Tselatra

    • jeudi, 06 octobre 2016 11:36
    • Sary Njaka

    Fankalazana ny andro maneran-tany ho an'ny fampianarana

    Nankalazaina ny 5 oktobra 2016 ny andro maneran-tany ho an’ny fampianarana tetsy amin’ny hôtel Colbert Antaninarenina ka ny lohahevitra novoizana tamin’izany dia ny hoe “omeo lanja ireo mpampianatra, ka ampiakaro ireo toetra maha matihanina azy ireo” Nanomboka ny taona 1994 no nankalazaina isan-taona ny andro ho an'ny fampianarana, ary nomarihina manokana io omaly io ny faha 50 taonan'ny fananganana ny OIT sy ny UNESCO izay mahakasika manokana ireo fepetra fampianarana tamin’ny 1996.
    Lire la suite ...
    • jeudi, 06 octobre 2016 11:25
    • Tahirin-tsary

    Raharaha Soamahamanina : Mitondra fanazavana ny EMMO-NAT

    Fanazavan'ny eo anivon'ny EMMO-NAT tarihin’ny komandin’ny Zandarimariam-pirenena.
    Lire la suite ...
    • jeudi, 06 octobre 2016 11:03
    • Sary nindramina fampihaingoana

    Tolagnaro : Vary 91 kaontenera tonga omaly tamin’ny sambo ao Ehoala

    Miandry ny mpanjifa raha mba hampihena ny vidim-bary eto Tolagnaro ny fahatongavan’ireo vary amin’ny kaontenera maromaro ao amin’ny seranan-tsambon’i Ehoala ireo. Ela nijaliana koa ny mpanjifa amin’ny filaharam-bary sy ny fanararaotan’ny mpijirika ihany koa, izay nampidangana ny vidim-bary tafakatra 650 Ariary ny kapoaka, mihoatra izany aza any amin’ireo Kaominina ambanivolo.
    Lire la suite ...
    • jeudi, 06 octobre 2016 10:33
    • Sary Njaka

    DLC Anosy : Nifarana ny seminera momba ny fampijaliana ireo olona voaheloka

    Nofaranana omaly hariva ny seminera mikasika ny fampijaliana sy ny fanaovana tsinontsinona ireo olona voaheloka. Ny tanjona tamin'ity moa dia ny hisarika ny rehetra hiala amin'izany tsy fanajana ny zon'ny maha olona izany. Nisy ihany koa ny fizarana marim-pankasitrahana taorian'ny seminera.
    Lire la suite ...
    • jeudi, 06 octobre 2016 09:49
    • Sary Sobika Fianarantsoa

    Finoana Katolika : Manamasina Diakra miisa 5 ny fikambanan-drelijiozy Lazarista eto Madagasikara

    400 taona nisiana ny « Congrégation de la Mission ». Mandray diakra vaovao izy eto Madagasikara. Mitarika ny Lamesa i Mgr Ramaroson Benjamin. Mitombo isa ny mpanompon'Andriamanitra nanaiky ho iraka eny anivon'ny olona mahantra. Misy 5 no hamasinina ho Diaka androany, ety amin'ny scolasticat Tanantsoa-Fianarantsoa. Iray tarika amin'i Père Pedro izy ireo. Fantatra fa hiitatra any amin'ny tapany avaratry ny Nosy ny fikambanana raha nifantoka taty amin'ny ilany atsimo hatramin'ny nahatongavany teto Madagasikara zato taona lasa.
    Lire la suite ...
    • mercredi, 05 octobre 2016 22:45
    • Sary Sobika Andapa

    FLM Andapa : Nitondrana Zandary ny fametrahana Pastoran’ny Fileovana

    Zandary no nentin’ny Sinoda SPAVA tao am-piangonana vao tafapetraka ny Pastora vaovao hitantana ny Fileovana FLM Andapa, Pastora Benarison Iarivo izay nasolo any Pastora Berger. Ny alahady 2 oktobra 2016 no fanapahan-kevitry ny Sinoda hametrahana ny Pastora Benarison Iarivo tamin’ny fomba ofisialy nefa tetsy andaniny dia nanda tsy hanaiky ny hisian’io fifamindra-toerana io ny ampahan’ny Fiangonana ka nahatonga ireto farany nanidy ny fiangonana tsy hisokatra. Voatery nanafatra mpitandro filaminana ny Filohan’ny Sinoda ka tonga ireto ary ny lehiben’ny Distika Andapa, Atoa Rasolofomanana Patrick, izay vao afaka niroso ny fotoana.  
    Lire la suite ...
    • mercredi, 05 octobre 2016 13:56
    • Sary nomena Hely Ony

    Antsahanierana Andraisoro : Vehivavy novonoina tamin’ny fomba feno habibiana

    Miasa amina orinasa lavitra ny toeram-ponenany ilay ramatoa. Aterin'ny fiara « Transport du Personnel » izy rehefa hariva avy miasa. Tsenain'ny vadiny hatreo amin'ny toerana farany tongan'ny fiara izy, raha ny mahazatra, saingy voalaza fa tsy teto an-toerana ilay vadiny ny harivan’ny talata 4 oktobra ka nanararaotra ireo nahavanon-doza. Nihohoka teo akaiky fasana no nahitana ny razana. Naboridana, nihoson-drà ny lohan’ilay vehivavy. Tsy hita ny tanany roa.Tonga nijery ny zava-misy teny ny mpitandro filaminana, taorian’izay dia nalain'ny BMH ny razana. Namela mananontena sy kamboty roa, mbola kely ity vehivavy ity.
    Lire la suite ...
    • mercredi, 05 octobre 2016 12:14
    • Tahirin-tsary

    Rainandriamampandry : Hotsarovana ny faha-120 taona nitifirana azy

    15 oktobra 1896 – 15 oktobra 2016, 120 taona no nitifiran’ny mpanjanatany an-dRainandriamampandry, Evanjelistra mpitondra Fiangonana, mpampianatra, mpanoratra, jeneraly mpitari-tafika sy governora miaramila tao Toamasina, minisitry ny Ati-tany. Hisy hetsika samihafa, karakarain’ny taranany sy ny Komity natsangana manokana, hanamarihana izany fotoam-pahatsiarovana izany ny alahady 9 oktobra ka hatramin’ny sabotsy 15 oktobra 2016.
    Lire la suite ...
    • mercredi, 05 octobre 2016 11:10
    • Sary Sobika

    EPP Beroy - Antsalova : Sady sekoly no Fiangonana

    80 ny isan’ny mpianatra ao, amin’izao taom-pianarana vaovao 2016-2017 izao, sady tokana amin’izay indray FRAM tsy mbola voaray ho mpiasam-panjakana, ny mpampianatra ao. Any Beroy, Fokontany Bemamba, Kaominina Masoarivo, Distrika Antsalova no misy an’izany. Efa ela no nisokafan’ity sekolim-panjakana ity. Hatramin’ny taona faha-3 no misy ao. Sady trano fianarana ny EPP no ampiasaina atao Eglizy rehefa alahady.
    Lire la suite ...
    • mercredi, 05 octobre 2016 11:06
    • Sary Sobika Sambava

    Sambava : Roa volana tsy nahita TVM

    Tapaka efa roa volana izay ny fahitalavitra TVM teto Sambava. Omaly talata 4 oktobra vao nigadona teto an-toerana ny "émetteur" izay vao avy nampiakarina taty an-drenivohitra namboarina. Nilaza ny Delegen’ny serasera, Levita René, fa miankina amin'ny fahavitrihan’ny teknisiana eto Sambava sisa no hiverenan'ny TVM amin'ny laoniny.  
    Lire la suite ...
Page 130 sur 222
B1 - Polyclinique
B2 - Toa