Harry Laurent RAHAJASON: Fohanana ny mpanao gazety foza

  • mardi, 14 novembre 2017 11:04
  • Tigre
  • Sary Njaka

Hentitra dia hentitra ny minisitry ny serasera sy ny fifandraisana amin’ny andrim-panjakana Harry Laurent RAHAJASON fa dia hofohanana ireo mpanao gazety foza, ary hisy ny fandraisana andraikitry ny eo anivon’ny ministera mahakasika ny fanavaozana ny karatra maha matihanina ny mpanao gazety amin’io taona ho avy io raha nampiantso ny mpanao gazety teny Nanisana omaly alatsinainy 13 novambra izy.

Nolazainy araka izany fa efa tapitra amin’io taona ho avy io ny fem-potoana hitondran’ny holafitry ny mpanao gazety. Hisy araka izany ny fifidianana filoha an’io holafitra io amin’ny taona ho avy, koa amin’izany no hanaovana mialoha io karatra maha matihanina io.

Anisan’ny noresahina tao ihany koa ny filazana vaovao tsy marina, ary nisy araka izany ny fanakianana ireo gazety maromaro izay nomeny fampianarana manokana mihitsy amin'ny asa fanaovan-gazety.

Nasiany teny ihany koa ny fanasaziana ireo mpanao facebook manaparitaka vaovao tsy marina sy manaratsy ireo mpitondra. Izay faly hoy hatrany izy dia faly, izay tsy faly dia ny asany no ataony, hoy i minisitra Harry Laurent RAHAJASON, fantatratra amin'ny hoe Rolly Mercia, namarana ny resany.

Alohan'ny hampianatra olona izy dia tsara esoriny ireny romborombona mavomavo ranombolamena amin'ny sainam-pirenena ireny, fa tsy misy an'ireny ny Sainam-pirenena Malagasy, tsetsatsetra tsy aritra.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.
 
 
B1 - Polyclinique
B2 - Toa