Farafangana: Norobain’ny jiolahy avokoa ny fananan’ireo mpilalao handball solontenan’Atsimo Atsinanana

  • dimanche, 27 août 2017 14:49

Nisy jiolahy niditra tao amin'ny efitrano nipetrahan'ny ekipa handball miatrika fampivondronana ao amin'ny CEG Farafangana ny alina teo nefa natory tao ry zareo. Manao fanomanan-tena hiatrehana ny Championnat zone sud any Toliara ny fiandohan'ny volana septambra izao izy ireo ka miara mivondrona ao amin'ny CEG izay efa fanaon'izy ireo rehefa misy fifaninana hatrehana.

Maro ny entana very toy ny solosaina, fakantsary, finday.

Tonga teny an-toerana ny filohan'ny ligin'ny handball Atsimo Atsinanana Morasata Marc nankahery ireo mpilalao sy ireo ray aman-dreniny. Napetraka avy hatrany ny fitoriana.

Mbola tsy voafehy mihitsy moa ity resaka vaky trano ity aty amin'ny faritra Atsimo Atsinanana nanomboka tamin'ity taona ity. Ny mampivarahontsana ny olona dia ny fomba ampiasain'ireo jiolahy satria na misy olona aza ao an-trano dia sahin'izy ireo ihany ny miditra ao, ary tsy misy mahatsiaro tena toy izao nahazo ny ekipa mpilalao handball teto Farafangana izao.

Antenaina mba tsy hisy fiantraikany amin'ny lalao rehetra izay hatrehana any Toliara izao tranga izao.

Commentaires (18)
Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.
 
 
B1 - Polyclinique
B2 - Toa