ary navoaka kely nentina notsaboina teny amin'ny hopitaly HJRA, ka rehefa vita ny fijeren'ny dokotera dia tonga dia Antanimora. Voamarin'ny mpitsabo moa ity ratra sy daroka nahazo azy ireo ity.  
    Lire la suite ...
    • mercredi, 14 septembre 2016 11:27
    • Sary Njaka

    IKM : Mifarana anio ny atrik'asa tanterahin'ny INCIPALS

    Misy atrik'asa izay tafiditra ao anatin’ny lohahevitra "fiarahamonim-pirenena sy haino aman-jery mivohy filaminana sy fitoniana ary mamporisika ny fandraisana andraikitry ny olom-pirenena" ataon'ny INCIPALS na Initiative Citoyenne pour la Consolidation de la Paix Leadership et stabilité ao amin’ny Ivon-toerana ho an’ny Kolontsaina Malagasy na IKM Antsahavola. Nanomboka omaly ary mifarana anio moa ity atrik'asa izay tohanan'ny firaisam-be eropeanina.
    Lire la suite ...
    • mardi, 13 septembre 2016 09:02
    • Sary Sobika Sambava

    Sambava : Lasan’ny Sinoa ny tetezana ?

    Nihazakazaka ny olana eo amin’ny fananantany eto an-drenivohitr’i Sambava tato ho ato. Ny sisin-dranomasina dia maro no nototofan’ireo mpanambola, fa ity toe-javatra iray ity indray no nahalasa eritreritra ny maro satria dia nananganan’ny sinoa rindrimbe koa eo ambony tetezana Antaimby, eto an-tampotanana. Ny antsasamanilan’ilay tetezana no notsindriana rindrana lehibe ary atahorana hisy fiantraikany amin’ny tetezana noho ny fisian’ny vesatra maharitra eo amboniny, ny mpandeha voatery midina anaty lalana matetika fa tsy msy andehanana instony ny sisin'ny tetezana. Aiza ny kaominina, aiza ny ministeran’ny Asa vaventy, izay sarotiny amin'ny fikitikitihana ny tetezena ?  
    Lire la suite ...
    • lundi, 12 septembre 2016 15:54
    • Sary Sobika Mahajanga

    Fetin’ny Sorona : Mpino silamo Malagasy an-jatony any La Mecque

    Miara-mankalaza ny Fetin’ny Sorona amin’ireo mpino Silamo manerantany ny Silamo eto Madagasikara. Aman-jatony tamin’ity farany no fantatra fa any La Mecque, Arabia-Saodita, amin’izao fotoana izao. Teto Mahajanga, dia nisy fotoam-pivavahana nentina nankalazana io idibe io tamin’ireo Mosquée miisa 15 eto an-tanàna. Nisy koa ireo nanatanteraka izany nanoloana ny “bois sacré”.  
    Lire la suite ...
    • lundi, 12 septembre 2016 09:17

    12 septambra : Fetin'ny Sorona ho an'ny Silamo

    Andro lehibe ho an'ny finoana silamo ity 12 septambra ity, hankalazana ny Fetin'ny sorona. Ho an'ny eto Antananarivo dia etsy amin'ny Mosquée 67ha no hanaovana izany fankalazana izany.
    Lire la suite ...
    • lundi, 12 septembre 2016 08:08
    • Sary Sobika Mananara avaratra

    Mananara Avaratra: Vaky imasom-bahoaka ny ady momba ny fampanantenana ny fanamboarana ny làlana

    Tanteraka ny lanonana fisaorana nataon'ny Loholona voafidy teto Mananara avaratra tamin'ny asabotsy faha 10 septambra. Vaky teo imasom-bahoaka anefa ny ady teo amin'ny ramatoa Solombavambahoaka Raharinirina Sidonie voafidy tamin'ny anaran'ny VPM-MMM fa nivadika HVM sy ny Loholona Filoha lefitry ny Sénat Malo Benoit Hvm nandritra ny kabary nifamaliana. Satria dia samy nampanantena ny anamboarana ny làlana RN5 avokoa, izay efa tsy mampino ny olona intsony, nefa ny Loholona dia te hitantana ihany koa ilay volabe 200 tapitrisa ariary (CLD) izay nomen'ny fitondrana ny solombavambahoaka ho tantaniny amin'ny fampandrosoana ny Faritra. Gaga arak'izany ny vahoakan'ny Mananara avaratra mahita ireto mpitondra mifamaly nefa ny asa tsy misy vita, ny vahoaka mitoka-monina noho ny faharatsian'ny làlana.  
    Lire la suite ...
Page 218 sur 300