Sport

    • vendredi, 12 juillet 2019 19:44
    • Sary nindramina

    Kitra - Barea: Tsy handalo aty Madagasikara i Romain Métanire sy Abel Anicet

    Tsy ho tafaraka amin’ireo mpilalao namany ho aty Madagasikara i Romain Métanire, vodilaharana ankavanana ao amin’ny Barea an’i Madagasikara sy Abel Anicet, irakiraka. Antsoin’ireo klioba ilalaovany avy izy ireo, ka tsy maintsy nandeha avy hatrany, dia ny klioban’ny Minnesota United any Etazonia ho an’i Métanire, ary ny klioban’ny Ludogorets Razgrad any Bolgaria ho an’i Anicet. (Jereo Sary Tohiny)
    Lire la suite ...
    • vendredi, 12 juillet 2019 12:42

    Kitra – CAN 2019: Hatao amin’ny 14 jolay ny lalao manasa-dalana

    Fantatra avokoa ireo ekipa efatra tafakatra amin’ny lalao manasa-dalana amin’ny fiadiana ny amboaran’i Afrika amin’ny baolina kitra, andiany faha-32. Sénégal, Alzeria, Nizeria ary Tonizia. Tanterahina ny andron’ny alahady 14 jolay avokoa ireo lalao manasa-dalana roa, dia Sénégal sy Tonizia andaniny, ary Alzeria sy Nizeria ankilany. Amin’ny 17 jolay ny lalao fiadiana ny laharana faha-3, amin’ny zoma 19 jolay kosa ny lalao famaranana.  
    Lire la suite ...
    • jeudi, 11 juillet 2019 15:48
    • Sary: Na Soanaivo

    Moramanga: Raikitra ny « Rallye Mangoro 2 »

    Nanomboka izao tolakandro izao ao Moramanga ny « Rallye Mangoro » andiany faha-2. Dingana faha-4 amin’ny fiadiana ny tompondakan’i Madagasikara amin’ny fanamoriana fiarakodiana izy ity. 30 ny ekipazy nandray anjara, amin’ny halaviran-dalana 404,83 km, ka sedra manokana na « épreuve spéciale » miisa folo ny 141,72 km amin’io. Atao izao tolakandro izao ny sedra manokana roa amin’ireo. Haharitra telo andro ity « Rallye Mangoro 2» ity. (Sary: Na Soanaivo) (Jereo Sary Tohiny)  
    Lire la suite ...
    • jeudi, 11 juillet 2019 09:59

    Kitra-CAN 2019: Ho fantatra anio ireo ekipa roa ambiny hiatrika ny manasa-dalana

    Lalao ampahefa-dalana roa no tanterahina anio alakamisy 11 jolay. Hisantatra izany amin’ny 7ora, ora eto Madagasikara, ny fihaonan’i Alzeria sy Côte d’Ivoire. Amin’ny 10ora alina kosa ny lalao hifandonan’ny Barea an’i Madagasikara amin’ny Voromahery Tonizianina. Ireo ekipa roa tafavoaka mpandresy amin’ireo lalao roa ireo no hameno ireo ekipa efatra hiatrika ny lalao manasa-dalana amin’ny fiadiana ny amboaran’i Afrika amin’ny baolina kitra, andiany faha-32 atao any Egypta ity. Hotanterahina ny andron’ny 14 jolay avokoa ireo lalao manasa-dalana ireo.  
    Lire la suite ...
    • jeudi, 11 juillet 2019 09:52

    Kitra – CAN 2019: Tafita ho amin’ny manasa-dalana i Sénégal

    Sénégal no ekipam-pirenena voalohany tafakatra amin’ny dingana manasa-dalana amin’ny fiadiana ny amboaran’i Afrika amin’ny baolina kitra, tanterahina any Egypta. Resiny tamin’ny isa tokana 1 noho 0 i Bénin nandritra ny lalao ampahefa-dalana voalohany natao omaly alarobia 10 jolay. Sambany i Bénin no tonga teo amin’io dingana io. Izay tafavoaka mpandresy amin’ny lalaon’i Madagasikara sy Tonizia anio alakamisy alina no hifandona amin’i Sénégal, amin’ny manasa-dalana.  
    Lire la suite ...
    • jeudi, 11 juillet 2019 09:38
    • Sary RFI

    Kitra-CAN 2019: Tafakatra amin’ny manasa-dalana i Nizeria

    Resin’i Nizeria 2 noho 1 tamin’ny minitra farany i Afrika Atsimo, nandritra ny lalao ampahefa-dalana natao halina. Ry zareo Nizeriana no nanokatra ny isa teo amin’ny faha-27 minitra tamin’ny alalan’i Samuel Chukwueze. Nosahalain’i Afrika Atsimo ny isa teo amin’ny faha-72 minitra tamin’ny alalan’i Bongani Zungu. Tany amin’ny iray minitra tsy hifaranan’ny fe-potoana ara-dalàna no nahatafiditra ny baolina faharoa i Paul Ekong, ka nitarika any amin’ny fandresen’i Nizeria. Nifarana teo ny dian’i Afrika Atsimo tamin’ity andiany faha-32 amin’ny fiadiana ny amboaran’i Afrika amin’ny baolina kitra ity. Tafakatra amin’ny manasa-dalana i Nizeria, ary hifandona amin’izay mandresy amin’i Alzeria sy Côte d’Ivoire anio alina. Miandry izay tafavoaka amin’ny lalaon’ny Barea an’i Madagasikara sy ny Voromahery Tonizianina kosa ny Senegaley amin’ny manasa-dalana, izay hatao amin’ny 14 jolay 2019.    
    Lire la suite ...
    • mercredi, 10 juillet 2019 14:19
    • Sary: MJS

    Fibatana fonjamby: Nandrombaka medaly volamena 5 tatsy Kenya ny Malagasy

    Namiratra ny solontena malagasy nandritra ny fiadiana ny tompondakan’i Afrika, amin’ny taranja fibatana fonjamby natao tatsy Kenya. Medaly volamena 5 miampy volafotsy 1 no vokatra azon’ny Atleta malagasy tany an-toerana. Ny fandraisana anjara tamin'io fiadiana ny tompondakan’i Afrika io dia anisany antoka hahazoana tapakila handraisana anjara amin’ny lalao Olympika hatao any Tokyo Japon amin'ny taona 2020.    
    Lire la suite ...
    • mercredi, 10 juillet 2019 14:04
    • Sary nindramina

    Nicolas Dupuis: Hotazomina hanazatra an’ny Barea

    Hotazomina ho mpanazatra an’ny Barea an’i Madagasikara hatrany i Nicolas Dupuis, aorian’ny CAN. Efa nisy dinika vita momba izany teo aminy sy ny filoha Andry Rajoelina, hoy ny minisitry ny tanora sy ny fanatanjahantena Tinoka Roberto. Hapetraka mazava ny karama amin’ny maha mpanazatra azy. Efa mitempo ho an’i Madagasikara rahateo ny fony. Hojerena dieny izao ihany koa ireo katita hoavin’ny kitra malagasy amin’ny fananganana Akademiam-pirenena momba ny fanatanjahantena, hoy hatrany ny minisitra Tinoka Roberto. Fantatra izao fa misy klioba telo ao Egypta te haka an’i Nicolas Dupuis ho mpanazatra. (Jereo Sary Tohiny)  
    Lire la suite ...
    • mercredi, 10 juillet 2019 13:14
    • Sary: MJS

    Lalaon’ny Nosy: Judokas 14 mianadahy no hiaro ny voninahitr’i Madagasikara

    16 ny delegasiona mandrafitra ny taranja judo, handray anjara amin’ny Lalaon’ny Nosy, hatao atsy amin’ny Nosy Maorisy manomboka amin’ny 19 jolay izao. Atleta ny 14 amin’ireo ka 07 lahy ary 07 vavy, miampy mpanazatra 02, avy amin’ny federasiona malagasy judo. Mitohy ny fanazaran-tenan’izy ireo. (Jereo sary Tohiny)  
    Lire la suite ...
    • mercredi, 10 juillet 2019 12:26

    Toamasina: Manohana an'ny Barea

    Mametraka « écran géant » efatra ao Toamasina ny Depiote Roland Ratsiraka. « Mba ho fanohanana ny Barea sy ho fanomezana fahafam-po ny vahoakan’i Toamasina », no antony araka ny nambarany ao amin’ny pejiny facebook. Ao Ankirihiry, Andranomadio, Tanamborozano ary Tanambao V no ametrahana an’ireo « écran géant » ireo, hanarahan’ny olona ny lalao ampahefa-dalàna, hihaonan’ny Barea an’i Madagasikara amin’ny Voromahery Tonizianina, rahampitso alakamisy 11 jolay manomboka amin'ny 10ora alina, ora aty Madagasikara.  
    Lire la suite ...
Page 7 sur 58