Tselatra

    • mardi, 21 janvier 2020 12:47

    RN4 - Befotoana Ankarafantsika: Tapaka nitosahan’ny fasika ny arabe eo amin’ny PK 480

    Tapaka vonjimaika ny lalam-pirenena faha-4, eo Befotoana Ankarafantsika - PK 480, noho ny fihotsahan'ny fasika eo ambony arabe. Mifarimbona manala ny fasika manakana ny làlana ny Talem-paritry ny asa vaventy Boeny, ny Prefen’i Boeny, ny Zandarimaria sy ny BNGRC Boeny miaraka amin'ny Fokonolona mba hiverenan'ny fifamoivoizana haingana.  
    Lire la suite ...
    • mardi, 21 janvier 2020 09:29
    • Sary satellite 9h15

    Andro ratsy: Tsy mianatra ny mpianatra, tsy mahazo miandriaka manerana an’i Boeny

    Voasokajy ho faritra mena noho ilay andro ratsy mitondra oram-be sy tafio-drivotra ny faritra Boeny. Nandray fepetra ireo solontenam-panjakana manoloana izany, nampiato ny fampianarana manerana ny DRENETP Boeny manomboka anio, ary tsy mahazo miandrika ihany koa ireo mpampiasa ranomasina.    
    Lire la suite ...
    • lundi, 20 janvier 2020 13:57

    Resabe « Panier garni »: « Tsy nisy teny hizara vola, fa solom-pen’akoho », hoy ny filoha Rajoelina

    Nitondra fanazavana nanoloana ny resabe manodidina ny fanomezana « Panier garni » ny filohan’ny Repoblika Andry Rajoelina, nandritra ny fihaonany tamin’ny mpanao gazety teny amin’ny lapam-panjakana Iavoloha androany alatsinainy 20 janoary 2020. Nambarany fa nandritra ny Filankevitry ny minisitra farany talohan’ny faran’ny taona 2019 no nandraisana fanapahan-kevitra ny hanomezana « Panier garni » ireo mpiasa birao amin’ny ministera foibe, rehefa nofoanana ny tetibola fanaovana fety faran’ny taona sy fifampiarahabana noho ny taona vaovao eny anivon’ny ministera. 1,5 miliara Ariary ny tetibola natokana ho amin’izany ary « Panier garni » fa tsy vola no zaraina, hoy ny filoha fa fanararaotana na tsy fahaizana ny asany no nataon’ny minisitra sasany nandefa lisitra mpiasa ahian’ny ministera manerana ny Nosy. Nahitsy ny filoha Andry Rajoelina nilaza fa « tsy nisy teny hizara vola, fa solom-pen’akoho ». « Fampakarana karama 13% no fanomezana lehibe ho an’ny mpiasam-panjakana », hoy izy nanamafy.  
    Lire la suite ...
    • lundi, 20 janvier 2020 13:50

    Governemanta: Nanamafy ny filoha Rajoelina fa hisy ny « remaniement »

    Ho feno herintaona amin’ny 24 janoary ny nananganana ny governemanta izay mifamatotra amin’ny « contrat-programme ». Nampitahain’ny filoha Andry Rajoelina amin’ny ekipa baolina kitra ny zava-misy, misy ny nahomby, tao ny reraka ambony ihany, tao ny tsy afaka raha nihaona tamin’ny mpanao gazety teny amin’ny lapam-panjakana Iavoloha izy androany. Nohamafisiny fa hisy ny fanovana ny Governemanta ary anatiny tanteraka amin’ny fanaovana tombana sy fijerena ny asan’ireo minisitra izy amin’izao fotoana izao.  
    Lire la suite ...
    • lundi, 20 janvier 2020 10:56

    « Pompiers » Tsaralalàna: Natsahatra amin’ny asa ny « Chef de corps »

    Tsy fandraisana andraikitra manoloana ny voina nitranga teny Avaradoha, nateraky ny tany nihotsaka no nandraisan’ny Ben’ny tanànan’Antananarivo, Naina Andriantsitohaina, fepetra nampitsahatra avy hatrany tamin’ny asany ny « Chef de corps » miandraikitra ny « Pompiers ».  
    Lire la suite ...
    • lundi, 20 janvier 2020 10:33
    • Sary nindramina

    Mahajanga: Miaritra fahatapahan’ny herinaratra ireo be antitra maka vola fisotroan-dronono

    Mikatso ny fizarana vola fisotroan-drononon’ireo be antitra mandray izany amin’ny Cnaps eto Mahajanga vokatry ny fahatapahan’ny herinaratra tamin’ity maraina ity. Tsy manan-tsafidy ireo zokiolona fa dia miaritra, na dia efa nisy namonjy filaharana vao maraina aza. (Jereo Sary Tohiny)
    Lire la suite ...
    • lundi, 20 janvier 2020 10:02
    • Sary nindramina

    Martin Luther King Jr.: Tsaroana isaky ny Alatsinainy fahatelo amin’ny volana Janoary

    Andro tsy fiasana natokana hahatsiarovana an’i Martin Luther King Jr. anio ka mikatona ny Masoivoho Amerikana, araka ny fampahafantarana nataony. Tamin’ny taona 1983 ny Filoha Amerikana Ronald Reagan no nanasonia ny didim-panjakana izay nametraka ho andro manokana, tsy hiasana nefa handraisan-karama, ho fahatsiarovana ny Dr King ho an'ny Amerikanina. Izy no Amerikana mainty hoditra voalohany teo amin’ny tantara nanokanana androm-pirenena toa izao. Andro izay nankalazaina voalohany indrindra tamin’ny taona 1986, isaky ny Alatsinainy fahatelo amin’ny volana Janoary, izay daty manakaiky ny 15 Janoary fitsingerenan’ny taona nahaterahan’ity mpitolona ho an’ny zon’olompirenena ity. (Jereo Sary Tohiny)
    Lire la suite ...
    • dimanche, 19 janvier 2020 20:20
    • Sary nindramina

    Anjozorobe: Voasambotra i « Randriamanga », mpaka an-keriny ikoizana

    Voasambotry ny miaramilan'ny 3RG DAS Marotsipoy, ny zoma 17 janoary 2020, tao Ambohitsimarofotsy distrikan'Anjozorobe i Randriamanga. Efa nokarohina hatry ny ela ity mpaka an-keriny ikoizana ity, no izao tratra izao.  Efa natolotra ny Zandary ny andron'io ihany izy.  
    Lire la suite ...
    • dimanche, 19 janvier 2020 14:55
    • Sary nindramina

    Asa fanaovan-gazety: Nodimandry i Franck Raharison

    Nindaosin’ny fahafatesana androany, teo amin’ny faha-70 taonany i Franck Raharison. Mpanao gazety zokiolona, isan’ny mpiara-nanangana ny La Gazette de la Grande Ile izy, efa tao amin’ny Madagascar-Tribune sy Madagascar-Matin ihany koa. Nandeha nisotro ronono izy tamin’ny taon-dasa.  
    Lire la suite ...
    • dimanche, 19 janvier 2020 14:39
    • Sary nindramina

    Fanokafana ny taompambolen-kazo: 500Ha no hisantarana ny voly hazo eny Firarazana- Ankazobe

    Tanterahina eny Firarazana- Ankazobe anio 19 janoary ny fanokafana ofisialy ny taompambolen-kazo 2020. Midadasika amin'ny velarana 500 hektara ny toerana hambolena ireo zanakazo manodidina ny 1 200 000 anio, sady mifanandrify indrindra amin’ny tsingerintaona voalohany nandraisan’i Andry Rajoelina ny fahefana feno maha filohan’ny Repoblikan’i Madagasikara azy.  
    Lire la suite ...
Page 1 sur 502