Sociale

    • mardi, 03 janvier 2017 11:26
    • Sary Sobika Antsirabe sy sary nindramina

    Ilempona : Fiara sprinter iray nifatratra tamina kamiao

    Nandriaka ny rà tamin’ny lalam-pirenena faha 7 ny harivan’ny alatsinainy 2 janoary 2017. Fiara spriter iray avy any Tsarazaza-Fandriana no nifandona tamin’ny kamiao avy any Antananarivo, teo avaratr'Ilempona tokony ho tamin’ny 3 ora sy sasany tany ho any. Vokany: 3 no maty tsy tra-drano ka ny mpamily ilay sprinter ny iray ary mpandeha ny roa, araka ny tatitra azo.
    Lire la suite ...
    • lundi, 02 janvier 2017 14:36
    • Sary Sobika Toamasina

    Bazary May - Ankirihiry Toamasina : May ny 01 janoary 2017 misasakalina

    Hatairana ny an’ny rehetra tamin’ny nisehoan’ny loza nahatsiravina nahamay ny tsenan’Ankirihiry taty Toamasina ny alina teo tamin’ny 12 ora sy sasany tany ho any. “Mbola may koa ny bazary Ankirihiry”.Efa fanindroany mantsy izao ny nahamay ity toerana ity, satria tamin’ny taona 2008 dia efa may koa izany tsena izany. Vola tsy toko tsy forohana no fatiantoka tamin’izany satria saiky mpanao asa tanana sy mpivarotra na lasopy na koa zava-pisotro misy alikaola sy ny hafa no tamin’io toerana io ankoatra ireo olona mipetraka ao. Tokantrano teo amin’ny 60 isa teo no indray nafoy tsy nisy noraisina ny alin’iny hoy ny filoha lefitra ny fokontany cité Haras parcelle 11/31 izay teo an-toerana nandritra ny fotoana nanaovana ny fanadihadiana. Ary tokantrano iray nisy olona efa mamomamo nandrehitra afo labozy tsy voafehy no niantombohan’ny fahamaizana.
    Lire la suite ...
    • samedi, 31 décembre 2016 21:21
    • Tahirin-tsary Sobika Toamasina

    Fisoratam-panambadiana 2016 : Nahatratra 511 ny teto Toamasina, ka vahiny nanambady Malagasy ny 118 tamin’ireo

    Nisy fihenany 10% eo niohatra ny tamin’ny taon-dasa ireo niroso tamin’ny fisoratam-panambadiana teo anivon’ny Kaominina ambonivihitr’i Toamasina tamin’iny 2016 nivalona iny. Tamin’ireo 511 vita soratra dia vahiny nanambady Malagasy ny 118 ka saika Frantsay ny ankamaroany, ary 393 kosa ireo samy Malagasy nifanambady. Ho an’ny fisaraham-panambadiana kosa dia niisa 49 no efa namoahan’ny Fitsarana didim-pitsarana. Ankoatra ny fijangajangana izay mitana ny loha-laharana amin’ny antony fisarahana dia misy ny mitsoaka tsotra izao ny tokantrano.  
    Lire la suite ...
    • vendredi, 30 décembre 2016 11:41
    • Sary Sobika Sambava

    Antohomaro - Sambava : Mpanjono iray hita faty teo amondron-drano

    Dafotsy Severin, raim-pianakaviana 43 taona, no hita faty teo amoron-drano omaly mitatao vovonana. Mpanjono roa lahy handeha hanjono no nahita ny razana nitsikafona teo, ka nampandre ny tany an-tanàna izay vao samy taitra ny fianakaviana rehetra izay nanana raim-pianakaviana tsy tao an-trano satria foto-piveloman’ny olona eto amin’ny Fokontany Antohomaro, Kaominina Farahalana ny jono. Mbola nisy nahita azy teto an-tanàna ny alarobia tamin’ny 6ora hariva ka tombanana hoy ny maro fa mety ho mangiran-dratsy no nandehanany niandriaka mba handeha hanjono.
    Lire la suite ...
    • vendredi, 30 décembre 2016 11:39
    • Sary nindramina fampihaingoana

    Ambodisandra, Kaominina Andreamalama : Olona roa matin’ny dahalo, miaramila roa takalon’aina

    Miaramila roa notanan’ny dahalo, olon-tsotra roa lavon’ny balan’ny mpanafika, naverin’ireo dahalo ny basy telo andro aty aoriana… Hafahafa ihany ! Tao amin’ny Fokontanin’Ambodisandra, Kaominina Andreamalama, Distrikan’Isandra no nitranga ny raharaha ny alin’ny Krismasy hifoha alatsinainy lasa teo. Miaramila miisa dimy avy ao amin’ny DAS na ny « Détachement Armé de Sécurité » no nanaradia niaraka tamin’ny Fokonolona rehefa nahazo koka tao amin’io fokontany io.
    Lire la suite ...
    • vendredi, 30 décembre 2016 11:21

    Namorona – Mananjary : Zandary « Chef de Poste Avancé » matin’ny fitsaram-bahoaka, iray hafa naratra mafy

    Namorona – Mananjary : Zandary « Chef de Poste Avancé » matin’ny fitsaram-bahoaka, iray hafa naratra mafy Zandary iray, dia ny GP2C Fanambina Marcellin, « Chef de Poste Avancé » ao amin’ny Kaominina Ambanivohitr’i Namorona, Distrikan’i Mananjary no maty novonoin’ny andian’olona nitaky fitsaram-bahoaka ny 29 desambra 2016 tamin’ny 9 ora sy sasany noho ny nanatanterahany an-tsakany sy an-davany ny asany. Zandary iray hafa koa no naratra mafy tamin’izany. Ny 29 desambra 2016 tamin’ny 1 ora maraina, nandritra ny fisafoana tanàna nataon’ny Zandary niaraka tamin’ny filohan’ny Fokontany dia voasambotra ny lehilahy iray izay nokarohana noho ny fandoroana trano nataony rehefa avy nifoka rongony.
    Lire la suite ...
    • vendredi, 30 décembre 2016 09:44
    • Sary nomena

    Hopitaly Androva-Mahajanga : Nahazo kidoro 20 avy amin’ny mpianatra

    Kidoro miisa 20 no natolotry ny fikambanan’ny mpianatra iray ho an’ny Hopitaly PZaGa Androva ny alarobia 28 desambra 2016. Tonga nandray ny fanomezana teny an-toerana ny Lehiben’ny Faritra Boeny, Saïd Ahamad Jaffar, ny tale sy ireo solotenan’ny mpiasan’ny CHU Androva. Amin’ny maha zanaky ny faritra Boeny an’ireto mpianatra ireto izay mivondrona ao anatin’ny fikambanana atao hoe SAMBO (Sata Andiany Mpianatry Boeny) no nisantarany izao fanomezana izao voalohany.
    Lire la suite ...
    • vendredi, 30 décembre 2016 09:25
    • Sary Sobika Sambava

    Sambava : Mpanarato iray voalaza fa nalain’ny zazavavindrano

    Nanaitra tokoa ny tranga niseho teto amin’ny reniranon’Agnovona, tsy lavitra ny tetezana Antaimby fa mpanarato iray antsoina hoe : Romain Désiré, 36 taona, no maty an-drano tamin’ny fomba hafahafa. Toy ny fanaony mahazatra dia lasa niandriaka tany an-dranomasina vao maraimbe, tamin’ny 3 ora, izy sy ny valilahiny ny alarobia teo, ary samy nitondra lakana. Tafaverina izy ireo nony tolakandro, ary nivarotra ny hazandrano izay azo. Taorian’izay dia nandray lakana indray hiampita hamonjy fodiana.
    Lire la suite ...
    • jeudi, 29 décembre 2016 16:50
    • Sary nindramina fampihaingoana

    Tezitra fa tsy nomena toaka : Maty novelesiny fanoto ilay tsy nanome

    Lehilahy iray izay nividy toaka teo amin’ny toeram-pisotroana iray tao Antanimalandy Avaratra-Mahajanga ny alin’ny 27 desambra teo, no tazany ka nanantonan’ity rangahy iray efa mamo. Nangataka toaka ity farany saingy tsy nahazo noho izy efa tena mamo. Lasa ilay rangahy mamo saingy nanao tampody fohy, nitondra fanoto ka nidaroka ilay rangahy nividy toaka ka tsy nanome azy. Potraka tamin’ny tany ilay voadaroka ary nitsipaka avy hatrany.Nosamborin’ny Fokonolona ilay nahavanon-doza ary nentina teny amin’ny mpitandro ny filaminana. Nilaza izy fa tsy nahatsiro tena fa mamo ary tezitra ka tsy voafehiny intsony ny hatezerany ka nahavita namono olona.
    Lire la suite ...
    • jeudi, 29 décembre 2016 16:12
    • photo d'Archives Net

    Ambatondrazaka : Un homme tué par des voleurs

    La population du district d’Ambatondrazaka vit actuellement dans la peur. Deux habitations sises dans le fokontany de Bejofo, commune d’Anambobe ont été victimes, dans la nuit du 29 décembre 2016, d’une attaque à main armée. En voulant protéger les siens, un père de famille est tombé sous les balles des bandits qui ont également fait main basse de 2 millions d’Ariary durant leurs opérations.
    Lire la suite ...
Page 5 sur 104
B1 - Polyclinique
B2 - Toa