Sociale

    • lundi, 19 février 2018 08:12
    • Sary Gasypatriote Mahajanga

    Jono: Hentitra ny fanaraha-maso aty Boeny

    Hentitra ny sampandraharaham-paritry ny jono eto Boeny amin'ny fanaraha-maso ireo mety ho endrika tsy fanarahan-dalana rehetra miseho. Makamba lena maherin'ny 50 kilao no noraofin'ireo mpanao fisavana teny Morafeno bazary Mahabibo. Mbola mikatona ny fanjonoana makamba hatreto ary efa nanaovana fampahafantarana izany fikatonana izany. Efa tokony nanao fanambarana tany amin'ny sampandraharaham-paritry ny jono ireo mpanangom-bokatra sy trano fandraisam-bahiny manana tahiry.
    Lire la suite ...
    • lundi, 19 février 2018 08:05
    • Sary Gasypatriote Vangaindrano

    Vangaindrano: Namboly hazo ny fianakaviamben’ny fampianarana

    Andro natokana hambolen-kazo ho an'ny fianakaviamben'ny Ministeran'ny Fanabeazam-pirenena ny Zoma 16 Febroary. Ho an’ny Fari-piadidiam-pampianarana (Cisco) Vangaindrano, DREN Atsimo Atsinanana dia teto amin’ny EPP Tsiately no nosafidiana nanatanterahana izany. Nitarika ny ekipa tamin’izany fambolen-kazo izany ny lehiben’ny Cisco Vangaindrano Rakotonirina Christopher.  
    Lire la suite ...
    • lundi, 12 février 2018 12:24
    • Sary Gasypatriote Mahajanga

    Mahajanga: Fa inona ity Assanati famo gidraka ity ?

    Maro ny fanontaniana mipetraka mahakasika ity fikambanana Assanati famo gidraka ity. Teto Mahajanga no niantombohany ary tsy vao izao no nisiany fa efa an-taonany maro. Tovovavy zanak'i Mahajanga vato nasondrotry ny tany ary mipetraka any ivelany no nanorina azy sy mbola mpitantana azy ankehitriny. Asa sosialy sy fanampiana ny mpiara-belona madiodio no tanjona fa tsy misy idiran'ny resaka politika, tsy misy mpamatsy vola na fanampiana avy any ivelany fa ramatoa Assanati no mampiodina izany fikambanana izany.
    Lire la suite ...
    • samedi, 10 février 2018 08:58

    Jiron'ny Jirama: Niaka-bidy 45% ary foanana ny tarif social première tranche

    Ny orinasa JIRAMA dia mampafantatra ny mpanjifa rehetra fa nanomboka ny volana janoary 2018 no nihatra ny fampiakarana ny vidin-jiro. Ny fanjifana volana desambra 2017 no iharan'izany ary faktiora voarain’ny mpanjifa nanomboka ny volana janoary no ahitana izany fiakarana izany. Tsy iharan’io fisondrotana io ny mpanjifa manana fandaniana latsaky ny 25kWh. Raha mihoatra io kosa ny fandaniana, dia ilay fandaniana amboniny 25kWh no takiana amin’ny saran’ny « deuxième tranche ». Kajiana amin’ny vidin-jiro tokana ny fandaniana ataon’ireo mpanjifa mampiasa fitaovana an-tokantrano (usage domestique) mihoatra ny 3 kW. Izany hoe, tsy mihatra intsony ny « Première tranche » sy ny « Deuxième tranche ». Marihina fa efa nisy ny fifampidinihina tamin’ireo mpanjifa isan-tsokajiny talohan’ny fampiharana ny fisondrotana.
    Lire la suite ...
    • vendredi, 09 février 2018 16:45
    • Sary Gasypatriote Mahajanga

    Asa soa: Mitohy ny fanampiana ataon’ny Assanati Famo Gidraka

    Nifanosehana ny fanaterana antotan-taratasy hidirana ho mpikambana ao amin'ny Assanati Famo Gidraka eto Mahajanga. Omaly tolakandro teo no nandraisana ireo olona sahirana maniry hisitraka ny asa soa ataon'ny fikambanana. Mahatratra 1425 ireo mpikambana eto Mahajanga ankoatra ireo any amin'ny faritra samihafa. Ho fanamarihana sy fiarahabana ireo mpikambana rehetra nahatratra ny taona dia nozaraina vary isan'olona ireo rehetra tonga niaraka tamin'ny karatra maha mpikambana ary teo no ho eo ihany koa dia nahazo ny anjarany ireo nahafeno fepetra.
    Lire la suite ...
    • jeudi, 08 février 2018 16:35
    • Tahirin-tsary Gasypatriote Sambava

    Sambava: Ahiana ny fitsaram-bahoaka

    Nanaitra ny mponina ary lasa resabe eto Sambava ny nahitana sahady ilay "Patron" izay tratra ambodiomby nikarakara lavanila tsy mbola matoy nilanja 250kg tao amin'ny trano fonenany tao Antanifotsy II Sambava. Niainga avy tamin’ny loharanom-baovao avy tamin’olona tsara sitrapo no nahafahan'ny Zandary avy amin’ny GAPJ (Groupe d’Appui de la Police Judiciaire) nanao be midina ary akory ny hagagana fa indreo tokoa ny lavanila tsy matoy nilanja 250kg izay mitentim-bidy 250.000.000 Ariary raha kely indrindra.
    Lire la suite ...
    • mercredi, 07 février 2018 19:53
    • Sary Gasypatriote Mahajanga

    Assanati Famo Gidraka: Hifety mandritra ny 7 andro

    Vory lanona eto Mahajanga avokoa ireo solontena mpitarika ny fikambanana Assanati Famo Gidraka avy any amin'ny faritra maro (Antsiranana, Vohémar, Antsirabe, Toamasina, Fenoarivo Atsinanana, Fianarantsoa...). Hanatanteraka fifampiarahabana tratra ny taona 2018 no anton'io hetsika izay atao mandritra ny herinandro io. Ny tolakandro teo ary no nanokafana izany ka nisy ny fanesena omby matavy avy amin'ny filoham-boninahitry ny Fikambanana, ramatoa Assanati. Niainga teny Tsararano ny diabe ary nihazo ny Lapan'ny Tanànan'i Mahajanga.
    Lire la suite ...
    • dimanche, 04 février 2018 16:40
    • Sary Nomena

    Miandrivazo: Nitondra fanampiana ho an'ireo traboian'ny AVA ireo mpisera-dia aty Antsirabe

    Vokatry ny fandalovan’ny rivodoza AVA farany teo, dia nisy ny fiakaran’ny renirano izay niteraka fahasimban’ireo toeram-ponenana maro manamorona ny reniranon'i Mahajilo, ary indrindra ny fambolen’ireo mponina tao amin’ny kaominina maro mandrafitra ny Distrikan'i Miandrivazo. Nahatsiaro ho nanana adidy ny “Fivondronamben’ireo mpisera-dia (guide touristique) taty Antsirabe ka nikarakara hetsika tolo-tànana izay nifarimbonana sy nandraisan’ireo mpisehatry ny fizahantany rehetra anjara, toy ny Tour opérateur, hôtelier, restaurateur ary ireo mpisera-dia …
    Lire la suite ...
    • mercredi, 31 janvier 2018 20:30
    • Sary Gasypatriote Sambava

    Sambava: Mahazo vahana ny fitokonana maro samihafa

    Nobahanan’ireo Taxi-Bajaj ny lalam-pirenena RN5A teto Antaimby-PMU, androany mitatao vovonana. Taorian’izay dia niaraka nitanjozotra nihazo ny toerana malalaka akaikin’ny Soavoanio izy ireo. Nitaky zavatra maromaro amin’izay mety ho tompon’andraikitra voakasika izany izy ireo. Misakana ireo fiara taxi-brousse mba tsy hivezivezy handray mpandeha ao anatin’ny faritra hiasan’ny taxi-ville ho valin-kafatra tamin’ny fitokonana nataon’ireo taxi-brousse hisakanana ny Taxi-Bajaj tsy hivoaka ivelan’ny tampon-tananan’i Sambava ihany koa. Dia tsy nahafaly azy ireo ihany koa ny namerenan’ny mpitandro filaminana azy ireo tsy ho any Antohomaro, faran’ny tananan’i Sambava na dia efa manana “autorisation” hahafahana hivoaka hatreny aza. Nitaky ny fanavaozana ny biraon’ny coopérative taxi-ville ihany koa izy ireo.  
    Lire la suite ...
    • mardi, 30 janvier 2018 20:51
    • Sary Gasypatriote

    Carlton: Fanodinana Cacao maharitra eto Madagasikara - Conseil National du Cacao

    Notanterahina teny amin’ny Carlton Anosy io maraina io ny seminera lehibe izay andraisan’ireo mpamokatra sy mpanondrana Cacao anjara. Nanomboka androany faha 30 janoary izy ity ka tsy hifarana raha tsy ny 01 febroary ho avy izao. Anisan’ny mpiombon’antoka amin’izany moa, izay tarihin’ny mpikarakara ny Conseil National du Cacao de Madagascar, ny ao amin'ny FOFIFA, ny Cirad, ny PIC, ny orin’asa Valrhona, ny groupe Ramanandraibe ary ny Millot.  
    Lire la suite ...
Page 7 sur 154