Sport

    • jeudi, 20 juin 2019 11:08

    Kitra - CAN 2019: Mpilalao amin’ny « Ligy 1 » frantsay ny 88 mandray anjara

    Mila ravinahitra any Frantsa ny 88 amin’ireo mpilalao mandray anjara amin’ny CAN 2019, any Afrika Atsimo ny 46 ary any Angletera ny 41. Ireo no ligy telo voalohany voasolotena be indrindra amin’ity fiadiana ny Amboaran’i Afrika 2019 ity.  
    Lire la suite ...
    • mercredi, 19 juin 2019 11:23
    • Sary nindramina

    Kitra- CAN 2019: Tonga ao Egypta ny Barea

    Nigadona tao Caire any Egypta alina ny ekipam-pirenena malagasy amin’ny baolina kitra na Barea, hiatrika ny fiadiana ny Amboaran’i Afrika amin’ny baolina kitra, izay hanomboka amin’ny zoma 21 jona izao. Vonona ara-tsaina, ara-batana ny solontena malagasy, izay sambany handray anjara amin’ny CAN. Tsy voasokajy ho ekipa andrarezina ny Barea, horaketin’ny tantara anefa izao idiran’i Madagasikara amin’ny ekipa 24 sangany aty Afrika izao. Barea an’ny Malagasy !    
    Lire la suite ...
    • mardi, 18 juin 2019 11:47
    • Sary nindramina

    Kitra – CAN 2019: Hiazo an’i Egypta ny Barea

    Tapitra ny fampivondronana fahatelo nataon’ny Barea tany Maroc. Hiazo an’i Egypta ny ekipam-pirenena Malagasy amin’ny baolina kitra, haka volontany, mialoha ny hiatrehany ny fiadiana ny Amboaran’i Afrika taona 2019. Amin’ny sabotsy 22 jona alina no hiatrika ny lalao voalohany ny Barea, hifandona amin’ny Guinée.  
    Lire la suite ...
    • lundi, 17 juin 2019 21:07

    Kitra – CAN 2019: Notoloran’ny orinasa “Accords Knits” 20 tapitrisa Ariary ny Barea

    Narotsaka ao amin’ny kaonty tahiry "Spécial CAN" ho fanohanana ny ekipam-pirenena Malagasy amin’ny baolina kitra amin’ny fiatrehany ny fiadiana ny Amboaran’i Afrika taona 2019, atao any Egypta ny 21 jona ka hatramin’ny 19 jolay 2019. Nisy, androany, ny fifanaovan-tsonia ny fifanarahana mikasika izany teo amin’ny « Comité de Normalisation pour la FMF » sy ny orinasa « Accords Knits ».  
    Lire la suite ...
    • lundi, 17 juin 2019 19:46

    Kitra CAN 2019: Mangataka ny ahafahan'ny rehetra mijery azy

    Mankasitraka ny fitondrana nanao ezaka ahitana ny CAN iray manontolo amin'ny fahitalavitra, Mbola mangataka amin'ny anaran'ny maro, raha mbola azo atao ny mifampiraharaha amin'ireo tompon'antoka amin'izany, mba ho azo alefa amin'ny canal+, blueline, startimes, TVM sur facebook, satria ny olona tsy mahita TVM fotsiny. Ambiance goavana izy io, betsaka ny tsy manana télé, na manana fa hafa ihany ny miaraka, raha mba azo atao ny mandefa azy ankalaman-jana, eny amin'ny parvis Hotel de ville ireny, tranom-pokonolona, ny bistrot sy restaurant, na eo amin'ny kianjaben'ny Mahamasina.
    Lire la suite ...
    • samedi, 15 juin 2019 15:07

    Kitra: Faha-108 manerantany i Madagasikara

    Nihemotra, very laharana iray i Madagasikara araka ny fandaharana sy fikilasiana nataon'ny Federasiona iraisam-pirenena momba ny baolina kitra (FIFA) ny 14 jona 2019.  
    Lire la suite ...
    • vendredi, 14 juin 2019 22:18
    • Sary nindramina

    Kitra-CAN 2019: Madagasikara 1 – 3 Maoritania

    Niondrika an’isa 3 noho 1 nanoloana an’i Maoritania androany i Madagasikara, nandritra ny lalao ara-pirahalahiana natao tany Marrakech Maroc, tafiditra amin’ny fanomanan-tenan’ny ekipam-pirenena Malagasy amin’ny baolina kitra hiatrehany ny fiadiana ny Amboaran’i Afrika hatao any Egypta. Lalao ara-pirahalahiana telo no natrehin’ny Barea nanomboka tamin’ny 2 jona 2019. Ady sahala iray (3-3) nanoloana an’i Luxembourg, faharesena in-droa nisesy 0-1 nanoloana an’i Kenya ary 1-3 tamin’i Maoritania. Amin'ny 22 jona 2019 ny lalao voalohany amin'ny CAN hatrehin'ny Barea, lalao ifandonany amin'i Guinée.  
    Lire la suite ...
    • vendredi, 14 juin 2019 08:38
    • Sary nindramina

    CAN 2019 – Lalao ara-pirahalahiana: Madagasikara vs Maoritania

    Hihaona amin'ny lalao ara-piralahiana ao Maroc anio i Madagasikara sy Maoritania, ekipa roa samy sambany vao handray anjara amin'ny CAN. Lalao fitsapana fahatelo sady farany hatrehin’ny Barea io, mialoha ny hiatrehana ny CAN. Aorian'ity lalao ity no hivoaka ny lisitr’ireo mpilalao 23 handrafitra ny ekipam-pirenena malagasy amin’ny baolina kitra ho any Egypta.  
    Lire la suite ...
    • jeudi, 13 juin 2019 20:59
    • Sary nomena

    Haiady fitaizam-batana: Roa taona izao no nidiran’ny “Aero-kick” teto Madagasikara

    Maître Kelly Rasoanaivo no nampiditra ny “Aero-kick” teto Madagasikara. Haiady fitaizam-batana amin'ny alalan'ny mozika sy fihetsika “kick-boxing” ny “Aero-kick”, izay ao anatin'ny WAKA sy WAKO Nosokafan’ny Aero-kick Rossary ho an'ny daholobe ny fiangaliana azy ity, tamin'ny 8 jona 2019 teo, mifanindran-dalana indrindra amin’ny fankalazana ny faha-25 taonan’ny Club Rossary, izay anasana ireo tia mitaiza vatana rehetra na lahy na vavy isaka ny Alatsinainy, Alarobia ary Zoma amin’ny ora isafidianana : 6h30-7h30 na 12h30-13h30 ary ny Sabotsy amin'ny 9h-10h ao amin'ny Dojo Rossary Mahamasina. (Jereo Sary Tohiny)    
    Lire la suite ...
    • mercredi, 12 juin 2019 22:03

    Kitra: Hatao amin’ny 24 Aogositra ny fifidianana filohan'ny FMF

    Nivoitra io androany, nandritra ny fivoriambe nataon’ny Comité de Normalisation tao amin'ny Carlton Anosy – Antananarivo, niaraka tamin’ireo filohan’ny ligim-paritry baolina kitra miisa 21. Misokatra ny 12 jona ka hatramin'ny 12 jolay 2019 ny fametrahana firotsahan-kofidiana ho filohan'ny FMF (Federasiona Malagasy ny Baolina kitra). Hotanterahina amin’ny 24 Aogositra 2019 ny fifidianana. Tamin’ny fiandohan’ny volana novambra 2018 no efa nokasaina natao ny fifidianana filohan’ny FMF saingy tsy tanteraka noho ny tsy fahatrarana ny fetr’isa sy ny disadisa tamin’ny mpifidy sy ny mpikarakara fifidianana, talohan’ny nanendren’ny FIFA ny Comité de Normalisation. Sivy ny kandida tamin’izay, saingy nisy niala an-daharana.  
    Lire la suite ...
Page 2 sur 47