Kitra-Ligy Boeny: Mbola voafidy ho filoha i Nourdine

  • vendredi, 05 janvier 2018 16:20

Naverina ny maraina teo ny fifidianana izay ho filohan'ny ligin'i Boeny amin'ny taranja baolina kitra. Antony, ny tsy fanajana ireo fepetra voalazan'ny lalam-pifidianana.

Nisy tamin'ireo kandida enina nilatsaka nofidina no nametraka fitoriana mahakasika izany taorian'ny fifidianana natao ny 15 desambra teo ka nahatonga ny famerenana izany ny maraina teo.

Tsy nasiana fiodinana faharoa tamin'izany fifidianana izany kanefa tokony ho niroso raha ny vokatra azo sy ny lalàna no jerena.

Mbola i Nourdine izay efa filoha nitantana ny ligin'i Boeny teo aloha ihany no lany tamin'ity famerenana ity, izy izay efa lany rahateo tamin'ny fifidianana ny volana desambra.

Tamin'ny isam-bato telo noho iray no nahalany ity filoha ity.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.