Sport

    • jeudi, 06 juin 2019 23:26
    • Sary nindramina

    Paris: Nosamborina, anaovan’ny Fitsarana frantsay fanadihadiana ny filohan’ny CAF, Ahmad

    Nalain’ny Polisy frantsay tao amin’ny “Hôtel de Berri”, hotely nipetrahany ao Paris, androany alakamisy 6 jona maraina i Ahmad Ahmad, filohan’ny Kaofederasiona afrikanina amin’ny baolina kitra (CAF), hanaovana fanadihadiana noho ny fitoriana nataon’ny orinasa Puma azy. Tsy faly tamin’ny nanapahan’ny CAF samirery ny fiaraha-miasa taminy ny orinasa alemana Puma, mpamatsy azy fitaovana ara-panatanjahantena, ka nosoloana orinasa frantsay Technical Steel, niantoka ny fampitaovana nampiasaina nandritra ny fiadiana CHAN 2018, na fiadiana ny tompondakan’i Afrika natokana ho an’ireo mpilalao tsy mila ravinahitra ivelan’ny fireneny.
    Lire la suite ...
    • jeudi, 06 juin 2019 16:26

    Kitra - Lalao ara-pirahalahiana: Barea vs Kenya

    Hiatrika lalao ara-pirahalahiana faharoa indray ny Barea rahampitso zoma 7 jona. Lalao tafiditra anatin’ny fanomanana ny fiatrehan’ny ekipam-pirenena malagasy amin’ny baolina kitra ny fiadiana ny Amboaran’i Afrika 2019, hatao any Egypta manomboka amin’ny 21 jona izao, ity hifandonany amin’ny Kenya ity. Ao amin’ny Stade Robert Bobin de Bondoufle, Frantsa ny lalaon’ny roa tonta. Samy mandray anjara amin’ny CAN 2019 i Madagasikara sy Kenya.  
    Lire la suite ...
    • jeudi, 06 juin 2019 14:46
    • Sary nindramina

    Kitra: Voafidy fanindroany ho filohan’ny FIFA i Gianni Infantino

    Nandritra ny kongresy faha-69 ny Federasiona iraisam-pirenena amin’ny baolina kitra tao Paris omaly no nandanian’ny mpizaika tamin’ny alalan’ny tsangan-tanana an’i Gianni Infantino, ho filoha hitantana ity rafitra ity mandritra ny efa-taona. Efa nahavita taom-piasana iray izy, ary kandida tsy nisy mpifaninana tamin’ny fifidianana natao ny alarobia 5 jona 2019.  
    Lire la suite ...
    • mardi, 04 juin 2019 16:49
    • Sary nindramina

    Kitra vehivavy – Amboara erantany: Iza no handimby toerana an’i Etazonia ?

    Hotanterahina any Frantsa ny 7 jona ka hatramin’ny 7 jolay 2019 ny andiany faha-8 amin’ny fiadiana ny amboara erantany amin’ny baolina kitra, sokajy vehivavy, karakarain’ny FIFA. Firenena miisa 24 no handray anjara, mitsinja amina vondrona enina. Tanàna miisa sivy no hilalaovana mandritra ny iray volana. Ny fifandonan’i Frantsa sy Korea Atsimo, ao amin’ny vondrona A, no hanokatra ny lalao amin’ny 7 jona 2019 ao amin’ny kianja « Parc des Princes ». Isaky ny efa-taona ny fifaninana, ary tamin’ny 1991 ny andiany voalohany natao tany Chine. Etazonia no nandrombaka ny amboara tamin’io. Efa in-telo voahosotra ho tompon’ny amboara ny bekintana, ary eo ampelantanany ny amboara farany tamin’ny 2015. Efa in-droa nandrombaka ny amboara i Alemaina ary efa samy voahosotra ho tompon’ny amboara in-dray mandeha avy i Norvezy sy Japon. (Jereo Sary Tohiny)  
    Lire la suite ...
    • mardi, 04 juin 2019 15:14
    • Sary nindramina

    Lionel Messi: Mpampidi-baolina be indrindra tamin’ny « Ligue des champions » 2018-2019

    Baolina miisa 12 no matin’i Lionel Messi (FC Barcelone) tamin’ny fiadiana ny tompondakan’i Eoropa amin’ny baolina kitra na « Ligue des champions ». Izy no mpampidi-baolina be indrindra nandritra taom-pilalaovana 2018-2019. Fanin’eniny izao Lionel Messi no voahosotra ho mpampidi-baolina tamin’ny « Ligue des champions ». Fanin’eniny ihany ko izy no nibata ny kiraro volamena na « soulier d'or » noho io hamaroan’ny baolina matiny io. Mpampidi-baolina faharoa manaraka azy i Lewandowski (Bayern Munich), 8 ny isan’ny baolina matiny. Teo amin’ny laharana fahatelo mitovy, samy namono baolina 6 avy i Agüero (Manchester City), Cristiano Ronaldo (Juventus Turin), Marega (Porto) ary Tadic (Ajax Amsterdam). (Jereo Sary Tohiny)  
    Lire la suite ...
    • lundi, 03 juin 2019 12:22
    • Sary nindramina

    Kitra - Lalao ara-pirahalahiana: Nirava ady sahala Madagasikara sy Luxembourg

    3 noho 3, io no isa nisarahan’i Madagasikara sy Luxembourg tamin’ny lalao ara-pirahalahiana natao omaly tao Luxembourg. Lalao tafiditra amin’ny fanomanan-tenan’ny ekipam-pirenena malagasy amin’ny baolina kitra mialoha ny hiatrehana ny CAN 2019 hatao any Egypta. Efa nitarika an’isa 3 noho 1 ny Barea Madagasikara, no nosahalain’i Luxembourg tany amin’ny minitra farany ny baolina roa nisesy. Hiverina ao Lisses (Essonne – Frantsa) indray ny Barea manohy ny famondronana, mialoha ny hiatrehany ny lalao ara-pirahalahiana faharoa hifandonany amin’i Kenya, amin’ny zoma 7 jona izao. Tsy nisy fampitana mivantana tamin'ny fahitalavitra ny lalao araka ny fampitam-baovao nataon'ny Comité de normalisation.  
    Lire la suite ...
    • dimanche, 02 juin 2019 17:15
    • Sary nindramina

    Kitra - Telma Coupe de Madagascar: Lasan'ny Fosa Junior FC ny amboara

    Voahosotra ho tompon'ny amboaran'i Madagasikara tamin'ity taom-pilalaovana 2019 ity ny Fosa Juniors FC Boeny rehefa nandavo ny CNaPS Sport Football Itasy, tamin'ny isa 1 no ho 0 tamin'ny lalao famaranana notanterahina androany teo amin'ny Kianja Monisipaly Mahamasina Antananarivo. Baolina tokana matin'i Sambatra, tany amin'ny fanalavam-potoana, no nitondra an'ny Fosa Junior FC nankany amin'ny fandresena. (Jereo Sary Tohiny)  
    Lire la suite ...
    • dimanche, 02 juin 2019 14:13
    • Sary nindramina

    Kitra: Tompondakan'i Eoropa i Liverpool

    Ny fandresen'i Liverpool an'isa 2 noho 0 nanoloana an'i Tottenham tamin'ny lalao famaranana natao tao Madrid ny alin'ny 1 jona 2019 no nahavoahosotra an'i Liverpool ho Tompondakan'i Eoropa amin'ny baolina kitra ho an'ny taom-pilalaovana 2018-2019. Fanin'enina izao no naha tompondaka an'i Liverpool.  
    Lire la suite ...
    • samedi, 01 juin 2019 13:21
    • Sary nindramina

    UEFA Champions League: Famaranana Tottenham - Liverpool

    Hotanterahina anio alina ao amin’ny kianja Estadio Metropolitano ao Madrid renivohitr’i Espaina ny lalao famaranana amin’ny fiadiana ny tompondakan’i Eorôpa amin’ny baolina kitra. Famaranana ny andiany faha-64 izy ity hifandonan’ny klioba anglisy roa dia Tottenham sy Liverpool. Sambany ho an’ny Tottenham no tonga amin’ny dingana famaranana toy izao, raha mikendry ny handrombaka fanin’eniny ny tompondaka i Liverpool. Efa in-170 no nifandona i Tottenham sy Liverpool tamin’ny lalao rehetra nandraisan’izy ireo anjara, ka nandresy in-79 ny les Reds (Liverpool) raha fandresena in-78 ho an’ny Spurs (Tottenham). In-43 nirava ady sahala samy tsy nitoko ny ekipa roa tonta.
    Lire la suite ...
    • samedi, 01 juin 2019 10:34
    • Sary nindramina

    Kitra CAN 2019: Manomantena any Frantsa ny Barea Madagasikara

    Nanomboka omaly ao Lisses (Essonne – Frantsa) ny famondronana voalohany ny ekipam-pirenena malagasy amin’ny baolina kitra, ho fanomanana ny fiatrehana ny fifaninana kaontinantaly, iadiana ny amboaran’i Afrika, hatao any Egipta ny 21 jona hatramin'ny 19 jolay. Hihazo avy hatrany an'i Luxembourg ny Barea aorian’izay, hiatrika ny lalao ara-pirahalahiana amin’ny ekipan’io firenena io rahampitso alahady 2 jona. (Jereo Sary Tohiny)
    Lire la suite ...
Page 3 sur 46