Sambava: Tafapetraka ny Parlemantan'ny Ankizy

  • lundi, 30 octobre 2017 13:05

Voafidy ho Parlemanteran'ny Ankizy aty amin'ny Faritra SAVA i Franklin Emmanuel Josoa. Kilasy 4ème ao amin ny CEG Antanifotsy izy, nahazo salanisa 58% tamin’ny latsa-bato. Manampy azy i Tera Marie Carole, mpianatry ny sekoly Katolika Jean Wolf. Tamin’ny salanisa 64% kosa no nahavoafidy azy taorian’ny fihodinana faharoa nifanandrinany tamin-dRazafindramanana Bevavy Jasna, natolotry ny sekoly tsy miankina Orchidée.

Nisy 50 ireo nanatitra antonta-taratasy filatsahan-kofidina fa taorian’ny fanadihadiana am-bava natao azy ireo, dia 8 no afaka nisafidianana.

Ao anatin’ny roa taona tsy azo havaozina ny faharetan’ny maha mpisolovavan’ny ankizy eo anivon’ny Parlemantan’ny Ankizy azy ireto raha araka ny sori-dalana avy amin’ny Ministeran’ny Mponina izay mpiahy azy ireo.

Mpifidy vaventy miisa 50 izay avy eny anivon’ny sekoly, fikambanana ary ONG no mifidy azy ireo.

Notanterahina tao amin’ny EPP Sambava-Centre ny fifidianana ny faran’ny herinandro teo, ary natrehin’ireo mpiahy ny sekoly na fikambanana na ONG izay nanolotra azy ireo miaraka amin’ny Ray aman-dreny.

Manerana ny Faritra 22 eto Madagasikara no hametrahana ity rafitra vaovao ity ka Ankizy Parlemantera miisa 46 no andrasana.

Nanambara moa ny Talem-paritry ny mponina aty SAVA, Bevazaha Marion fa ‘’anisany andrasana amin’ireto ankizy parlemantera ireto ny ady amin’ireo herisetra amin’ny endriny rehetra mpahazo ny ankizy Malagasy, eo koa ny hahafahan’izy ireo haneho hevitra fa tsy tampenam-bava amin’ny zava-miseho, eny na dia eo anivon’ny firenena aza, mba hahafahan’ireo hamolavola ny hoaviny’’.

 

Commentaires (26)
Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.
 
 
B1 - Polyclinique
B2 - Toa