Politique

    • vendredi, 11 octobre 2019 19:29
    • Zakaria
    • Sary nindramina

    Rina Randriamasinoro: Eto an-toerana ka hatrany ivelany

    Manohy ny diany any Eorôpa sy Etazonia i Rina Randriamasinoro, kandida Ben’ny tanàna eto Antananarivo Renivohitra, atolotry ny antoko Tiako i Madagasikara, mitondra ny laharana faha roa (2) amin'ny bileta tokana, mampahafantatra bebe kokoa ny vina heveriny hitantanana ny tanànan’Antananarivo amin’ireo Malagasy mpilaravinahitra any ivelany, maniry te handray anjara amin’ny fanatanterahana izany. Nahaliana an’ireo Malagasy mpilaravinahitra tafahaona tamin’i Rina Randriamasinoro ny vinan’ity kandida ity, ary maro ireo nilaza sahady fa hitondra izay anjara biriky azony atao ho fanohanana azy.
    Lire la suite ...
    • jeudi, 10 octobre 2019 21:25
    • Zakaria

    Moramanga: Nampahafantarina androany ny Governoran’Alaotra Mangoro, Dr Richard Ramandehamanana

    Nototosaina teto Moramanga androany alakamisy 10 oktobra 2019 ny lanonana nametrahana amin’ny toerany ny Governora vaovaon’ny faritra Alaotra Mangoro, Dr Richard Ramandehamanana. Nitarika ny lanonana teto an-toerana ny Tale jeneraly misahana ny tetikasan’ny filoham-pirenena, Augustin Andriamananoro. Efa lehiben’ny Faritra Alaotra Mangoro tamin’ny tetezamita i Dr Richard Ramandehamanana. Tale lefitry ny fampielezan-kevitry ny Komity mpampandany ny “ENY” izy, nanampy an’i Augustin Andriamananoro, nandritra ny fitsapankevi-bahoaka momba ny Lalampanorenana natao ny 17 novambra 2010.
    Lire la suite ...
    • jeudi, 10 octobre 2019 19:38
    • Zakaria
    • Photos fournies

    Plan Emergence Madagascar: La version préliminaire présentée aux Partenaires Techniques et Financiers

    Les membres du gouvernement ont rencontré les partenaires techniques et financiers de Madagascar dans une réunion présidée par le Premier ministre Christian Ntsay, ce jour au ministère des Affaires étrangères Anosy, où la partie Malagasy a présenté une base de la version préliminaire du Plan Emergence Madagascar, à la fois insistant sur les visions du Président de la République, entre autres ses 13 engagements, et sur la déclinaison de la politique générale de l’Etat dans ledit plan.
    Lire la suite ...
    • mardi, 08 octobre 2019 22:06
    • Zakaria
    • Sary nindramina

    Diplaomasia: Voaray eo anivon’ny UNESCO Rtoa Yvette Sylla

    Nanolotra ny taratasy fanendrena azy ho ambasadaoro, solontena maharitry ny Repoblikan’i Madagasikara eo anivon’ny UNESCO tamin’i Audrey Azoulay, Tale jeneralin’ity Sampan’ny Firenena Mikambana misahana ny fanabeazana, siansa ary ny kolontsaina ity, i Yvette Sylla. Tao amin’ny foiben-toeran’ny UNESCO no nanatanterahana izany androany 8 oktobra 2019. Ny 18 septambra 2019 i Yvette Sylla, vady navelan’ny praiminisitra teo aloha sady efa filohan’ny Antenimieram-pirenena teo aloha Jacques Sylla, no voatendry, nandritra ny filankevitry ny minisitra, ho Masoivohom-pirenena, sady solontena maharitr’i Madagasikara eo anivon’ny UNESCO ao Paris.
    Lire la suite ...
    • mardi, 08 octobre 2019 17:37
    • Tigre
    • Sary nindramina

    Botozaza Pierrot: Hanohana an’i Nantenaina amin’ny fifidianana Ben’ny tanàna

    Nanao fanambarana i Botozaza Pierrot, fa rehefa nandinika izy sy ny ekipany dia hanohana an’i Nantenaina amin’ny fifidianana Ben’ny tanàna hotanterahina amin’ny 27 novambra 2019. Praiminisitra lefitra misahana ny toekarena tamin’ny tetezamita i Botozaza Pierrot. Efa minisitry ny Fitaterana tamin’ny 2008, efa voafidy solombavam-bahoakan’i Toamasina tamin’ny anaran’ny antoko Tiako i Madagasikara talohan’izay. Efa Tale jeneralin’ny SPAT (Société du Port à gestion Autonome de Toamasina). Nirotsaka hofidiana tamin’ny anaran’ny tenany manokana ho depioten’i Toamasina I tamin’ny aprily 2019. Filohan’ny fikambanana ZAMI (Zanak'Ambanivolo Mivoatra) izy. Kandida narotsaky ny IRD amin’ny fifidianana Ben’ny tanànan’i Toamasina i Nantenaina, mitondra ny laharana voalohany (1) amin’ny bileta tokana.  (Jereo Sary Tohiny)
    Lire la suite ...
    • lundi, 07 octobre 2019 19:51
    • Zakaria
    • Sary Gasypatriote Antsirabe

    Ralison Andriamandranto: Hamerina ny hasin’ny fitantanana ny tanàna

    Taorian’ny nidiran’Atoa Eric Rakotoarisoa, filohan’ny HCC ankehitriny teo amin’ny sehatry ny politika dia mirona any amin’izany ihany koa ankehitriny Atoa Andriamandranto Ralison. Fantatry ny maro tamin’ny fitarihany ny SeFaFi (Sehatra Fanaraha-maso ny Fiainam-pirenena) moa izy ireo, izay samy mpikambana tamin’io fiarahamonim-pirenena io avokoa, ary fantatra tamin’ny fanankianana mavaivay ny mpitondra tamin’izay fanehoan-kevitra navoakany. Tapa-kevitra ny nirotsaka ho kandidà Ben’ny Tanana eto Antsirabe, renivohitr’i Vakinankaratra Atoa Ralison Andriamandranto ankehitriny. Vina ho azy ny famerenana ny hasin’ny fitantanana ny tanàna hisian’ny fihavaozana marina, mba ho tanàna fitaratra eto Madagasikara i Antsirabe ka hametrahany fomba fiasa amin’ny fiaraha-miombon’antoka eo amin’ny fanjakana sy ny mponina ary ny tompon’andraikitry ny tanàna.
    Lire la suite ...
    • lundi, 07 octobre 2019 19:50
    • Zakaria

    Solombavam-bahoaka: 2 amin’ny 151 no nanao fanambaram-pananana teny amin’ny HCC

    Andriamanalinarivo Raymond Michel Jocelyn, Solombavam-bahoaka IRD voafidy tao Antananarivo I, no nisantatra ny fametrahana ny tararatasy fanambaram-pananany teny amin’ny Fitsarana avo momba ny Lalampanorenana (HCC), tamin’ny 30 aogistra 2019. Taoriany i Milavonjy Andriasy Philobert, ny Solombavam-bahoaka tsy miankina voafidy tao Ambovombe Androy. Ny 01 oktobra 2019 no tafapetraka teny Ambohidahy ny taratasy fanambaram-pananany. Ny andininy faha-41 amin’ny Lalampanorenana no manery ny olom-boafidy hanao fanambaram-pananana mialoha ny handraisany ny asany.
    Lire la suite ...
    • dimanche, 06 octobre 2019 22:55
    • Zakaria

    Raharaham-pirenena: Tsara ny fanazavana nentin'ny Filoham-pirenena

    Misaotra ny Filoham-pirenena Andry Rajoelina, nitondra fanazavana tamin'ireo teboka maromaro momba ny fiainam-pirenena. Tsara ny toy ireny, tsy nisy loha-hevitra nodiana tsy hita, izay isaorana ireo mpanao gazety telo ihany koa, feno fasahiana nametraka ny fanontaniana. Na mitovy hevitra na tsia avy eo, ny zava-dehibe dia fantatra ny hevitry ny Filoham-pirenena, hita ny lalana tiany hombana. Nankafiziko manokana ilay fanentanana nataony ny rehetra hiaraka ampandroso ny Firenena, ny fitadiavana fitoniana, nefa koa mahazaka tsikera entina ampandrosoana, raha misy ny tsy mety, arahina soso-kevitra.
    Lire la suite ...
    • vendredi, 04 octobre 2019 22:39
    • Zakaria

    Lalatiana Rakotondrazafy Andriatongarivo: « Tsy manana eritreritra hamerina ny fanadinana Bakalorea ny governemanta »

    Nitondra fanazavana mikasika ny fivoahan’ny laza adina Bakalorea nialoha ny fotoana, sy ny savorovoro naterak’izany, tao amin’ny Radio Nasionaly Malagasy (RNM) io hariva io, ny minisitry ny serasera sy ny kolontsaina, sady mpitondratenin’ny governemanta, Lalatiana Rakotondrazafy Andriatongarivo. Nandritra izany no nilazany fa « Tsy manana eritreritra hamerina ny fanadinana Bakalorea ny governemanta ». Niaiky i Lalatiana Rakotondrazafy Andriatongarivo fa nisy ny fivoahan’ny laza adina Bakalorea nialoha ny fotoana, ary Faritra miisa 8 amin’ny 22 no voakasik’izany. Nanipika mazava ny minisitra fa « tsy ny taranja rehetra no nivoaka alohan’ny fotoana ». Nanamafy ny voalazan’ny minisitry ny fampianarana ambony sy ny fikarohana ara-tsiansa Pr Blanche Nirina Richard ny mpitondratenin’ny governemanta nilaza fa « misy finiavana hanao fanakorontanana ny Bakalorea ». « Efa nandray andraikitra ny fanjakana », hoy i Lalatiana Rakotondrazafy Andriatongarivo ary « mandeha, efa lasa lavitra sy lalina ny fanadihadiana ». Natsidikin'ny minisitry ny serasera sy ny kolontsaina nandritra ity fandaharana manokana tao amin’ny RNM ity, fa hiteny amin’ny vahoaka malagasy ny filohan’ny Repoblika Andry Rajoelina amin’ny alahady 6 oktobra 2019 izao.  
    Lire la suite ...
    • jeudi, 03 octobre 2019 08:10
    • Zakaria
    • Sary nindramina

    Tia Tanindrazana: Antoko mijoro ho vahaolan'ny firenena

    Nampahafantatra ny fisiany sy ny vinam-piarahamoniny ny antoko Tia Tanindrazana ny alarobia 2 oktobra 2019, nandritra ny hetsika nataony tao amin'ny Le Pavé Antaninarenina Antananarivo. Miditra an-tsehatra lalindalina kokoa amin’ny raharaham-pirenena ny Tia Tanindrazana ankehitriny, hoy Ramanantsoa Schall, Sekretera jeneralin'ny antoko. Manana ny vinam-pampandrosoana mazava ny Tia Tanindrazana, izay mifototra amin’ny Fanabeazana, ny Fitsinjaram-pahefana tena izy ary ny Teknolojia, araka ny famelabelarana nataon'i Tahina Razafinjoelina, filoha nasionalin'ny antoko.
    Lire la suite ...
Page 9 sur 107