Tselatra

    • mardi, 20 septembre 2016 10:03
    • Tahiritsary Sobika Toliara

    Oniversite Maninday Toliara : Misy mandrahona ho faty ny mpampianatra

    Niato nanomboka omaly ny fampianarana eny amin’ny oniversite Maninday-Toliara. Mitaraina ireo mpampianatra fa manjaka loatra ny tsy fandriampahalemana ateraky ny fisian’ny olon-tsotra mibodo ny tanin’ny oniversite. Misy mpampianatra lahy iray iharan’ny fandrahonana ho faty, ka nandray fanapahan-kevitra ny tsy hampianatra mihitsy aloha mandrapaha ireo mpampianatra.  
    Lire la suite ...
    • lundi, 19 septembre 2016 22:08
    • Sary Sobika Farafangana

    Farafangana : Tapaka 13 ora ny jiro androany

    Tapaka nanomboka tamin’ny 4 maraina ny jiro teto Farafangana androany, ary tsy niverina nirehitra izany raha tsy tamin’ny 7 ora hariva. Tsy fisiana solika no voalaza fa antony, miampy ny delestazy teknika.  
    Lire la suite ...
    • lundi, 19 septembre 2016 15:42
    • Sary Sobika Mahajanga

    Oniversite Mahajanga : Mitaky vatsim-pianarana ny mpianatra

    Nametrahan’ny mpianatra sakana ny vavahady miditra ny campus Ambondrona androany, tsy tafiditra ireo mpiasa sy mpampianatra ary ny filohan’ny oniversite Mahajanga, profesora Rakotoarivony Emmanuel, hamonjy fananganan-tsaina maraina. Mitaky ny vatsim-pianarana efa-bolana sy ny “indemnité de stage” no antony. Nanazava ny filohan’ny oniversite fa tsy miankina amin’izy ireo ny famoahana io vatsim-pianarana io fa amin’ny ministeran’ny fampianarana ambony.
    Lire la suite ...
    • dimanche, 18 septembre 2016 13:40
    • Tahirin-tsary Sobika

    Sambava : Very ny lakolosin’ny Fjkm ao Andratamarina

    Androany maraina teo, raha handeha hampaneno lakolosy ny tompon’andraikitra vao taitra fa ny fitoerana nipetrahany sy ny tadin-dakolosy sisa tavela teo fa ny lakolosy nanjavona.
    Lire la suite ...
    • vendredi, 16 septembre 2016 22:56
    • Sary Sobika

    Eclipse: adinony ny nandalo teto Madagasikara

    Efa tsy nahay nikajy intsony koa ve ireo manam-pahaizantsika? Raha misy ny zavatra tsy miovaova dia io fiodonan'ny tany sy ny volana ary ny masoandro io. Raha nolazaina fa amin'ny 8 ora alina no hifanakona ny tany sy ny volana mihoatra amin'ny masoandro, dia nihemotra amin'ny 10 ora alina. Tapitra ihany ny alina fa mibalika aloha hatreto i kala volana izao amin'ny 11 ora alina izao.  
    Lire la suite ...
    • vendredi, 16 septembre 2016 21:20
    • Sary Sobika Fianarantsoa

    Isantaona Soatanana : Tonga iray andro mialoha ny Filoha

    Tonga eto Fianarantsoa ny filoham-pirenena rehefa avy nanao fitsidihana tany Mahajanga. Anton-diany ny famonjena ny hetsika ara-pinoana any Soatanana ny andron'ny sabotsy 17 Septambra. Nandritra ny resadresaka nifanaovany tamin'ny mpampiantrano teny amin'ny seranam-piaramanidina Beravina no nilazany fa napetraka ho filamatra eo amin'ny asa fampandrosoana ny renivohi-paritany enina, ka isan'izany i Fianarantsoa. Fitsenana ihany no natao ity tolakandro ity. Ny marain'ny sabotsy izy no hanainga mianandrefana hamonjy ny Isantaona any Soatanana. Nomarihiny tamin'izany ny faniriany manokana hanatrika izany raha toa ka ny zaika ara-pivavahana any Ankaramalaza no mahazatra azy hatramin'izay.  
    Lire la suite ...
    • vendredi, 16 septembre 2016 20:46
    • Sary Sobika 20h

    Eclipse lunaire: Mihemotra amin'ny 22h

    20h: Niasa mafy ny Jirama ka tsy nisy delestazy eny amin'ny volana. Raha ny re dia hiemotra amin'ny 22h indray ilay eclipse lunaire.Diso kajy ve ny manam-pahaizana momba izany?  
    Lire la suite ...
    • vendredi, 16 septembre 2016 13:00
    • Tahiritsary Sobika Ambatondrazaka

    Ambatondrazaka : Lany ny solika, tapaka ny jiro

    Tapaka nanomboka tamin’ny 7ora maraina ny jiro teto Ambatondrazaka. Lany solika ny Jirama. Miandry toromarika avy amin’ny Fanjakana ny orinasa Jovenna, mpamatsy solika ny Jirama eto Ambatondrazaka vao manohy ny famatsiana indray.  
    Lire la suite ...
    • vendredi, 16 septembre 2016 12:18
    • Tahirin-tsary Sobika

    Zandarimariam-pirenena : Handray mpianatra 1.200 ho an’ny andiany faha-73

    Hatao ny 17 sy 18 desambra 2016 eny anivon’ny faritra misy vondro-tobim-pileovan’ny Zandarimariam-pirenena manerana ny nosy ny dingana voalohany amin’ny fifaninanana hidirana ho mpianatra Zandary andiany faha-73 taona 2016-2017. 980 horaisina avy amin’ny mpiadina sivily sy miaramila lehilahy, 120 avy amin’ireo mpiadina vehivavy ary 100 avy amin’ireo mpiadina voamarina fa kamboty sy vady navelan’ireo Zandary maty nandritra ny fanatanterahana ny asa voabaiko ary miaramila nahavita na mbola am-panatanterahana fanompoam-pirenena eto anivon’ ny Zandarimaria.
    Lire la suite ...
    • jeudi, 15 septembre 2016 22:56
    • Sary nomena

    Ambodisaina Toamasina : Tovolahy 12 taona mipetra-drery hita faty nihantona tao an-tranony

    Vonoan’olona sa famonoan-tena ? Tovolahikely vao 12 taona no hita faty nihantona tao an-tranony, ao Tsarahonenana – Ambodisaina, Kaominina Toamasina Suburbaine, Distrika Toamasina II, androany atoandro. Mipetra-drery izy noho ny fianarana, fa avy any ambanivolon’i Toamasina II. Mamatsy azy ara-tsakafo sy ireo fitaovana ilainy amin’ny fianarany ny ray aman-dreniny. Nanokatra fanadihadiana manodidina ity raharaha ity ny mpitandro ny filaminana misahana ny zaza tsy ampy taona sy ny heloka be vava.  
    Lire la suite ...
Page 183 sur 265