Sociale

    • mercredi, 29 mars 2017 13:19
    • Tahirin-tsary Sobika

    Fianarantsoa : Maty "niti-fitena" ilay miaramila

    Miaramila iray, 24 taona, miambina ny trano fonenan'ny Senatera eny Tanambao no voalaza fa nitifitena noho ny fahadisoam-panantenana. Nitranga ny alin'ny alatsinainy hifoha ny omaly talata izany ka iaretan-tory ao amin'ny Toby Faritany miaramila faharoa ny razana amin'izao fotoana izao. Loharanom-baovao vitsivitsy no nahenoana fa resaka fampanantenana asa tsy tanteraka no nahatonga izany famoizam-po tao anaty fisotroana zava-mahamamo izany. Voalaza fa nanapoapoaka basy ity miaramila mpiambina ity ka ny bala faha-14 no natodiny tamin'ny tendany ka nivoaka tany an-tampon-dohany. Betsaka ny resaka sy ahiahy manodidina ity raharaha somary atrehana mangingina ity. Ny fanadihadihana lalindalina no hamoaka fanampim-baovao momba izany.  
    Lire la suite ...
    • mercredi, 29 mars 2017 12:31
    • Sary Sobika Ambatondrazaka

    Manakambahiny Andrefana : Hetsika kopia faobe

    Ankizy miisa 250, manodidina ny herintaona hatramin’ny 17 taona, no nahazo kopia nahaterahana nandritra ny hetsika nokarakarain’ny Rotary Club du lac Alaotra sy ny Soroptimist ary ny Fitsarana ambaratonga voalohany Ambatondrazaka ny faran’ny herinandro teo. Nanambara ny filoha’nny Rotary Club Lac Alaotra, Rafaralahizaka Joba Fanantenana fa mbola hitohy ny ezaka fanomezana kopia satria betsaka ireo ankizy zanaky ny faritra Alaotra no tsy manana kopia nahaterahana.  
    Lire la suite ...
    • mercredi, 29 mars 2017 12:20
    • Sary Sobika Ambatondrazaka

    Manakambahiny-Ambatondrazaka : Ankizy 450 nisitraka ny Tetikasa Ankizy Krisimasy

    Ankizy 5 taona hatramin’ny 14 taona avy amin’ny Fiangonana samihafa ao amin’ny Kaominina Atsangasanga sy Manakambahiny Ouest izy ireo, no nitsinjarana ireo kilalao avy any amin’ny Samaritan’S Purse any Etazonia.  
    Lire la suite ...
    • mardi, 28 mars 2017 21:35
    • Sary Sobika Mahajanga

    Lisea Philibert Tsiranana Mahajanga : Nankalaza ny Taom-baovao malagasy

    Niavaka, nahavariana ny maro ny fomba nentin'ny mpianatra sy ny mpanpianatra ary mpanabe rehetra tao amin'ny lisea Philibert Tsiranana Mahajanga androany. Fitafy malagasy no nanaovan'ny rehetra, samy naneho ny karazana fitafiana malagasy isam-paritra. Tanjona ny fiezahana hamerina an-tsain'ny tsirairay ny fomban-drazana sy ny kolontsaina maha malagasy. Sambany no nanaovana hetsika toy izao teo anivon'ny sekoly na dia efa ela aza no nanamarihana ny taom-baovao malagasy. Nahasanganehana rahateo ny tsy fitovian'ny daty fankalazana ny Taom-baovao malagasy izay samy manana ny azy. Nahafinaritra ireo mpianatra ny hetsika ary maniry ny hanamarihana izany hatrany Izy ireo isan-taona.  
    Lire la suite ...
    • lundi, 27 mars 2017 12:11
    • Photo d'Archives Net

    Commémoration du 29 mars : Une exposition à Ampefiloha

    Dans le cadre du 70e anniversaire de la révolution du 29 mars 1947, une exposition afin d’immortaliser l’histoire de Madagascar ainsi que celle des anciens combattants, est organisée par le ministère de la Communication à la bibliothèque nationale d’Ampefiloha. Ayant participé à l’ouverture de l’exposition, ce jour, le Premier ministre Olivier Mahafaly Solonandrasana a lancé un appel à l’amour de la patrie.
    Lire la suite ...
    • lundi, 27 mars 2017 10:52
    • Sary Sobika Fianarantsoa

    Ambalavao Tsienimparihy: Asa filatsahana an-tsitrapo

    Nanatanteraka iraka momba ny fahasalaman'ny ativava ireo mpitsabo nify avy ao amin'ny fikambanana AMALGACHE-Belgique ny herinandro lasa teo. Mpilatsaka an-tsitrapo mitotaly 11 izy ireo no tonga nanao hetsika fitsaboana sy fanalàna nifin'ny mpianatra avy amin'ny sekoly 25 eto an-tanànan'Ambalavao. Tsy andoavam-bola ny hetsika notontosaina. Ary mpianatra 60 isaky ny tapak'andro no nisitraka izany tao anatin,ny herinandro. Ny fikambanana HAFA, izay tarihin'i Marie Zénaïde LECHAT Ramampy, no mpiaramiasa amin'ireo mpitsabo nify ireo nandritra ny 20 taona. Tanterahina isaky ny roa taona ny hetsika. Nampiantrano izany tamin'ity indray mitoraka ity ny toeram-pianarana Les Bambins Juniors.    
    Lire la suite ...
    • samedi, 25 mars 2017 11:12
    • Sary Njaka

    SAMADA - Douane : Mifanitsaka andraikitra

    Mitaraina ny sendikan'ny mpiasan'ny fadin-tseranana fa misy ny fanitsahana andraikitra eny amin'ny aéroport sy port. Fantatra anefa fa rehefa mivoaka ny harem-pirenena dia mifanilaka andraikitra ny eny amin'ny fadin-tseranana. Fisavana ara-ekonomika no hataon’ny mpiasan’ny ladoany fa tsy hitambarany na amin’iza na amin’iza.
    Lire la suite ...
    • samedi, 25 mars 2017 10:55
    • Sary Sobika Mahajanga

    Fonja Marofoto Mahajanga : Nahazo lehiben'ny fonja vaovao

    Efa nanomboka nandray ny asa amin'ny maha lehiben'ny fonjan' i Marofoto azy Randrianantenaina Jean Claude izay voatendry hisolo toerana ny teo aloha. Nitantana nandritra ny 4 taona mahery i Randrianantoanina, lehiben'ny fonja teo aloha ary ao Marofoto ihany no hanohy ny asa amin'ny mpandraharahan'ny fonja azy saingy any amin'ny sampandraharaha misahana ny fanarenana sy fitaizana ireo voafonja.
    Lire la suite ...
    • vendredi, 24 mars 2017 11:33
    • Sary nindramina fampihaingoana

    MAROAMBIHY-Sambava : Raikitra ny sakoroka, olona iray tsy hita popoka

    Fahatratrarana olona iray nilanja gony nisy lavanila halatra tao Andranomifototra, Kaominina Maroambihy no niandohany omaly. Nosamborin'ny Fokonolona ihany koa ny mpandray ny entana halatra. Saika hampiharan'ny Fokonolona fitsaram-bahoaka izy roalahy ireo saingy nisy nampandre ny Zandary ka tonga ara-potoana naka azy ireo, nentina hatao famotorana eto Sambava.
    Lire la suite ...
    • jeudi, 23 mars 2017 12:09
    • Sary Njaka

    EPP Antanimbarinandriana : Notokanana ny centre bibliothèque sy Multimédia

    Notokanana omaly ny centre bibliothèque sy Multimedia EPP Antanimbarinandriana izay notronin’ireo manam-pahefana maro, notarihin’ny filohan’ny repoblika sy ny governemanta miaraka aminy. Tsy tonga nanatrika izany kosa ny ben’ny tanàna an’Antananarivo, Lalao Ravalomanana satria ity ilay tany izay nampifanolana ny Kaominina an’Antananarivo sy ny fitondram-panjakana izay lasa resa-be.
    Lire la suite ...
Page 6 sur 119
B1 - Polyclinique
B2 - Toa