Tselatra

    • jeudi, 24 novembre 2016 07:12
    • Tahirin-tsary Sobika

    Fanafihana mitam-piadiana : Nafahan’ny Fitsarana noho ny fisalasalana ilay Zandary

    Voarohirohy tamina fanafihana mitam-basy tokantrano iray teto Sambava tamin’ny volana aogositra 2015 ity Zandary ity. Vola mitentina 20 tapitrisa Ariary no voaroba tamin’io. Nilaza ho nahafantatra azy avy hatrany ny tompontrano voatafika raha latsaka ny sarontavany, ary nitondra ny raharaha teny anivon’ny polisy teto Sambava. Nosamborina, ary notazomina am-ponja vonjimaika tao Antalaha nandritra ny herintaona sy telo volana izy. Niakatra Fitsarana androany ny raharaha. Nanomboka tamin’ny folo ora maraina ny fitsarana ary tsy nifarana raha tsy tamin’ny iray ora sy fahefany. Nilatsaka ny didy taorian’izay, ka afaka noho ny fisalasalana ilay Zandary.
    Lire la suite ...
    • mercredi, 23 novembre 2016 14:13
    • Sary Njaka

    Hopitaly manarapenitra Andohatapenaka : Nahazo fanomezana avy any Quebec

    Nanolotra fitaovana ho an'ny Hopitaly manara-penitra Andohatapenaka toy ny bloc opératiore, farafara sy kojakoja maro samy hafa ilaina amin'ny fitsaboana ny minisitra solontenan'ny Quebec omaly atoandro. Tonga nanotrona sy nandray izany fanomezana izany ny minisitry ny fahasalamana malagasy. Ity hopitaly ity moa dia nasiana fepetra manokana atao fiandry ho an'ireo mpizaika miisa 3000 miatrika ny frankofonia.
    Lire la suite ...
    • mercredi, 23 novembre 2016 11:07
    • Sary Sobika Mahajanga

    Rotaka tao Mampikony : 17 ireo voasambotra, zaza tsy ampy taona ny iray

    Nisokatra ny fanadihadiana mikasika ny rotaka ka nandoran’ny olona ny fiara sy tranon’ny Zandary ary kamiao iray an’olon-tsotra tao Mampikony ny 4 novambra 2016, dia olona 17 no voasambotra ka iray amin’izy ireo dia zaza tsy ampy taona. Mitentina 2 tapitrisa Ariary mahery ny entan’ireo Zandary miasa ao Mampikony kilan’ny afo sy voaroba araka ny tatitra nataon’ny lehiben’ny sampandraharaha misahana ny heloka bevava eo anivon’ny Zandarimariam-pirenena, Rajaohasina Adrien Delson. Zandary miisa 8 tao no tena lasibatra sy voaroba fananana io araka ny tatitra. Natolotra ny Fitsarana eto Mahajanga androany Alarobia izy ireo. Mitohy hatrany ny fikarohana ny naman’izy ireo izay nitsoaka.
    Lire la suite ...
    • mercredi, 23 novembre 2016 09:50
    • Sary Sobika Antsirabe

    Mpitendrin’Antsirabe : Hahatsiaro an’i Tôty

    Hanao hetsika miavaka ireo mpitendry zavamaneno eto Antsirabe ho fahatsiarovana ilay kalazan’ny fitendrena gitara basse dia i Tôty. Ny Alarobia 30 Novambra no hanatanterahana izany ao amin’ny “La Palette”, manodidina ny Gara. Tsy natao hitadiavam-bola akory izy ity fa ho fahatsiarovana ity andrarezin’ny mozika ity ihany ka ireo mpitendry no mikarakara saingy hanasana ireo rehetra tia mozika. Fahatsiarovana faha-3 atao eto Antsirabe ity hatramin’ny nandaozan’i Tôty ny tany, izay tsy hadinon’ireo tanora nahafantatra azy teto Antsirabe.
    Lire la suite ...
    • mardi, 22 novembre 2016 16:22
    • Sary Sobika Ambatondrazaka

    Mpitrandraka vatosoa any Didy : Ny eo roahina, ny hafa mibosesika tonga

    Fiarakodia roa feno vatan-dehilahy avy any Antsirabe no indray nigadona teto Ambatondrazaka androany miaraka amin'ny fitaovana toy ny sivana sy kojakoja momba ny fitrandrahana. Raha ny filazan’izy ireo dia hiazo ny toeram-pitrandrahana vatosoa any Didy izy ireo. Misy ihany koa anefa ireo lany vatsy avy any amin'ny kariera any tonga eto Ambatondrazaka mitady vola hatao sarandalana hodiana any amin'ny faritra nihaviany. Vao ny herinandro lasa iny ny Prefen’Ambatondrazaka no nanao fanambarana ny fampiatoana tsy misy hatak’andro ny fitrandrahana vato any Didy sy ny tokony hialan'ireo mpitrandraka sy mpibizina vato ao.
    Lire la suite ...
    • mardi, 22 novembre 2016 15:39
    • Sary nindramina fampihaingoana

    Fanafihana mitam-piadiana : Lehilahy iray namoy ny ainy tao Andilanatoby Ambatondrazaka

    Notafihin’ny jiolahy mitam-piadiana ny tanànan’Andilanatoby ny alin'ny alatsinainy 21 novambra teo. Nanapoaka basy avy hatrany ireo jiolahy raha niditra tao amin'ny tokantrano notafihiny ka maty tsy tra-drano tamin'izany ny raim-pianakaviana iray. Nisy olona iray hafa naratra.
    Lire la suite ...
    • mardi, 22 novembre 2016 12:05
    • Tahirin-tsary

    Telefood 2016 : 3.513.800 Ariary no efa voaangona taty Boeny

    Nisy fitomboany io raha miohatra ny tamin’ny taon-dasa nahazoana 2.577.500 Ariary. Vokatra avy amin’ny Distrika efatra ato Boeny io dia Soalala, Mahajanga I sy II, ary Mitsinjo. Mbola andrasana ny tatitra avy any Marovay sy Ambato-Boeny. Ny 11 novambra teo no nanatanterahana ity Telefood ity ho an’ny teto Mahajanga. Harotsaka manontolo ao anatin’ny kitapom-bolan’ny Tahiry iraisam-pirenena momba ny fambolena sy ny sakafo (FAO) ny vola voaangona ho fanohanana ireo olona sahirana, hoy ny talem-paritry ny fiompiana sy ny fambolena Boeny, Baofeno Michelinno.
    Lire la suite ...
    • mardi, 22 novembre 2016 11:39

    Famatsiam-bola FDL : Kaominina miisa 15 samy nahazo 9 tapitrisa Ariary aty Boeny

    Fampandrosoana ifotony ny Kaominina ambanivohitra no iasan’ny tetikasan'ny FDL (Fonds de Développement Local) eto Madagasikara ka Kaominina 15 anatin’ny Faritra Boeny no nahazo famatsiam-bola mivantana. Nozaraina andiany telo ireo ka Kaominina 5 avy amin’ny Distrika Marovoay sy Mitsinjo aty Mahajanga II no nahazo ny famatsiam-bola tamin’ny andiany voalohany, samy nomena 9 tapitrisa Ariary avy.
    Lire la suite ...
    • lundi, 21 novembre 2016 23:10
    • Tahirin-tsary Sobika

    Bevontro Sambava : Roalahy niharan’ny fitsaram-bahoaka

    Telolahy nanafika tokantrano manana lavanila tao Ambodivoanio, Kaominina Bevontro Sambava ny hariva teo. Niantso vonjy ny voatafika, ka nirohotra ny Fokonolona. Azo ny roalahy, tafatsoaka kosa ny fahatelo. Niharan’ny fitsaram-bahoaka avy hatrany ireo voasambotra ka maty tsy tra-drano ny iray. Tranga fitsaram-bahoaka fahafito niseho taty amin’ny Distrika Sambava ity androany ity. Niangavy ireo mpitandro filaminana ny solombavam-bahoaka voafidy teto Sambava Mamangy Norbert mba handeha haingana ho any amin’ity vohitra ity, hiaro ny vahoaka sy ny fananany.  
    Lire la suite ...
    • lundi, 21 novembre 2016 18:32

    Antsirabe

    Nihemotra ho amin’ny alarobia 23 novambra indray ny fahatongavan’ny Mpanjakan’i Maraoka.
    Lire la suite ...
Page 157 sur 270