Tselatra

    • vendredi, 25 novembre 2016 05:48
    • Sary Sobika Fianarantsoa

    Lalam-pirenena faha-fito : Tsy hisy intsony ny fivezivezena tsy voaaro

    Nanamafy ny fiaraha-miasa eo amin'ny ny mpitatitra ny komandin'ny Zandarimariam-pirenena eto Fianarantsoa. Haka fepetra ny mpitandro filaminana manoloana ny tsy fanarahana ny toromarika ataon'ireo mpitatitra sasantsasany. Misy tokoa mantsy ireo mpitatitra no minia tsy mandray andraikitra amin'ny rindra sy lamina fitondràna Zandary anaty fiara ho fiarovana ny mpandeha. Tsy hisy intsony ny fivezivezena tsy voaaro raha ny voalaza nandritra ny fivoriana natrehan'ny sehatra roa teny amin'ny toby Tsaramandroso. Haka fepetra vaovao ihany koa ireo Zandary manao ny asany momba ny fifamoivoizana manoloana ny olona mampiahiahy. Nentanina ny mponina manamorona ny lalam-pirenena faha-fito mba hampihatra ny toromarika efa nomena azy ireo ho fisorohana ny asa ratsy. Niantso ny rehetra ny kolonely Razanakoto Andrianirina Yvon, komandin'ny Zandarimariam-pirenena eto an-toerana mba hifanome-tanana eo am-panatanterahana ny asa fanarahamaso ny olona mivezivezy sy ny anjara andraikitry ny kalony, ny fampiasana ny bokimbahiny, ary ny fisavàna ny karine-pasipaoro.  
    Lire la suite ...
    • jeudi, 24 novembre 2016 14:10
    • Sary nindramina fampihaingoana

    Maintirano : Dahalo telo maty notifirina tsy lavitra ny seranam-piaramanidina

    Tratra ambodiomby teo ampangalarana omby miisa 20 mahery izy telo lahy ireto. Tsy afa-nihetsika ireto farany satria dia ireo mpiray dina no nahatratra azy ireo ka noraisim-potsiny ary dia niharan’ny dina. Famonoana ho faty ho an’izay tratra ambodiomby, ary dia notanterahina tsy lavitra ny seranam-piaramanidina izany.  
    Lire la suite ...
    • jeudi, 24 novembre 2016 14:09
    • Sary nindramina fampihaingoana

    Maintirano: Tovolahy iray 18 taona tapa-tongotra narapaky ny voay

    Teo amin’ny renirano mampifandray an’i Manombo sy Ankasakasa no nitranga ny loza efa ho efatr’andro lasa izay. Tovolahy iray avy any Ambohipaky no niampita io renirano io ka nokakerin’ny voay. Tapaka ny tongony havanany. Mbola tafakatra teo amoron-dano izy ary teo no hitan’ny olona ka nentina namonjy hopitaly avy hatrany mba hanaraka fitsaboana.  
    Lire la suite ...
    • jeudi, 24 novembre 2016 13:32
    • Sary Sobika Mahajanga

    Mahajanga : Misy gadra tafavoaka ny fonjaben’i Marofoto

    Efa ho herinandro mahery izay no nandeha ny feo eto Mahajanga fa tafavoaka ny fonja i Manjota. Lehihaly iray 40 taona izy io ary mbola mamita sazy ao am-ponjan’i Marofoto vokatry ny fanafihana mitam-basy nataony teto Mahajanga. Voalaza fa natao irakiraka i Manjota tao amin’ny toerana izay nametrahana azy ka izay no nanararaotany nivoahana ny varavaran’ny fonja, ary tsy hita hatramin’izao. Manao fikarohana azy ny mpitandro ny filaminana eto Mahajanga amin’izao fotoana izao ary miantso fiaraha-miasa amin’ny vahoaka amin’izany.
    Lire la suite ...
    • jeudi, 24 novembre 2016 11:56
    • Sary Sobika Sambava

    Sambava : Tsy manaiky ny hampidinana ny sarandalana ny Taxi

    Miteraka fifanolanana eo amin’ny mpandeha sy ny mpamily Taxi ny fepetra noraisin’ny Prefe hamerenana ny sarandalana amin’ny Taxi, na 4L na Bajaj, tsy hihoatra ny 800 Ariary raha 1000 Ariary izany hatramin’ny niakaran’ny lavanila. Noraisin’ny Prefektiora io famerana sarandalana io taorian’ny nandalovan’ny Praiminisitra Solonandrasana Mahafaly Olivier taty an-toerana, nanome toromarika mba tsy hisian’ny fanararaotana manoloana ny fiakaran’ny vidin’ny lavanila. Tsy manaiky anefa ny Taxi ka lasa mikorontana ny mpanjifa sy ny mpamily.  
    Lire la suite ...
    • jeudi, 24 novembre 2016 10:46
    • Sary nindramina fampihaingoana

    Kaominina Ivato : Hifampizara traikefa amin’ireo Ben’ny tanàna avy any Anôsy

    Handray delegasiona avy any amin’ny Faritra Anôsy sy Ben’ny tanàna maromaro ny Kaominina Ivato, vavahadin’i Madagasikara anio, hanao fifampizarana traikefa.
    Lire la suite ...
    • jeudi, 24 novembre 2016 07:41
    • Sary nindramina fampihaingoana

    Vatomandry : May ny trano fonenan’ny mpiasa fonja

    Trano mifampitohy ahitana efitra valo no nirehitra, ka may tsy nisy noraisina ny entana tao anatiny. Pitik’afo tamin’ny nahandro no niandohan’ny loza. Mpandraharahan'ny fonja telopolo eo no traboina. Tsy nisy ny mpiasan’ny fonja maty na voafonja nitsoaka. Tsy may koa ny biraon’ny fandraharahan’ny fonja eto Vatomandry. Manao tsipaipaika ny mpandraharaha ny fonja ao Toamasina hanampiana ireo namany traboina, ary manao antso avo amin’ireo malalatanana hifanampy amin’izy ireo.
    Lire la suite ...
    • jeudi, 24 novembre 2016 07:12
    • Tahirin-tsary Sobika

    Fanafihana mitam-piadiana : Nafahan’ny Fitsarana noho ny fisalasalana ilay Zandary

    Voarohirohy tamina fanafihana mitam-basy tokantrano iray teto Sambava tamin’ny volana aogositra 2015 ity Zandary ity. Vola mitentina 20 tapitrisa Ariary no voaroba tamin’io. Nilaza ho nahafantatra azy avy hatrany ny tompontrano voatafika raha latsaka ny sarontavany, ary nitondra ny raharaha teny anivon’ny polisy teto Sambava. Nosamborina, ary notazomina am-ponja vonjimaika tao Antalaha nandritra ny herintaona sy telo volana izy. Niakatra Fitsarana androany ny raharaha. Nanomboka tamin’ny folo ora maraina ny fitsarana ary tsy nifarana raha tsy tamin’ny iray ora sy fahefany. Nilatsaka ny didy taorian’izay, ka afaka noho ny fisalasalana ilay Zandary.
    Lire la suite ...
    • mercredi, 23 novembre 2016 14:13
    • Sary Njaka

    Hopitaly manarapenitra Andohatapenaka : Nahazo fanomezana avy any Quebec

    Nanolotra fitaovana ho an'ny Hopitaly manara-penitra Andohatapenaka toy ny bloc opératiore, farafara sy kojakoja maro samy hafa ilaina amin'ny fitsaboana ny minisitra solontenan'ny Quebec omaly atoandro. Tonga nanotrona sy nandray izany fanomezana izany ny minisitry ny fahasalamana malagasy. Ity hopitaly ity moa dia nasiana fepetra manokana atao fiandry ho an'ireo mpizaika miisa 3000 miatrika ny frankofonia.
    Lire la suite ...
    • mercredi, 23 novembre 2016 11:07
    • Sary Sobika Mahajanga

    Rotaka tao Mampikony : 17 ireo voasambotra, zaza tsy ampy taona ny iray

    Nisokatra ny fanadihadiana mikasika ny rotaka ka nandoran’ny olona ny fiara sy tranon’ny Zandary ary kamiao iray an’olon-tsotra tao Mampikony ny 4 novambra 2016, dia olona 17 no voasambotra ka iray amin’izy ireo dia zaza tsy ampy taona. Mitentina 2 tapitrisa Ariary mahery ny entan’ireo Zandary miasa ao Mampikony kilan’ny afo sy voaroba araka ny tatitra nataon’ny lehiben’ny sampandraharaha misahana ny heloka bevava eo anivon’ny Zandarimariam-pirenena, Rajaohasina Adrien Delson. Zandary miisa 8 tao no tena lasibatra sy voaroba fananana io araka ny tatitra. Natolotra ny Fitsarana eto Mahajanga androany Alarobia izy ireo. Mitohy hatrany ny fikarohana ny naman’izy ireo izay nitsoaka.
    Lire la suite ...
Page 167 sur 281