Tselatra

    • lundi, 22 juillet 2019 16:43

    Fifidianana: Hiova ny tetiandro handraisana ny dosie firotsahan-kofidiana Ben’ny tanàna

    Efa tokony nisokatra ny 20 jolay teo teny anivon’ny OVEC isaky ny Distrika manerana ny Nosy, ary hifarana amin’ny 3 aogositra ny fametrahana antotan-taratasy firotsahan-kofidiana amin’ny fifidianana Ben’ny tanàna sy mpanolontsain’ny tanàna, raha hotanterahina amin’ny 28 oktobra 2019 ihany ny fifidianana, araka ny tolo-kevitry ny CENI. Mety hisy fiovana anefa io tetiandro voafaritra io noho ny tsy mbola nivoahan’ny didim-panjakana miantso mpifidy handatsa-bato.  
    Lire la suite ...
    • lundi, 22 juillet 2019 16:37

    Toamasina: Nisy nanafika ny tranon’ny Dr Johanita Ndahimananjara

    Tamin’ny iray ora maraina ny sabotsy hifoha ny alahady no niseho ny fanafihana. Noteren’ireo jiolahy hanokatra varavarana ny mpiambina ary voakapoka ny lohany. Nisy ny poa-basy. Lasan’ireo olon-dratsy ny ordinatera entin-tanana iray sy milina fikajiana talohan’ny nahatogavan’ny polisy avy amin’ny sampana vonjitaitra sy ny Zandary. Minisitra teo aloha ary kandida tao Toamasina I tamin’ny fifidianana solombavambahoaka farany teo, Dr Johanita Ndahimananjara. Misokatra ny famotorana sy fikarohana ireo olon-dratsy ; nisy olona nampiahiahy nifanena tamin’ny mpitandro ny filaminana teny an-dalana ka nosamborina nanaovana fanadihadiana.  
    Lire la suite ...
    • lundi, 22 juillet 2019 13:53
    • Sary: ZP

    Ambodimandresy- Antsohihy: Rongony 20 gony saron’ny Zandary

    Herinandro taorian’ny nahazoan’ny Kaompanian’ny Zandarimaria Antsohihy rongony 500kg tao Antsohihy dia rongony 20 kitapo milanja 229 kg ihany koa no tra-tehaky ny Zandary PMP 45 tao amin’ny Antobodrihabe, Fokontany Antobodriha, Kaominina Ambodimandresy, Distrika Antsohihy. Vaovao azon’ny Zandarimaria avy amin’ny olona tsara sitrapo no nahazoana ny vokatra. Natsipin’ireo andian’olona ny kitapo nobaben’izy ireo avy, rehefa tazan’izy ireo ny Zandary nitsongo dia omaly tolakandro. Voasambotry ny Zandary ny iray tamin’izy ireo rehefa nifanenjehana. Nogiazana avy hatrany ireo rongony, miandry ny taratasin’ny fitsarana ny hamotehana sy handorana azy. Hatolotra ny Fampanoavana kosa ilay voasambotra aorian’ny famotorana. (Jereo Sary Tohiny)  
    Lire la suite ...
    • lundi, 22 juillet 2019 10:58
    • Sary Gasypatriote Mahajanga

    Mahajanga: Efa-dahy voasambotra niaraka tamin’ny rongony 13kg

    Saron’ny Zandary avy amin’ny Kaompania Mahajanga, tao amin’ny Fokontany Antanambao Sotema sy Ambalamanga, ny rongony milanja 13kg ny alarobia teo. Voasambotra ny efa-dahy voasaringotra amin’ireo zavamahadomelina ireo. Fanomezan-baovao avy amin’ny olona tsara sitrapo no nahatratrarana ireo olona ireo. Natolotra ny Fampanoavana teto amin’ny Fitsarana ambaratonga voalohany Mahajanga ny zoma 19 jolay izy ireo, ary naiditra am-ponja vonjimaika. (Jereo Sary Tohiny)  
    Lire la suite ...
    • lundi, 22 juillet 2019 10:40
    • Sary Gasypatriote Antsirabe

    Alakamisy-Ambano: Lehilahy iray tratra nitazona basy tsy ara-dalana

    Basy gasy tsy ara-dalana no tratra tany amin’ity lehilahy ity, miaraka amin’ny bala tena izy fampiasa amin’ny basy « calibre 12 ». Ny Zandary avy ao amin’ny « Poste Avancé » Antanamanjaka no nisambotra azy tany aminin’ny Kaominina Alakamisy-Ambano, Distrika Antsirabe 2. Natolotra ny Fampanoavana teto Antsirabe ny alakamisy 18 jolay ilay lehilahy ary notanana am-ponja vonjimaika. (Jereo Sary Tohiny)  
    Lire la suite ...
    • lundi, 22 juillet 2019 08:50
    • Sary: Lindbergh Chrys Yves

    Marolambo: Tra-doza ny fiara nitondra soliky ny Jirama

    Efa hiditra ny tanàna no nivadika ny fiara nitondra solika ho an’ny Jirama Marolambo omaly alahady. Nisy mpandeha niaraka tamin’ny fiara, fa nieren-doza izy ireo. Ny haratsian-dalana no voalaza fa fototry ny loza. (Jereo Sary Tohiny)  
    Lire la suite ...
    • dimanche, 21 juillet 2019 19:27
    • Sary Gasypatriote Toamasina

    Bazar Kely - Toamasina: Kilan’ny afo ny 95%-n’ny tsena Esplanade ambany

    Tsy mazava ny anton’ny fahamaizan’ny tsena Bazar Kely fa samy manana ny ambarany ireo mpivarotra may fananana. May avokoa 95%-n’ny tsena Esplanade ambany ; misy entan'ny mpivarotra vao avy nampidirina no may, bodofotsy sy lamba firakotra avokoa, mitentina 20 tapitrisa Ariary. (Jereo Sary Tohiny)  
    Lire la suite ...
    • samedi, 20 juillet 2019 22:43
    • Sary: FMB

    Baskety – Lalaon’ny Nosy: Madagasikara 79 – 56 Seisela

    Nibata fandresena voalohany ny ekipam-pirenena malagasy amin’ny baskety amin'ny Lalaon'ny Nosy andiany faha-X atsy Maorisy, raha nihaona tamin’i Seisela. 79 noho 56 ny isa nisarahan’ny roa tonta.    
    Lire la suite ...
    • samedi, 20 juillet 2019 22:30
    • Sary fanehoana

    Fonjan’Ambalatavoahangy: Zandary efa tsy am-perinasa no nitarika fikomiana, roa naratra

    Nanaitra ny mponina manodidina ny fonjan’Ambalatavoahangy - Toamasina ny feom-basy nisesy androany sabotsy 20 jolay 2019, nanomboka tamin’ny 7ora sy sasany maraina hatramin'ny 10 ora maraina. Rongony tra-tehaka tao am-ponja no niandohany. Ny zoma hariva no tratra ilay voafonja mpanao bizina rongony, dia nitohy androany ny raharaha. Nitarika namana hikomy ilay voafonja tratra fa hoe : voadaroky ny mpandraharaha ny fonja. Voafonja fito lahy izy ireo ka zandary efa tsy amperinasa no mpitarika tamin’izany. Nataon’izy ireo takalon’aina ny mpandraharaha ny fonja namoha trano maraina androany. Telo lahy izy ireo, ary saika hataon’ireo voafonja fitaovana hitsoahana.
    Lire la suite ...
    • samedi, 20 juillet 2019 22:15
    • Sary nomena

    Bazar kely - Toamasina: Nitrangana haintrano

    Nijoalajoala ny afo, nanazava ny faritry ny Bazary kely ny hariva teo. Trano maromaro no indray levon’ny afo. Tsy mbola fantatra ny antony nahatonga ny afo. (Jereo Sary Tohiny)  
    Lire la suite ...
Page 1 sur 449