Tselatra

    • mardi, 14 janvier 2020 22:22
    • Sary Gasypatriote

    SECES, Sampana Antananarivo: Miantso ny filohan’ny Repoblika hamaha ny olana

    Miantso ny filohan’ny Repoblika hamaha ny olana sy hametraka ny Fampianarana Ambony sy ny Fikarohana ara-tSiansa amin’ny toerana sahaza azy, ary koa hanolo tsy misy hatak’andro an’ireo olom-boatendry manana andraikitra ambony izay tsy mahatanteraka ny andraikitra nankinina taminy.  « Raha mitohy ny tsy famahana an’izao olana izao dia hiteraka olana tsy ho an’ny Oniversite manerana ny nosy ihany fa ho an’ny firenena manontolo » hoy ny fanambarana nataon’ny SECES, Sampana Antananarivo.
    Lire la suite ...
    • mardi, 14 janvier 2020 22:10
    • Sary nindramina

    Mahajanga: Hotanterahina rahampitso ny famindram-pahefana eo anivon’ny Kaominina

    Hatao ny alarobia 15 janoary 2020 ny famindram-pahefana eo amin’ny Ben’ny tanàna mpisolotoerana Ravelomanantsoa Emilson sy ny Ben’ny tanàna voafidy ofisialy Andriantomanga Mokhtar Salim.  Ben’ny tanàna teo aloha, nahavita taom-piasana iray ity farany no voafidy fanindroany hitondra ny tanànan’i Mahajanga.  
    Lire la suite ...
    • mardi, 14 janvier 2020 08:37
    • Sary nomena

    Haintrano tao Isalo-Vohipeno: Nanolotra tafo miisa 1000 sy sakafo ny fanjakana hiatrehana ny fiarenana

    Nandefa iraka tany Isalo, Distrikan’i Vohipeno, Faritra Vatovavy Fitovinany ny fanjakana, omaly, nanoloana ny fahamaizana nitranga tao amin’ity tanàna ity ny tolakandron’ny sabotsy lasa teo. Tafo fanitso miisa 1000, kojakoja fampiasa an-dakozia isan-karazany, vary 60 kitapo, ary voamaina 30 kitapo no natolotry ny fitondram-panjakana tamin’ny alalan’ny BNGRC ho an’ ireo tra-boina, entina hiatrehana ny fiarenana. Marihina fa trano miisa 235 no lasibatra, izay vokatry ny tsy fifehezana ny afo avy amina trano fiantsonan’ny fiara iray ka niparitaka tamin’ny tanàna. 1115 ireo tra-boina sy tsy manan-kialofana any an-toerana, saingy tsy nisy kosa ny aina nafoy.  
    Lire la suite ...
    • lundi, 13 janvier 2020 21:05
    • Sary Njaka

    Solom-pehin'akoho: Mitokona ireo mpampianatry ny lysea maromaro

    Niato nanomboka androany ny fampianarana eo anivon'ny lysea maromaro noho tsy nahazoan'ireo mpampianatra an'ilay solom-pehin'akoho natolotry ny filoha Rajoelina, manambara izy ireo fa hiato mandra-pivaha ny olana ny fampianarana, anisan'izany ny LMA Ampefiloha Antananarivo.  
    Lire la suite ...
    • lundi, 13 janvier 2020 14:51
    • Sary Gasypatriote Ambatondrazaka

    Ambatondrazaka: Renim-pianakaviana iray maty tampoka tao anaty saha

    Renim-pianakaviana iray manodidina ny 50 taona eo no maty tampoka tao amin'ny saha iray ao anatin'ny zanabohitra Podium Fokontany Atsimondrova Ambatondrazaka androany alatsinainy 13 janoary maraina. Tamin'ny 8ora sasany maraina no nisy nampandre ny tompon'ilay saha fa misy olona ao amin'ny taniny. Nidina nijery izany ilay tompona saha ka taitra nahita ilay renim-pianakaviana nilomany nitady rano, ka nampandre avy hatrany ny manodididna. Ireo mpiray vodirindrina avy eo no nanome rano mafana ilay ramatoa, fa ilay tompon'ny saha kosa lasa nampandre ny sefo Fokontany. Akory ny hatairan’ny sefo Fokontany sy ilay rangahy tompon’ny saha rehefa niverina tao amin'ilay toerana fa tsy nisy aina intsony ilay renim-pianakaviana. Hatramin'ny ora nandefasana ity vaovao ity dia tsy mbola fantatra izay mety fianakavian’ilay ramatoa sy ny mety antony nahafaty azy. (Jereo Sary Tohiny)  
    Lire la suite ...
    • lundi, 13 janvier 2020 13:54
    • Sary nindramina

    Isalo-Vohipeno: Miantso tolotanana ireo traboina noho ny haintrano

    Namela takaitra tao Isalo, Distrikan’i Vohipeno, faritra Vatovavy Fitovinany, ny haintrano goavana nitranga ny tolakandron’ny sabotsy 11 janoary 2020 lasa teo. Trano manodidina ny 260 no rotiky ny afo, namela traboina miisa 1850 eo. Harena nohariana an-taonany maro ny an’ny ankamaroany no may kila hotohoton’ny afo, lasa lavenona tao anatin’ny in-dray mipi-maso. Niray hina tamin'ny Fokonolona ny miaramila tamin’ny famonoana ny afo sady nanara-maso ny fahandriampahalemana. Miantso tolotanana ireo traboina hiatrehana ny fanarenana ny simba. (Jereo Sary Tohiny)
    Lire la suite ...
    • lundi, 13 janvier 2020 13:49

    Vakinankaratra: Eo Andranobe Antsirabe no hisantarana ny taom-pambolen-kazo 2020

    Ny alahady 19 janoary 2020 no nofaritan’ny fanjakana hanombohana ofisialy ny taom-pambolen-kazo 2020. Homarihina eny Tampoketsa, Distrikan’Ankazobe izany amin’io. Ho an’ny Farita Vakinankaratra dia eo Andranobe Antsirabe no hisantarana ny hetsika amin’io alahady 19 janoary io, ka velarantany 10ha no hovolena zanakazo amin’io fotoana io.  
    Lire la suite ...
    • dimanche, 12 janvier 2020 17:21
    • Sary nomena

    Andry Rajoelina : « Tsy hitsahatra ny hanohana sy hanolo-tanana hamerenana ny hasin’ny Tafika Malagasy »

    « Amin’ny maha filoham-pirenena no sady filoha faratampon'ny foloalindahy ahy dia tsy hitsahatra ny hanohana sy hanolo-tanana hamerenana ny hasin’ny Tafika Malagasy ny tenako ; indrindra amin’izao taona 2020 hankalazana ny faha-60 taona nijoroan’ny Tafika Malagasy izao ». Nambaran’ny filoha Andry Rajoelina io androany, nandritra ny fiarahany niara-nankalaza ny Andron’ny manamboninahitra fanao isaky ny 12 janoary, teny Iavoloha niaraka tamin'ny minisitry ny fiarovam-pirenena, jeneraly Rakotonirina Léon Jean Richard,. « Hanjaka hatrany eo anivon’ny Foloalindahy anie ny firahalahiana, ny firaisankina ary firaisan-tsaina sy firaisam-po », hoy izy.  
    Lire la suite ...
    • dimanche, 12 janvier 2020 13:51
    • Sary Polisim-pirenena

    Jiolahy mitam-basy sy mpanolana: Nidoboka any Tsiafahy i Nancy

    Jiolahy nampitondra faisana ny mponina, indrindra ny vehivavy tamin'iny faritra Ambohipo, Ambolokandrina, Ankatso sy Antsahamamy iny i Nancy. Sady mitam-piadiana no manolana vehivavy ity jiolahy ity. Voasambotry ny Polisin'ny Boriboritany Faha-2 ity tovolahy jiolahy mpamaky trano sy manendaka, manolana ny vehivavy ity, ary natolotra ny Fitsarana ny sabotsy 11 janoary. Nivoaka ny didy savaranonando, nalefa any amin'ny fonjan'i Tsiafahy izy taorian'izay.  
    Lire la suite ...
    • samedi, 11 janvier 2020 11:10

    Faritanin’i Toliara: Haverina ny fifidianana amin’ny Kaominina miisa folo

    Kaominina miisa folo ao amin’ny Faritanin’i Toliara no nofoanan’ny Fitsarana misahana ny ady amin’ny fanjakana Toliara ny fifidianana kaominaly natao tao amin'ny 27 novambra 2019, noho ny tsy fahatomombanana. Voakasik’izany ny ao amin’ny Kaominina ambonivohitr’i Morondava, Faritra Menabe, Kaominina ambonivohitr’i Ampanihy Andrefana, Faritra Atsimo Andrefana, ny Kaominina ambonivohitr’i Tsihombe, Faritra Androy. Haverina ato anatin’ny 120 andro ny fifidianana Ben’ny tanàna sy mpanolontsaina amin’ireo Kaominina ireo, ny CENI no hamaritra ny daty hanatanterahana ny latsa-bato amin’izany.  
    Lire la suite ...
Page 3 sur 501