Sociale

    • jeudi, 17 octobre 2019 21:43

    Antananarivo: Hisy fitsarana faobe ho an’ireo miandry ny fitsarana any am-ponja amina adi-heloka tsotra sy ny ady madio

    Hatomboka amin’ny 21 oktobra ny fanaovana fitsarana faobe « Audience Foraine » eto Antananarivo, hitsarana ireo adi-heloka tsotra izay miandry ny fitsarana azy ireo any am-ponja. Atao izao mba hamerenana amin’ny laoniny ny raharaham-pitsarana amin’ny alalan’ny fitsarana, araka ny toromarika nomen’ny Filoham-pirenena Andry Rajoelina. Hitarina manerana ny Nosy ity « Audience Foraine » ity satria mahatratra 60% mameno ny fonja ireo olona miandry ny fitsarana azy ireo noho ny resaka adi-heloka tsotra sy ny ady madio, hoy hatrany ny Filoham-pirenena.  
    Lire la suite ...
    • mercredi, 16 octobre 2019 20:56
    • Sary Gasypatriote Antsirabe

    Antsirabe-Vakinankaratra: Nahazo toerana fanaovam-pety ireo olona manana fahasembanana ara-pahitana

    Nankalaza ny andro manerantany ho an’ny « Tehina fotsy », fanao isan-taona isaky ny 15 oktobra ny Fivondronam-ben’ny fikambanana manana fahasembanana ara-pahitana, na ny “Fédération des Associations des Aveugles de Madagascar” na ny FAAM. Ny tanànan’Antsirabe no nosafidian’izy ireo nankalazana izany, satria Antsirabe no misy ny tetikasa « Voatra Asa », natao hanofanana ireo olona manana fahasembanana ara-pahitana, mba ahafahan’izy ireo mivoatra amin’ny fiainana ka tsy ho vesatra ho an’ny fiaraha-monina. Nanamarika ny fankalazana tamin’ity ny fitokanana ny « Kolokanto Espace », izay sehatra iray lehibe ahafahana mandray hetsika no sady hikoloana ny kanto sy ny talentan’ireo olona manana fahasembanana.
    Lire la suite ...
    • mardi, 15 octobre 2019 11:35
    • Sary nomena

    Ambalamanasy - Toamasina II: Maizina ampototry ny jiro

    Mananika ny fahaenina andro androany no miaina anaty haizina ny mponina eto Ambalamanasy, manodidina ny seranam-piaramanidina noho ny fahatapahan’ny jiro. Misy mpanamboatra lalana manoloana ny seranam-piaramanidina ka manontany ny mponina raha misy ifandraisany amin’io asa lalana io ny fahatapahan’ny jiro eto amin'ny manodidina, ny Jirama milaza isaky ny antsoin’ny mpanjifa fa efa eo ampitadiavana vahaolana izy ireo. Enina andro izao. Voatohintohina ny asa fihariana manoloana izany, ny fitaintainana amin’ny tsy fandriampahalemana manginy fotsiny, ka manaitra ny tompon'andraikitra ny mponina hamaha ny olana, satria ny faktiora tsy vitan’ny midangana fa voaloan’ny mpanjifa hatrany sy ara-potoana, ka maniry tolotra mifanaraka amin’izany izy ireo. (Jereo Sary Tohiny)  
    Lire la suite ...
    • lundi, 14 octobre 2019 09:50
    • Tahirin-tsary Gasypatriote

    JR Métaux Ampangambe: Nahatratrarana zaza tsy ampy taona ampiasain'ny orinasa

    Nisy fidinana ifotony nataon'ireo tompon'andraikitra momba ny asa teny an-toerana, tratra tamin'izany fa betsaka ireo mpiasa no tsy misy CNAPS, sy fiarovana ara-pahasalamana, misy zaza tsy ampy taona ihany koa ampiasain'ny orinasa. Hatreto aloha tsy misy fiovana ny loto aterak'ity orinasa mpandredrika vy ity eny Ampangabe Analamanga, fa mitohy hatrany ny fandotoana ny tontolo iainana izay mamparary ny mponina eny an-toerana. Ny tompon'andraikitra ambony ao amin'ny ONE, na ny sampana miaro ny tontolo iainana, mahafantatra tsara ny toe-draharaha, fa tsy arenesam-peo.
    Lire la suite ...
    • dimanche, 13 octobre 2019 12:15
    • Sary nomena

    Ady amin’ny VIH/SIDA, raboka ary tazomoka: Domy tapany handoa erany

    14 miliara dolara no voaangona, avy amin'ny fandraisana anjaran'ny firenena maro, entina hiadiana amin'ny aretina VIH/SIDA, ny raboka ary ny tazomoka, nandritra ny fihaonambe fahaenina hamerenana ny petra-bola maneran-tany hiadiana amin'ireo aretina ireo, natao tany Lyon Frantsa ny 9 sy 10 oktobra 2019 teo. Hitondra anjara biriky 1 tapitrisa dolara ho an’izany petra-bola izany i Madagasikara mandritra ny telo taona. Etsy ankilan’izany, mitentina 450 tapitrisa dolara ny vola ilain’i Madagasikara ho entiny manatanteraka ny paikady napetrany hiadiana amin’ireo valan’aretina telo ireo.
    Lire la suite ...
    • vendredi, 11 octobre 2019 19:18
    • Sary nindramina

    Mpiasam-panjakana ambony: Nivoaka ny andiany « HARENA » tao amin’ny ENAM

    Navoaka ofisialy ary notsofin-drano androany, zoma 11 oktobra 2019, ireo mpiasam-panjakana ambony vaovao miisa 150 mandrafitra ny andiany « HARENA » rehefa niofana sy novolavolaina nandritra ny roa taona tao amin’ny ENAM (Ecole Nationale d'Administration de Madagascar) Androhibe, Antananarivo. Andiany faha-27 izy ireto, ahitana « Inspecteurs de l’Administration Pénitentiaire » miisa 20, « Administrateurs Civils » miisa 44, « Agents Diplomatiques et Consulaires » miisa 20, « Ingénieurs des Services Topographiques » miisa 26, « Inspecteurs des Domaines et de la Propriété Foncière » miisa 15 ary « Inspecteurs du Travail et des Lois Sociales » miisa 25.
    Lire la suite ...
    • jeudi, 10 octobre 2019 16:10
    • Sary fampiaingoana nindramina

    Radaka boka: Mety mandany 60 tapitrisa dolara vao ringana eto Madagasikara

    Toamasina sy ny manodidina no mby an-tsaina vao “radaka boka” no resahina. Tamin’iny faritra iny rahateo no nahitana sy nandrenesana ny fisiany voalohany teto Madagasikara. Avy any amin’ny faritra Azia any, mety ho Cambodge na Vietnam na Thaïlande no fiavian’ity biby ity, ary niditra teto tamin’ny 2010 - 2011 nanaraka ireo entana tonga tao amin’ny seranan-tsambon’i Toamasina. Haingam-pitombo satria manatody eo amin’ny 40 000 isan-taona ny radaka boka. Tombanana eo amin’ny 120 km² ny velarantany efa ahitana io karazan-tsahona misy poizina io amin’izao fotoana, amin’iny atsimon’i Toamasina iny, ary any amin’ny 4 tapitrisa any ny isany raha ny vinavina tamin’ny 2015, araka ny voka-pandinihana nataon’ny Dr James Reardon, avy any Nouvelle-Zélande.
    Lire la suite ...
    • jeudi, 10 octobre 2019 12:42

    Toamasina: Hampiantrano ny fankalazana nasionaly ny Andro manerantany ho an'ny fahitana

    Lohahevitry ny fankalazana amin’ity taona 2019 ity ny hoe : "Tsinjovy ny fahitanao". Hisy tolotra ara-pahasalamana homena ny vahoaka izay tonga ao amin’ny Lapan'ny tanàna Toamasina anio mandritra ny hetsika. Hisy fitiliana maso faobe, fitiliana katarakta sy ny aretina hafa mahazo ny maso. Maimaimpoana ny hetsika. Velirano faha-5 nataon'i Andry Rajoelina, tamin’ny fifidianana filoham-pirenena ny fahasalamana ho an’ny rehetra, tanjona lehibe amin'izany ny fahafahan’ny tsirairay mahazo fitsaboana mendrika sy manaja ny maha-olona.  
    Lire la suite ...
    • jeudi, 10 octobre 2019 12:27
    • Sary nindramina

    Ady amin’ny VIH/Sida, raboka, tazomoka: Nahazoan’i Madagasikara 380 188 987 dolara tao anatin’ny 15 taona

    Any Lyon, Frantsa mitarika delagasiona malagasy mandray anjara amin’ny andiany faha enina amin’ny Fihaonambe ho famerenana ny loharanon-karenan’ny petra-bola manerantany hiadiana amin’ny fihanaky ny VIH/Sida, ny raboka ary ny tazomoka, ny filoham-pirenena Andry Rajoelina. Hanentanana ireo mpamatsy vola sy ireo firenena misitraka io petra-bola io ho an’ny fe-potoana 2021-2023 ity fihaonambe ity. Tanjona ny hanangonana 14 miliara dolara ho an’ny telo taona ho avy, izay hahafahana mamonjy ain’olona 16 tapitrisa voan’ireo aretina ireo. Tamin’ny taona 2003 i Madagasikara no nanomboka nisitraka io petra-bola io ary 380 188 987 dolara ny famatsiam-bola azoantsika hatramin’ity taona ity.
    Lire la suite ...
    • mercredi, 09 octobre 2019 19:30
    • Sary nomena

    Morombe: Ny Fokonolona mikarakara mikajy, ny Srilankey manao be fiavy manjono

    Malahelo ny mpanjono madinika aty Morombe manolona ny firodorodon’ny Srilankey, miaraka amin’ny fitaovana maro sy fahazoan-dalana hanjono sy hanangona haren-dranomasina. Misy Fokonolona mitantana ny fari-dranomasina aty Morombe. Efa an-taonany maro ny Fokonolona no nanao ireo asa « conservation marine » aty, mba hitantanana maharitra ny hazandranomasina, ka gaga izy ireo amin’ny fidiran'ireo vahiny ireo, tonga hanjono aty Morombe, miaraka amin’ny fitaovana tsy mbola fampiasan'ireo mpanjono madinika ety an-toerana.
    Lire la suite ...
Page 1 sur 192