Tselatra

    • dimanche, 05 mai 2019 22:04

    Fifidianana depiote: Kandida iray namoy ny ainy, telo any am-ponja

    Hisokatra ny alatsinainy 6 mey 2019, amin’ny enina ora maraina ny fampielezan-kevitra amin’ny fifidianana solombavambahoaka. Telo amin’ireo kandida miisa 803 no tazomina am-ponja vonjimaika amin’izao fotoana izao, noho ny fanenjehana ara-pitsarana mahazo azy ireo, ka kandida ao amin’ny Distrikan’i Fandriana ny iray, any Mandoto ny iray ary any Ambatofinandrahana. Misy ihany koa ireo kandida nahazo fahafahana vonjimaika, miandry fitsarana. Namoy ainy tamin’ity herinandro ity ihany koa ny kandida solombavambahoaka iray ao amin’ny Distrikan’i Fenoarivobe. Tsy mampiova ny zavatra voarakitra ao anaty biletà tokana ireo tranga ireo, araka ny fanazavan’ny filoha lefitry ny CENI, Rakotonarivo Thierry.  
    Lire la suite ...
    • dimanche, 05 mai 2019 22:02
    • Sary nomena

    Ikalamavony: Kandida depiote mandrahona solontenam-panjakana

    Nitsofoka tao amin’ny foiben’ny RNM eto Ikalamavony ilay kandida, ny sabotsy 4 mey 2019 tolakandro, niaraka tamina andian-jatovo be sandry 13 lahy, nitondra taratasy izay nambaran’izy ireo fa “Note de service” manendry olona hafa hisolo toerana ny “Delegen’ny serasera” eto an-toerana. Tranga izay mampametra-panontaniana hoe : kandida solombavambahoaka ve no iraka hanatanterahana ny fampahafantarana taratasim-panjakana toy izany ? Nanambara tamin’ny teny feno fandrahonana moa ilay kandida fa avy amin'ny Minisitry ny serasera sy kolontsaina, Lalatiana Andriatongarivo Rakotondrazafy, ilay taratasy teny an-tananan’izy ireo io.
    Lire la suite ...
    • dimanche, 05 mai 2019 19:08

    Tolagnaro: Mirongatra ny vaky fasana

    Tamin’ity faran’ny herinandro ity izao dia fasana amam-polony tao Ampasy Nahampoana sy Sonierana, Kaominina tsy lavitra ny renivohitry ny Faritra Anôsy no nisy namaky. Taolambalo tamina razana am-polony maro no very tamin’izany. Mpiarakandro na mpiandry omby no nahita ireo fasana vaky ka nampandre ny Fokonolona.  
    Lire la suite ...
    • dimanche, 05 mai 2019 18:25
    • Sary nindramina

    Foloalindahy: Ho an’ny « Bataillon Inter-Armée » Ihosy ny helikôptera tonga

    Nilaza i Andry RAjoelina, filohan’ny Repoblika sady filoha faratampon’ny Foloalindahy fa natolotra amin'ny fomba ofisialy androany tany amin'ny “Bataillon Inter-Armée” Ihosy ny angidimby voalohany ho an’ny foloalindahy. “Tsy maintsy voaverintsika ny hasin'ny foloalindahy mba ho tena tandroka aron'ny vozona, hiaro ny vahoaka sy ny fananany ary ho reharehan'ny Malagasy", hoy izy.  
    Lire la suite ...
    • dimanche, 05 mai 2019 15:55
    • Sary nindramina

    Fanodinkodinana volam-baksiny: Senatera, kandida depiote, Tale ara-bola … nidoboka eny Antanimora

    Nivoatra ny raharaha mikasika ny fanodinkodinam-bola amina miliara Ariary tamina tsenan'asam-panjakana momba ny vaksiny, vatsian’ny GAVI vola. Efa teny amin'ny Fampanoavan'ny Pôle anti-corruption (PAC) ny dosie, ary nahazo fahafahana vonjimaika ireo voampanga, saingy narahi-maso ara-pitsarana ary tsy nahazo niala teto Antananarivo.
    Lire la suite ...
    • dimanche, 05 mai 2019 13:16
    • Sary nomena

    Ifanadiana: Nandravarava ny afo

    Nitrangana haintrano mahatsiravina teto Ifanadiana, amin'ny faritra ambanin'ny Eglizy Katolika manontolo, omaly hariva. Trano maromaro no ravan’ny afo tamin’izany. Nisy voatery noravana tsy nihitaran’ny afo. Nananosarotra ny fifehezana ny afo noho ny rivotra, tanàna anaty ala rahateo i Ifanadiana ary tsy manana mpamonjy voina mpamono afo. (Jereo Sary Tohiny)  
    Lire la suite ...
    • samedi, 04 mai 2019 14:37
    • Sary fanaingoana nindramina

    Korea avaratra: Nandefa misila teo ambony faridranomasina Japon i Kim Jong-Un io maraina io

    Vao maraina tokony tamin'ny 9ora tany an-toerana, dia nandefa misila tsy mahataka-davitra maromaro nihazo ny faridranomasin'i Japon ny filohan'i Korea avaratra, Kim Jong-Un. Nahatratra 70 ka hatramin'ny 200km teo ambonin'ny ranomasin'i Japon ireto misila ireto. Ny sampam-pitsokilovan'i Korea atsimo moa no nahita izao misila izao, ary nilaza ihany koa i Etats-Unis fa nahita ilay misila nirefotra. Mihamihenjana arak'izany ity raharaha fanerena an'i Korea Avaratra hiala amin'ny fikarohana ara-pitaovampiadiana nokleary ity, raha nandamoaka ny fihaonana fanindroany, tany Hanoï Vietnam teo amin'ny Filoha roa tonta, Kim Jong-Un sy Donald Trump. Ary efa nisy ihany koa fifanantonana nifanaovan'i Kim Jong-Un sy Vladmir Poutine filoha rosianina, izay nifanolorana sabatra ho fanamarihana ny fanambarana ny hery eo amin'ny roa tonta.    
    Lire la suite ...
    • samedi, 04 mai 2019 13:07
    • Sary: Jax Sheriff's Office

    Floride Etats-Unis: Niafara tany anaty rano ilay fiaramanidina Boeing 737, tsy nisy maty

    Niainga tao amin'ny foiben-toeran'ny miaramila amerikanina Guentanamo any Cuba ity Boeing 737, nitondra mpandeha 136 ary mpanamory 7 ny zoma alina ny 3 mey 2019, hiazo an'i Floride Etats-Unis. Tratran'ny andro ratsy anefa izy teo ampidinana ny seranam-piaramanidina miaramila tao Jacksonville Floride, ka niantoraka havia havana ny fiaramanidina nandritra ny fiantsonana, ary niafara tao anaty rano manamorona ny seranana. Tsy nisy ny aina nafoy, nisy kosa ny maratra, ary avy dia nentina notsaboina teo akaiky teo ihany.
    Lire la suite ...
    • samedi, 04 mai 2019 12:53

    FIFAMANOR: Voatendry ho Tale Rakotomalala Holiarison William

    Rakotomalala Holiarison William no Tale vaovaon’ny FIFAMANOR (Fiompiana Fambolena Malagasy Norveziana) ao Andranomanelatra – Antsirabe. Noraisina nandritra ny filankevitry ny minisitra omaly ny didim-panjakana fanendrena azy araka ny tolokevitry ny minisitry ny fambolena sy fiompiana ary ny jono. Tale teo anivon’ny ministeran’ny fambolena sy fiompiana ary ny jono Rakotomalala Holiarison William talohan’izao fanendrena azy ao amin’ny FIFAMANOR izao. Mandalo fahasahiranana ny FIFAMANOR, roa volana (martsa, aprily) tsy nandray karama izao ny mpiasa. Tale mpisolo toerana no mitantana ny FIFAMANOR hatramin’ny fiandohan’ity taona ity rehefa lasa nisotro ronono ny Tale teo taloha.  
    Lire la suite ...
    • samedi, 04 mai 2019 12:48

    Fitsapankevi-bahoaka: Nofoanana ny didim-panjakana miantso ny mpifidy

    Nofoanana nandritra ny filankevitry ny minisitra omaly ny didim-panjakana laharana faha-2019-790 tamin’ny 19 aprily 2019 miantso ny mpifidy handray anjara amin’ny fitsapankevi-bahoaka entina manova ny andininy sasantsasany amin’ny Lalampanorenan’ny Repoblika fahaefatra sy ny didim-panjakana laharana faha 2049-791 tamin’ny 19 aprily 2019 mamaritra ny rijan-teny nentina nanova ny Lalampanorenana sy ny rijam-panontaniana hapetraka amin’ny mpifidy amin’ny fitsapankevi-bahoaka ny 27 mey 2019.  
    Lire la suite ...
Page 13 sur 424