Tselatra

    • jeudi, 29 septembre 2016 11:08
    • Sary Njaka

    Seranam-piaramanidina Ivato : Volamena 24,577kg saika haondrana an-tsokosoko

    Lehilahy iray saika handray ny sidina KQ260 amin'ny fiaramanidin'ny kaompania Kenya Airways hiazo an’i Nairobi (Kenya) androany tamin’ny 4 ora maraina, no tra-tehaky ny Ladoany saika hitondra an-tsokosoko volamena. Nahatsikaritra valizy mampiahiahy ny UMS (Unité Mobile de Surveillance) ka rehefa nosavaina dia nahitana bolongam-bolamena miisa 18, milanja 24,577kg, mitentim-bidy 3 miliara ariary any ho any. Halefa eny amin’ny Banky Foiben’i Madagasikara ny volamena tratra, tazomina atao famotorana kosa ilay mpandeha nitondra azy.
    Lire la suite ...
    • jeudi, 29 septembre 2016 10:58
    • Sary nindramina

    Jono Horatsimba na langouste : Hikatona mandritra ny telo volana

    Hikatona manomboka ny sabotsy 1 oktobra 2016 ny taom-panjonoana Horatsimba na "langouste" manerana ny Nosy. Haharitra telo volana izany, hahafahan’ity hazandrano ity manatody.
    Lire la suite ...
    • mercredi, 28 septembre 2016 21:14
    • Sary nindramina fampihaingoana

    Analamiranga Belanitra : Omby 70 lasan’ny dahalo

    Misesy ny fanafihan-dahalo any amin’ireo Kaominina ambanivohitra ao anatin’ny Distrika Tsiroanomandidy, Faritra Bongolava. Tetezin’ny dahalo ny tanàna. Ny alin’ny talata 27 septambra izao, dia notafihin’ny andian-dahalo mirongo basy tao Ambatomitsangana, Fokontany Analamiranga Belanitra, Kaominina Maroharona. Very tamin’izany ny omby miisa 70, ary tsy hita popoka. Talohan’io, ny alahady 25 septamba 2016, tokony ho tamin’ny fito ora sy sasany hariva, dia notafihin’ny dahalo 80 lahy be izao, mirongo basy ihany koa tao Zatobe, Kaominina Maritampona. Omby 200 be izao no very tamin’io, ary tsy nisy tafaverina amin’ny tompony. Miraviravy tanana ny tantsaha, ary misy aza no mandry an-tsaha ho fiarovana ny aina. Raha izao no mitohy dia ahiana ho lany tamingana ny omby any amin’ity Distrika ity.  
    Lire la suite ...
    • mercredi, 28 septembre 2016 20:50
    • Sary nindramina fampihaingoana

    RN9 Morombe-Toliara : Lasa fitaterana sokatra sy boaderôzy avy ao amin’ny alan’ny Mikea

    Mitarazoka tsy arakaraky ny fihazakazahany teo ampiandohana ny fanamboarana ny lalam-pirenena faha-9, mampitohy an’i Toliara amin’ny Distrika Morombe, faritra Atsimo Andrefana. Orinasa Sinoa no manantanteraka ny asa. Manamarika ny mponina manamorona iny lalana iny, fa mirongatra ny fitaterana sokatra sy hazo sarobidy toa ny andramena sy voamboana (palissandre) avy any amin’ny alan’ny Mikea. Midangana izay tsy izy ihany koa vidin’omby, hatramin’ny nahatongavan’ireo Sinoa sy nisian’ny labatoara Golden Bull ao Ihosy.  
    Lire la suite ...
    • mercredi, 28 septembre 2016 20:49
    • Sary Sobika

    Taxi-be: Hiakatra 500 Ariary ny saran-dalana

    Taorian'ny fivoriam-ben'ireo mpitatitra eto Antananarivo Renivohitra dia nanapa-kevitra izy ireo ny ampiakatra ny saran-dalana ho 500 Ariary, raha 400 Ariary izy izao. Nilaza izy ireo fa tsy mihaino ny fitarainan'izy ireo ny mpitondra fanjakana satria dia tsy mitsahatra miakatra ny vidin'ny solika sy ny kojakoja momba ny fiara, tsy voaloa ny vola fanampiana efa tokony nomena ireo tompon'ny fiara avy amin'ny fanjakana. Manamafy moa izy ireo fa anatsara ny tolotra omen'izy ireo ho fanatsarana ny fitateram-bahoaka. Mihatra manomboka ny talata 04 oktobra moa izany fiakaran'ny saran-dalana izany.  
    Lire la suite ...
    • mercredi, 28 septembre 2016 18:44
    • Sary Sobika

    Farihin'ny Behoririka: Nesorina ireo mpivarotra

    Nesorina ireo mpivarotra manodidina ny farihin'ny Behoririka, izany dia noho ny fanadiovana ataon'ny Kaominina Antananarivo Renivohitra eny amin'iny faritra iny. Tsy mbola milamina moa ireo mpivarotra izay milaza fa tsy misy toerana sy dinika nifanaovana fa toa amboletra fotsiny ihany.Tsy mandà ny fampidinihina izy ireo fa tsy misy tompon'andraikitra milaza mazava ny toeram-pivelomana ahafahan'izy ireo mivarotra, satria dia toerana nomena azy ireo ny teny amin'ny farihin'ny Behoririka ary andoavana patanty ara-dalàna.  
    Lire la suite ...
    • mercredi, 28 septembre 2016 18:43
    • Sary nindramina fampihaingoana

    Tolagnaro : Ripaky ny famokarana saribao ny 45%-n'ny hazo fihinam-boa

    Tapaka sy simba avokoa ny 45%n'ireo hazo fihinam-boa aty Tolagnaro vokatry ny fitrandrahana saribao. Efa ripaka ireo hazo kininina sy ireo hazo hafa fanao saribao dia ny fototra manga sy kily ary lodisia indray no tapahan’ny mpanao saribao. 10.000 Ariary ny vidin'ny saribao iray gony aty Tolagnaro amin’izao.  
    Lire la suite ...
    • mercredi, 28 septembre 2016 13:31
    • Tahirin-tsary Sobika

    Tsy fandriampahalemana : Misy andian-jatovo mirongo zava-maranitra mitety Fokontany eto Mahajanga

    Taitra ny olona izay sendra azy ireo eny an-dalana, mandrangaranga zava-maranitra. Hanao valifaty tamin’ny nahafatesana tanora iray teny Tsararano no voalaza fa antony.
    Lire la suite ...
    • mercredi, 28 septembre 2016 09:59
    • Tahiritsary Sobika

    Fiangonana Loterana: Famindram-pahefana

    Ho tontosaina rahampitso alakamisy 29 septambra 2016 ny fifamindram-pahefana eo amin'ny dokotera pastora Rakoto Endor Modeste, filoha teo aloha sy dokotera pastora Rakotonirina David filohan'ny Fiangoanana Loterana vaovao.  
    Lire la suite ...
    • mercredi, 28 septembre 2016 07:16
    • Sary Njaka

    Mitokona ireo mpampianatra

    Tonga nitokona teny amin’ny ministeran’ny fampianarana teny anosy ireo mpampianatra izay mitaky ireo fangatahana maro, toy ny Subvention sy ny indemnités izay tokony aloha ara-potoana. Milaza izy ireo fa dia iray ao anatin’ny dimy no voavaly tamin’ireo fangatahana ireo. Fehiny : Tsy hisy araka izany ny taom-pianarana raha tsy voavaha ireo fangatahana rehetra ireo. Marihina ihany moa fa dia efa herinandro alohan’ny hidiran’ny mpianatra izao fitokonana izao.  
    Lire la suite ...
Page 212 sur 300