Politique

    • samedi, 20 juillet 2019 14:30
    • Britto

    Governemanta: Maniry hanana minisitra amin’izay ny FITEFA

    Anisan’ireo fikambanam-paritra naneho ny hafaliany sy fisaorana ny filohan’ny Repoblika ny FITEFA (Fikambanan’ny Teraky ny Faritanin’Antsiranana) tamin’ny nitazomana amin’ny toerany ny praiminisitra lehiben’ny governemanta, Ntsay Christian, izay zanaky ny Faritany Antsiranana. Mangataka ny mba hanendrena amin’izay ny zanaky ny Faritany ho isan’ireo minisitra handrafitra ny Governemanta vaovao ny FITEFA, nandritra ny tafa nataony tamin’ny mpanao gazety omaly. Nitanisa antony maromaro nanamafisana izay fangatahana miendrika fitakiana izay i Bekasy Johnfrince, filohan’ny FITEFA, toy ny hoe : miantoka ny 38% ny vola miditra amin’ny kitapombolam-panjana ny Faritanin’Antsiranana noho ny otrikarena ananany. Voalohany amin’ny famokarana lavanila ny Faritra SAVA, i Nosy-Be (DIANA) malaza manerantany amin’ny fizahantany sy ireo zavamanitra ary ny trano fandraisam-bahiny manara-penitra hita ao aminy. Porofon’izany ny fisian’ny sidina iraisam-pirenena farafahakeliny in-15 isan-kerinandro.  
    Lire la suite ...
    • jeudi, 18 juillet 2019 22:22
    • Britto
    • Sary nomena

    Fifidianana: Miala nenina ny Fivondronan’ny olom-pirenena miady amin’ny hosoka

    Tonga tao amin’ny Lapan’ny Antenimieran-doholona Anosikely nanatitra ny fehin-kevitra tapaka nandritra ny fivorian’izy ireo tao amin’ny Carlton ny alatsinainy 15 jolay teo, ny Fivondronan’ny olom-pirenena miady amin’ny hosoka, androany. Nitarika ny delegasiona i Rakotonirina Jean Claude Roger. Ny Filoha lefitry ny Antenimieran-doholona avy amin’ny Faritanin’i Toamasina, Malo Benoit no nandray azy ireo tamin’izany. Nanazava i Rakotonirina Jean Claude Roger fa maro isan-karazany ny hosoka sy ny tsy fahatomombanana hita soritra nandritra iny fifidianana solombavambahoaka notontosaina farany teo iny, ka tsy tokony hirosoana ny fifidianana manaraka eo raha tsy voahitsy ny lalàna mifehy ny fifidianana, mba hanatsarana ny vokatra. Nambarany fa ny Andrimpanjakana rehetra sy ny Governemanta dia samy hanateran’izy ireo an’io fehin-kevitra io, ho fampahafantarana sy ho fanarenana ny tsy mety rehetra alohan’ny hiatrehana ny fifidianana ho avy. (Jereo Sary Tohiny)  
    Lire la suite ...
    • jeudi, 18 juillet 2019 19:51
    • Britto
    • Sary Njaka

    Antenimieram-pirenena: Famindram-pahefana

    Notontosaina androany teny amin'ny lapan'ny Antenimieram-pirenena Tsimbazaza ny fanaovan-tsonia famindram-pahefana teo amin'ny filohan'ny Antenimieram-pirenena teo aloha Andriamatoa Jean max Rakotomamonjy sy ny filoha vaovao Ramatoa Christine Razanamahasoa. (Jereo Sary Tohiny)  
    Lire la suite ...
    • jeudi, 18 juillet 2019 12:43
    • Britto

    Antenimieram-pirenena: Feno ireo mpikambana mandrafitra ny Birao Maharitra

    - Voafidy ho filoha: Razanamahasoa Christine (IRD/Ambatofinandrahana); - Voafidy ho filoha lefitra Faritany Toliara i Rabenirina Jean Jacques (IRD/Betioky Atsimo); - Filoha lefitra Faritany Fianarantsoa: Razafitsiandraofa Jean Brunelle (IRD/Ikongo); - Filoha lefitra Faritany Antananarivo: Rasolonjatovo Honoré dit Papasolo (IRD/Faratsiho); - Filoha lefitra Faritany Toamasina: Michelle Bavy Angelica (IRD/Fenoarivo-Atsinanana); - Filoha lefitra Faritany Mahajanga: Rahantinirina Lalao dit Ninà (IRD/ Mahajanga I);- Filoha lefitra Faritany Antsiranana: Rahelihanta Jocelyne (IRD/ Antsiranana I).
    Lire la suite ...
    • jeudi, 18 juillet 2019 12:09
    • Njaka
    • Sary Njaka

    Antenimieran-doholona: Ankalazaina ny faha 60 taonany

    Hankalazaina amin'ny alatsinainy ho avy izao ny faha 60 taonan'ny Antenimieran-doholona na ny SENAT, ka atomboka amin'ny fanompoam-pivavahana hiarahana amin'ny be sy ny maro ny maraina ary ny tolakandro kosa dia hisokatra mandritra ny telo andro ny valandresaka ho an'ny rehetra, izay atao eo amin'ny parking ny Sénat ihany, arahina fifanakalozan-kevitra izay tarihin'ny filohan'ny Antenimieram-doholona Rivo Rakotovao. (Jereo Sary Tohiny)
    Lire la suite ...
    • mercredi, 17 juillet 2019 22:13
    • Britto

    Antenimieran-doholona: Nosoloina ireo Senatera roa voafidy solombavambahoaka

    Hisolo ny toeran-dRamatoa Ramarosoa Emiline, izay voafidy ho solombavambahoaka tao Amparafaravola tamin’ny anaran’ny vovonana IRD, ao amin’ny Antenimieran-doholona Randriamananjara Philibert izay faharoa tamin’ny lisitra « MIFANASOA » tamin’ny fifidianana senatera tao amin’ny faritanin’i Toamasina. Randriamanantena Vévé, fahatelo amin’ny lisitra « MAPAR » tamin’ny fifidianana senatera tao amin’ny faritanin’i Mahajanga, kosa no handray ny toeran’ny Velontsara Paul Bert, noho ity farany voafidy ho solombavambahoaka tamin’ny anaran’ny vovonana IRD tao amin’ny Distrikan’i Port Bergé. Namoaka didy laharana 47-HCC/AR ny 17 jolay 2019 ny Fitsarana avo momba ny Lalampanorenana rehefa hita ny fahabangan-toerana tao amin’ny Antenimieran-doholona rehefa voafidy ho solombavambahoaka ny mpikambana roa tao aminy.  
    Lire la suite ...
    • mercredi, 17 juillet 2019 22:04
    • Britto

    Antenimierandoholona: Valo ny isan’ireo Filoha nifandimby nitantana an’ity Andrimpanjakana ity

    60 taona ny Antenimierandoholona. Hankalazaina mandritra ny herinandro manomboka ny 22 ka hatramin’ny 27 jolay 2019 ho avy izao izany. Miisa valo ireo Filoha nifandimby nitantana an’ity Andrimpanjakana mpanao lalàna ity tao anatin’izay 60 taona izay. - Gabriel Rajaonson (1959-1960) - Jules Ravony (1960-1963) - Siméon Japhet (1964-1972) - Honoré Rakotomanana (mey 2001-jolay 2002) - (febroary 2016-oktobra 2017)
    Lire la suite ...
    • mercredi, 17 juillet 2019 21:37
    • Britto

    Antenimieram-pirenena: Noraofin’ny IRD avokoa ny toeran’ny filoha lefitra, nanjaka ny miralenta

    Voafidy ny tolakandro teo teny Tsimbazaza ireo filoha lefitra enina, isany mandrafitra ny Birao maharitry ny Antenimieram-pirenena. Rasolonjatovo Honoré ho an’ny Faritanin’Antananarivo ; Solombavambahoaka voafidy tao amin’ny Distrikan’i Faratsiho, Faritra Vakinankaratra izy. Rahelihanta Jocelyne, ho an’ny Faritanin’Antsiranana ; Solombavambahoaka voafidy tao amin’ny Distrikan’Antsiranana I, Faritra DIANA izy. Rahantanirina Lalao ho an’ny Faritanin’i Mahajanga ; Solombavambahoaka voafidy tao amin’ny Distrikan’i Mahajanga I, Faritra Boeny izy. Razafintsiandraofa Jean Brunelle ho an’ny Faritanin’i Fianarantsoa ; Solombavambahoaka voafidy tao amin’ny Distrikan’i Ikongo, Faritra Vatovavy Fitovinany izy. Michelle Bavy Angelica ho an’ny Faritanin’i Toamasina ; Solombavambahoaka voafidy tao amin’ny Distrikan’i Fenoarivo Atsinanana, Faritra Analanjirofo izy.
    Lire la suite ...
    • mercredi, 10 juillet 2019 20:26
    • Tigre
    • Sary nindramina

    Diplomasia: Krizy eo amin'ny Amerikanina sy ny Angilisy

    Efa teny ambony gazety vao samy taitra ny rehetra, nahita ny tatitra tsiambaratelo nataon'ny ambasadaoro angilisy, Kim Darroch, miasa any Amerika, ho an'ny fitondrana angilisy. Milaza ity tatitra tsiambaratelo ity, fa "tsy milamina, ary tsy mahay ininona ("instable" et "incompétent") ny filoha Donald Trump, ary ny fandraharana amerikanina dia "tokana amin'ny tsy fanjariany ('"unique dans son dysfonctionnement"). Toy ny mahazatra moa dia tsy niandry ela ny filoha amerikanina tamin'ny alalan'ny Tweet, nanamaivoka an'ity diplomaty agilisy ity, ary nilaza mazava fa tsy mila mifandray amin'olona "vendrana sy donto ("stupide")" intsony, ary mitsahatra ny fifandraisana amin'ny Angilisy amin'ny alalan'ity ambasadaoro ity.
    Lire la suite ...
    • mercredi, 10 juillet 2019 16:10
    • Britto

    Fitsinjaram-pahefana: Hisy fandrafetana politika vaovao

    Nitarika ny fivoriana izay handrafetana ny politika vaovaon’ny fitsinjaram-pahefana eto Madagasikara ny Praiminisitra, Lehiben’ny governemanta, Ntsay Christian, niaraka tamin’ireo mpikambana sasantsasany ao anatin’ny governemanta sy ireo tompon’andraikitra izay voakasik’izany. Nanambara ny lehiben’ny governemanta fa ny fampandrosoana ny firenena amin’ny fotoana haingana sy amin’ny fomba maharitra no tanjona, ka ny fitsinjaram-pahefana no anisan’ny lalana ary fitaovana anankiray mba hanatrarantsika izany tanjona izany. Zavatra telo no ilaina amin’izany, hoy izy dia ny fizarana ny fahefana any amin’ny faritra, mba hahafahan’ireo tompon’andraikitra manapa-kevitra haingana sy mitondra vahaolana ho amin’ireny olana maro samihafa sy laharam-pahamehana hita any ifotony ireny, fa tsy hiandry ny vahaolana avy aty amin’ny fanjakana foibe hatrany.
    Lire la suite ...
Page 4 sur 94